09/04/2026
ایس ایس پی عمران کھوکھر کو ڈی پی او قصور کیلئے مضبوط امیدوار قرار
پنجاب میں ضلعی پولیس کی قیادت میں ممکنہ رد و بدل کے باعث قصور اور بہاولنگر میں ڈی پی اوز کی تعیناتی کا عمل شروع ہونے جا رہا ہے۔ اطلاعات کے مطابق ان دونوں اضلاع کیلئے چار سینئر پولیس افسران کے انٹرویوز متوقع ہیں۔
ذرائع کے مطابق جن افسران کو شارٹ لسٹ کیا گیا ہے ان میں ایس ایس پی عمران کھوکھر، ایس ایس پی رضوان طارق، ایس ایس پی وسیم ریاض اور ایس ایس پی عامر شامل ہیں۔
خبر یہ بھی سامنے آئی ہے کہ قصور میں ڈی پی او کے عہدے کیلئے عمران کھوکھر ایک مضبوط امیدوار کے طور پر دیکھے جا رہے ہیں جبکہ بہاولنگر کیلئے وسیم ریاض کا نام نمایاں ہے۔ دیگر افسران بھی اس دوڑ میں شامل ہیں، تاہم حتمی فیصلہ انٹرویو اور کارکردگی کو مدنظر رکھتے ہوئے کیا جائے گا۔
