College Editors Guild of the Philippines

01/11/2025

TIGNAN: Nagtipon ang mamamayang Lagunense, ngayong ika-1 ng Nobyembre, upang mag-alay ng pagpupugay sa puntod ng mga martir ng probinsya bilang bahagi ng taunang paggunita ng Undas.

Nagtirik ng mga kandila at nagkabit ng mga sertipiko ng pagkilala ang mga dumalo bilang simbolikong pag-alaala sa mga bayani ng Laguna na nakibaka at naglingkod sa sambayanang Pilipino. Ang seremonya ay nagsilbing pagkakataon upang sariwain ang kanilang ambag sa kilusan at komunidad.

Binibigyang-diin ng mga nakibahagi ang kahalagahan ng pagpapatuloy ng alaala ng mga martir, partikular sa gitna ng nagpapatuloy na panawagan para sa hustisya at karapatan ng mamamayan.

Sa pahayag ng Anakbayan Laguna, “nanatili sa puso ng bawat masang Pilipino ang alaala ng kadakilaan ng mga kasamang nagbuwis ng buhay para sa bayan,” at idinagdag na mahalagang ipagpatuloy ang adhikain at prinsipyo ng mga bayani ng sambayanang pilipino.

Ayon sa mga dumalo, ang paggunita ngayong taon ay hindi lamang pag-alaala, kundi paalala sa mga hamong kinahaharap ng kasalukuyang henerasyon, lalo na sa usapin ng nagpapatuloy na katiwaliaan ng pamahalaan at pandarambong sa'ting bansa.

28/09/2025

𝗞𝗢𝗟𝗨𝗠𝗡 | “𝗟𝗮𝗯𝗮𝗻 𝗣𝗮𝗿𝗮 𝘀𝗮 𝗧𝗮𝗽𝗮𝘁 𝗻𝗮 𝗣𝗼𝗻𝗱𝗼 𝗻𝗴 𝗘𝗱𝘂𝗸𝗮𝘀𝘆𝗼𝗻: 𝗛𝗶𝗻𝗱𝗶 𝗨𝘁𝗮𝗻𝗴, 𝗞𝘂𝗻𝗱𝗶 𝗞𝗮𝗿𝗮𝗽𝗮𝘁𝗮𝗻”

—Miwra

Bilang estudyante, hindi ko maiwasang magalak nang marinig ang balitang popondohan na ng gobyerno ang Php 12.3 bilyong kakulangan sa Free Higher Education (FHE). Para itong liwanag sa madilim na pasilyo—patunay na kaya palang dinggin ang panawagan ng kabataan. Ngunit malinaw na ito’y paunang hakbang lamang, at hindi pa tapos ang ating laban.

Mula 2022 hanggang 2025, hindi naibigay nang buo ang dapat na pondo para sa libreng matrikula at iba pang gastusin ng mga iskolar ng bayan. Ang epekto? Mga pasilidad na naluluma at hindi napapakinabangan, mga g**ong hirap dahil sa kakulangan ng suporta, at mga estudyanteng napipilitang magtrabaho habang nag-aaral upang makatawid. Sa halip na mabawasan ang bigat ng pasanin, marami pa ring kabataan ang nananatiling nasa bingit ng paghinto.

Hindi matatapos ang laban sa Php 12.3 bilyon. Nariyan pa ang Php 6.4 bilyong budget cut sa 26 na State Universities and Colleges (SUCs), ang inaasahang Php 3.3 bilyong FHE deficiency sa 2026, at ang nakabibiglang Php 163.8 bilyong kabuuang kakulangan sa badyet ng SUCs. Kung magpapatuloy ang ganitong kalakaran, paano natin maaasahang magiging tunay na libre, dekalidad, at abot-kamay ang edukasyon sa Pilipinas?

Hindi dapat maramdaman ng kabataan na utang na loob ang edukasyong ibinibigay ng Estado. Hindi ito pabor na maaaring bawasan o bawiin. Ito ay karapatan na dapat tiyakin, sapagkat ang edukasyon ang pundasyon ng kinabukasan ng bayan. At kung ang pundasyong ito ay laging pinagtitipid, paano makakaahon ang sambayanan?

Bilang estudyante, hindi ko kayang manahimik. Ang bawat g**o na kinakailangang magturo ng lampas sa kayang pasanin, ang bawat aklatan na kulang sa libro, at ang bawat pangarap na napuputol dahil sa kakulangan ng suporta—lahat ng ito ay hindi lamang sugat ng kabataan, kundi sugat ng buong bansa.

Kaya’t hindi dapat tumigil ang panawagan. Kailangang magkaisa ang mga g**o, administrador, magulang, at higit sa lahat, tayong kabataan. Ang pagkakamit ng tunay na libreng edukasyon ay hindi ibibigay nang kusa—ito ay kailangang ipaglaban.

Kung may aral na dapat itanim sa ating mga sarili, malinaw na kailangang magkaisa ang kabataan at kumilos nang kolektibo. Sa bawat hakbang pasulong, dapat tayong maging mas matatag at mas matapang sa paggiit ng ating panawagan. Sapagkat higit sa lahat, ang laban para sa sapat na pondo sa edukasyon ay laban para sa mas malayang kinabukasan ng sambayanang Pilipino.

Katulad ko, panawagan ng bawat estudyante ang makabayan, siyentipiko, at makamasang edukasyon—pag-aaral na nakabatay sa pangangailangan ng ating bayan at mamamayan, hindi ng iilan lamang. Edukasyong masigasig na sinusuri ang tunay at tumpak na aksyon sa mga suliraning kinakaharap ng mga mag-aaral at institusyon. Edukasyong para sa ikabubuti ng bayan—hindi para sa interes ng dayuhan. Edukasyong may kalayaan tayong magpahayag at may demokratikong karapatan ang lahat.

“Sapagkat ang edukasyon ay hindi dapat nakikipag-agawan sa pondo—ito ang dapat inuuna. At kung tunay na mahal ng Estado ang kabataan, ipapakita ito hindi sa salita, kundi sa tapat at sapat na pondo para sa ating kinabukasan.”

28/09/2025

𝐁𝐀𝐋𝐈𝐓𝐀 | ₱12.3-B Pondo sa Libreng Kolehiyo Ibinalik, Budget Cuts sa SUCs Nananatiling Usapin

Nangako ang House of Representatives na ibabalik ang ₱12.3 bilyong pagkakautang ng bansa sa Free Higher Education (FHE) budget ng mga State Universities and Colleges (SUCs) mula 2022 hanggang 2025. Gayunman, nananatiling hamon ang nakaambang budget cuts at patuloy na kakulangan ng pondo sa maraming pamantasan.

𝐁𝐚𝐤𝐢𝐭 𝐌𝐚𝐡𝐚𝐥𝐚𝐠𝐚 𝐚𝐧𝐠 𝐏𝐨𝐧𝐝𝐨 𝐬𝐚 𝐅𝐇𝐄?

Batay sa Republic Act 10931 o Free Higher Education Law, dapat libre ang matrikula at iba pang bayarin sa mga SUC. Ngunit dahil sa umano’y ‘faulty computation’ ng Department of Budget and Management (DBM), hindi naibigay nang buo ang pondo sa loob ng tatlong taon, na nagdulot ng ₱12.3 bilyong kakulangan.

𝐏𝐚𝐧𝐚𝐰𝐚𝐠𝐚𝐧 𝐬𝐚 𝐏𝐥𝐞𝐧𝐚𝐫𝐲 𝐚𝐭 𝐊𝐨𝐦𝐢𝐭𝐞?

Sa mga pagdinig ng plenaryo para sa 2026 budget ng Commission on Higher Education (CHED) at SUCs, pinangunahan ng Makabayan bloc at ng Minority group ang panawagan na ibalik ang pondo.

Ayon kay Kabataan Partylist Rep. Atty. Renee Co, “Sa formula ng gobyerno, sadyang hindi mapopondohan ang lumalaking enrollment sa SUCs at natutulak ang maraming pamantasan na maghigpit o magbawas ng tinatanggap, o maningil muli ng mga bayarin sa mga estudyante.”

𝐓𝐡𝐞 𝐁𝐢𝐠𝐠𝐞𝐫 𝐏𝐢𝐜𝐭𝐮𝐫𝐞: 𝐌𝐚𝐥𝐚𝐤𝐢𝐧𝐠 𝐀𝐠𝐰𝐚𝐭 𝐩𝐚 𝐫𝐢𝐧

Sa budget deliberations para sa 2026, kinumpirma ng House of Representatives na popondohan na ang ₱12.3 bilyong kakulangan sa pondo para sa Free Higher Education ng mga State Universities and Colleges (SUCs), kakulangan na naipon mula 2022 hanggang 2025 dahil sa maling alokasyon. Tinuring naman itong “partial victory” ng ilang grupo kabilang na ang Kabataan Partylist na bunga ng patuloy na panawagan, protesta, at ugnayan ng mga estudyante, g**o, at mga opisyal ng mga SUC.

Bagamat itinuturing na tagumpay, parehong iginiit ng Kabataan at Gabriela na hindi pa rin sapat ang pondo sa edukasyon dahil sa nanatiling mga kaltas sa 26 na SUCs at mga panukalang proyekto na hindi pa rin nabibigyan ng pondo. Ayon kay Rep. Renee Co ng Kabataan Partylist, wala pang tunay na libreng kolehiyo sa bansa at tila binabayaran lang ng gobyerno ang utang nito sa mga pamantasan.

Kahit naibalik ang ₱12.3 bilyon, nananatiling kulang ang pondo ng SUCs. May ₱6.4 bilyong budget cut sa 26 pamantasan para sa 2026, habang may ₱3.3 bilyong projected deficiency dahil sa hindi ayos na formula ng DBM. Nananatiling unfunded ang ₱20 bilyong proyekto para sa mga gusali at pasilidad. Sa kabuuan, umaabot sa ₱163.8 bilyon ang agwat dahil ₱292 bilyon ang hiling ng SUCs ngunit ₱128 bilyon lang ang inaprubahan.

𝐏𝐨𝐧𝐝𝐨 𝐄𝐝𝐮𝐤𝐚𝐬𝐲𝐨𝐧 𝐡𝐢𝐧𝐝𝐢 𝐬𝐚 𝐊𝐨𝐫𝐚𝐩𝐬𝐲𝐨𝐧

Para sa National Union of Students of the Philippines (NUSP) – Southern Tagalog, hindi sapat ang naging hakbang ng gobyerno.
“Edukasyon ang nasa Saligang Batas na dapat bigyan ng pinakamataas na prayoridad. Ngunit bilyon-bilyon ang inilalagak ng administrasyong Marcos Jr. sa pasismo at korapsyon,” ayon kay Miguela Alejandra Mata, rehiyonal na tagapangulo ng NUSP-ST.

Bagama’t plano ng gobyerno na ilaan ang humigit-kumulang 4% ng GDP para sa sektor ng edukasyon, nananatili ang kakulangan ng suporta para sa SUCs at mga pampublikong paaralan. Ayon kay dating Rep. Sarah Elago, mahalagang hakbang ang ₱12.3-bilyong pondo upang punan ang matagal nang pagkukulang sa SUCs, ngunit maliit pa rin ito kumpara sa mga pondong inilalagay sa pork barrel. Aniya, simula pa lamang ito at magpapatuloy ang laban para sa karapatan sa edukasyon.

Binatikos din ng mga progresibong mambabatas ang mabilis na pag-apruba ng Kongreso sa confidential at intelligence funds ni Pangulong Ferdinand “Bongbong” Marcos Jr., pati na ang mga proyektong imprastraktura na umano’y nagiging daan ng korapsyon.

𝐈𝐬𝐢𝐧𝐮𝐥𝐚𝐭 𝐧𝐢𝐧𝐚: 𝐊𝐚𝐲𝐞 𝐃𝐢𝐯𝐢𝐧𝐚 𝐚𝐭 𝐒𝐡𝐚𝐧 𝐊𝐞𝐧𝐬𝐡𝐢𝐧 𝐄𝐜𝐚𝐥𝐝𝐫𝐞 | 𝐏𝐧𝐂'𝐬 𝐓𝐡𝐞 𝐇𝐞𝐫𝐚𝐥𝐝

28/09/2025

𝗣𝗮𝗵𝗮𝘆𝗮𝗴 𝗻𝗴 𝗖𝗼𝗹𝗹𝗲𝗴𝗲 𝗘𝗱𝗶𝘁𝗼𝗿𝘀 𝗚𝘂𝗶𝗹𝗱 𝗼𝗳 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀–𝗟𝗮𝗴𝘂𝗻𝗮 𝗵𝗶𝗻𝗴𝗴𝗶𝗹 𝘀𝗮 𝗽𝗮𝗴𝗯𝗮𝗯𝗮𝗹𝗶𝗸 𝗽𝗼𝗻𝗱𝗼 𝘀𝗮 𝗲𝗱𝘂𝗸𝗮𝘀𝘆𝗼𝗻 𝗻𝗴𝗮𝘆𝗼𝗻𝗴 𝟮𝟬𝟮𝟲

“𝗜𝗽𝗮𝗴𝗹𝗮𝗯𝗮𝗻 𝗮𝗻𝗴 𝘀𝗮𝗽𝗮𝘁 𝗻𝗮 𝗽𝗼𝗻𝗱𝗼 𝘀𝗮 𝘀𝗲𝗸𝘁𝗼𝗿 𝗻𝗴 𝗲𝗱𝘂𝗸𝗮𝘀𝘆𝗼𝗻! 𝗜𝘀𝘂𝗹𝗼𝗻𝗴 𝗮𝗻𝗴 𝗺𝗮𝗸𝗮𝗯𝗮𝘆𝗮𝗻, 𝘀𝗶𝘆𝗮𝗻𝘁𝗶𝗽𝗶𝗸𝗼, 𝗮𝘁 𝗺𝗮𝗸𝗮𝗺𝗮𝘀𝗮𝗻𝗴 𝗲𝗱𝘂𝗸𝗮𝘀𝘆𝗼𝗻!”

Sa mga nakalipas na taon, patuloy na nakakaranas ng kakulangan sa pondo ang mga pampublikong unibersidad at kolehiyo na sakop ng Free Higher Education (FHE). Dahil sa hindi maayos na alokasyon ng badyet na dapat ay nakalaan para sa mga pamantasan, nagpatuloy ang krisis sa edukasyon. Gayunpaman, sa pamamagitan ng mga konsultasyon, dayalogo, at ugnayan ng mga Student Regent at SUC administration, lalong tumibay ang panawagan na talakayin at ipatupad ang Republic Act 10931 o ang batas na nagbibigay ng libreng tuition sa mga State Universities and Colleges (SUCs).

Noong Setyembre 25, 2025, dahil sa kolektibong panawagan at pagkilos ng mga kabataang estudyante mula sa iba’t ibang pamantasan, naaprubahan sa Mababang Kapulungan ang pagbabalik ng pondong hindi naibigay ng pamahalaan para sa edukasyon simula pa noong 2022.

Tagumpay itong maituturing para sa sektor ng edukasyon at sa bawat estudyante sa ating bayan na naghahangad ng isang mas maayos at makatarungang sistemang pang-edukasyon. Subalit, bagaman maibabalik ang Php 12.3 bilyon na pondo, nananatili pa rin ang mabigat na usapin ng kakulangan upang matamo ang tunay na libre, dekalidad, at mapagpalayang edukasyon na matagal nang ipinaglalaban ng masang kabataan.

Pinakamataas na pagpupugay ang ipinapaabot ng College Editors Guild of the Philippines–Laguna (CEGP-LGN) sa kolektibong paglaban ng mga estudyante, g**o, at kawani ng mga pamantasan upang makamit ang panalong ito. Patunay ito na may kapangyarihan ang sama-samang tinig ng mga kabataan upang igiit ang kanilang demokratikong karapatan.

Samantala, hindi ito bunga ng biyaya ng gobyerno, kundi resulta ng matibay na pagkilos at paninindigan ng mga estudyanteng matagal nang ginigipit sa kakulangan ng classrooms, pasilidad, scholarship, learning materials, at iba pang batayang pangangailangan para sa dekalidad na edukasyon.

Mandato ng gobyerno na protektahan at itaguyod ang karapatan ng bawat Pilipino sa dekalidad, pantay-pantay, kultura-batay, at kumpletong edukasyon. Kaya’t ang pagbabalik ng pondong ito ay hindi dapat tingnan bilang pabor, kundi bilang katuparan ng obligasyon ng mga opisyal ng estado.

Sa kabila nito, malinaw ang pagpapabaya—inuuna pa rin ng gobyerno ang confidential funds, military spending, at iba pang programang hindi nakatuon sa interes ng nakararami. Sa halip na tiyakin ang sapat na pondo para sa edukasyon, pinipiling gipitin ang SUCs at limitahan ang mga oportunidad ng kabataang Pilipino.

Nanawagan ang CEGP–Laguna na manatiling mapagmatyag at manindigan. Hindi sapat na makita lamang sa tinta sa papel ang pagbabalik ng pondo; kailangan matiyak na aktwal itong naipapatupad at nararamdaman sa mga paaralan, pasilidad, at programang para sa kabataan.

Ang naibalik na halaga ay hindi pa rin sapat upang tugunan ang malalim na krisis sa edukasyon. Patuloy nating igiit ang mas mataas na pondo para sa edukasyon sa mga susunod na taon.

Hindi nagtatapos ang laban sa simpleng pag-apruba ng Kongreso. Nanawagan ang CEGP sa mga estudyanteng peryodista at mga publikasyong pang-kampus na ipagpatuloy ang paniningil, ibalita ang tunay na kalagayan ng mga pamantasan, at igiit ang malayang pamamahayag sa loob ng mga paaralan. Huwag makampante hangga’t hindi natitiyak na naibabalik ang bawat sentimo ng pondong nakalaan para sa edukasyon ng kabataan. # # # #

24/09/2025

“To write is already to choose!”

Hindi lang papel at tinta ang tangan ng kabataang peryodista, dala natin ang tapang at paninindigang magsilbi sa masa. Sa gitna ng korapsyon, pasismo, red-tagging, at panunupil sa malayang pamamahayag, tungkulin nating maging tagapagtanggol ng katotohanan at sandigan ng kapwa mamamahayag na patuloy na dinudurog ng inhustisya.

Habang winawasak ng sakuna at kasakiman ng iilan ang ating tahanan at kabuhayan, babahain natin sila ng mga kwento ng mamamayang api, at katotohanan. Tayo ang magpapaliyab ng apoy ng paglaban sa pamamagitan ng ating pagsusulat at pagkilos hanggang makamtan ang hustisya at tunay na kalayaan ng bayan.

Ang College Editors Guild of the Philippines (CEGP) ang pinakamatanda at pinakamalawak na alyansa ng mga pahayagang pangkampus sa bansa at Timog-Silangang Asya ay matagal nang nasa unahan ng laban para sa malayang pamamahayag at interes ng mamamayan.

Petsa: September 26 (Friday)
Oras: 7:00 PM
via Google Meet

Sumali sa CEGP Laguna! Maging Volunteer Secretariat!
https://forms.gle/eo1zzU4rFhPbKvek8

Sumulong. Sumulat. Manindigan. Magmulat.

22/09/2025

𝐒𝐓𝐀𝐓𝐄𝐌𝐄𝐍𝐓 𝐎𝐅 𝐂𝐎𝐋𝐋𝐄𝐆𝐄 𝐄𝐃𝐈𝐓𝐎𝐑𝐒 𝐆𝐔𝐈𝐋𝐃 𝐎𝐅 𝐓𝐇𝐄 𝐏𝐇𝐈𝐋𝐈𝐏𝐏𝐈𝐍𝐄𝐒 - 𝐋𝐀𝐆𝐔𝐍𝐀 𝐎𝐍 𝐓𝐇𝐄 𝐀𝐍𝐓𝐈-𝐂𝐎𝐑𝐑𝐔𝐏𝐓𝐈𝐎𝐍 𝐏𝐑𝐎𝐓𝐄𝐒𝐓 𝐈𝐍 𝐋𝐔𝐍𝐄𝐓𝐀 𝐀𝐍𝐃 𝐌𝐄𝐍𝐃𝐈𝐎𝐋𝐀 𝐀𝐍𝐃 𝐓𝐇𝐄 𝟓𝟑𝐑𝐃 𝐌𝐀𝐑𝐓𝐈𝐀𝐋 𝐋𝐀𝐖 𝐂𝐎𝐌𝐌𝐄𝐌𝐎𝐑𝐀𝐓𝐈𝐎𝐍

The College Editors Guild of the Philippines – Laguna salutes the Filipino people who once again showed strength, courage, and unity on September 21—the 53rd anniversary of the declaration of Martial Law. On this day of remembrance, the people affirmed that the horrors of dictatorship must never be forgotten, and that the fight against tyranny continues.

At Luneta alone, more than 100,000 marched and gathered to hold the US-Marcos Jr. regime accountable for rampant corruption and abuse of power. Alongside the youth, workers, farmers, the urban poor, the church, and other sectors of society, the people proved that their demand for justice and accountability cannot be silenced.

But in Mendiola, the state once again bared its fascism. Instead of listening to the people’s grievances, the police violently blocked and beat the youth and the masses. Reports recorded more than 216 arrests, including minors and 12 from BAYAN, while many were injured and rushed to hospitals. One person was even reported stabbed to death. Until now, the police continue to prevent relatives and lawyers from meeting the detainees—a blatant violation of basic rights.

According to reports, protesters dressed in black and wearing masks clashed with police forces. They hurled stones, bottles, and paint at the police stationed along the road leading to Malacañang. Tires and several container vans used as barricades on Ayala Bridge were also set ablaze. Some police officers were injured, several of them seriously. Minors were reportedly involved in the skirmishes, with around 17 arrested in Mendiola in connection with the incident. BAYAN clarified that the group in question was not affiliated with their organization, and that the confrontation began when unidentified men in black rushed at the police guarding the area.

Nonetheless, what stood out most was the police’s brutality. Instead of exercising restraint, the state unleashed excessive violence, indiscriminate arrests, and a ruthless dispersal against protesting youth. The people should not be condemned for being compelled to use radical forms of resistance. Their anger is rooted in systemic oppression, not personal shortcomings. The poor and the youth must not be blamed for their furious outcry—the true accountability lies with the regime that has fueled despair and suffering across the nation.

CEGP-Laguna strongly condemns the violent dispersal, arbitrary arrests, and intimidation by the police. The people fighting for change are not criminals or “troublemakers.” The real criminals are the plunderers of the nation’s coffers, the fascists defending the interests of a powerful few, and the US-Marcos Jr. regime that continues to oppress and impoverish the masses.

We demand the immediate release of all those arrested, justice for the injured and slain, and accountability from the police involved in the violent dispersal. On this commemoration of Martial Law, the Filipino people have once again declared: Never again, never forget. The protest has proven that the people’s anger can no longer be suppressed.

As long as corruption and injustice persist, the broad ranks of the youth will continue to rise. Some will walk out of their campuses and join the streets, others will speak the truth and make a change.

22/09/2025

𝐁𝐢𝐧𝐚𝐛𝐚𝐭𝐢 𝐚𝐭 𝐩𝐢𝐧𝐮𝐩𝐮𝐠𝐚𝐲𝐚𝐧 𝐧𝐠 𝐂𝐨𝐥𝐥𝐞𝐠𝐞 𝐄𝐝𝐢𝐭𝐨𝐫𝐬 𝐆𝐮𝐢𝐥𝐝 𝐨𝐟 𝐭𝐡𝐞 𝐏𝐡𝐢𝐥𝐢𝐩𝐩𝐢𝐧𝐞𝐬 – 𝐋𝐚𝐠𝐮𝐧𝐚 𝐚𝐧𝐠 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐤𝐢𝐥𝐨𝐬-𝐩𝐫𝐨𝐭𝐞𝐬𝐭𝐚 𝐧𝐠 𝐂𝐢𝐭𝐲 𝐂𝐨𝐥𝐥𝐞𝐠𝐞 𝐨𝐟 𝐂𝐚𝐥𝐚𝐦𝐛𝐚, 𝐬𝐚 𝐩𝐚𝐧𝐠𝐮𝐧𝐠𝐮𝐧𝐚 𝐧𝐠 𝐓𝐡𝐞 𝐒𝐞𝐧𝐭𝐢𝐧𝐞𝐥, 𝐨𝐩𝐢𝐬𝐲𝐚𝐥 𝐧𝐚 𝐩𝐚𝐡𝐚𝐲𝐚𝐠𝐚𝐧 𝐧𝐠 𝐧𝐚𝐬𝐚𝐛𝐢𝐧𝐠 𝐩𝐚𝐚𝐫𝐚𝐥𝐚𝐧, 𝐧𝐨𝐨𝐧𝐠 𝐢𝐤𝐚-𝟏𝟗 𝐧𝐠 𝐒𝐞𝐭𝐲𝐞𝐦𝐛𝐫𝐞.

Mahigit 200 estudyante ang lumahok sa pagkilos, bitbit ang panawagan na itigil ang garapal at lantad na korapsyong nakikita ng buong sambayanan.

Nagdaos ng cultural performance at candle lighting ang mga estudyanteng nagtipon sa quadrangle ng eskuwelahan, habang tangan ang mga plakard ukol sa badyet sa edukasyon, press freedom, korapsyon, flood control projects, at iba pang usaping panlipunan.

Patunay lamang ito na ang suliranin ng korapsyon ay hindi lamang nakapipigil sa usapin ng flood control, kundi sumasakal sa lahat ng sangay ng lipunan. Sa ilalim ng burukrata-kapitalismo, patuloy na ninanakaw at ibinubulsa ng iilan ang kaban ng bayan na dapat sana’y nakalaan para sa mga sektor ng mamamayan. Isa itong salot na nagbibigay ng karangyaan sa iilan habang inilulubog sa gutom at pasaning pinansyal ang nakararami.

Ipinapakita rin ng pagkilos na mulat ang kabataan sa kabulukan ng gobyernong kanilang hinaharap. Kinakailangang mailantad ang mga lider na nananatiling nakakapit sa pedestal, ngunit matagal nang nangangamoy ang kanilang panlilinlang. Panawagan ito para sa reporma at radikal na pagbabago sa bulok na sistemang naging tinik sa lalamunan ng masa.

Pagod na ang mga manggagawang lumulusong sa baha. Pagod na ang mga estudyanteng lubog sa kakulangan at korapsyon. Pagod na ang masa sa sistemang patuloy na nagpapahirap sa kanila. Kaya’t tama na! Sobra na!

Ngunit hindi nagtatapos sa isang araw ang laban. Hinihikayat ang kabataan na patuloy na maging mapagbantay, maging mapanghamon, at lumahok sa mga susunod pang pagkilos at demonstrasyon. Sapagkat sa kanilang tinig, tapang, at kolektibong pagkilos, nakasalalay ang pag-asa ng tunay na pagbabago.

15/09/2025

ALERT

Hinaharang ngayon ang delegasyon ng mga magtutubo at magsasaka sa ilalim ng Alyansa ng Magbubukid para sa Kompensasyon(AMK) na nakatakda sanang magsagawa ng protesta. Layon ng kanilang pagkilos na ilantad ang umano’y harassment ng 59th Infantry Battalion, Philippine Army (IBPA) laban sa mga lider-magsasaka na nananawagan para sa kompensasyon sa kanilang hanay.

Ayon sa pahayag ni Lucky Oraller, tagapagsalita ng Bagong Alyansang Makabayan Timog Katagalugan (BAYAN-TK) kinuha ng kapulisan ang ilan sa mga gamit nila at isinakay sa police mobile.

"Hinarang kami ng kapulisan kahit wala naman silang mapakitang dokumento maliban sa bawal ang pagrarally na walang permit. Wala kaming tiwala sa mga kapulisan kung anong maaari nilang gawin sa'ming mga kagamitan na isinakay nila sa mobile." Dagdag ni Oraller.

Facebook live: https://www.facebook.com/share/v/19W6HjivZg/

01/09/2025

𝗜𝗯𝗮𝗹𝗶𝗸 𝗮𝗻𝗴 𝗨𝘀𝗮𝗽𝗮𝗻𝗴 𝗣𝗮𝗻𝗴𝗸𝗮𝗽𝗮𝘆𝗮𝗽𝗮𝗮𝗻, 𝗪𝗮𝗸𝗮𝘀𝗮𝗻 𝗮𝗻𝗴 𝗣𝗮𝘀𝗶𝘀𝘁𝗮𝗻𝗴 𝗠𝗶𝗹𝗶𝘁𝗮𝗿𝗶𝘀𝗮𝘀𝘆𝗼𝗻!

𝗣𝗿𝗲𝘀𝘀 𝗦𝘁𝗮𝘁𝗲𝗺𝗲𝗻𝘁
September 01, 2025

Mariing kinokondena ng College Editors Guild of the Philippines–Laguna ang tumitinding pasismo at militarisasyon ng rehimeng US-Marcos Jr. nitong Agosto. Sa halip na lutasin ang ugat ng armadong tunggalian, pinili ng estado ang walang habas na pambobomba, sapilitang pagpapalikas, arbitraryong pag-aresto, at pamamaslang sa mamamayan.

Noong Agosto 2, 2024, walang-awang binomba ng AFP ang Tagkawayan, Quezon; noong Pebrero 19, 2025, sinunog at pinasabugan ang mga bukirin sa Pola, Mindoro. Higit 500 sibilyan ang napilitang lumikas sa Quezon, Mindoro, at Bicol nitong mga linggo. Mula 2022–2025, naitala ang 67,024 indiscriminate firing, 51,206 aerial bombings, at 45,097 forced evacuations, matibay na patunay na ang rehimeng US-Marcos Jr. ay masigasig sa panunupil kaysa sa paghahatid ng hustisya. Maging mga paaralan at komunidad ng magsasaka ay hindi ligtas sa marahas na okupasyon at panghaharas ng militar.

Kasabay nito, inilulunsad ng rehimeng Marcos Jr. ang tinaguriang National Action Plan–Unified Peace and Development (NAP-UPD) at ang kanyang “comprehensive peace plan.” Ngunit malinaw na ang laman nito ay hindi kapayapaan, kundi programa ng panunupil at pagpapasuko. Lalo nitong pinatitibay ang pekeng “localized peace talks” na paulit-ulit nang kinondena ng mamamayan at ng National Democratic Front of the Philippines (NDFP). Ang localized talks ay walang saysay dahil inihihiwalay nito ang usapin sa kabuuang estruktural na problema ng lipunan at ginagamit lamang para sa propaganda at sapilitang pagpapasuko ng mga rebelde.

“Ang pasistang estado ay hindi kailanman maghahatid ng kapayapaan. Ang kanilang pambobomba at pamamaslang ay ebidensya na wala silang intensyon na tugunan ang ugat ng sigalot sa lipunan. Ang tanging solusyon ay makatarungang kapayapaan na nakaugat sa hustisyang panlipunan,” pahayag ni Shan Kenshin Ecaldre, CEGP-Laguna Provincial Coordinator.

Hindi mapupulbos ng pananakot ang paglaban ng sambayanan. Ang armadong pakikibaka ay nananatiling lehitimo at makatarungan dahil nakaugat ito sa kawalan ng lupa para sa mga magsasaka, sa sahod na hindi makabuhay para sa manggagawa, sa kawalan ng trabaho para sa kabataan, sa kawalan ng pambansang industriyalisasyon, at sa kawalan ng hustisyang panlipunan. Ang mga problemang ito ang nagpapatuloy na nagtutulak sa mamamayan na mag-aklas.

Dahil dito, mariing ipinapanawagan ng CEGP–Laguna ang agarang pagbabalik ng usapang pangkapayapaan sa pagitan ng Government of the Republic of the Philippines (GRP) at National Democratic Front of the Philippines (NDFP). Ang peace talks ay ang konkretong proseso upang talakayin at lutasin ang ugat ng armadong tunggalian. Ang pagbali at pagsasawalang kibo ng estado sa negosasyon at pagpiling magpakatali sa pasistang militarisasyon ay malinaw na pag-abandona sa interes ng sambayanang Pilipino.

“Makatarungang kapayapaan ang tanging daan tungo sa pagbabago. Hindi ito makakamtan sa propaganda ng rehimeng US-Marcos Jr., kundi sa pagtugon sa pangunahing pangangailangan ng mamamayan, lupa para sa magsasaka, disenteng trabaho para sa manggagawa, makabayan at makamasang edukasyon para sa kabataan,” Dagdag ni Ecaldre.

Kasabay nito, binibigyang-diin ng CEGP–Laguna na hindi hiwalay ang laban ng mamamayan sa kanayunan sa laban ng kabataan at ng campus press. Habang pinapaslang ng estado ang tinig ng mamamayan sa mga baryo, binubusalan naman nito ang mga kabataang peryodista at pahayagang pangkampus. Iisa ang lohika ng pasismo: patahimikin ang mga lumalaban at sisira sa kanilang ilusyon ng kapayapaan.

Dahil dito, iginigiit ng CEGP–Laguna ang pagpasa ng Campus Press Freedom Bill. Ang batas na ito ay mahalagang hakbang upang tiyakin na malaya ang tinig ng kabataan at hindi kailanman mapipigil sa kanilang tungkuling maglabas ng katotohanan at magsilbing tinig ng sambayanan.

“Hindi kapayapaan ang katahimikan sa ilalim ng pasismo. Hindi kapayapaan ang pagkakait sa mamamayan ng kanilang mga karapatan. Ang tunay na kapayapaan ay makakamtan lamang kung mawawakasan ang sistematikong panunupil at maitatag ang lipunang nakabatay sa hustisya at kalayaan,” giit ng CEGP–Laguna.

Ang CEGP–Laguna ay naninindigan na hindi kailanman matatahimik ang tinig ng kabataan at mamamahayag. Hindi kailanman mapipigil ng pananakot ang sigaw ng sambayanan para sa hustisya. Ang panawagan ng mamamayan ay malinaw at mariin.

Ibalik ang usapang pangkapayapaan sa pagitan ng GRP at NDFP! Wakasan ang pasistang militarisasyon! Ipaglaban ang campus press freedom! Isulong ang pambansang demokrasya para sa tunay na kalayaan at kapayapaan!

College Editors Guild of the Philippines - Laguna

01/11/2025

28/09/2025

28/09/2025

28/09/2025

24/09/2025

22/09/2025

22/09/2025

15/09/2025

01/09/2025

Address

Website

Alerts

Contact The Business

Shortcuts

Share