28/09/2024
Nakoia kaain abau ae tangiraki irou ae Maiana te tikaua n rerei!!
E rabwa te Uea ngkai e teimatoa ni kawakiniira n taabo ake ti a mena iai. E rabwa riki te Uea ngkai ea tia n kamatoai ma Manate n nakoara are kam a tia n anganiira n onimakinara inanon te 4 n ririki ae ea waaki ngkai!! E RABWA TE UEA!
Kaain abau ae tangiraki irou ae Maiana, e kakawaki irou bwa kam na ataa mwiu n taainako bwa I bwaka iaa ao I a manga mena iaa ngaia are n te tai aio ao N na kabwarabwaraa nakoimii bwa kam aonga n ataia.
N aron nneu are kam a tia n anganai bwa N na mena n TKB ke Tobwaan Kiribati Bwatei ao I kukurei n ami rinerine ibukiu bwa bon ana wewete Uea nakoimi ao nakoiu ma kaainabau ae Manate. Ti noora te mwengaraoi n te Bwatei aio ao kam na riai n ataia bwa E karimoaaki te Uea n taainako n te Bwatei ae TKB. Kam aitau n ami noonorii ao N na kabanea au kona n mwiokoau mairoumi ao mai iroun naba ami Bwatei ae Tobwaan Kiribati Bwatei (TKB).
Ibukin ami rongorongo ao e waaki man te wiiki ae nako TKB n kawarii abamwakoron nako Kiribati ni kabane ni kauabaa ara Tia Kan Rineaki nakon te nakoa ni Beretitenti ae Hon. Taneti Maamau. I a tia naba ngai ami Tia Tei ae mangori n weteaki nakon aaba aika kakaokoro ao ni bon nakon naba abara ae Maiana bwa ti na kawarii naba ngkami ni kaongoraa.
Te tiim ae I mena iaana bon te tiim are e kaainaki iroun te Kauoman ni Beretienti, Hon. Dr Teuea Toatu are bon ana Tia Tei naba te aba ae ABAIANG, te Minita n te Itoman ma Mwamwananga ae Hon. Tekeeua Tarati are bon ana Tia Tei naba Manate man aia abamwakoro ae TAMANA, ao ana Tia Tei te abamwakoro ae ARORAE ae Hon. Niiti Itaaka.
Ti kiitana Tarawa nako Arorae n te Kaonob**g 21 n Tebetembwa ao n tiku ikekei n te maan ae 4 te b**g, ao ti manga kiitana ARORAE n te Katenib**g ae 25 n Tebetembwa nakon aban butikamii, natimi, tibumi ae kam tatangiria ma buaina ;) ae Manate nako TAMANA ao n tiku ikai ni karokoa te ingab**g. Ti na kiitana TAMANA n te b**g aio KAONOBONG 28 n Tebetembwa ao ni manga tiku moa i TABITEUEA n anga naba baira, bwanaara, matara ao ai nanora nakon ana tiim naba TKB are e mena ngkai ikekei. Ngaia are ngkana arona bwa ko a wareka au post aio ao ko a ataia ngkanne bwa I a roko I TABITEUEA.
Ngkana arona bwa iai ami kan reitaki ao are kam bon atai ara number, ngkana arona bwa e aki kaekaekaaki ao ngkanne ti kaongora ma tai raraoma bwa ni bwaran te kaongoraa koraki ao I manga katoai miss calls akekei ni manga kan ongora te kan buokaki mai iai.
Kam rabwa ao kam na tekeraoi n ami waaki ni kabane!!!
