31/05/2025
Nurse chawimawina sang ber dawng
TNAI Mizoram State Branch Treasurer ni mek, Civil Hospital, Aizawl a Nursing Officer V Lalhmangaihi'n Nurse chawimawina sang ber 'Florence Nightingale Award' a dawng.
He chawimawina hi 31.5.2025 khan India president Droupadi Murmu-in V Lalhmangaihi hnenah hian a hlan a ni.
India rama Nurse chawimawina sang dawngtu V Lalhmangaihi hi Venghnuai, Aizawl a cheng niin, Civil Hospital Aizawl a ICU dinna kawnga sulsutu zing ami niin, tlawmngai leh taima, a mamawhtute tana englai pawha che chhuak thei zel a ni.
He chawimawina hian medal bakah Rs. Sing 5 a keng tel a, Mizoram sawrkar pawhin kumin atanga dan a siam angin, lawmpuina thuziak leh Rs. Sing 5 a hlan bawk ang.
Mizoram Nurse te zingah he chawimawina dawng 17 na a rawn ti ta chiah. Mizo nurse te hetiang dawng thei kan nei hi kan chhuang takzet a. Mizo nurse ten cho naah ngaiin he award ropui tak hi dawng tur kan la awm leh zel theih nan i tang sauh sauh ang u.
