徐美燕 Irene Chui - 香港隊羽毛球前代表

  • Home
  • 徐美燕 Irene Chui - 香港隊羽毛球前代表

徐美燕 Irene Chui - 香港隊羽毛球前代表 厭倦咗成日睇同一樣嘅足球新聞？Like我哋，睇新鮮嘅角度、仲有少少幽默。我哋嚟改寫你追蹤足球嘅方式！

印尼兩對男雙嘅互相交換拍擋喺呢兩個星期嘅世界羽聯巡迴賽有好嘅收穫！之前喺日本公開賽用球偏慢嘅情況下未能顯出印尼選手嘅速度，今個星期喺韓國公開賽用球偏快嘅對打就明顯睇到卡蘭度喺網前嘅速度。佢發球第三拍嘅捕捉可謂得心應手，就連主場南韓嘅姜珉赫及...
02/09/2024

印尼兩對男雙嘅互相交換拍擋喺呢兩個星期嘅世界羽聯巡迴賽有好嘅收穫！之前喺日本公開賽用球偏慢嘅情況下未能顯出印尼選手嘅速度，今個星期喺韓國公開賽用球偏快嘅對打就明顯睇到卡蘭度喺網前嘅速度。

佢發球第三拍嘅捕捉可謂得心應手，就連主場南韓嘅姜珉赫及徐承宰呢對世界冠軍都無從入手。卡蘭度就好似佢嘅前輩蘇卡梅利祖咁喺前半場有主宰賽事嘅能力，而武蘭拿嘅後場進攻亦具備殺傷力！

當然奧運後好多對男雙組合未能調整好狀態係有一定嘅影響，所以都要睇吓嚟緊嘅其他賽事，呢對印尼組合可唔可以保持咁耀眼嘅表現。

以下係韓國公開賽五個項目嘅冠軍:

混雙: 陳堂傑 / 杜依蔚 (馬來西亞)
女單: 金佳恩 (南韓)
男雙: 卡蘭度 / 武蘭拿 (印尼)
男單: 陸光祖 (中國)
女雙: 鄭娜銀 / 金慧貞 (南韓)

星期三及星期四凌晨我會繼續喺Now TV 670 台SPOTV直播時段評述美國網球公開賽。艾卡拿斯及祖高域都因為今年備戰不足先後出局，反觀冼拿就無參加奧運，備戰就無受到影響，一直能夠輕鬆晉級。且看聽朝能否再過一關。

圖片來源: PBSI

🏸 運動科學喺羽毛球領域嘅普及 🏸今日我想探討一吓運動科學喺羽毛球領域變得越來越普及嘅原因。🎉過去，羽毛球係一項主要依賴直覺同經驗嘅運動，但隨著科學技術嘅發展，運動科學喺羽毛球嘅應用變得越來越普遍，對運動員及教練都產生咗深遠嘅影響。1. 技...
02/09/2024

🏸 運動科學喺羽毛球領域嘅普及 🏸

今日我想探討一吓運動科學喺羽毛球領域變得越來越普及嘅原因。🎉

過去，羽毛球係一項主要依賴直覺同經驗嘅運動，但隨著科學技術嘅發展，運動科學喺羽毛球嘅應用變得越來越普遍，對運動員及教練都產生咗深遠嘅影響。

1. 技術分析嘅進步 🛠
隨著高科技儀器嘅出現，如動作捕捉系統及視頻分析，運動員同教練能夠對每一個技術動作進行詳細分析。咁樣唔單止能夠提高技術動作嘅準確性，亦能令到訓練變得更加針對性。

2. 科學化訓練方法嘅普及 💪
運動科學嘅研究成果令到體能訓練變得更加科學化。度身訂做嘅訓練計劃可以根據運動員嘅具體需求去設計，並通過精確嘅數據分析嚟監控進展，提升運動效果。

3. 賽事策略嘅數據支持 📊
隨著數據分析技術嘅進步，運動員同教練能夠獲得關於對手嘅詳細數據，並利用呢啲數據制定更加精確嘅比賽策略。呢種運用數據嘅方法已經成為現代羽毛球比賽嘅重要一環。

4. 運動心理學嘅應用 🧠
運動心理學嘅理論同技術能幫助運動員提高比賽時嘅心理質素，管理壓力及保持專注。有運動心理學嘅幫助下，運動員就能夠喺比賽中表現得更加穩定同自信。

5. 賽後恢復及傷害預防 🚑
運動科學嘅發展可以令傷害預防及康復策略方面變得更加科學化。運動員能夠通過有效嘅康復程序更快地恢復，並減少受傷嘅風險。

運動科學嘅普及讓羽毛球變得更加專業及高效能，不僅提升運動員嘅表現，亦令到比賽更加精彩。期待未來羽毛球世界會有更多創新及突破！💥

圖片來源： Generated by AI

BWF韓國公開賽今日嘅五個項目、十場嘅準決賽喺較早時間已經完成。李卓耀本來有個好開始，先取一局並喺第二局領先情況下竟然被國家隊嘅陸光祖反勝，未能晉身決賽真係十分可惜。希望佢可以吸取今次輸波嘅經驗突破自己。聽日 (星期日) BWF韓國公開賽賽...
31/08/2024

BWF韓國公開賽今日嘅五個項目、十場嘅準決賽喺較早時間已經完成。李卓耀本來有個好開始，先取一局並喺第二局領先情況下竟然被國家隊嘅陸光祖反勝，未能晉身決賽真係十分可惜。希望佢可以吸取今次輸波嘅經驗突破自己。

聽日 (星期日) BWF韓國公開賽賽程如下:

混雙
郭新娃 / 李茜 (中國) 對 陳堂傑 / 杜依蔚(馬來西亞)

女單
金佳恩 (南韓) 對 王祉怡 (中國)

男雙
姜珉赫 / 徐承宰 (南韓) 對卡蘭度/武蘭拿 (印尼)

男單
陸光祖 (中國) 對 李佳豪 (中華台北)

女雙
陳康樂/天娜 (馬來西亞) 對 鄭娜銀 / 金慧貞 (南韓)

聽朝10點開始，Now TV 670台SPOTV就會直播BWF韓國公開賽五場決賽，而我亦會繼續為大家作直播評述，約定你！

圖片來源：新華社

早前 (https://www.facebook.com/share/p/RygPJcHKYa1JWQB5/) 講開羽毛球嘅起源，仲有一樣嘢好多人都會問，點解羽毛球唔係圓嘅，但係都叫佢做「球」呢？ 其實我都唔知點解。 我估係為咗方便將呢個體...
31/08/2024

早前 (https://www.facebook.com/share/p/RygPJcHKYa1JWQB5/) 講開羽毛球嘅起源，仲有一樣嘢好多人都會問，點解羽毛球唔係圓嘅，但係都叫佢做「球」呢？ 其實我都唔知點解。 我估係為咗方便將呢個體育項目歸納入球類，所以安咗個中文名叫羽毛球。

其實唔係圓嘅「球」都有好幾種，除咗羽毛球，重有欖球、冰球同美式足球，佢哋都唔係球體，但係都安咗個球字俾地，可能都係為咗方便！

仲有一樣嘢大家未必知道，聽講羽毛球係所有球類裏便速度最快嘅。翻查吓健力士世界紀錄，曾經有位波蘭人締造嘅一板乒乓球抽擊，時速為116公里。棒球投手投球時速則達169公里。足球勁射，據聞亦超過200公里。網球手嘅發球紀錄，則為246公里。前馬來西亞羽毛球名將陳文宏，躍起扣殺羽毛球之時速竟達493公里，速度稱王於各項球類運動！事實上羽毛球嘅最高殺球速度能達到時速565公里，比一架F1跑車更快。 係咪估佢唔到呢？

圖片來源: Splash

韓國公開賽雖然係BWF世界羽聯巡迴賽超級500系列嘅賽事，但都吸引唔少好手參加。 香港選手有個好開始，先有盧善恩爆冷打贏新鮮出爐日本公開賽女單冠軍山口茜，另有三位選手進入男單次圈賽事， 李卓耀更喺八強勇挫世一石宇奇進入聽日嘅準決賽。五個項目...
30/08/2024

韓國公開賽雖然係BWF世界羽聯巡迴賽超級500系列嘅賽事，但都吸引唔少好手參加。 香港選手有個好開始，先有盧善恩爆冷打贏新鮮出爐日本公開賽女單冠軍山口茜，另有三位選手進入男單次圈賽事， 李卓耀更喺八強勇挫世一石宇奇進入聽日嘅準決賽。

五個項目、十場嘅準決賽聽日會喺南韓木浦市上演。由於Now TV 670台SPOTV 需要直播美網，所以韓國公開賽要等美網打完先有得睇，估計大慨係中午咁上下時間開始中途插入直播。到時我又會同大家講波，記得收睇！

圖片來源: Reuters Pictures

YONEX 背後的故事 2 of 2YONEX始創人米山稔嘅故事充滿著傳奇色彩。佢嘅父親死於第二次世界大戰當中，之後米山稔就接手咗父親遺留嘅一台木工機床，開始製造桐木栓（酒桶塞）、木質浮子等產品。後來佢又開始做一啲漁網生意，不過由於受到技術...
30/08/2024

YONEX 背後的故事 2 of 2

YONEX始創人米山稔嘅故事充滿著傳奇色彩。佢嘅父親死於第二次世界大戰當中，之後米山稔就接手咗父親遺留嘅一台木工機床，開始製造桐木栓（酒桶塞）、木質浮子等產品。後來佢又開始做一啲漁網生意，不過由於受到技術革新嘅波及，尼龍同塑膠製品開始興起，逼使米山稔開始尋找新嘅商機。

1957年，羽毛球喺戰後引進日本，並風靡全國。米山稔拜訪雙巴塔羽毛球拍製造公司並與之交涉，簽訂定點生產供給合同，成為咗雙巴塔公司嘅分包商，邁出成立羽毛球拍生產企業嘅第一步。1958年，米山稔投資200萬日元，成立咗Yoneyama公司，不過仍隸屬雙巴塔。佢哋生產嘅球拍獲得母公司高度評價。除咗生產低價位嘅產品外，米山稔仲向中端產品入手。不久之後，公司開始生產海外出口產品，獲得體育行業第一個中小企業廳長官獎。1961年，母公司雙巴塔倒閉後，米山稔就開始製造並銷售YONEYAMA品牌羽毛球拍。呢一步亦可以視為YONEX品牌嘅開始。

之後幾十年，YONEX 不斷突破羽毛球拍嘅穩定性及耐用性，優化球拍嘅功能，銷量亦屢創佳績。除咗羽毛球外，YONEX 亦開始發展其他項目，例如網球拍、高爾夫球球桿、雪地滑板及跑鞋等，而其中網球方面成就算係最出色。YONEX 曾經贊助過嘅網球手包括美國嘅金婦人 Billie Jean King及莎莉絲Monica Seles、捷克女金剛娜拉蒂路娃Martina Navratilova、瑞士嘅軒芝絲Martina Hingis及澳洲嘅曉域Lleyton Hewitt等等。 佢哋都係前世界排名第一嘅響噹噹名字，部分更加係使用YONEX嘅球拍贏得大滿貫。足球界亦有YONEX嘅足跡。日職球隊柏雷素爾喺2012年贏得J League冠軍時就係著住YONEX贊助嘅球衣。

2019年11月11日上午10點12分，YONEX之父米山稔喺醫院離世，享年95歲。雖然始創人已離世，YONEX喺羽毛球界依然係一個舉足輕重嘅品牌。

圖片來源: Google

YONEX 背後的故事 1 of 2 1992年，羽毛球被正式列為巴塞隆拿奧運會正式比賽項目，YONEX成為該屆奧運羽毛球項目嘅指定器材贊助商。使用YONEX球拍、穿著YONEX服裝及鞋嘅選手就囊括咗奧運首屆羽毛球項目所有嘅金、銀、銅牌。2...
29/08/2024

YONEX 背後的故事 1 of 2

1992年，羽毛球被正式列為巴塞隆拿奧運會正式比賽項目，YONEX成為該屆奧運羽毛球項目嘅指定器材贊助商。使用YONEX球拍、穿著YONEX服裝及鞋嘅選手就囊括咗奧運首屆羽毛球項目所有嘅金、銀、銅牌。2000年悉尼奧運會，羽毛球五個項目嘅金牌得主都係使用YONEX球拍。

2004年嘅雅典奧運會，YONEX贊助嘅選手奪得羽毛球項目24面獎牌嘅其中22面。而今屆巴黎奧運羽毛球各項目嘅金牌得主都係用YONEX球拍。

YONEX商標嘅主識別圖形以英文名稱“YONEX”嘅第一個字母“Y”為靈感，圖案中嘅圓點代表“羽毛球”，而“Y”就係羽毛球拍嘅抽象圖形，商標嘅圖形體現咗羽毛球行業嘅特徵。

YONEX原名為“Yoneyama”，喺KENNEX 787型球拍嘅強力衝擊下，YONEX "借鑒" 咗臺灣KENNEX品牌名稱嘅後半部份，最終改名為大家熟悉嘅YONEX。全球嘅羽毛球愛好者習慣稱之為“YY”，分別代表Yoneyama（YONEX創始人 -- 米山稔Yoneyama Minoru）及“年輕”（Youth)。企業顏色中嘅藍色代表天空，綠色就代表大地。

圖片來源: Google

本年度最後一項大滿貫 – 美國網球公開賽，將會喺今晚展開為期兩星期嘅賽事，祖高域同嘉奧芙亦會展開衛冕戰。佢哋兩個舊年都係先贏咗辛辛那提公開賽再贏美網， 今年新鮮出爐嘅辛辛那提冠軍冼拿同埋莎巴列卡會唔會跟隨佢哋嘅步伐贏到美網呢？艾卡拿斯今年先...
26/08/2024

本年度最後一項大滿貫 – 美國網球公開賽，將會喺今晚展開為期兩星期嘅賽事，祖高域同嘉奧芙亦會展開衛冕戰。佢哋兩個舊年都係先贏咗辛辛那提公開賽再贏美網， 今年新鮮出爐嘅辛辛那提冠軍冼拿同埋莎巴列卡會唔會跟隨佢哋嘅步伐贏到美網呢？

艾卡拿斯今年先後贏咗法網同溫布頓， 風頭可謂一時無兩，雖然佢輸咗奧運金牌同辛辛那提提早出局，但前年佢就喺紐約呢度贏得佢職業生涯首個大滿貫，所以佢仍然係今年男單嘅頭號大熱門。

反觀另一熱門祖高域雖然贏咗奧運，但今年佢大滿貫仍未開齋，成績略為遜色。如果佢贏唔到美網將會係自2017年首次四大皆空。至於澳網冠軍冼拿，佢能否贏完辛辛那提乘勝追擊呢？大家即管拭目以待。個人覺得男單冠軍應該離唔開呢三位球手。

女單方面我覺得比較難估計，因為過去五屆都係唔同冠軍，證明競爭係相當激烈。 雖然係咁，沙巴列卡同埋絲維雅迪克依然較為被睇好；前者啱啱贏完辛辛那堤信心大增，後者已經贏咗五個大滿貫，而其中一個更加係美網，喺紐約比賽應該有一定嘅心得。至於其他嘅女單球手，我始終覺得佢哋表現唔夠穩定，但正如以上提到過去五屆都係唔同冠軍，今屆話唔定又會殺出一個新嘅王者。

Now TV 670、671台SPOTV及SPOTV2會全程直播美網呢兩星期嘅賽事，而我就會喺星期三開始做直播評述。到時見！

圖片來源: USTA / Getty Images

日本公開賽五場決賽已順利完成。以下係各項目嘅冠軍名單:男雙: 吳世飛 / 伊沙甸 (馬來西亞) 男單: 蘭尼 (法國) 混雙: 蔣振邦 / 魏雅欣 (中國)女雙: 劉聖書 / 譚寧 (中國)女單: 山口茜 (日本)值得一提山口茜平咗前中國世...
25/08/2024

日本公開賽五場決賽已順利完成。以下係各項目嘅冠軍名單:

男雙: 吳世飛 / 伊沙甸 (馬來西亞)
男單: 蘭尼 (法國)
混雙: 蔣振邦 / 魏雅欣 (中國)
女雙: 劉聖書 / 譚寧 (中國)
女單: 山口茜 (日本)

值得一提山口茜平咗前中國世界一姐李玲蔚四奪日本公開賽女單冠軍嘅紀錄。

今次日本公開賽嘅整體用球速度相對較慢，對球員嘅速度力量及耐力有好大嘅要求，五個項目取勝嘅球員都具備呢個特點！「鄧謝配」喺連日鬥足三局先晉級、體力大量消耗嘅情況下，加上用球較慢嘅因素，令到年輕嘅對手可以輕鬆取勝。當然每個星期唔同賽事嘅用球差異及球員嘅臨場發揮都係一大因素，又睇吓下一站韓國公開賽有咩變化。

圖片來源: 法新社

今日由朝早9點講波講到夜晚7點，雖然有啲攰，但能夠將高水準嘅賽事帶比觀眾，辛苦少少都係值得嘅。鄧俊文及謝影雪已經連續4場打足3局，但並無因此減低戰鬥力，最終以2比1淘汰中華台北組合嘅楊博軒及胡綾芳殺入決賽，對手將會係2號種子、國家隊嘅蔣振邦...
24/08/2024

今日由朝早9點講波講到夜晚7點，雖然有啲攰，但能夠將高水準嘅賽事帶比觀眾，辛苦少少都係值得嘅。鄧俊文及謝影雪已經連續4場打足3局，但並無因此減低戰鬥力，最終以2比1淘汰中華台北組合嘅楊博軒及胡綾芳殺入決賽，對手將會係2號種子、國家隊嘅蔣振邦及魏雅欣。遺憾喺女單方面，前世界一姐、中華台北嘅戴資穎膝傷惡化，需要喺四強退賽。希望佢傷勢無乜大礙快啲好番，可以早日復出。

聽日(星期日) BWF日本公開賽賽程如下:

男雙
吳世飛 / 伊沙甸 (馬來西亞) 對 姜珉赫 / 徐承宰 (南韓)

男單
蘭尼 (法國) 對 周天成 (中華台北)

混雙
鄧俊文 / 謝影雪 (中國香港) 對 蔣振邦 / 魏雅欣 (中國)

女雙
白荷娜 / 李紹希 (南韓) 對 劉聖書 / 譚寧 (中國)

女單
山口茜 (日本) 對 安寶路賓 (泰國)

聽朝 10點開始， Now TV 670台SPOTV 就會直播BWF 日本公開賽五場決賽，而我亦會繼續為大家評述所有賽事，大家千祈唔好錯過。

截圖來源：SPOTV

今屆BWF日本公開賽見到不少球員引退或拆伙，例如國家隊嘅陳清晨退役，賈一凡改拍李汶妹，兩屆奧運金牌得主、中華台北嘅李洋亦決定退役，拍擋王齊麟亦有新伙伴邱相傑，即使日本嘅混雙組合渡邊勇大及東野有紗會繼續合作今次嘅日本公開賽，但之後渡邊就會有新...
23/08/2024

今屆BWF日本公開賽見到不少球員引退或拆伙，例如國家隊嘅陳清晨退役，賈一凡改拍李汶妹，兩屆奧運金牌得主、中華台北嘅李洋亦決定退役，拍擋王齊麟亦有新伙伴邱相傑，即使日本嘅混雙組合渡邊勇大及東野有紗會繼續合作今次嘅日本公開賽，但之後渡邊就會有新嘅混雙拍擋、19歲嘅田口真彩；而東野就會同櫻本絢子合作競逐女雙。

至於香港嘅鄧俊文及謝影雪今日 (星期五) 較早時以後上姿態反勝馬來西亞嘅陳健鉻/賴沛君，將會同中華台北嘅楊博軒及胡綾芳爭取決賽一席。聽朝 (星期六) 9點開始， Now TV 670台SPOTV 就會直播BWF 日本公開賽五個項目嘅準決賽，而我亦會為大家轉播評述。

截圖來源：SPOTV

你哋咁鍾意打羽毛球或睇羽毛球，但大家又知唔知道呢種運動係點嚟嘅？ 羽毛球嘅起源眾說紛紜，最早可追溯到二千年前嘅中國，當時個名係叫板羽球。 呢個古老嘅遊戲係由兩位對手用木板輪流拍打紮有羽毛嘅球體，避免落地 。亦有歷史學家認為羽毛球係由流行嘅「...
23/08/2024

你哋咁鍾意打羽毛球或睇羽毛球，但大家又知唔知道呢種運動係點嚟嘅？

羽毛球嘅起源眾說紛紜，最早可追溯到二千年前嘅中國，當時個名係叫板羽球。 呢個古老嘅遊戲係由兩位對手用木板輪流拍打紮有羽毛嘅球體，避免落地 。亦有歷史學家認為羽毛球係由流行嘅「踢毽子」遊戲衍生而成，對手由用腳改為用球拍擊打毽子 。

十九世紀中，印度西部嘅浦那出現咗現代羽毛球，嗰時個名係用地名「浦那」（Poona）命名 。駐守當地嘅英國人將呢個運動引入英國本土。1873年，喺英國告羅士打郡嘅伯明頓莊園舉行咗場公開表演，引起好多人嘅注意，之後羽毛球就慢慢傳到大眾及其他地方。後來啲人就用嗰場表演嘅莊園名「伯明頓」（Badminton）嚟稱呼呢個運動，但係喺華語地區，呢個名就無咁普及，反而係跟個波叫做「羽毛球」。

圖片來源: Bgbadminton

Address


Website

Alerts

Be the first to know and let us send you an email when 徐美燕 Irene Chui - 香港隊羽毛球前代表 posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Media Company?

Share