Radio Breizh

Radio Breizh Porched ar radioioù kevredigezhel e yezhoù Breizh. Le portail des radios associatives en langues de Bretagne.

KENAVO GILBERT Trist eo Radio Breizh ha rouedad ar radioioù brezhonek o klevet eo aet Gilbert Cabon diouzomp. A-youl vat...
15/07/2025

KENAVO GILBERT

Trist eo Radio Breizh ha rouedad ar radioioù brezhonek o klevet eo aet Gilbert Cabon diouzomp. A-youl vat e Arvorig FM da gentañ e oa deuet da gas e nerzh e burev Brudañ ha Skignañ. Evel teñzorour en doa meret ar c’hontoù en un doare aketus ha politikerezh ar gevredigezh en un doare denel.

Arvorig FM, Radio Kerne, Radio Bro Gwened, Radio Kreiz Breizh ha Radio Naoned a gas o soñjoù donañ d’e familh.

Radio Breizh et ses radios en langue bretonne sont tristes d’apprendre le décès de Gilbert Cabon. Bénévole à Arvorig FM, il avait rejoint avec engagement le bureau de Brudañ ha Skignañ en tant que trésorier. Il gérait les comptes de manières sérieuse et la politique de l’association de manière humaine.

Arvorig FM, Radio Kerne, Radio Bro Gwened, Radio Kreiz Breizh et Radio Naoned s’associent à la douleur de sa famille.

Foto : Emvod-meur Brudañ ha skignañ, 2023
Photo: Assemblée générale Brudañ ha skignañ, 2023

💫 Emgav etre ar 17 hag an 20 a viz Gouere, etre 5e ha 6e, evit heuliañ asambles gant Radio Kreiz-Breizh festival an Erer...
15/07/2025

💫 Emgav etre ar 17 hag an 20 a viz Gouere, etre 5e ha 6e, evit heuliañ asambles gant Radio Kreiz-Breizh festival an Erer Kozh / FESTIVAL DES VIEILLES CHARRUES e Karaez !

🤩 Skignet e vo abadennoù Radio Kreiz-Breizh war-eeun eus ar festival dre ar pemp radio e brezhoneg !

Arvorig FM RBG - Radio Bro Gwened Radio Kerne Radio Kreiz-Breizh Radio Naoned

📻Keleier ar vro hag ar bed zo bet embannet gant Anton Burel https://www.radiobreizh.bzh/fr/episode/75035🚉Tren Napoleon E...
15/07/2025

📻Keleier ar vro hag ar bed zo bet embannet gant Anton Burel https://www.radiobreizh.bzh/fr/episode/75035

🚉Tren Napoleon Express etre Pondi han an Alre

Setu digoret ar c’houlzad nevez zo evit an tren Napoleon express a ya etre Pondi hag an Alre. Napoleonville a oa justawalc’h anv Pondi pell zo. Bep hañv a c’houde 2021 e vez lañset an tren douristel kozh a dremen dre flondrenn ar Blanvezh. A-drugarez d’ar CFCB, kevredigezh an hentoù houarn e kreiz Breizh e c’heller mod-se dizoloiñ un tennad-hent a oa serret d’an dud abaoe 1951. Aodren Trehin he deus lammet barzh unan ag an trebioù-mañ da kejeñ get Kadvael Morin a zo a youl vat evit CFCB, hag a vicher evit an SNCF

Ha da glevet ivez:
Ultimatum Donald Trump da Vladimir Poutin war ar brezel en Ukraina
Keloù deus ar brezel e Palestina ac'hubet
Embannet e vo divizoù Frañsez Bayrou war Budjed 2026 ar stad c'hall
Aet eo Gilbert Cabon d'an Anaon
Stourm e skolaj divyezh Jakez Prevert
Tro Frañs velo

📻Keleier ar vro hag ar bed zo bet embannet gant Erwan Blanchard evit beure!https://www.radiobreizh.bzh/fr/episode/75020🦈...
11/07/2025

📻Keleier ar vro hag ar bed zo bet embannet gant Erwan Blanchard evit beure!
https://www.radiobreizh.bzh/fr/episode/75020

🦈Prosez an toun ruz bet pesketaet er-maez lezenn zo 'ba Narbonne.
Brieuc Le Roch zo war blas e anv FFPSA. Emañ gant Metig Jakez-Vargas.

💧Sec'h eo an amzer, brav eo espern an dour
Ur pennad-kaoz gant Pauline Kerscaven, eus Eaux du Ponant, kaset gant Erwan Blanchard.

Da selaou ouzhpenn 'bar c'heleier:
Nac'haat 'ra Kristian Troadeg diskenn banniel Palestinia eus talbenn ti-kêr Garaez
Demandez Anjela evit gwareziñ ar maouezed 'ba kêr
Seizhvet tennad Tro Bro-C'hall a vo etre Sant-Malou ha Mur hudu

📻 Selaouit keleier ar mintin-mañ, kinniget get Aodren Trehin▶ https://www.radiobreizh.bzh/episode/74947⚽️ Kampion ar bed...
10/07/2025

📻 Selaouit keleier ar mintin-mañ, kinniget get Aodren Trehin
▶ https://www.radiobreizh.bzh/episode/74947

⚽️ Kampion ar bed evit an deirvet gwezh ! Pebezh taol-kaer get Erwan Konk a zo c’hoarier melldroad àr gadoer-ruilh.
Get e gleub, Upsilon Chatenay-Malabry, en deus gounezet nevez zo kentañ Kip ar bed ar skipailhoù a oa aozet e Bobigny e bro Pariz. Tro en doa bet Erwan da c’hounid div wezh Kip ar Bed dija met pas kani ar broadoù get Frañs. Un titl ouzhpenn get ar brestad. Selaouomp anezhañ doc’htu. Emañ get Erwan Blanchard.

Ha da glevet ivez:

-Ar CPI, al lezvarn etrevroadel, he deus embannet urzhioù harzhiñ a-enep daou penn bras a strollad an dalibaned e Bro Afganistan.
-Furchadegoù a vo graet e Bro Iwerzhon da gaouit korfoù 800 bugel marvet e bodoù evit ar mammoù dizimez ar c'hantved paset.
-Kontrolet eo an tanioù-gwall kostez Narbonne, Marsilha hag e departamant ar Gard.
-Striset eo ar c’hondisionoù da vout degemeret e servijoù urjañsoù d’an noz e-pad an hañv en il ha Gwilen.
-Sport: Mell droad ar merc'hed hag ar baotred + Tro Frañs ar baotred a dremenay e Breizh àrc'hoazh.

Selaouit keleier ar mintinvezh dre amañ : https://radiobreizh.bzh/episode/74917🎤Breizh a Live, sonadegoù evit difenn ar ...
09/07/2025

Selaouit keleier ar mintinvezh dre amañ : https://radiobreizh.bzh/episode/74917

🎤Breizh a Live, sonadegoù evit difenn ar brezhoneg🎤

Start eo bet ar bloavezh 2025 evit hor yezh hag hor sevenadur...Digresket eo ar c'hementad a geleier e brezhoneg war ar radio publik, diaesterioù arc'hant a zo gant Diwan, Sonerion pe c'hoazh Dastum ; freuz-stal a zo bet graet gant Coop Breizh...Peadra a zo da vezañ nec'het. Deuet eo neuze ar c'hoant d'ar ganerez Gwennyn ober ur sonadeg evit souten ar brezhoneg, en diskar-amzer. Meur a arzour hag arzourez all a savo o mouezioù ivez. Muioc'h a ditouroù ganti war an darvoud « Breizh a Live ».

Ha da glevet ivez er c'heleier :

- 10 den a zo bet lazhet e Kenya dilun e-kerzh ar manifestadegoù a-enep d'ar gouarnamant
- Tanioù bras a zo e Su Frañs
- Votet eo bet al lezenn Duplomb gant ar gannaded dec'h
- Ankeniet eo kreizennoù sokial Kreiz Breizh gant diskar gwirioù ar maouezed er vro
- Gellout a reer bremañ dougen klemm e ospital Kemper evit feulsterioù priedel pe tagadennoù seksel
- Freuz-stal 'zo bet graet gant ar gevredigezh Abi29
- Sport

Gwennyn Ville de Carhaix

✨ 2 eurvezh abadenn a oa bet kaset disadorn gant ar pemp radio e brezhoneg war-eeun eus Maner Kernod, ul lec'h istorel e...
08/07/2025

✨ 2 eurvezh abadenn a oa bet kaset disadorn gant ar pemp radio e brezhoneg war-eeun eus Maner Kernod, ul lec'h istorel e Mellag evit GBB & An Taol-Lañs ▶ https://www.radiobreizh.bzh/episode/74875

🔸 Fulup Jakez eus Ofis Publik ar Brezhoneg ha Paul Molac, kannad, a zo bet pedet evit an eurvezh kentañ evit lakaat ar gaoz war stad ar yezh.
🔸 Liza Jakez-Vargas eus ar gevredigezh Aerlin ha Maksim Crahé eus RBG - Radio Bro Gwened a zo bet pedet evit kaozeal eus implij ar brezhoneg er bed kwir.
🔸 Kadvael Jolived eus an daouad rap Plouz&Foen hag ar ganerez, sonourez ha komedianez Nolwenn Korbell o doa respontet ouzh goulennoù Enora Molac diwar-benn implij ar brezhoneg e bed an arzoù.
🔸 Evit klozañ e oa bet klasket kompren hag-eñ zo atav ur ster politikel gant ar gouel asambles gant Lena Louarn, stourmerez, bet kuzulierez e rannvro Breizh ha renerez Skol an Emsav, Tangi Louarn, stourmer hag e-touez ar re o deus krouet Skol an Emsav hag Yves-Marie Derbré-Salaüñ, stourmer, ezel eus ar gevredigezh Mignoned ar brezhoneg ha teñzorer ar rouedad Diwan.

🎙 Kinniget e oa bet an abadenn-se deoc'h gant : Enora Molac, Neshka, Pauline Daniel, Laetitia Fitamant ha Marianne Vaidie.

🤩 Ha trugarez da vBruno Blanchard, Clément Samson ha Nicolas Milice eus Radio BOA evit an teknik !

Selaouit ar c'heleier get Aodren Trehin ar mintin-mañ ▶ https://www.radiobreizh.bzh/episode/74892📱 Kudennoù rouedad a zo...
08/07/2025

Selaouit ar c'heleier get Aodren Trehin ar mintin-mañ ▶ https://www.radiobreizh.bzh/episode/74892

📱 Kudennoù rouedad a zo er C'hab a c’houde mizioù. Arivet eo skuizh annezidi ar vro, o deus ar santimant da vout dilezet. Fuloret eo an dilennidi ivez, rak paeet zo bet 3,5 million a euroioù get ar gumuniezh kumunioù evit staliañ ar wienn optikel. 150 den o deus kudennoù internet ha pellgomzer e Ploeneg da skouer. Elisabeth Colin a zo unan anezhe. Bet e oa o vanifestiñ dirak an ti-kêr, ur miz 'zo evit ma vehe renket an traoù.

☀️ E-pad miz Gouere e vez dalc’het bep plez "Merc’her an Thabor" e Roazhon. Sonerezh, dañsoù Breizh ha standoù a bep seurt a vez. Get Skeudenn Bro Roazhon e vez aozet an darvoud-mañ. Selaouomp diouzhtu Aël-Anna Mazé, a zo sekretourez produiñ e Skeudenn.

Ha da glevet ivez er c'heleier :
-Un emgav etre Netanyahou ha Trump a oa bet dec’h da noz evit an deirvet gwezh e 6 miz.
-Ouzhpenn 100 den a oa marv en dic’hlannoù pe dourioù-beuz a oa bet en Texas e-pad an dibenn-sizhun paset.
-Penaos kaouit tud youlek evit an dilennadegoù ti-kêr a vo e 2026 ? Setu ar pezh a zo klasket diskoulmiñ get reform statud an dilennidi lec’hel.
-Al lezenn Duplomb a vo votet hiriv get ar gannaded.
-Roet eo bet disoc’h prosez straed Aubagne e Marsilha.
-Ar baourentez e Bro-C’hall a zo en e live uhelañ abaoe 30 vlez.

🎪 An dibenn-sizhun dremenet e oa ar pemp radio gant abadennoù war-eeun eus GBB & An Taol-Lañs !📻 D'ar Gwener noz, evit a...
07/07/2025

🎪 An dibenn-sizhun dremenet e oa ar pemp radio gant abadennoù war-eeun eus GBB & An Taol-Lañs !

📻 D'ar Gwener noz, evit an Taol-lañs, e oa bet buhezet un abadenn 4 eurvezh asambles gant Erwan Blanchard, Metig Jakez-Vargas, Padrig Ferog ha Yann Boishardy, da selaou amañ ▶ https://www.radiobreizh.bzh/episode/74881

🎚 An teknik a oa bet graet gant Bruno, Clément ha Nicolas eus Radio BOA !

🎙 Degemeret e oa bet tro-dro d'ar mikroioù :
- Maïann hag Ewen eus ar strollad Balafenn
- Yannick Jaouen
- Cyrille eus ar strollad Skrilh
- An Abhain
- KLARA NINN Musik
- Muncaí / Ewen Muncaí
- Melaine eus ar strollad Tanork Band Official
- Anna Graham

Selaouit ar c'heleier embannet ar mintin-mañ gant Erwan Blanchard ▶ https://www.radiobreizh.bzh/episode/74869🎪 GBB & An ...
07/07/2025

Selaouit ar c'heleier embannet ar mintin-mañ gant Erwan Blanchard ▶ https://www.radiobreizh.bzh/episode/74869

🎪 GBB & An Taol-Lañs 2025: degemeret eo bet ar gouel war dachenn Maner Kernaod e Mellag, chouk da Gemperle. Digwener noz e oa roet lañs d’ar gouel gant an Taol-lañs ha da heul e oa bet daou zevezh gant konsertoù, taolioù-krenn, diskouezadegoù, prantadoù gouren ha kement zo. Selaouomp Ronan Kerbiquet, prezidant Mignoned ar brezhoneg zo penn GBB. Emañ gant Erwan Blanchard.

🎸 Taol-lañs: An Abhain he deus gounezet priz an dazont ! An arzourez a orin eus an Oriant zo erru 'bar plas kentañ. Daou strollad all o doa lakaet o anv: Balafenn ha Yannig Jaouen. Muioc'h diwar-benn An Abahain, Manon hec'h anv bihan. Emañ gant Erwan Blanchard.

🥳 Dont da GBB evit gellout komz brezhoneg! Roomp ar gaoz d'ar festivalourien ha festivalourezed. Selaouomp Moira, Mateo ha Yuna ouzh mikro Erwan Blanchard.

Ha da selaou 'bar c'heleier ouzhpenn:
- Ur prantad tabutal etre Palestiniz hag Izrael a vo 'ba Qatar ar sizhun-mañ
- Strollad Amerika: krouet en deus Elon Musk e strollad politikel
- Anavezet eo rejim an Dalibaned 'ba Afghanistan gant Russia
- Sloan Herny en deus gounezet ar redadeg velo Manche-Ocean
- Kampion Frañs decathlon eo Mael Bessaphou-Lannurien eus Roazhon

🎙️ Krog eo an abadenn war-eeun eus GBB & An Taol-Lañs ! 🤩 Selaouit ar pemp radio e brezhoneg betek 7e fenoz evit heulia...
05/07/2025

🎙️ Krog eo an abadenn war-eeun eus GBB & An Taol-Lañs !
🤩 Selaouit ar pemp radio e brezhoneg betek 7e fenoz evit heuliañ ar gouel asambles !

Address


Website

https://bit.ly/keleier_ar_vro, https://bit.ly/reportajou_radio_breizh

Alerts

Be the first to know and let us send you an email when Radio Breizh posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Breizh:

Shortcuts

  • Address
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share