05/03/2016
New post added at sinhala.lankaherald.com - මේ රොබරෝසියා මල් වාරේ
මේ දවස්වල ලංකාව හරියට ජපානෙ වගේ.ටොරිංටන් වලින් වාහනේ හරවනකොටම කවුදෝ කිවුව. එකදිගටම රොබරෝසියා ගස් .ඒවායේ රෝස පාට මල් පිරිලා. ළා දම් පාටකට හුරු රෝස පැහැති මල් වැස්ම දිහා බලන් ඉන්නකොට මට මතක් වෙන්නෙම සුරංගනා කතන්දර.ඇත්තටම රොබරෝසියා කියල ගහක් තියෙනවද? සාමාන්ය දැනුම පිටුවක කවුද අහල තිබුනා.මම ඔවු කිවුවා.ඒකට විවිධ තර්ක තිබුණා.ඇත්තටම මේ ගහේ විද්යාත්මක නාමය Tabebuia rosea .නමුත් හැම දෙනාම මේ ගහ හදුන්වන්නෙ රොබරෝසියා නමින්.මේ මල හා බැදිච්ච ගීත ,කවි බොහොමයි.විශේෂයෙන්ම විශ්වවිද්යාලය එක්ක බැදිච්ච සුවද මතකයක් තියෙනවනම් ඒ කොතනකට හරි රොබරෝසියා මලක් සම්බන්ධයි
මලෙහි වගේම එයට පටබැදුණු නමෙහි පවතින සෞන්දර්යයත් එයට හේතුවක් වෙන්න ඇති. මාර්තු මාසෙට පේරාදෙණියෙ වළ ගාව තියෙන රොබරෝසියා ගහේ මල් සිමෙන්ති පඩිපේලි දිගේ වැටිලා දම් පැහැති වැස්මක් බවට පත්වෙනවා.ජයවර්ධන පුර සරසවියෙත් එහෙමයි.මේ කාලෙට හරිම ලස්සනයි.නමුත් කැම්පස් අලයෙක් නම දාන්න ඇති කියල ශාප කරන උදවිය මේ ගහේ අනන්යතාවය පිළිබද කිසියම් ගැටලුවක පැටලිලා. ඔවුන් ගහේ විද්යාඇත්මක නම භාවිත නම යුතුයයි තර්කයක පැටලිලා. ඒත් සෞන්දර්යාත්මකව මතක තියාගන්න දේවල් වලට සෞන්දර්යාත්මක නමක් ආරෝපණය කරන එක පාපයක්ද? ගෙදර දරුවෙක් උපන්නම අකුරු බලලා ඝන පිහිටුවල කියාගන්න බැරි නමක් දානවා.ඒත් ආදරය ප්රකාශ කරද්දි ‘බබා‘ ‘බේබි“ ‘සිගිති‘ සුදූ‘ වගේ කෙට් නමක් ආරෝපනය කරගන්නවා.ඉතින් සමහර බේබිලා, බේබි මාමලා ,බේබි සීයලා වෙලා මිය යනවා.මොකද සම්බන්ධතා වලදි බරපතල නාමයන් හැගීම් එක්ක ගලපගන්න බැහැ.
Tabebuia rosea කිවුවම කිසිම සෞන්දර්යක් හිතට එන්නෙ නැහැ.හරියට ෆාමසියකින් ලියල දෙන බෙහෙතක් වගේ.නම පටබැදිච්ච විදිහ කුමක් වුණත් මේ නම යෙදුව කෙනා සෞන්දර්යවාදියෙක් වෙන්න ඕන. .ඔය විදිහට බලනව නම් ලංකාවෙ භාවිතා වෙන නම් වලින් කිසිම ගහක් තියෙන්න විදිහක් නැහැ. නා මලේ නියම නම මෙසුවා ෆෙරියා.ඒත් ඔය සියුමැලි දෙතොල් මෙසුවා ෆෙරියා වගේ කියන්න පුලුවන්ද? නා දලු වැනි සිනිදු දෙතොල්.. නා මලට වඩා ඇත්තටම සෞන්දර්යයක් තියෙන්නෙ නා දළු වල…ඒ වගේම නිල් මහනෙල් මලේ නියම නම Nymphaea nouchali . පිච්ච මලට කියන්නෙ Jasminum officinale . මේක හරියට අර කලින් කිවුවා වගේ ළමයෙක්ට නමක් දානකොට කරන වැඩේමයි.ලියාපදිංචියට බරපතල නමකුත් භාවිතයේ පහසුවට සුන්දර හා කෙටි නමකුත් යොදා ගන්නවා.ගොඩක් වෙලාවට සත්ය නමට වඩා ප්රචලිත වන්නෙ ආරෝපිත නාමය.ඇල්බට් පෙරේරා ,ඩබ්. ඩී අමරදේව වන්නෙත්,ඩේසි ඩැනියල්ස් රැක්මනී දේවි වෙන්නෙත් , ඒ විදියටමයි. ඒ වගේම වසන්ති චතුරානි සහ රවින්ද්ර රන්දෙණිය කියන්නෙ ඇත්තටම කවුද කියල ගොඩක් අය නොදන්නෙ ඒ නම් දෙකත් ආරෝපිත ඒවා වීම නිසයි.. කලාත්මක වටිනාකමක් ඇති දෙයකට සුන්දර නමක් පටබැදෙන එක සාමාන්ය දෙයක්. කවුරු හරි කිවුවොත් රුක්මනී දේවි කියල කෙනෙක් නැහැ. ඒක අලයෙක් දාපු නමක් විතරයි.ඇත්ත නම ඩේසි ඩැනියල්ස් කියලා. ඒකට දෙන උත්තරය මොකක්ද ? අනෙක් මල් හා සියළු පැළෑට් සම්බන්ධ තත්වයත් මෙසේ කොට රොබරෝසියා ගහ ද්වේශසහගතව නම පිළිබදව විවේචනයට ලක්වුනේ විශ්ව විද්යාල ජිවිතයේ සෞන්දර්ය වටහා ගන්න බැරි පිරිසක් නිසාද කියලත් මට හිතුනා.ඇත්තටම රොබරෝසියා යනුවෙන් ගහක් තිබේද? කියන ප්රශ්නයට මට දෙන්න තියෙන උත්තරේ මේක.ඔවු. එහෙම කෙනෙක් ලංකාවෙ ඉන්නවා.එයාගේ උද්භිද නම Tabebuia rosea .ඒත් අපි ආදරේට කියන්නෙ රොබරෝසියා.
(උපුටාගැනීම) Fb උපේක්ෂා නුවන්ශ්රීනි.
