It's N'gaous

15/03/2025

15/03/2025

سلام خويا ني خدمة ني قرايا 21 سنة غير تطياح و ميصومش رمضان و يقولنا نقتلكم كامل ضيعتوني و انتو
بابا دايرنا كولش الحمدلله و قالو ارواح تخدم معايا نخلصك مليح و تحب تقرا ولا سبور نخليلك لوقت والو كل يوم يسب دكا كنت راقدا ناض يطيب و مايخلينيش نرقد حتى راسي يوجعني و نقرا على جالو درت اقامة و نتمرمد غير باش نهني راسي كسر الباب و يتكيف فرمضان كراسا بيوضا جدد عمرهم بدخان زكارة واش لحل تعه محبش يروح طبيب محب راقي واعي بكلش تقول زكارة بابا يكون راقد مسكين يفتح عليه الباب و يشعله الضوء والله غير لعياط كل يوم

14/03/2025

السلام عليكم ورحمة الله وبركاته
خاوتي والله ما لقيت لمن نشكي، علابالي الشكوى لربي بصح صايي كرهت، بالاك نتوما تبانلكم حاجة تافهة بصح انا رجعت نتمنى فالموت 💔
بون انا طفلة عمري 27 سنة جاية ضعيفة بزاف بزاف وما فياش كامل علامات الأنوثة وزيد سمرا بزاف والحاجة اللي نلبسها ما تجيش عليا ونظل نقارن في روحي بالبنات وكي كنت صغيرة كنت ديما نتعرض للتنمر بسبب هذا الشي خاصة من طرف الأقارب وديما يقارنوني بخواتاتي واللي سببلي عقدة نفسية من الصغر وبقات فيا لدرك حتى رجعت ننظر لروحي بدونية واحتقار.
واللي زاد الطين بلة وأزملي حالتي النفسية أنو واحد تقدملي حاب يخطب وهو شافني برا وعجبتو والمشكلة شافني بالحجاب عريييض والخمار شرعي يعني ما نبانش كامل بلي ضعيفة والمشكلة الثانية أنو وجهي معمر ولونو فاتح يعني ما يشبهش جسمي نهائيا مع اني ما نديرش الميكب.
انا رفضت موضوع الخطبة ومنحية موضوع الزواج كامل من الحساب بسبب العقدة من شكلي وديما نقول شكون رح يحبني انا وحتى ولو قبل بيا وتزوجنا مارايحش يكون قانع بيا ويروح يحوس على الزين برا، ولا ممكن مبعد يرجع حتى هو يعايرني ويتنمر عليا.💔
المهم انا رفضت لكن دارنا حتمو عليا وبقاو يضغطو فيا حتى قبلت نديرو رؤية شرعية.
درك راني غير من مراية لمراية ونظل نبكي وقد ما ماحاولت نتقبل شكل جسمي ووالو وندعي غير ربي يدي أمانتو حتى قبل ما يجيو للدار ويشوفوني، ومرات نخمم ننتحر ونهني روحي بصح ما نقدرش نخسر دنيا وآخرة.
مرات نقول ننوض نخدم على روحي نزيد فالوزن ووالو قد ما حاولت ما نفع فيا والو روحت للاطباء كامل ومالقيت حتى نتيجة.
درك نتوما الرجال قولولي وش يهمكم فالمرأة يكفي أنها تكون شابة في وجهها حتى ولو ما عندهاش جسم أنثوي وضعيفة بزاف! تتقبلو وحدة سمرا بزاف وعندها تباين ألوان في جسمها!
جاوبني بصراحة مش بعاطفية💔
مع العلم اني الحمد لله متربية وذات دين وخلق ومن الناحية الأخلاقية ولا في شخصيتي عندي كامل المواصفات اللي تتحب، مشكلتي كامل مع جسمي😭
وهل تشوفو انو هذا مرض نفسي ولازملو أخصائي ولا وش الحل تاعو لأني راني نخمم غير نلغي موضوع الخطبة والزواج نهائيا
ماتقولوليش ديري الثقة في روحك واخرجي الاسد الذي بداخلك لأني صح عييت وقد ما حاولت ما قدرتش💔

25/02/2025

#رسائلكم ...

خاوتي عندي بروبلام في حياتي اني نحب نرقد وقت القيلولة لازم مكاش كيفاش ودوكا تزوجت وراني مسؤولة على دار و راهم يجو ليا الضياف ويجو بكري وليت نحشم وكي منرقدش تبان عليا نولي مشي نورمال 😭 والفت الله غالب ملي كنت في دارنا ديجا كي كانو يجوني في مهيبات نرقد شويا وبعد نود باش نود نورمال انا نحب الضياف مرحبا بيهم مي يجو من 5 للفوق لحبو يتعشاو مرحبا بيهم مي وقت القايلة منقدرش واش ندير كاش حل زعما نورمال ولا عندي كاش مرض بسكو كي منرقدش نحس روحي راح نتغاشااا تبان عليا وحتى انا كي نضيف منحبش نروح بكري ولاو كي يعرضوني مع عجوزتي تشنف عليا تقلي كيفاش دوك انا ندلك قوسطوك نتي لي تبدلي عقليتك شكون كيما انا منحسش روحي وحدي

25/02/2025

كمية الشوا ذ فالجزائر ولات تخوفني
المشكلة انو البعض تلقاه طول و عرض و لحية ربي بارك مي مع الوقت تكتاشفو والله ربي يستر

25/02/2025

راح لي بغبغاء سنغالي في راس العين اللي لقاه يرجعوا لي من فضله راح لي البارح ان شاء الله نلقاه امين يا رب العالمين
#رسائلكــــــــم

24/02/2025

#رسائلكــــــــم
بابا شرا بيس جديدة وحب يزعق مع يما شويا راح عيطلها يما رفدت عليه قالتلو أنت شكون؟ قالها انا اللي كنت نستنا فيك من سنين انتي الحب والعشق والحنين انتي حبك في قلبي خيرمن اي فيتامين يما كوبت عليه في وجهو راح زاد عيطلها يما رفدت عليه قالتلو شوف لوكان متلمش روحك وتروح متزيدش تعيط نسبك قالها سبيني انتي السب من عندك دواء وانا قلبي في حبك انكوى يما راحت عيطتلي من البيت قالتلي ارواحي ردي على هذا لي ميحشمش مصباح وهو يعيطلي قولتلها شكون هذا؟ قالتلي واحد راهو يعكس فيا شدي قوليلو زوج كلمات يفهم روحو و أنا شديت قولتلو زوج كلمات وضرك راني بايتة عند جداتي😂😂😂

24/02/2025

راهي حاكمتني القنطة من #راجلي مهوش سيريو خلاص يضحك بزاف كي يشوفني يكلاطي بضحك قلت ممكن مكياجي معجبوش نقص منو شويا و كي نوضو صباح باش يروح يخدم و احنا نشربو في قهوة يشوف معايا و يحضني و هو يضحك قتلو تقعد هك نرفد قشي و بنتي و نروح و فالأحلام متزيدش تشوفني قالي شكون أحلام مستغانمي و لا مقهورين مني و ناض يضحك بديت نبكي حضني و قالي أش عمري نبغيك وش رايحا طيبي لينا في فطور قتلو كون مستقيم شويا و نطيب ليك شا تبغي قالي علاش تشوفي فيا مثلت و لا مربع و ناض يضحك يا لبنات عندي معاه 3 سنين زواج دايرلي هكا و انا حق الحق يكسيني يشريلي اللي نبغي حاجة مخصتني معاه مي هذ ديفو تاعو و نهار رحت عند طبيبة قالت لي راكي بحمل #بتوأم كي خرجنا من عندها كلاطا بضحك قالي واحد أولديه السنة و الزاوج خليه لعام جاي و مالقري سقسيت عليه في خدمة قالولي إنسان عاقل و رزين و يعرف غير خدمتو و ما يضحكش بزاف تسما راه يضحك عليا راني نخمم نطلق منو
أنصحوني...

22/02/2025

هبلتوني عليه بوراك بوراك
حشوات البوراك 🥟🌙🌯 كاااااااااااملين
اكثر من 17حشوة بوراك
تحتاجيهم للتنويع في #رمضان 2025 ربي يبلغنا اياه

🥣بطاطا مفورة ارحيها زيديلها ملح فلفل اكحل معدنوس وفرماج
🥣بطاطا مفورة ارحيها زيديلها ملح فلفل اكحل بصلة تكوني ذبلتيها ف زيت حتى تتكرمل + علبة تونة بالزيت
🥣 مورصو دجاج طيبيه ف الما وورقة رند كي يطيب فتتيه زيديلو بيشامال ثقيلة اكديلي على ثقيلة و فرماج
🥣 بطاطا مفورة أمرسيها بفرشيطة زيديلها مورصو كاشير يكون نوعية مليحة ولا پاتي مسكرفج و لمي بشوي فرماج
🥣 سلق مفور ومعصووور مليح حمسيه ف زيت وملح فلفل اكحل زيديلو زيتون ايفيلي وحبة بطاطا مرحية وفرماج
🥣 طيبي شوي روز زيديلو علبة تونة تع طماطم وفرماج
🥣 فيونداشي حمسيه بالبصل وملح فلفل اكحل فقسي عليه زوج بيضات وخلطي كي يطيب البيض زيدي فرماج
🥣 بطاطا مفورة ارحيها زيديلها زوج بيضات مغليين ومسكرفجين والفرماج ملح فلفل اكحل و حشيش مقطع
🥣ماعندك لا لحم لا طون سكرفجي كورجات وجزر قلي حبة بصل مسكرفجة زيديلها الخضرة و ملح فلفل اكحل خليهم يطيبو حتى ينشفو وزيدي فرماج
🥣 حمسي بصلة حتى تذبل تبليها زيديلها علبة تونة طماطم و خضار مفورة مربعات ملح فلفل اكحل
🥣 كبدة دجاج اقليها فتتيها زيديلها بطاطا مغلية مرحية وتوابل وحشيش وفرماج
🥣 بقاتلك المعقودة فتتيها زيديلها فرماج واحشي بيها
🥣 بقاتلك الغراتان فتتيها زيدليها فرماج وحشيش واحشي بيها لا للتبذير
🥣 ارحي شوي دجاج حمسيه مع بصل مسكرفج وتوابل الشاورما كي يطيب زيديلو بيض مغلي مسكرفج وجبن
🥣 غلي بطاطا وجزر كي يطيبو ارحيهم وتبليهم زيدلهم طون وفرماج
🥣 لي يحبو الحار ارحي بطاطا مفورة زيديلها دجاج مرحي مقلي بالملح وفلفل اسود زيدي مغيرفى هريسة وحشيش مقطع وحبتين فرماج

14/02/2025

فوائد السرو cyprès :
عشبة تقضي نهائيا على التبول أللاإيرادي :

بسرعة وبطريقة مضمونة تم ايجاد علاج لمشكلة التبول اللاإيرادي و بشرى لجميع الأمهات اللواتي يعانين من هذه المشكلة.
إن التبول اللاإرادي سببه برود في عضلات المثانة، حيث يفتح الصمام تلقائياً دون أن يتلقى رسالة من الجهاز العصبي ولا أي إشعار مسبق للفتح، وتستمر الحالة حتى بلوغ الطفل الثانية عشرة وأكثر".
تعد الشجرة هي السرول أو السرو ،اسمها العلمي cyprès، وهو يزرع لتسييج الحدائق وكمصدات للرياح، ويتواجد في أغلب بلدان العالم ويخلف ثمارا تشبه العفص، تحتوي على زيت طيار يضم الباينين، الكامفين والسيدرول حيث تعمل هذه المكونات على إرسال الرغبة للتبول إلى المخ والذي يتمسك بإبقاء الصمام مغلقا لأطول وقت ممكن وإيقاظ الطفل إذا كان نائما”.
طريقة الإستعمال
" يتم أخذ عدد 2 من الثمار ويتم غليها في مقدار كوب متوسط الحجم من الماء لمدة خمس دقائق، ثم تشرب بعد تناول العشاء بساعة وذلك لمدة خمسة عشر يوماً متتالية ويقع التخلص من هذا المشكل نهائياً بفضل الله تعالى".

قبل الخروج صل على النبي صلى الله عليه وسلم ❤️

09/02/2025

و مع إقتراب شهر رمضان
اللهم اخرج سكان الغرب من ظلمات الحريرة الى نور الشربة فريك

08/02/2025

عندي لوستي 40 سنة عزبا ماجابلهاش ربي ساكنة معايا انا وراجلي وولادي هي يتيمة وخواتاتها وخوتها لخرين متزوجين هي حنينة قايمة بالدار طيب تغسل كلش و ولادي يحبوها بزاف مايقدروش يستغنوا عليها بصح انا حابة نعيش وحدي كي الناس انا وولادي وراجلي ضايقت منها هدرت معاها قتلها روحي لداركم عيشي حتى ربي يجيبلك مكتوب زعفت راهي من البارح غالقة على روحها ماحبت لاتاكل لاوالو كيفاه ندير معاها دوكا بدون تجريح ديروا رواحكم بلاستي