Somali Mobile News (2026)

10/09/2026

WARARKA MAANTA 10ka Sebteembar 2026
Su’aalaha Maanta::Maxuu ka cusub DGKG? Maxuu Madaxweyne h**e Xassan Shiikh “Dhuuso-Fooxiye” u diiday inuu ciidan siiyo Shiikh Aadan Madoobe? Maxuu ka kashifay Siyaasiga caanka ah Sakariye Xaaji Maxamuud “Jeeni-Haar”? Yaa diiday inuu dhiso Madaxweyne h**e Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya ? Yaa diiday inuu djiso oo boobay sacabka xitaa qabuura ka badbaadi waayeen? Yaa noqon doona Madaxweynaha cusub ee ? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira? Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda ?
Muqdisho 10ka Sebteembar 2026 𝗚𝗼𝗹𝗮𝗵𝗮 𝗦𝗵𝗮𝗰𝗮𝗯𝗸𝗮 𝗼𝗼 𝗔𝗻sixiyay 𝗛𝗶𝗻𝗱𝗶𝘀𝗲-𝗦𝗵𝗮𝗿𝗰𝗶𝘆𝗲𝗲𝗱𝗸𝗮 𝗗𝗵𝗶𝘀𝗺𝗮𝗵𝗮 𝗛𝗮𝘆’𝗮𝗱𝗱𝗮 𝗗𝗮𝗸𝗵𝗹𝗶𝗴𝗮 𝗤𝗮𝗿𝗮𝗻𝗸𝗮.
Golaha Shacabka ee Baarlamaanka Federaalka Soomaaliya ayaa maanta si rasmi ah u ansixiyay Hindise Sharciyeedka Dhismaha Hay’adda Dakhliga Qaranka, kadib markii uu kasoo gudbay sadex aqrin, soojeedino iyo waydiimo lagu gorfeyeeyay kulamo kala duwan.
Dhismaha Hay’adda Dakhliga Qaranka ayaa la filayaa in ay horseedi doonto koboca dakhliga gudaha iyo xoojinta hufnaanta maaraynta maaliyada dalka.
Muqdisho 10ka Sebteembar 2026 Kulan xasaasi ah oo la xiriira go’aaminta cidda noqoneysa hoggaamiyaha Hirshabeelle ayaa caawa ka dhacay Villa Somalia, wada-xaajood adag ayaa dhex-maray siyaasiyiin uu damac uga jiray xilka Madaxweynaha oo kasoo jeeda Jowhar & MW Xasan Sheekh waxaana isla Lara-guray sida loo wajahayo doorashada iyo qofka loo sharraxayo kursiga, qaadanayana kaarka JSP.
MW Xasan Sheekh ayaa dhammaan xubnahii uu la kulmay u sheegay in ay tanaasulaan, kana yareeyaan culeyska, laakiin, waxay soo bandhigeen in ay aqbalayaan haddii meesha laga saarayo Cali Guudlaawe.
Xasan Sheekh ma uusan caddeyn in uu MW Guudlaawe uu ka saarayo loolanka, hase-ahaatee, waxa uu ballan qaaday in uu sabab u noqonayo dhismaha Hirshabeelle ka bedelan midda maanta jirta. Ilo ku dhow shirka ayaa u sheegay Barrow Show suurta-gelnimada in Xasan Sheekh uu dhisayo Xildhibaan Cabdirisaaq Cumar oo ay yihiin saaxiibbo aad isugu dhow
Somaliland 10ka Sebteembar 2026 Ciidamada ammaanka Somaliland ayaa magaalada Gabiley ku xidhay wariye Xasan Saleebaan Haaruun, oo loo yaqaan Xasan Galaydh, ahna mulkiilaha Galaydh TV, sida ay sheegayaan ilo ku dhow wariyaha. Xasan Galaydh ayaa la sheegay in laga soo qabtay magaalada Gabiley, halkaas oo uu u joogay safar shaqo. Ilaa hadda lama oga sababta rasmiga ah ee loo xidhay iyo halka lagu hayo.
Wararka ayaa sheegaya in xadhiggiisa lala xidhiidhinayo hadal uu maalin ka hor magaalada Hargeysa ka jeediyay, kaas oo uu isaga iyo wariyayaal kale ugu baaqeen Xukuumadda Somaliland inay sii deyso wariye Cabdiqani Baylood, oo dhawaan la xidhay.
Xasan Galaydh ayaa Madaxweynaha Somaliland ka codsaday in la sii daayo Baylood, isaga oo xusuusiyay in Madaxweyne Cabdiraxmaan Maxamed Cabdillaahi (Cirro), xilligii uu mucaaradka ahaa, uu si weyn uga soo horjeeday xadhigga iyo cadaadiska loo geysto saxafiyiinta.
Xadhigga Xasan Galaydh ayaa dhaliyay falcelin ballaadhan iyada oo xukuumada aad loogu dhaliilay. Xildhibaan Maxamed Abiib ayaa kamid ah dadka cambaareeyay xadhigga, isaga oo ku baaqay in wariyaha iyo suxufiyiinta kale xorriyaddooda loo soo celiyo. “Xadhigga noocan ah, ceeb iyo qiimo la’aan wax aan ahayn xukuumaduhu k**a qaadaan. Waxaan ku baaqayaa in weriye Xasan Gallaydh iyo suxufiyiinta kale ba xoriyaddooda loo soo celiyo. Xadhiggani macquul ma aha!”
Arrintan ayaa kusoo beegmaysa xilli ay Somaliland ka taagan tahay dood ku saabsan xorriyadda hadalka iyo sida ay xukuumaddu ula macaamilayso warbaahinta iyo suxufiyiinta.
Muqdisho 10ka Sebteembar 2026 Madaxweynaha Dowlad Deegaanka Soomaalida Itoobiya, Mustafe Muxumed Cumar, ayaa si adag u dhaliilay siyaasadda Jabhadda Xoreynta Ogaadeeniya (ONLF), kaddib markii garab ka tirsan ururka uu sheegay inay suuragal tahay in dib loo bilaabo halgankii hubaysnaa. Madaxweyne Mustafe oo ka hadlayay xaaladda siyaasadeed iyo amni ee deegaanka ayaa sheegay in kooxo uu ku tilmaamay kuwo siyaasiyan fashilmay ay isku dayayaan inay dadka u abuuraan filasho ah in isbeddel siyaasadeed iyo colaad cusub ay soo socdaan. Waxa uu sheegay in Itoobiya ay xilligan wajahayso caqabado amni iyo siyaasadeed, iyadoo meelo ka mid ah dalka ay ka socdaan halganno hubaysan, isla markaana kooxaha qaar ay arrinta ka faa'iidaysanayaan.
Madaxweynaha ayaa si gaar ah u dhaliilay kooxo uu sheegay inay muddo tobannaan sano ah ku jireen halgan aan natiijo muuqata laga gaadhin. “Waxa jira kooxo dadka ku leh isbeddal ayaa soo socda, colaado in laga abuuro deegaanka raba. Kooxahaasi waa kooxo fashilmay siyaasiyan oo muddo ka badan 42 sano ku jiray siyaasad aan midho-dhalayn.”
Mustafe ayaa sheegay in hadallada iyo waxa uu ku tilmaamay “sheeko-xariirooyinka” laga baahinayo warbaahinta ayna wax ka beddeli karin xaaladda deegaanka, isla markaana kooxahaasi ayna haysan awood siyaasadeed ama taageero shacab oo gudaha deegaanka ah oo ay isku halayn karaan.
Waxa uu sidoo kale sheegay in dadka aan loo abuuri karin “filasho been ah”, isagoo tilmaamay in muddadii dheerayd ee halganka hubaysan iyo siyaasadeed aan laga arag horumar uu sheegay in bulshada loogu ballanqaaday. “40-kaas sano wax hoos dhac ah mooyee wax kor u kaca lama arag,” ayuu yidhi Madaxweynaha, isaga oo intaas ku daray in arrintaasi ay muujinayso, sida uu sheegay, in dadka sidaas u fikiraya ayna lahayn hoggaan siyaasadeed oo macquul ah.
Soomaaliya 10ka Sebteembar 2026 Soomaaliya ayaa si adag u cambaareysay xadgudubyada ka dhanka ah dadka rayidka ah ee lagu eedeeyay ciidamada Rapid Support Forces (RSF) ee Suudaan, iyadoo ku baaqday in si degdeg ah loo joojiyo dagaalka loona helo xal siyaasadeed oo ay Suudaaniyiintu hoggaaminayaan. Safiirka Soomaaliya u fadhiya Qaramada Midoobay ee Geneva, Khadra Maxamed Dualle, ayaa hadalkan ka jeedisay kulan ka dhacay Golaha Xuquuqda Aadanaha ee Qaramada Midoobay, kaas oo looga hadlayay warbixintii ugu dambeysay ee guddiga xaqiiqo-raadiyaha ee Suudaan.
Soomaaliya waxay sidoo kale ku baaqday in dadka ay colaadaha saameeyeen loo fududeeyo helitaanka gargaarka bani’aadannimo, iyadoo carrabka ku adkeysay muhiimadda ay leedahay in lala xisaabtamo cid kasta oo ku lug yeelata xadgudubyada ka dhanka ah rayidka.
Dowladda Soomaaliya ayaa sheegtay inay taageersan tahay madax-bannaanida, midnimada iyo wadajirka dhuleed ee Suudaan, iyadoo sidoo kale diidday faragelin shisheeye oo lagu sameeyo arrimaha gudaha ee dalkaas.
Muqdisho waxay taageertay dadaallada Midowga Afrika iyo Urur Goboleedka IGAD ee lagu raadinayo xal nabadeed oo lagu soo afjaro colaadda Suudaan.
Hadalkan ayaa yimid xilli warbixin ay Qaramada Midoobay soo saartay ay ka digtay doorka shabakado dibadeed oo hub, tababar iyo taageero saadka ah siiya dhinacyada ku dagaallamaya Suudaan, taas oo sii kordhisay dhibaatada dadka rayidka ah.

Enjoy the videos and music you love, upload original content, and share it all with friends, family, and the world on YouTube.

09/09/2026

WARARKA MAANTA 9ka Sebteembar 2026
Su’aalaha Maanta::Maxuu ka kashifay Siyaasiga caanka ah Sakariye Xaaji Maxamuud “Jeeni-Haar” oo Dowladda Soomaaliya sheegay inay musuqmaasuq badan ku jirto? Yaa diiday inuu dhiso Madaxweyne h**e Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya ? Yaa diiday inuu djiso oo boobay sacabka xitaa qabuura ka badbaadi waayeen? Yaa noqon doona Madaxweynaha cusub ee ? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira? Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda ?
CPJ 9ka Sebteembar 2026vGuddiga Ilaalinta Saxafiyiinta (CPJ) ayaa ku baaqay in si degdeg ah loo sii daayo wariye, Cabdiqani Xuseen Abokor, oo loo yaqaan Baylood, kaas oo ku xidhan Somaliland tan iyo 29-kii Agoosto, isaga oo aan weli si rasmi ah maxk**ad loogu soo oogin dacwad.
CPJ ayaa war ay soo saartay 7-dii Sebtembar ku sheegtay in wariyaha loo xidhay kadib markii uu wareysi muuqaal ah ka qaaday abwaanka caanka ah ee, Ismaaciil Yuusuf Cabdi, oo loo yaqaan Jiheeye, kaasi oo gabay ku habaaray Madaxweynaha Somaliland, Cabdiraxmaan Maxamed Cabdillaahi Cirro.
“Cabdiqani Xuseen Abokor wuxuu ku biiray liis dheer oo saxafiyiin ah oo Somaliland lagu xidhay laguna hayo xaalado shaki leh bilihii u dambeeyay,” ayay tidhi Muthoki Mumo, Isuduwaha Barnaamijka Afrika ee CPJ.
Waxay intaas ku dartay in toban maalmood kadib markii wariyaha la qabtay, aanay wali hay'adaha Somaliland si rasmi ah maxk**ad ugu soo bandhigin eedeymaha loo haysto, iyadoo ugu baaqday xukuumada in si degdeg ah loo sii daayo.
Cabdiqani Baylood ayaa 27-kii Agoosto boggiisa Facebook ku daabacay muuqaal wareysi ah oo uu la yeeshay Abwaan Jiheeye. Intii uu wareysiga socday, abwaanka ayaa tiriyey maanso uu digniin ugu dirayay Madaxweynaha Somaliland, Cabdiraxmaan Maxamed Cabdillaahi (Cirro), isaga oo ka codsaday inuu wax ka qabto waxa uu ku tilmaamay in si sharci-darro ah looga qaatay dhul oo uu leeyahay. Maalintii xigtay, 28-kii Agoosto, ciidamada ammaanka ee Hargeysa ayaa ku xidhay abwaanka, sida uu sheegay qareenka wariyaha, Tawakal Ibraahim Maxamed, iyo Ururka Suxufiyiinta Somaliland (SOLJA). Cabdiqani Baylood ayaa isna la xidhay 29-kii Agoosto kadib markii uu ka jawaabay yeedhitaan uga yimid waaxda Dembi-baadhista Somaliland (CID).
Wariyaha ayaa isla maalintaas muddo kooban kasoo muuqday Maxk**adda Gobolka Maroodi-Jeex, waxaana lagu amray in xabsiga lagu sii hayo muddo toddoba maalmood ah inta baadhitaanku socdo. Qareenkiisa ayaa sheegay in Cabdiqani loo qorsheeyay inuu mar kale maxk**adda kasoo muuqdo Sabtidii, balse aan la horgeyn maxk**adda.
Qareenka wariyaha, Tawakal Ibraahim Maxamed, ayaa CPJ u sheegay in sarkaal ka tirsan CID uu si aan rasmi ahayn ugu sheegay in booliisku doonayaan inay Cabdiqani ku soo oogaan laba eedood.
Eedaha ayaa kala ah “xadgudubka sharafta ama karaamada Madaxweynaha” iyo faafinta dacaayad ka dhan ah xukuumada.
Sida uu qareenku sheegay, eedda koowaad waxay xeerka ciqaabta Somaliland dhigaysaa ugu badnaan saddex sano oo xabsi ah, halka eedda labaad ay gaadhi karto shan sano oo xabsi ah. CPJ ayaa sheegtay in ayna jawaab ka helin codsiyo ay faallo uga raadinaysay Madaxtooyada Somaliland, Wasaaradda Warfaafinta iyo Booliiska Somaliland.
CPJ waxay sheegtay in Somaliland ay sannadkii u dambeeyay adkeeysay cadaadiska lagu hayo xorriyadda saxaafadda, iyadoo uu jiro xadhig badan oo loo geystay saxafiyiin iyo shaqaalaha warbaahinta.
Puntland State 9ka Sebteembar 2026 Madaxweynaha Puntland Siciid Deni ayaa digniin u diray Dowladda Federaalka Soomaaliya, xilli uu sii xoogeysanayo khilaafka siyaasadeed ee u dhexeeya Puntland iyo Muqdisho, gaar ahaan arrimaha dastuurka iyo awoodaha federaalka.
Madaxweyne Deni ayaa sheegay in Puntland ay qaadatay go’aan ah in aan deegaannadeeda looga oggolaan doonin inay ka howlgalaan shaqsiyaad ama hay’ado aan haysan awood sharci oo ay ku shaqeeyaan, isagoo arrintan si gaar ah ugu tilmaamay mid la xiriirta Dowladda Federaalka.
Madaxweynaha Puntland ayaa sheegay in heshiisyadii siyaasadeed ee h**e ee saldhigga u ahaa nidaamka federaalka Soomaaliya ay meesha ka baxeen, taasina ay Puntland ku qasabtay inay ku dhaqanto dastuurkeeda iyo xeerarka ay u aragto inay qeexayaan awoodaha maamulka.
Wuxuu sidoo kale sheegay in dastuurkii lagu heshiiyay iyo dastuurka Puntland ay yihiin saldhigga ay Puntland ku dhisayso mowqifkeeda, isagoo sheegay in diiddan yihiin in Dowladda Federaalka ay si toos ah uga howlgasho gudaha Puntland iyadoo aan heshiis ama oggolaansho laga haysan maamulkooda.
Deni ayaa sidoo kale ugu baaqay dadka uu sheegay inay xilal ama masuuliyado h**e uga soo qabteen Dowladda Federaalka inay ka fogaadaan tallaabooyin uu ku tilmaamay kuwo aan sharciyad haysan.
Madaxweyne Deni ayaa sheegay in Puntland ay qaadatay go’aan ah in aan deegaannadeeda looga oggolaan doonin inay ka howlgalaan shaqsiyaad ama hay’ado aan haysan awood sharci oo ay ku shaqeeyaan, isagoo arrintan si gaar ah ugu tilmaamay mid la xiriirta Dowladda Federaalka.
Madaxweynaha Puntland ayaa sheegay in heshiisyadii siyaasadeed ee h**e ee saldhigga u ahaa nidaamka federaalka Soomaaliya ay meesha ka baxeen, taasina ay Puntland ku qasabtay inay ku dhaqanto dastuurkeeda iyo xeerarka ay u aragto inay qeexayaan awoodaha maamulka.
Wuxuu sidoo kale sheegay in dastuurkii lagu heshiiyay iyo dastuurka Puntland ay yihiin saldhigga ay Puntland ku dhisayso mowqifkeeda, isagoo sheegay in diiddan yihiin in Dowladda Federaalka ay si toos ah uga howlgasho gudaha Puntland iyadoo aan heshiis ama oggolaansho laga haysan maamulkooda.
Deni ayaa sidoo kale ugu baaqay dadka uu sheegay inay xilal ama masuuliyado h**e uga soo qabteen Dowladda Federaalka inay ka fogaadaan tallaabooyin uu ku tilmaamay kuwo aan sharciyad haysan.
Muqdisho 9ka Sebteembar 2026 Ra’iisul Wasaare Ku-xigeenka Soomaaliya, Jibriil Cabdirashiid Cabdi, ayaa soo jeediyay in akoonnada baraha bulshada lagu xiro lambarka aqoonsiga qaranka ee ay bixiso Hay’adda Aqoonsiga iyo Diiwaangelinta Qaranka (NIRA), isaga oo sheegay in tallaabadan ay gacan ka geysan karto in la ogaado dadka ka dambeeya akoonnada internetka. Ra’iisul Wasaare Ku-xigeenka ayaa sheegay in kaararka aqoonsiga NIRA ay leeyihiin lambar gaar ah oo lagu aqoonsan karo qofka, isaga oo soo jeediyay in mustaqbalka qofka laga doonayo inuu isticmaalo lambarkiisa aqoonsiga marka uu sameysanayo akoon baraha bulshada ah.
“Waxaa jira dad badan oo magacyo kala duwan ku sameysta akoonno, kadibna wax kasta oo ay rabaan ku qora,” ayuu yiri Jibriil Cabdirashiid Cabdi, isaga oo ku dooday in aqoonsiga la xaqiijiyo uu gacan ka geysan karo wax ka qabashada dhibaatadaasi.
Wuxuu sidoo kale tilmaamay in kooxaha hubeysan ay adeegsadaan baraha bulshada, isagoo sheegay in hay’adaha dowladda ay marar badan xireen akoonno lala xiriiriyo Al-Shabaab, balse ay soo baxaan akoonno cusub oo magacyo kale wata.
Ra’iisul Wasaare Ku-xigeenka ayaa Wasaaradda Warfaafinta ku boorriyay inay tixgeliso in shuruudaha aqoonsiga lagu xoojiyo xeerarka iyo siyaasadaha warbaahinta ee dowladda ay diyaarineyso.
Wuxuu sheegay in baraha casriga ah ee warbaahintu ay yeelan karaan saameyn wanaagsan iyo mid taban, isaga oo ku baaqay in la sameeyo siyaasado si wanaagsan looga faa’iideysanayo awoodda ay leeyihiin, isla markaana lagu yareynayo isticmaalka khaldan.
Muqdisho 9ka Sebteembar 2026 Dowladda Federaalka Soomaaliya ayaa si xooggan u cambaareysay weerarro ay sheegtay in Xuutiyiintu ku qaadeen goobo rayid iyo kuwo dhaqaale oo ku yaalla koonfurta Boqortooyada Sacuudi Carabiya. Wasaaradda Arrimaha Dibadda Soomaaliya ayaa sheegtay in weerarradaasi ay sababeen dhaawaca tobannaan qof oo rayid ah, oo ay ku jiraan haween iyo carruur, sida ay sheegeen mas’uuliyiinta Sacuudiga.
Dowladda Soomaaliya waxay sheegtay in si ula kac ah loo beegsado dadka rayidka ah iyo kaabayaasha dhaqaalaha ay tahay xadgudub ka dhan ah sharciga caalamiga ah, iyadoo ka digtay in colaadaha ka socda gobolka ay khatar dheeraad ah ku yihiin amniga Badda Cas iyo Geeska Afrika.
Soomaaliya ayaa sidoo kale walaac ka muujisay weerarrada lagu beegsanayo maraakiibta ganacsiga iyo khatarta ay arrintaasi ku hayso xorriyadda isu-socodka maraakiibta.
Muqdisho ayaa ku baaqday in si degdeg ah loo joojiyo dhammaan weerarrada, isla markaana dib loogu laabto dadaallada lagu gaarayo heshiis siyaasadeed oo lagu soo afjaro colaadda Yemen.
Dowladda Federaalka Soomaaliya ayaa sidoo kale sheegtay inay garab taagan tahay Boqortooyada Sacuudi Carabiya, hoggaankeeda iyo shacabkeeda, iyadoo u rajeysay dadka ku dhaawacmay weerarrada inay si buuxda uga soo kabtaan.
Kooxda Xuutiyiinta ee Iran ay taageerto ayaa aroornimadii Talaadada maanta qaaday weerar ballaaran oo ka dhan ah koonfur-galbeed Sacuudi Carabiya, iyagoo beegsaday kaabayaal shidaal iyo goobo kale oo muhiim ah.
Africom 9ka Sebteembar 2026 Taliska Ciidamada Mareykanka ee Afrika ee AFRICOM ayaa sheegay in 4-ta Sebtembar ay duqeyn cirka ah ka fuliyeen Soomaaliya, taas oo lagu bartilmaameedsaday dagaalyahanno ka tirsan Al-Shabaab. AFRICOM ayaa sheegtay in duqeynta lagu fuliyay iskaashi iyo isku-duwid lala sameeyay Dowladda Federaalka Soomaaliya, iyadoo goobta lagu beegsaday ay ku taalla qiyaastii 175 kiiloomitir dhanka galbeed kaga beegan Muqdisho.
Taliska Mareykanka ayaa sheegay in AFRICOM, Dowladda Federaalka Soomaaliya iyo Ciidamada Qalabka Sida ee Soomaaliya ay sii wadaan howlgallada lagu wiiqayo awoodda Al-Shabaab ee ay ugu hanjabi karto ciidamada Mareykanka iyo muwaadiniinta Mareykanka ee dibadda ku sugan.
AFRICOM ma aysan shaacin faahfaahin ku saabsan cutubyadii ama diyaaradaha iyo hubkii loo adeegsaday duqeynta, iyadoo sheegtay in xogtaasi aan la soo bandhigi doonin sababo la xiriira amniga iyo sirta howlgalka.
Duqeyntan ayaa kusoo beegmaysa xilli ciidamada Mareykanka iyo kuwa Soomaaliya ay kordhiyeen howlgallada ka dhanka ah Al-Shabaab ee qaybo ka mid ah dalka.
AFRICOM ayaa sidoo kale sheegtay in duqeyn kale oo ka dhan ah Al-Shabaab ay dhacday 5-ta Sebtembar 2026, iyadoo faahfaahinta goobta iyo khasaaraha ka dhashay aysan bayaanka lagu soo bandhigin.
Muqdisho 9ka Sebteembar 2026 Dowladda Soomaaliya ayaa sheegtay inay diyaar u tahay inay si buuxda ula wareegto mas’uuliyadda amniga dalka haddii ciidamada Midowga Afrika ay ka baxaan Soomaaliya, iyadoo meesha ka saartay walaaca laga qabo in bixitaanka ciidamadaasi uu fursad u abuuri karo Al-Shabaab inay dib u qabsato dhulal hor leh. Agaasimaha Guud ee Xarunta Qaranka ee La-dagaallanka Argagixisada iyo Ka-hortagga Xagjirnimada Rabshadaha wata ee Soomaaliya (TUBSAN), Cali Gurbe, ayaa sheegay in Soomaaliya ay leedahay ciidan si wanaagsan loo tababaray iyo heshiisyo amni oo laba geesood ah oo ay la leedahay dalal kale, kuwaas oo ka caawin kara dowladda sugidda amniga dalka.
Cali Gurbe oo wareysi gaar ah siiyay The Eastleigh Voice magaalada Nairobi ayaa sheegay in Soomaaliya ay muddo ku dhow labaatan sano dagaal kula jirtay Al-Shabaab, isla markaana waayo-aragnimadaas ay dalka bartay sida looga jawaabo caqabadaha amni iyo dib loogu dhiso hay’adaha dowladda.
Isagoo ka hadlayay suuragalnimada bixitaanka ciidamada Midowga Afrika, ayuu sheegay in arrintaasi aysan ka dhignayn in Soomaaliya ay kaligeed wajahdo khataraha amni.
“Haddii ciidamada Afrika ay baxaan, waxaan heshiisyo laba geesood ah la leenahay dalal kale. Waxaan leenahay saaxiibo iyo walaalo doonaya inay taageeraan shacabka iyo dowladda Soomaaliyeed,” ayuu yiri Cali Gurbe.
Wuxuu intaas ku daray in Soomaaliya ay soo martay dhibaatooyin amni oo soo noqnoqday, balse ay mar kasta awood u yeelatay inay dib uga soo kabato.
Mas’uulkan ayaa sidoo kale muujiyay kalsooni uu ku qabo ciidamada Soomaaliya, isagoo sheegay in dalka uu leeyahay ciidan si wanaagsan loo tababaray oo awood u leh inuu qaado mas’uuliyad dheeraad ah oo ku saabsan sugidda amniga.
Inkasta oo ciidamada Soomaaliya iyo kuwa caalamiga ah ay Al-Shabaab ka saareen magaalooyin iyo deegaano waaweyn, kooxda ayaa weli awood u leh inay fuliso weerarro iyo howlgallo ka dhan ah dowladda.
Al-Shabaab ayaa muddo dheer ka faa’iideysatay daldaloollada dhinaca maamulka, khilaafaadka siyaasadeed iyo tabashooyinka bulshada si ay u sii waddo howlaheeda.
Si kastaba, Cali Gurbe wuxuu sheegay in caqabadaha amni ee jira aysan sabab u noqon karin cabsi laga qabo mustaqbalka dalka, isagoo xusay in shacabka Soomaaliyeed ay muddo dheer la tacaalayeen weerarro, abaaro iyo saameynta isbeddelka cimilada.
Soomaaliya ayaa hadda si tartiib tartiib ah ula wareegaysa waajibaadyo amni oo ay h**e u qaadi jireen ciidamada Midowga Afrika iyo saaxiibbada caalamiga ah, iyadoo weli ku tiirsan iskaashi amni oo ay la leedahay dalal iyo hay’ado caalami ah.
Mas’uulka TUBSAN ayaa sheegay in inkasta oo caqabado amni ay weli jiraan, haddana Soomaaliya ay sii kordhinayso awooddeeda ay ku maareyn karto amniga gudaha.

Enjoy the videos and music you love, upload original content, and share it all with friends, family, and the world on YouTube.

08/09/2026

WARARKA MAANTA 8da Sebteembar 2026
Su’aalaha Maanta::Yaa diiday inuu dhiso Madaxweyne h**e Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya ? Yaa diiday inuu djiso oo boobay sacabka xitaa qabuura ka badbaadi waayeen? Yaa noqon doona Madaxweynaha cusub ee ? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira? Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda ?
Muqdisho 8da Sebteembar 2026 Madaxweyne Jamhuuriyadda Federaalka Soomaaliya Mudane Xasan Sheekh oo Tacsi Tiiraanyo leh u diray Madaxweynaha dalka Tanzania.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud waxa uu Tacsi tiiraanyo leh u dirayaa Madaxweynaha Jamhuuriyadda Midowday ee Tanzania Marwo Dr. Samia Suluhu Hassan oo uu uga Tacsiyadeynayo geerida ku timid Seygeeyda Marxuum Hafidh Ameir Hassan oo ku geeriyooday dalka Tanzania .
“Waxaan Tacsi tiiraanyo leh u dirayaa Madaxweynaha Jamhuuriyadda Midowday ee Tanzania, Marwo Dr. Samia Suluhu Hassan, Qoyskeeda iyo Carruurteeda iyo guud ahaan shacabka iyo Dowladda Tanzania oo aan uga tacsiyadeynayo geerida ku timid Marxuum Hafidh Ameir Hassan” ayaa lagu yiri qoraal kooban oo Tacsi ah oo kasoo baxay Madaxtooyada Jamhuuriyadda Federaalka Soomaaliya.
----DHAMMAAD-
Muqdisho 8da Sebteembar 2026 Kenya iyo Soomaaliya ayaa ku heshiiyey in la dardargeliyo qorshaha lagu fidinayo waddada isku xirta Isiolo iyo Mandera, taas oo laga sii gudbinayo gudaha Soomaaliya, si loo abuuro marin cusub oo ganacsi, isgaarsiineed iyo amni oo isku xira dalalka Geeska Afrika. Arrintan ayaa soo baxday kadib kulan magaalada Nairobi ku dhex maray safiirka Soomaaliya ee Kenya, Jabril Cabdulle, iyo xoghayaha joogtada ah ee Wasaaradda Waddooyinka Kenya, Joseph Mbugua.
Labada dhinac ayaa ku heshiiyey in la dhiso guddi farsamo oo wadajir ah, kaas oo dardar gelinaya wada-hadallada ku saabsan in Soomaaliya lagu daro mashruuca Horn of Africa Gateway Development Project (HoAGDP) ee uu maalgeliyo Bangiga Adduunka.
Sidoo kale, Soomaaliya iyo Kenya waxay isla garteen in la qabto kulan heer sare ah oo labada dal ah, kaas oo lagu sii ambaqaadayo qorshaha hirgelinta mashruuca.
Safiir Jabril Cabdulle ayaa soo dhaweeyey ka mid noqoshada Soomaaliya ee mashruucan, isagoo sheegay in uu xoojin doono isku xirnaanta labada dal.
“Mashruucan wuxuu fududeyn doonaa ganacsiga xuduudaha, wuxuu horumarin doonaa isku xirka fiber-optic-ga gobolka, wuxuuna furi doonaa fursado dhaqaale oo badan oo ay ka faa’iideystaan bulshada labada dal,” ayuu yiri.
Qorshahan ayaa waddada Isiolo-Mandera siinaya muhiimad ka ballaaran sidii h**e, iyadoo mashruucu muddo sanado ah ka socday waqooyi-bari Kenya, balse ay caqabado amni iyo kuwo hirgelin ahi dib u dhigeen qaybo ka mid ah.
Bangiga Adduunka ayaa sannadkii 2020 ansixiyey maalgelin dhan $750 milyan oo loogu talagalay mashruuca HoAGDP, kaas oo diiradda saaraya waddo dhererkeedu yahay 740km oo isku xirta Isiolo iyo Mandera.
Mashruuca waxaa markii h**e qorshihiisu ahaa in la casriyeeyo 365km oo waddada ah iyo 30km oo waddooyin kale oo ku xirma, iyadoo sidoo kale lagu dari doono kaabayaal fiber-optic ah, xarumaha xuduudaha iyo nidaamyo lagu fududeynayo maamulka iyo ganacsiga xuduudaha.
Amniga ayaa ka mid ah caqabadaha ugu waaweyn ee horyaalla mashruuca, gaar ahaan deegaannada waqooyi-bari Kenya. Dowladda Kenya ayaa sheegtay in la xoojiyey tallaabooyinka amni si loo ilaaliyo shaqaalaha iyo howlaha dhismaha.

Puntland 8da Sebteembar 2026Dowlad Goboleedka Puntland ayaa ka digay in kooxaha burcad-badeedda ee ka howlgala xeebaha gobolka ay xiriir la leeyihiin shabakado dambiilayaal ah oo gaara ilaa Yemen. Maxamed Jaamac, oo ah taliyaha Ciidanka Ilaalada Badda ee Puntland, ayaa sheegay in burcad-badeeddu ay hadda awood u leeyihiin inay weerarro ka fuliyaan masaafo ka fog xeebaha Soomaaliya, iyagoo adeegsanaya doonyo dheereeya iyo hub ay ka mid yihiin qoryaha lidka diyaaradaha iyo gantaallada garabka laga tuuro.
Digniinta Puntland ayaa ku soo beegmaysa xilli ay soo badanayaan weerarrada burcad-badeedda ee ka dhaca xeebaha Soomaaliya iyo Gacanka Cadmeed. Sanadkan ayaa la diiwaangeliyey weerarro ka badan kuwii sanadihii u dambeeyey.
Ugu yaraan 5 markab ayaa haatan lagu haystaa xeebaha degaanada Puntland. Burcad badeedda ayaa dalbaday lacago furasho ah oo malaayiin ah.
Sida laga soo xigtay xogta la helayo, kooxaha burcad-badeedda ayaa sidoo kale mararka qaar adeegsanaya maraakiib ay h**e u qafaasheen, iyagoo ka dhigaya saldhigyo ay ka abaabulaan weerarro cusub oo ka dhaca meel ka baxsan xeebaha Soomaaliya.
Muqdisho 8da Sebteembar 2026 Booliska magaalada Karachi ayaa xiray tiro ka mid ah qoysaska badmaaxiinta Pakistan, kuwaas oo mudaharaad ka dhigayay bannaanka xafiiska Wasaaradda Arrimaha Dibadda ee Pakistan, iyagoo dalbanayay in si degdeg ah loo soo badbaadiyo eheladooda oo ay afduubteen burcad-badeed Soomaali ah. Qoysaska ayaa tan iyo habeenkii Axadda fadhiyay bannaanka xarunta Wasaaradda Arrimaha Dibadda ee ku taalla Shahrah-e-Faisal, iyagoo dowladda Pakistan ugu baaqayay inay qaaddo tallaabooyin wax ku ool ah oo lagu xaqiijinayo sii-deynta badmaaxiinta.
Warbaahinta Pakistan ayaa sheegtay in 10 muwaadiniin Pakistani ah ay ka mid yihiin 17-ka qof ee shaqaalaha markabka MT Honour 25, oo ay burcad-badeeddu qabsadeen 21-kii Abriil xilli uu marayay biyaha u dhow Soomaaliya.
Markabka oo wata calanka Palau ayaa sida lagu sheegay warbixinta lagu qabsaday meel ka baxsan xeebaha Puntland.
Qoysaska mudaharaadayay ayaa sheegay inay si nabad ah ugu tageen xarunta wasaaradda si ay dowladda uga dalbadaan in la dedejiyo dadaallada lagu soo daynayo eheladooda.
Booliska ayaa markii dambe farageliyay mudaharaadka, waxaana la xiray qaar ka mid ah dadkii bannaanbaxa ka qeybgalayay.
Qaar ka mid ah dibadbaxayaasha ayaa sheegay in boolisku adeegsadeen awood iyo ul, iyagoo dalbaday in si degdeg ah loo sii daayo dhammaan dadka la xiray.
Qoysaska ayaa muujiyay walaac sii kordhaya oo ku saabsan xaaladda badmaaxiinta, kuwaas oo muddo bilo ah gacanta ugu jira kooxaha afduubka ka geysta xeebaha Soomaaliya.
Waxay dowladda Pakistan ugu baaqeen inay xoogga saarto dadaallada lagu xaqiijinayo badbaadada badmaaxiinta iyo sidii loogu soo celin lahaa dalkooda.
image.png

Muqdisho 8da Sebteembar 2026 Madaxweynaha Jabuuti, Ismaaciil Cumar Geelle, ayaa ka digay faragelin shisheeye oo lagu sameeyo arrimaha gudaha ee dalkiisa, isagoo sheegay in madax-bannaanida Jabuuti iyo awoodda ay u leedahay inay si madaxbannaan go’aannadeeda u gaadho ayna ahayn wax gorgortan laga geli karo. Madaxweyne Geelle ayaa hadalkan ka sheegay magaalada Cali-Sabiix, kaddib markii uu soo dhammaaday shir siyaasadeed oo saddex maalmood socday oo ay yeesheen xubnaha Xisbiga Isu-soo-baxa Shacabka ee Horumarka (RPP) ee talada dalka haya.
Madaxweynaha ayaa sheegay in Jabuuti ay xoogga saarayso ilaalinta madax-bannaanida go'aan-qaadashadeeda, xoojinta amniga gudaha iyo dhowrista isku-duubnida bulshada, xilli Geeska Afrika iyo gobolka Badda Cas ay ka jiraan loollan siyaasadeed iyo mid amni oo sii kordhaya.
“Arrimaha gudaha Jabuuti waxaa iska leh shacabka iyo dowladda Jabuuti. Uma oggolaan doonno cidna inay farageliso ama ku soo xadgudubto arrimaheenna gudaha,” ayuu yidhi Madaxweyne Geelle.
Waxa uu sidoo kale sheegay in dowladdiisu sii wadi doonto maalgelinta waxbarashada, horumarinta xirfadaha iyo tayeynta awoodda muwaadiniinta Jabuuti, si loo dhiso dal isku filan oo awood u leh inuu si madaxbannaan uga jawaabo caqabadaha mustaqbalka.
Hadallada Madaxweynaha Jabuuti ayaa kusoo beegmaya xilli gobolka Geeska Afrika iyo Badda Cas ay ka jiraan loollan xooggan oo ay ku lug leeyihiin dalal iyo quwado shisheeye, kuwaas oo dano amni, siyaasadeed iyo dhaqaale ku leh gobolka.
Si kastaba ha ahaatee, Madaxweyne Geelle si gaar ah uma magacaabin cida ama dalka uu uga digayay faragelinta. Sidoo kale muu sheegin dal ama dhinac ay dowladdiisu xilligan khilaaf siyaasadeed ama diblomaasiyadeed kala dhexeeyo. Sidaas darteed, lakiin waxa si adag u diide farogalin kasta oo shisheeye.

Enjoy the videos and music you love, upload original content, and share it all with friends, family, and the world on YouTube.

07/09/2026

WARARKA MAANTA 7da Sebteembar 2026
Su’aalaha Maanta::Maxaa ku dhacay Madaxwetbe h**e Xassan? Yaa isbitaal geeyey? Yaa diiday inuu dhiso Madaxweyne h**e Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya ? Yaa diiday inuu djiso oo boobay sacabka xitaa qabuura ka badbaadi waayeen? Yaa noqon doona Madaxweynaha cusub ee ? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira? Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda ?
Muqdisho 7da Sebteembar 2026 Maanta waxaan kulan muhiim ah oo xambaarsan xoojinta xiriirka iyo iskaashiga Soomaaliya iyo Ururka Iskaashiga Islaamka (OIC) la yeeshay madaxda ka socotay ururka oo uu hoggaaminayay Agaasimaha Guud ee Howlgalka OIC ee Soomaaliya Danjire Mudane Maxamed Bamba M. Boba iyo masuuliyiin kale, waxaana ka wada hadalnay sidii loo sii xoojin lahaa wada shaqeynta iyo taageerada OIC ee Soomaaliya.
Waxaan sidoo kale warbixin ka siiyay xaaladda guud ee dalka, horumarka laga sameeyay dhinacyada amniga, dowlad-dhiska, siyaasadda iyo horumarinta dhaqaalaha, iyo hirgelinta doorashooyinka Qof iyo cod ee ka qabsoomay qaybo badan oo kamid ah dalka.
Waxaan uga mahadceliyaa OIC taageerada iyo garab istaagga joogtada ah ee ay u muujiyaan Soomaaliya, gaar ahaan dadaallada lagu taageerayo dowlad-dhiska, nabadda iyo horumarka dalka
Muqdisho 7da Sebteembar 2026 Qaar ka mid ah xubnaha ka qeybgelaya Shirweynaha Qaran ee Istiraatiijiyadda Xiriirka Warbaahinta 2026 (𝐒𝐭𝐫𝐚𝐭𝐞𝐠𝐢𝐜 𝐂𝐨𝐦𝐦𝐮𝐧𝐢𝐜𝐚𝐭𝐢𝐨𝐧 𝐅𝐨𝐫𝐮𝐦 𝟐𝟎𝟐𝟔).
Shirweynahan oo isu keenaya qeybaha kala duwan ee warbaahinta, dowladda, khubaro iyo daneeyayaal kale ayaa diiradda lagu saari doonaa mustaqbalka warbaahinta Soomaaliya iyo doorka isgaarsiinta istiraatiijiga ah ee xilligan casriga ah.
Hal-ku-dhigga Shirweynaha: “Qaabeynta Mustaqbalka Warbaahinta Soomaaliya ee Xilligan Casriga ah”
Muqdisho 7da Sebteembar 2026 Xafiiska EUCAP ee Puntland ayaa si guul leh u soo gabagabeeyay Tababar ku saabsan Isgaarsiinta Raadiyaha Badda, kaas oo loo qabtay 16 sarkaal oo ka tirsan Ciidanka Booliska Badda Puntland, lana qabtay inta u dhaxaysay 24 Agoosto ilaa 3 Sebtembar 2026.
Tababarku waxa uu xoojiyay xirfadaha wax-ku-oolka ah ee ka-qaybgalayaasha ee ku aaddan isgaarsiinta raadiyaha badda, iyadoo lagu bartay Nidaamka Caalamiga ah ee Isgaarsiinta Degdegga ah iyo Badbaadada Badda (GMDSS), nidaamyada raadiyaha VHF, HF iyo MF, qalabka EPIRB-ka ee lagu ogaado laguna diro goobta xaaladaha degdegga ah, qalabka SART ee loogu talagalay Hawlgallada Raadinta iyo Samatabbixinta, NAVTEX, iyo habraacyada isgaarsiinta xaaladaha khatarta, degdegga iyo badbaadada, iyo sidoo kale xeerarka iyo nidaamyada sharciyeed ee khuseeya.
Iyadoo loo marayo layliyo wax-ku-ool ah oo VHF ah, ka-qaybgalayaashu waxay ku dabaqeen habraacyada caadiga ah ee isgaarsiinta xaaladaha hawlgallada joogtada ah iyo kuwa degdegga ah. Dhammaan 16-ka sarkaal waxay heleen Shahaadada Isgaarsiinta Raadiyaha ee Masaafada Gaaban (Short-Range Certificate – SRC), taas oo muujinaysa aqoontooda iyo kartidooda ku aaddan isticmaalka raadiyaha VHF ee isgaarsiinta badda, isla markaana gacan ka geysanaysa xoojinta u-diyaargarowga hawlgallada badbaadada iyo amniga badda ee Puntland.
Isagoo ka hadlay gabagabada tababarka, Khadar oo ka mid ahaa ka-qaybgalayaasha ayaa la wadaagay waayo-aragnimadiisa:
“Tababarku waxa uu kordhiyay kalsoonidayda ku aaddan isticmaalka raadiyaha VHF iyo sida saxda ah ee looga jawaabo isgaarsiinta la xiriirta badbaadada, xaaladaha degdegga ah iyo xaaladaha khatarta. Xirfadahan waxay iga caawin doonaan inaan si wax-ku-ool ah ula xiriiro oo aan isku dubbarido hawlgallada joogtada ah, gaar ahaan marka ay jiraan xaalado degdeg ah iyo hawlgallada raadinta iyo samatabbixinta.”
………..
The EUCAP Field Office Puntland successfully concluded a Maritime Radio Communications Training for 16 Puntland Maritime Police Force (PMPF) officers, held from 24 August to 3 September 2026.
The training strengthened participants’ practical skills in maritime radio communications, covering the Global Maritime Distress and Safety System (GMDSS), Very High Frequency (VHF), High Frequency (HF) and Medium Frequency (MF) radio systems, Emergency Position-Indicating Radio Beacons (EPIRBs), Search and Rescue Transponders (SARTs), NAVTEX, and distress, urgency and safety procedures, alongside relevant legal and regulatory frameworks.
Through practical VHF exercises, participants applied standard communication procedures in routine and emergency scenarios. All 16 officers received the Short-Range Certificate (SRC), demonstrating competence in maritime VHF radio communications and contributing to stronger operational readiness for maritime safety and security in Puntland.
Speaking at the end of the training, trainee Khadar shared his experience: “The training improved my confidence in using VHF radio communications and responding correctly to safety, urgency, and distress communications. These skills will help me communicate and coordinate more effectively during routine operations and, especially, in emergency and search and rescue situations.”
Muqdisho 7da Sebteembar 2026 Golaha Amniga Qaranka Israa’iil ayaa soo saaray digniin cusub oo ku saabsan khataraha amni ee Israa’iiliyiinta iyo Yuhuudda ku wajahan meelaha ka baxsan Israa’iil, oo Somaliland ku jirto, iyaga oo sheegay in Xuutiyiintu ay doonayaan in ay beegsadaan Israa'iiliyiinta u socda Somaliland. Sida ay baahisay i24NEWS, Golaha ayaa sheegay in kooxaha argagixisadu ay kordhiyeen dadaallada ay ku beegsanayaan Israa’iiliyiinta iyo Yuhuudda, iyadoo khatartu ay ka jirto dalal iyo gobollo kala duwan oo caalamka ah.
Goluhu waxa uu Somaliland, Urdun, Qatar iyo Masar, oo ay ku jirto Jasiiradda Sinai, ku daray dalalka leh heerka 4-aad ee digniinta safarka, isaga oo kula taliyay muwaadiniinta Israa’iil inay gebi ahaanba ka fogaadaan dalalkan iyo goobahan.
Warbixintu waxay sidoo kale sheegtay in kooxo ay ka mid yihiin Xisbullah, Xamaas, Daacish iyo Al-Qaacida ay weli wadaan hanjabaado iyo baaqyo ka dhan ah Israa’iiliyiinta iyo Yuhuudda.
Golaha ayaa intaa ku daray in Xuutiyiintu ay sidoo kale ku baaqeen in la waxyeelleeyo Israa’iiliyiinta ku sugan Somaliland iyo meelo kale oo Afrika ah, taas oo ay ku sababeeyeen joogitaanka Israa’iil ee qaaradda.
Digniintan ayaa kusoo beegmaysa xilli Golaha Amniga Qaranka Israa’iil uu sheegay in ay dunida ka kordheen weerarrada ay fuliyaan shaqsiyaad kaligood ah oo badhtilmaameedsanaya Israa’iiliyiin iyo Yuhuud.

Jubbaland 7da Sebteembar 2026 Boqolaal qof ayaa isugu soo baxay waddooyinka magaalada Kismaayo, xarunta ku-meelgaarka ah ee Jubaland, iyagoo muujiyay caro ka dhan ah Dowladda Turkiga, kaddib dhacdadii ka dhacday degmada Doolow ee gobolka Gedo. Dibadbaxayaasha ayaa ku eedeeyay Turkiga inuu ku lug lahaa duqeyn diyaaradeed oo la sheegay in lagu bartilmaameedsaday taliyaha sare ee ciidamada, General Mahad Abdirahman Aden, oo loo yaqaan General Shub.
Qaar ka mid ah dadka bannaanbaxa dhigay ayaa gubay calanka Turkiga, halka kuwo kale ay siteen sawirro lagu muujinayay Madaxweynaha Turkiga Recep Tayyip Erdoğan oo gacmihiisa dhiig lagu sawiray. Qaar ka mid ah boorarka ay wateen dibadbaxayaashu waxaa ku qornaa: “Uma baahnin Erdoğan.”
Dibadbaxayaasha ayaa ku dhawaaqayay erayo muujinaya isbeddelka dareenkooda ku aaddan Türkiye.
“Waxaan horay u jeclayn Erdoğan iyo Türkiye, laakiin hadda waan necbannahay,” ayay ku dhawaaqeen qaar ka mid ah dibadbaxayaasha.
Waxay sidoo kale cambaareeyeen waxa ay ku tilmaameen isku day lagu doonayay in lagu dilo General Shub, iyagoo sheegay in diyaarado militari oo Turki ah loo adeegsaday hawlgalka.
Mas’uuliyiin ka tirsan Jubaland iyo siyaasiyiin dhaliilsan Dowladda Federaalka Soomaaliya ayaa h**ey u sheegay in diyaaradaha ku lug lahaa dhacdada Doolow ay ahaayeen kuwo ay maamusho ama ka yimid Türkiye.
Dowladda Federaalka Soomaaliya ayaa, dhankeeda, beenisay in duqeyn cirka ah ay ka dhacday goobta lagu sheegay dhacdada, halka Dowladda Turkiga aysan si rasmi ah u xaqiijin wax ku lug lahaansho ah.
Dhanka kale, in ka badan kun qof oo ka tirsan bulshada degmada Afmadow ee gobolka Jubbada Hoose ayaa isugu soo baxay bannaanbax ay kaga soo horjeedaan waxa ay ku tilmaameen faragelin shisheeye iyo ku lug lahaanshaha Turkiga ee arrimaha gudaha Soomaaliya.
Dibadbaxayaasha ayaa ku baaqay in la ilaaliyo madax-bannaanida, midnimada iyo go'aanka shacabka Soomaaliyeed, iyagoo sheegay in arrimaha gudaha dalka ay tahay in Soomaalidu si madax-bannaan uga tashato.
Bannaanbaxyadan ayaa kusoo beegmaya xilli uu sii xoogeysanayo muranka siyaasadeed ee u dhexeeya Dowladda Federaalka Soomaaliya iyo maamulka Jubaland, gaar ahaan arrimaha la xiriira Gedo, amniga iyo khilaafka siyaasadeed ee dalka.
Wasiirka Haweenka Jubaland ayaa sheegay in maamulka uusan aqbali doonin weerarro ay fulinayaan diyaarado ay leeyihiin dalal shisheeye.
“Ma aqbalayno in dadkeenna iyo deegaankeenna lagu soo weeraro diyaarado ay leeyihiin dalal shisheeye,” ayay tiri.
Wasiirka Warfaafinta Jubaland ayaa isna sheegay in maamulka uu ka hortagi doono waxa uu ku tilmaamay duullaan lagu soo qaadayo Jubaland.
“Duullaan nooc walba leh oo Jubaland lagu soo qaado horay ayaa loogu fashilmay, haddana waa lagu fashilmay. Idanka Alle, Xasan iyo xulafadiisa waan ka guulaysan doonnaa,” ayuu yiri.
Guddoomiyaha degmada Kismaayo ayaa sheegay in shacabka iyo maamulka Jubaland ay diyaar u yihiin inay difaacaan jiritaanka dowladnimada Jubaland iyo waxa uu ku tilmaamay sharafkooda.
Wasiirka Amniga Jubaland ayaa dhankiisa Dowladda Federaalka ku eedeeyay inay wiiqday dowladnimadii iyo wax-wada-lahaanshihii dalka, isagoo sheegay in Jubaland ay diyaar u tahay inay iska difaacdo dowladda dhexe iyo waxa uu ku tilmaamay “gumaystaha cusub”.
Dibadbaxyada Kismaayo iyo Afmadow ayaa muujinaya sida ay dhacdada Doolow u saameynayso aragtida qaybo ka mid ah bulshada Jubaland ee ku aaddan Türkiye.

Muqdisho 7da Sebteembar 2026 Markabka dagaalka ee Ciidamada Badda Türkiye TCG Göksu (F-497) ayaa ku soo xirtay Dekedda Muqdisho, iyadoo markabkan uu qeyb ka yahay Kooxda Hawlgalka Ciidamada Badda Türkiye ee Soomaaliya (Somali Turkish Naval Task Group). Markabkaan ayaa Muqdisho soo gaaray Sabtidii, 5 Sebtembar, isla markaana uu ku xirtay Dekedda Muqdisho.
Sidoo kale, Safaaradda Türkiye ee Muqdisho ayaa maanta sheegtay inay booqatay TCG Göksu, iyadoo safaaraddu ku tilmaantay markabka inuu yahay qayb ka mid ah Taliska Kooxda Hawlgalka Ciidamada Badda Türkiye ee Soomaaliya, waxayna kulan la yeelatay ciidamada badda ee Turkish-ka ee saaran markabka.
Markabkaan TCG Göksu h**ey ayuu uga mid noqday maraakiibta Türkiye ee ilaalinaya hawlgallada badda Soomaaliya, Bishii July 2026, Wasaaradda Difaaca Türkiye waxay xaqiijisay in TCG Göksu, TCG Gelibolu iyo TCG Bartın ay ilaalinayeen markabka shidaal-baarista Çağrı Bey iyo maraakiibta taageerada ee Korkut, Altan iyo Sancar.
Hawlgalku wuxuu la xiriiraa baaritaanka shidaalka Soomaaliya ee Curad-1, oo ka socda xeebaha Soomaaliya.
Soo noqoshada TCG Göksu ee Muqdisho waxay ku soo beegmaysaa xilli xiriirka difaaca, amniga badda iyo tamarta ee Soomaaliya iyo Türkiye uu sii xoogeysanayo, Türkiye waxay sidoo kale dhawaan kordhisay muddada howlgalka ciidamadeeda ee Soomaaliya laba sano oo kale, taasoo u oggolaanaysa inay sii waddo taageerada milatari iyo tababarka ciidamada Soomaaliya
Muqdisho 7da Sebteembar 2026 Dowladda Federaalka Soomaaliya ayaa si adag u cambaaraysay dib-u-soo-noqoshada falalka burcad-badeednimada ee ka dhacay xeebaha Puntland, iyadoo sheegtay in tan iyo bishii Agoosto 2026 ay kordheen weerarrada lagu qaadayo maraakiibta ganacsiga ee ku sugan Gacanka Cadmeed. Dowladdu waxay sheegtay in weerarradaasi ay khatar ku yihiin maraakiibta iyo shaqaalahooda, iyadoo ku baaqday in si degdeg ah oo aan shuruud ku xirnayn loo sii daayo dhammaan badmaaxiinta gacanta ugu jira kooxaha burcad-badeedda.
Ciidamada Soomaaliya ayaa sii wada hawlgallada ka dhanka ah shabakadaha burcad-badeedda ee ka howlgala badda iyo berriga. Hawlgalkii ugu dambeeyay ee arrintan la xiriira ayaa dhacay 29-kii Agoosto, kaas oo lagu xoreeyay markabka xamuulka ee MV Lutuf, iyadoo ciidamada Soomaaliya ay iska kaashadeen hawlgalkaas.
Bayaan kasoo baxay wasaaradda arrimaha dibadda ayaa lagu sheegay inay sii wadi doonto Dowladda iskaashiga dhinaca amniga badda, ayna doonayso in la xoojiyo isku-duwidda hay’adaha amniga iyo taageerada caalamiga ah ee Soomaaliya, si wax looga qabto dhibaatada burcad-badeednimada.
Waxay sidoo kale soo dhaweysay taageerada dalalka saaxiibka ah ee dhinaca amniga badda, iyadoo ku baaqday in la qaado tallaabooyin wax-ku-ool ah oo lagu ilaalinayo sharciga Soomaaliya, laguna xakameynayo kalluumaysiga sharci-darrada ah iyo falalka kale ee wax u dhimaya amniga iyo xuquuqda madaxbannaanida Soomaaliya.
Ugu dambayn, Wasaaradda waxay ku baaqday in la xoojiyo heshiiska iyo iskaashiga caalamiga ah ee la dagaallanka burcad-badeednimada, iyadoo sheegtay in dhammaan dhinacyada ay tahay inay si wadajir ah uga shaqeeyaan sidii loo burburin lahaa shabakadaha burcad-badeedda, loona xaqiijin lahaa in xeebaha Soomaaliya ay noqdaan kuwo ammaan u ah maraakiibta iyo isu-socodka badda.

Nyd de videoer og den musik, du holder af, upload originalt indhold, og del det hele med venner, familie og verden på YouTube.

Address

Telephone

2028485280

Website

http://www.somalimobilenews.com/

Alerts

Be the first to know and let us send you an email when Somali Mobile News posts news and promotions. Your email address will not be used for any other purpose, and you can unsubscribe at any time.

Somali Mobile News

10/09/2026

09/09/2026

08/09/2026

07/09/2026

Address

Telephone

Website

Alerts

Shortcuts

Share

Listing takedown request