Televizija Kocani

21/07/2025

ВО ОПШТИНА ЧЕШИНОВО - ОБЛЕШЕВО ФОРМИРАНО НОВО ЗДРУЖЕНИЕ НА МЛАДИ ЗЕМЈОДЕЛЦИ

21/07/2025

ДЕНЕСКА И ВО НАРЕДНИТЕ ДЕНОВИ - ПЕКОЛНО ЖЕШКО

21/07/2025

АКЦИСКИ КОНТОЛИ ВО ВИНИЧКИ УГОСТИТЕЛСКИ ОБЈЕКТИ

21/07/2025

Моментално имаме потреба од 3 (три) ново вработени лица за работно место

Сетер – КЕ

Одговорности и задачи:
• Поправка и одржување на машините во производсво
• Инсталација на нови машини и опрема (доколку има потреба)
• Користење на техничка документација за опремата и водење на грижа за истата
• Извршување на превентивни активности и проверка дали истите се направени
• Ефикасна и фер соработка со останатите сектори
• Задолжителна тимска работа
• Да се обезбеди бараната функционалност на опремата
• Примање и пренесување нови знаења, за себе и за ново вработените
• Да ги подесува/ монтира, демонтира и прилагодува машините за преработка и проверка на кабли за автомобилска индустрија : операции како што се кримпирање, свиткување, тестирање, изработка на попречен пресек на кримп во лабораторија
• Да врши нивна проверка и тестирање според однапред определени и упатства
• Да учи и стекнува перманентно нови знаења за работното место и производниот процес заради остварување на дневните цели и врвен квалитет

Потребни квалификации:
• Способност да ги следат и почитуваат процедурите и работните упатства
• Читање / Пишување / Сметање / Разговор и комуникација / Среденост и уредност
• Внимание и концентрација кон детали во брза и динамична работна средина
• Способност за концентрација и повторно извршување на истата задача постојано
• Способност за запазување на промени при повторувачки процеси
• Запазување разлики во големината и обликот на линии или предмети
• Прецизно следење на инструкциите и точно работење
• Да донесуваат одлуки врз основа на стандарди кои се претходно проверени
• Да можат да работат под временски притисок и да прифаќаат работа во три смени
• Висок степен на координација и работење со рака / око при употребата на различните алатки и мерни инструменти кои се неопходни во процесот на подесување

Вашите апликации ги очекуваме најдоцна до 25.07.2025година по електронски пат на следнава адреса: [email protected] или директно во канцеларијата на оддел за човечки ресурси со назнака: Сетер – КЕ
Напомена:
• Ќе бидат контактирани само лицата кои ќе влезат во потесен избор.
• Апликациите без назнака за кое работно место се однесуваат нема да се земат во предвид.

20/07/2025

Акциска контрола во винички угостителски објекти, лишено од слобода едно лице, затекнати малолетнициСиноќа и денеска (19/20.07.2025), во временскиот период од 22.00 до 02.30 часот во рамки на активностите на Секторот за внатрешни работи Штип од страна на полициски службеници од ОВР Виница, ПС ОН Берово, ПС ОН Пробиштип, ПС БПС Штип, од ПСОН Штип и од ОКП Штип, беше спроведена акциска контрола во угостителски објекти на подрачјето на Виница, објекти што ги посетува младата популација.Во овие активности беа вклучени и претставници на Државниот пазарен иснпекторат, на Управата за приходи, на Државниот трудов инспекторат и на ДЗС. Притоа детално се контролирани три угостителски објекти при што едно лице е лишено од слобода по член 215 од КЗ на РСМ, а од страна на УЈП констатиран е прекршок по чл. 5 ст. 10 од Законот за регистрирање на готовински плакања.

Покрај ова во еден од објектите констатирано е присуство на четири малолетни лица за кои постојат основи на сомнение дека се послужени со алкохолни пијалоци, а по добиените резултати од вештачењето ќе биде покрената и соодветна постапка.Малолетниците веднаш се повикани во просториите на ПС ОН Виница и во присуство на нивни родители е извршен разговор, в.в сторена КД по чл. 204 од КЗ на РСМ. Дополнително од страна на ДПИ Штип констатирано непоседување на Одобрение за користење на јавна површина од општина Виница, а неправилности се утврдени и од ДТИ односно констатирано е дека се затекнати работно ангажирани лица за коишто не е приложен доказ за заснован работен однос. Меѓу затекнатите работно ангажирани лица во еден од објектите затекнато е и малолетно лице за кое што исто така не е приложен доказ за засновање на работен однос. Инаку за активностите е известен и дежурен ЈО при ОЈО Кочани.

19/07/2025

Драги сограѓани, почитувани родители и семејства засегнати од трагедијата која длабоко ја потресе нашата заедница,

Се извинувам доколку со мојот потег за музичкиот дел од програмата за Петровден несвесно сум повредил некого.

Свесен сум дека постоеја и јавно изразени ставови од некои граѓани дека не треба да присуствувам на „Маршот на ангелите“. За жал, притоа бев навредуван со клетви и погрдни зборови. Иако тоа длабоко ме потресе како човек, не им го земам за зло. Ја разбирам болката што стои зад тие зборови. Кога ќе изгубиш најмил, зборот често станува крик, а тишината товар кој тешко се носи.

Како в. д. градоначалник, мојата улога не е само административна, туку и човечка. Да бидам со сите граѓани, да слушам, да разбирам и да дејствувам со одговорност и чувство.

Сакам да го сочуваме достоинството на градот, но и да создадеме простор за напредок и развој, особено за младите, за животот што мора да продолжи, со сите негови тешкотии и светлини.

Ве повикувам заедно, со разум и одговорност, да започнеме промена на системот кој со години ја подрива довербата и безбедноста во нашата заедница. Трагедијата од 16 март не беше несреќа, беше последица на долгогодишна негрижа на државните институции.

Уште еднаш, искрено и со почит се извинувам на сите кои се почувствуваа повредени. Останувам отворен за дијалог, со желба и волја да чекориме напред заедно.

Со почит,
Венко Крстевски
в. д. градоначалник на Општина Кочани

19/07/2025

Марш на Ангелите - пред Основен Суд!!!

19/07/2025

Марш на Ангелите!!!

19/07/2025

19/07/2025

МАРШ НА АНГЕЛИТЕ !!!

19/07/2025

Македонска Каменица и Рикалдоне официјално се збратимени општини – градоначалникот Атанасовски најави ново поглавје во меѓуопштинската соработка

Рикалдоне, Италија – Денеска во просториите на Општина Рикалдоне, Италија, градоначалникот на Македонска Каменица, Димчо Атанасовски, заедно со градоначалничката на Рикалдоне, Laura Graziella Bruna, потпишаа Меморандум за соработка, со кој двете општини официјално добија статус на збратимени општини.

Со потпишувањето на овој значаен документ се поставуваат темели за продлабочување на пријателските односи и соработка во повеќе области – образованието, културата, туризмот, заштитата на природните ресурси, како и меѓународното поврзување.

Соработката ќе се одвива преку размена на искуства и имплементација на заеднички проекти, со цел подобрување на квалитетот на живот и поттикнување на одржлив развој за жителите на двете општини.

Особено значење ова збратимување има за македонската дијаспора во Италија, а градоначалникот Атанасовски упати благодарност до здружението „Заедно – Insieme“ од Рикалдоне и до сите Македонци кои живеат и работат во регионот Пиемонт.

„Верувам дека денешниот чин е темел на едно долго, искрено и плодотворно пријателство меѓу нашите општини,“ изјави Атанасовски.