https://www.facebook.com/433892657024940/

Pro Drive - Bangkok Car Rental, New York, NY (2025)

09/18/2020

🙏🏻🙏🏻🙏🏻ဘယ်လောက်နေရမလဲမသိတဲ့ လက်ကျန်နေ့ရက်လေးတွေမှာ ဘုရား တရားမြဲပြီး စိတ်ချမ်းသာစွာနဲ့ ရောဂါဘေးကင်းရှင်းကြပါစေ 🙏🏻 ဘယ်သူ့ ဘယ်သူ့ကိုမှ
စိတ်မဆိုးဘဲ နေချင်တယ် 🙏🏻 ကြားနေရတဲ့ ကပ်ဆိုးကြီးမှ အားလုံးလွတ်မြောက်ကြပါစေ 🙏🏻 ချစ်သော် ရန်ကုန်ရေ 🙏🏻

တစ်ရက်ချင်းစီကို
တန်ဖိုးထားတတ်ပြီး
ပြုံးရွှင်ရယ်မော
နေနိုင်ဖို့ အရေးကြီးတယ် ။

စိတ်ဆိုးနေလို့လည်း ကမ္ဘာကြီးက ပြောင်းလဲသွားမှာ မဟုတ်ဘူး ။
ကိုယ်ဖြစ်စေချင်သလို ဖြစ်မလာဘဲလည်း လူတချို့ဟာ ဒီအတိုင်း
ဆက်ရှိနေမှာပဲ ။

စိတ်ဆိုးရ ၊ စိတ်ညစ်ရ ၊ ဒေါသဖြစ်ရ ၊ မကျေနပ်ရ ၊ ခံပြင်းသိမ်ငယ်ရနဲ့ ပြီးတော့မှာကို မဟုတ်ဘူး ။

ဒီအတွက် တစ်ခုလိုချင် တစ်ခုပေးဆိုတဲ့အတိုင်း ပြိုင်မငြင်းဖို့ ၊ ကိုယ့်ကိုယ်ကိုယ် သူများနဲ့ ယှဉ်မတွေးဖို့ ၊ အသိအမှတ်အပြုခံချင်တဲ့စိတ်ကို လျှော့ဖို့ အရင်လုပ်ရမယ် ။

နိုင့်ထက်စီးနင်း ပြုမူပြောဆိုခံရရင် ပြေလည်ရာပြေလည်ကြောင်း ဖြေရှင်းမယ် ။ အရေးနိမ့်ကောင်းလည်း နိမ့်မယ် ။ ဒါပေမယ့် အဲ့လို အခင်းကြီးငယ် ကြုံပြီးရင် စိတ်အဖုအထစ်ကို တေးမှတ်သိမ်းဆည်းပြီး အိမ်ထိ ပြန်သယ်မလာဖို့ လုပ်ရမယ် ။

လူဆိုမှတော့ မသေမချင်း ပေးတာကို ပြန်လိုချင်မိနေဦးမှာပဲ ။ ပေးတာထက် ပိုမလိုချင်မိအောင်ပဲ ရှေ့လျှောက်လေ့ကျင့်ယူရမှာ။

သတိထားနေမယ် ။ လမ်းများများလျှောက်ဖြစ်အောင် လုပ်မယ် ။ Sleep Cycle ပျက်နေတာကို ပြန်တည့်ယူရမယ်။

အဓိက ကြာကြာ stress မပိဖို့ ၊ သူများအကြောင်းတွေ တရစပ် Judge လုပ် ၊ Speculation တွေထုတ် ကိုယ့်ကို မလိုအပ်တဲ့နေရာတွေ ဝင်ငြိ ၊ စိတ်အင်အားလူအင်အားတွေ ပြုန်းတီးပျော်ဝင် မနေဖို့ လိုရင်းပဲ ။

အလိုမများတဲ့သူဟာ ချမ်းသာတယ် ။
ခွင့်လွှတ်တတ်သူဟာ ငြိမ်းချမ်းတယ် ။
ဆုပ်ကိုင်မထားတဲ့သူဟာ ပေါ့ပါးတယ် ။
အခိုက်အတန့်လေးတိုင်းမှာ နေနိုင်သူဟာ ရှင်သန်တယ် တဲ့ ။

အချိန်တန်ရင်ရောဂါ တစ်ခု ရောက်လာပြီး နာကျင်ဆင်းရဲကြဦးမယ့် အတူတူ သူများအပူတွေ ပိုမယူဘဲ အခုအချိန်လေးတွေတော့ ဉာဏ်နဲ့ယှဉ်ပြီး ပျော်အောင် နေဦးမယ် ။

credit- အေးရိပ် 🙏🏻

photo credit - 🙏🏻

06/13/2020

【 အလုပ်နဲ့ ပတ်သက်လို့ ဒီလိုခံယူမယ်ဆိုရင်ဖြင့်..】
အလုပ်ကို ဘယ်လိုခံယူထားလဲ? မေးလာရင် အဖြေရှိပြီးလား? တစ်ချို့တွေက ငွေကြေးအတွက်အလုပ်လုပ်တယ်။ တစ်ချို့က တိုးတက်ဖို့အလုပ်လုပ်တယ်။ တစ်ချို့က အတွေ့အကြုံအတွက် အလုပ်လုပ်ကြပါတယ်။ အလုပ်လုပ်ရတဲ့ ရည်ရွယ်ချက်အမျိုးမျိုးတွေရှိသလို လူတစ်ယောက်ချင်းစီမှာ အလုပ်အပေါ် ခံယူချက်တွေကလည်း ကွဲပြားနေကြပါတယ်။
အလုပ်အပေါ်ထားရှိတဲ့ ခံယူချက်အပေါ်မူတည်ပြီး လူတွေရဲ့ အလုပ်ခွင်ထဲက စိတ်ပါဝင်စားမှု၊ လုပ်နိုင်ကိုင်နိုင်တဲ့စွမ်းရည်က ကောင်းမကောင်းဖြစ်လာပါတယ်။ ဒါ့ကြောင့်လည်း အလုပ်မှာ မကောင်းတဲ့ ခံယူချက်လေးရှိနေရင် မကောင်းတဲ့ ရလာဒ်ပဲ ထွက်လာပြီး ခံယူချက်ကောင်းကောင်းထားရင်တော့ အလုပ်အကိုင်တွေမှာ အဆင်ပြေနေတာမျိုးကို တွေ့ရပါတယ်။ ဒါက ကိုယ့်အတွက် အရေးကြီးသလို ကိုယ်ဝင်ရောက်လုပ်ကိုင်နေတဲ့ လုပ်ငန်းတွေ၊ အဖွဲ့အစည်း တွေကို လည်း တိုက်ရိုက်ထိရောက်စေပါတယ်။ ဒီတစ်ခေါက်တော့ အလုပ်မှာ ဘယ်လိုခံယူချက်ထားရှိသင့်လဲ? ဆိုတာကို မျှဝေလိုက်ပါတယ်။

06/12/2020

လူသိပ်မသိသေးတဲ့ အကြောက်လွန်ရောဂါ အမျိုး(၇၀)

အကြောက်လွန်ရောဂါ (Phobia) ဆိုတာကတော့ တစ်စုံတစ်ခုကို
သာမာန်ထက်ပိုပြီးအကြောက်လွန်တဲ့ရောဂါတစ်မျိုးဖြစ်ပါတယ်။
သူများတွေအတွက် ပုံမှန်ဆိုပေမယ့် ကိုယ့်အတွက်တော့
သာမန်ကြောက်တာထက်ပိုပြီး အလွန်အကြူးကြောက်တာမျိုး ဖြစ်နေတယ်ဆိုရင်
ဒါဟာ အကြောက်လွန်စိတ်ရောဂါ ဖြစ်နေလို့ပါ။
အခုပြောပြမယ် အကြောင်းလေးကတော့ လူသိပ်မသိသေးတဲ့
အကြောက်လွန်ရောဂါအမျိုး (၇၀) ကိုစာရင်းပြုစုပေးသွားမှာဖြစ်ပါတယ်
ပရိတ်သတ်ကြီးလည်း ဒီအထဲမှာ ဘာတွေခံစားနေရလဲဆိုတာ ကြည့်ပြီး
အဖြေရှာလိုက်ကြပါအုန်းနော်

1. Nyctophobia - အမှောင်ကြောက်တဲ့ရောဂါ
2. Acrophobia - အမြင့်ကြောက်တဲ့ရောဂါ
3. Claustrophobia - နေရာကျဉ်းကျဉ်းတွေကို ကြောက်တဲ့ရောဂါ
4. Venustraphobia - အရမ်းလှတဲ့မိန်းမတွေကို ကြောက်တဲ့ရောဂါ
5. Cacophobia - ရုပ်ဆိုးတဲ့လူတွေကို ကြောက်တဲ့ရောဂါ
6. Obesophobia - ဝိတ်တက်မှာကြောက်တဲ့ရောဂါ
7. Hydrophobia - ရေထဲဆင်းဖို့ ကြောက်တဲ့ရောဂါ
8. Pyrophobia - မီးကြောက်တဲ့ရောဂါ
9. Catoptrophobia - မှန်တွေကို ကြောက်တဲ့ရောဂါ
10. Ataxophobia - ရှုပ်ပွနေတာကို ကြောက်တဲ့ရောဂါ
11. Mysophobia - ညစ်ပတ်နေတာကို ကြောက်တဲ့ရောဂါ
12. Noctiphobia - ညဘက်ရောက်သွားမှာ ကြောက်တဲ့ရောဂါ
13. Heliophobia - နေရောင်ကိုကြောက်တဲ့ရောဂါ
14. Coulrophobia - ဂျိုကာကို ကြောက်တဲ့ရောဂါ
15. Ophidiophobia - မြွေကြောက်တဲ့ရောဂါ
16. Arachnophobia - ပင့်ကူကြောက်တဲ့ရောဂါ
17. Philophobia - ချစ်ရမှာကြောက်တဲ့ရောဂါ
18. Gamophobia - လက်ထပ်ရမှာကြောက်တဲ့ရောဂါ
19. Androphobia - ယောင်္ကျားတွေကို ကြောက်တဲ့ရောဂါ
20. Gynophobia - မိန်းမတွေကို ကြောက်တဲ့ရောဂါ
21. Tonitrophobia - မိုးကြိုးကြောက်တဲ့ရောဂါ
22. Astraphobia - လျှပ်စီးနဲ့ မိုးချိန်းသံကိုကြောက်တဲ့ရောဂါ
23. Lilapsophobia - မုန်တိုင်းကြောက်တဲ့ရောဂါ
24. Ombrophobia - မိုးရွာတာကြောက်တဲ့ရောဂါ
25. Scolionophobia - ကျောင်းကြောက်တဲ့ရောဂါ
26. Bibliophobia - စာအုပ်ကြောက်တဲ့ရောဂါ
27. Autophobia - တစ်ယောက်တည်းနေရမှာ ကြောက်တဲ့ရောဂါ
28. Koinoniphobia - လူပြည့်လျံနေတဲ့အခန်းကို ကြောက်တဲ့ရောဂါ
29. Agoraphobia - လူစည်ကားတဲ့နေရာတွေ ကြောက်တဲ့ရောဂါ
30. Glossophobia - လူတွေနဲ့ စကားပြောရမှာ ကြောက်တဲ့ရောဂါ
31. Dystychiphobia - မတော်တဆမှု‌တွေကို ကြောက်တဲ့ရောဂါ
32. Nosocomephobia - ဆေးရုံကြောက်တဲ့ရောဂါ
33. Hemophobia - သွေးတွေမြင်ရမှာကို ကြောက်တဲ့ရောဂါ
34. Phonophobia - ကျယ်တဲ့အသံတွေကို ကြောက်တဲ့ရောဂါ
35. Sedatephobia - တိတ်ဆိတ်မှုကို ကြောက်တဲ့ရောဂါ
36. Trypophobia - အပေါက်သေးသေးလေးတွေကြောက်တဲ့ရောဂါ
37. Trypanophobia - အပ်ထိုးသွင်းခံရမှာကို ကြောက်တဲ့ရောဂါ
38. Bathmophobia - လှေကားကြောက်တဲ့ရောဂါ
39. Microphobia - ပစ္စည်းသေးသေးတွေ ကြောက်တဲ့ရောဂါ
40. Megalophobia - ကြီးမားတဲ့အရာတွေကို ကြောက်တဲ့ရောဂါ
41. Amaxophobia - ကားစီးရမှာ ကြောက်တဲ့ရောဂါ
42. Aerophobia - လေယာဉ်ပျံစီးရမှာ ကြောက်တဲ့ရောဂါ
43. Tachophobia - မြန်တာကို ကြောက်တဲ့ရောဂါ
44. Photophobia - စူးကနဲဖြစ်သွားတဲ့အလင်းကို ကြောက်တဲ့ရောဂါ
45. Chronomentrophobia - နာရီကြောက်တဲ့ရောဂါ
46. Somniphobia - အိပ်ဖို့ကြောက်တဲ့ရောဂါ
47. Aichmophobia - ချွန်တဲ့အရာတွေကို ကြောက်တဲ့ရောဂါ
48. Pathophobia - ရောဂါဖြစ်မှာကို ကြောက်တဲ့ရောဂါ
49. Necrophobia - သေခြင်းကို ကြောက်တဲ့ရောဂါ
50. Iatrophobia - ဆရာဝန်တွေကို ကြောက်တဲ့ရောဂါ
51. Pedophobia - ကလေးကြောက်တဲ့ရောဂါ
52. Zoophobia - တိရိစ္ဆာန်တွေကို ကြောက်တဲ့ရောဂါ
53. Botanophobia - အပင်တွေကို ကြောက်တဲ့ရောဂါ
54. Insectophobia - အင်းဆက်တွေကြောက်တဲ့ရောဂါ
55. Equinophobia - မြင်းတွေကို ကြောက်တဲ့ရောဂါ
56. Ornithophobia - ငှက်တွေကို ကြောက်တဲ့ရောဂါ
57. Cynophobia - ခွေးကြောက်တဲ့ရောဂါ
58. Elurophobia - ကြောင်ကြောက်တဲ့ရောဂါ
59. Chromophobia - အရောင်တွေကိုကြောက်တဲ့ရောဂါ
60. Leukophobia - အဖြူရောင်ကြောက်တဲ့ရောဂါ
61. Melanophobia - အမည်းရောင်ကြောက်တဲ့ရောဂါ
62. Algophobia - နာကျင်မှာ ကြောက်တဲ့ရောဂါ
63. Atelophobia - မပြီးပြည့်စုံမှာကို ကြောက်တဲ့ရောဂါ
64. Atychiphobia - ကျရှုံးမှာကို ကြောက်တဲ့ရောဂါ
65. Genuphobia - ဒူးခေါင်းမြင်ရမှာ ကြောက်တဲ့ရောဂါ
66. Pogonophobia - မုတ်ဆိတ်မွှေးတွေကို ကြောက်တဲ့ရောဂါ
67. Phasmophobia - သရဲကြောက်တဲ့ရောဂါ
68. Cyberphobia - ကွန်ပြူတာတွေကို ကြောက်တဲ့ရောဂါ
69. Lockiophobia - ကလေးမွေးရမှာ ကြောက်တဲ့ရောဂါ
70. Examinophobia - စာမေးပွဲကို ကြောက်တဲ့ရောဂါ တွေပဲဖြစ်ပါတယ်

အကြောက်လွန်ရောဂါဆိုတာ ရီစရာမဟုတ်သလို သနားစရာလဲမဟုတ်ပြန်ပါဘူး
ဒါအပြင် စိုးရိမ်စရာရောဂါတစ်ခုလည်းမဟုတ်ပြန်ပါဘူး
အသိမောင်လေးတစ်ယောက််ဆို
အသီးအရွက်များကိုကြောက်တဲ့ရောဂါနဲ့ပတ်သတ်ပြီး သရော်သူတွေ၊
စနောက်သူ‌တွေ နဲ့အမြဲကြုံတွေ့ရပါတယ်
အသီးအရွက်ကိုကြောက်တာကလည်း အကြောက်လွန်ရောဂါတစ်မျိုးပါပဲ
ကိုယ်ကအဆင်ပြေနေပေမဲ့ သူတစ်ပါးအတွက်အသည်းအသန်ကြောက်လန့်နေတဲ့
အရာဆိုရင် လက်ခံပေးဖို့ပြောချင်ပါတယ်
လူတိုင်းမှာအကြောက်တရားကိုယ်ဆီရှိနိူင်တာကြောင့် ကိုယ်ချင်းစာစိတ်လေးနဲ့
ဖြည့်တွေးပေးနိုင်မယ်လို့ မျှော်လင့်ပါတယ်