तस्विरमा नेपाल

  • Home
  • तस्विरमा नेपाल

तस्विरमा नेपाल Historical photograph and history of Nepal. 'तस्विरमा नेपाल' is a recorded moment of the time. The page do not hold copyright for every images and videos.

It is a page where you can be with historical images and visuals along with brief history of Nepal. Information and materials published in the page is for educational and archival purpose. Our main goal is reveal the past happening and revisit history of Nepal. Posted materials originally copyrighted to the sources which has been mentioned in the post. So, using of any content from the website for

any personal or professional purpose, it is required to mention the original source rather than citing only 'tasvirmanepal.'

~ भावपूर्ण श्रद्धाञ्जली आयुर्वेदिक चिकित्सक डा. रामनारायण साह ~नेपाली आयुर्वेद प्रणालीका अग्रणी चिकित्सक डा. रामनारायण...
01/12/2025


~ भावपूर्ण श्रद्धाञ्जली आयुर्वेदिक चिकित्सक डा. रामनारायण साह ~

नेपाली आयुर्वेद प्रणालीका अग्रणी चिकित्सक डा. रामनारायण साहको जन्म बि सं २००६ कात्तिक २० गते महोत्तरीको एकडारामा गाउँका जमिन्दार मुनिलाल साहको परिवारमा जेठो सन्तानको रुपमा भएको थियो। उनले भारतको गुजरात आयुर्वेद विश्वविद्यालय, जामनगरबाट काय चिकित्सा विषयमा एमडी सकेर आएपछि नन–ग्रेजुएट पदबाट वि. सं २०४३ देखि सरकारी सेवामा प्रवेश गर्दै माथिल्लो पदसम्म पुगेर आफ्नो सेवाकालमा विभिन्न महत्वपूर्ण जिम्मेवारी निर्वाह गरेका थिए ।
आयुर्वेद तथा वैकल्पिक चिकित्सा क्षेत्रलाई व्यवस्थित र आधुनिक स्वरूप दिन महत्वपूर्ण भूमिका खेलेका उनले सिंहदरबार वैद्यखानाको प्रबन्ध निर्देशक, आयुर्वेद विभागमा निमित्त महानिर्देशक लगायत नरदेवी आयुर्वेद अस्पतालमा पनि केही समय सेवा गरेका थिए । बि सं २०५८ मंसिर २९ देखि २०६३ वैशाख ३१ सम्म डा. साह प्रबन्ध निर्देशक हुँदा सिंहदरबार वैद्यखानाबाट झन्डै एक सय ५० थरी औषधि उत्पादन भई बार्षिक दुई करोड देखि अढाई करोड रूपैयाँ बराबरको औषधि बिक्री हुने गरेको थियो ।
पिसाबमा संक्रमण देखिएपछि २०८२ साल मङ्सिर १४ गतेका दिन बिहान १०ः१५ बजे निजामती अस्पतालमा भर्ना गरिएका साहको आईसीयूमा राखेर उपचाररत अवस्थामा स्वास्थ्य अवस्था जटिल बन्दै गएपछि मङ्सिर १४ गते अपराह्न निधन भयो।

#तस्विर : १९९० अघिको खुल्ला टुँडिखेल |काठमाडौंको प्राचीन कालदेखिको खुला स्थलको रुपमा रहेको टुँडिखेललाई लिच्छवी कालमा ...
01/12/2025


#तस्विर : १९९० अघिको खुल्ला टुँडिखेल |

काठमाडौंको प्राचीन कालदेखिको खुला स्थलको रुपमा रहेको टुँडिखेललाई लिच्छवी कालमा ‘सहश्रमण्डल’ भनिन्थ्यो । यसको सांस्कृतिक महत्व लिच्छवि हुँदै मल्लकालसम्म आइपुग्दा बढ्दै गएको देखिन्छ । सत्रौं शताब्दीमा पाटनमा मल्लवंशी राजा सिद्धिनरसिंह मल्लको शासन रहेको समय काठमनडौका राजा प्रताप मल्लले पाटनमाथि हमला गरेका थिए। प्राध्यापक सुदर्शनराज तिवारीका अनुसार उक्त लडाइँ टुँडिखेलकै दक्षिणी भागमा लडिएको थियो । समयक्रमसंगै निर्माण भएका वीर अस्पताल, घण्टाघर, सैनिक अस्पताल, दरबार हाइस्कुल तथा त्रिचन्द्र कलेज आदी काठमाडौंमा जे–जस्ता नयाँ संरचना बने, ती सबै टुँडिखेल वरिपरि नै केन्द्रित भएर निर्माण भएको देखिन्छ। सन् १८५२ मा नेपाल बस्दा टुँडिखेलबारे लेखेका बेलायती चिकित्सक हेनरी एम्ब्रोस ओल्डफिल्डले यो चउर करिब पाँच किलोमिटर लामो र तीन सय मिटर चौडा फैलिएको भनेर उल्लेख गरेको देखिन्छ । यसरी भएको टुँडिखेल माथिको संस्थागत अतिक्रमणले इतिहास र संस्कृति मात्र मासेन, जनताको पहुँचसमेत निषेध गर्‍यो।

#तस्विर : बि सं २०२३ सालमा भक्तपुर स्थित हनुमानघाट |वीरा, भद्रा, तामसा नामका नदीहरुको त्रिवेणी अवस्थित हनुमानघाट क्षे...
01/12/2025


#तस्विर : बि सं २०२३ सालमा भक्तपुर स्थित हनुमानघाट |

वीरा, भद्रा, तामसा नामका नदीहरुको त्रिवेणी अवस्थित हनुमानघाट क्षेत्र एक तिर्थस्थल पुण्यभूमि हो ।

#ʜᴀɴᴜᴍᴀɴɢʜᴀᴛ

‘हङ पार्लियामेन्ट’ बाट बनेको नेपालको पहिलो कम्युनिस्ट सरकार | #तस्विर : बि सं २०५१ साल मंसिर १४ गते आफूलाई शपथग्रहण गर...
30/11/2025


‘हङ पार्लियामेन्ट’ बाट बनेको नेपालको पहिलो कम्युनिस्ट सरकार |
#तस्विर : बि सं २०५१ साल मंसिर १४ गते आफूलाई शपथग्रहण गराइएको दृश्य आफ्नो निवासको टेलिभिजनमा हेर्दै प्रधानमन्त्री मनमोहन अधिकारी।

नेपालको इतिहासामा पहिलो कम्युनिष्ट प्रधानमन्त्रीको रुपमा प्रतिनिधि सभाको सबैभन्दा ठूलो दलको हैसियतमा तत्कालिन एमाले अध्यक्ष मनमोहन अधिकारीले शपथ ग्रहण गरेका थिए। २ सय ५ सदस्यीय प्रतिनिधि सभामा १ सय ३ जना सांसदको समर्थन जुटाउन नसक्दा कसैको बहुमत नआउने भएपछि यसै दिनको अघिल्लो साँझ अर्थात मंसिर १३ गतेका दिन श्री ५ वीरेन्द्रबाट एमाले संसदीय दलका नेता अधिकारीलाई प्रधानमन्त्री नियुक्त गरिएको थियो।
नेपाल अधिराज्यको संविधान २०४७ को धारा ३६ (१) मा प्रतिनिधि सभामा बहुमत ल्याउने दलको संसदीय दलका नेता प्रधानमन्त्री बन्ने प्रावधान थियो भने कसैको पनि बहुमत प्राप्त हुन नसके संविधानको धारा ४२ का दुई उपधारा आकर्षित हुन्थे। जसअन्तर्गत धारा ४२ (१) मा ‘प्रतिनिधि सभामा कुनै दलले स्पष्ट बहुमत प्राप्त गर्न नसकेको अवस्थामा श्री ५ बाट दुई वा दुई भन्दा बढी दलहरुको समर्थनबाट प्रतिनिधि सभाका सदस्यहरुको बहुमतको विश्वास प्राप्त गर्न सक्ने सदस्यलाई प्रधानमन्त्रीको रुपमा नियुक्त गरिने’ उल्लेख थियो। साथै यस धारा अनुसार सरकार गठन हुन नसके धारा ४२ (२) आकर्षित हुन्थ्यो, जसअनुसार प्रतिनिधि सभामा सबैभन्दा बढी सदस्यहरु भएको दलको संसदीय दलका नेतालाई राजाले प्रधानमन्त्री नियुक्त गर्नुपर्थ्यो ।
काठमाडौ क्षेत्र नं १ मा एमाले महासचिव मदन भण्डारीसँग तत्कालिन कांग्रेस सभापति एवं अन्तरिम प्रधानमन्त्री कृष्णप्रसाद भट्टराई पराजित भएसंगै प्रधानमन्त्री बन्ने अवसर महामन्त्री गिरिजाप्रसाद कोइरालाले पाएका थिए, तर यसको केही समय पछि नै भट्टराई र कोइरालाबीच द्वन्द्व सिर्जना भई पार्टीभित्रको कलह बढ्दै संसद् विघटन हुने स्थिति सम्मै पुग्यो। जसकारण नेपाली कांग्रेसभित्रको अन्तरद्वन्द्वले सिर्जना गरिदिएको यस परिस्थितिले गर्दा नेपालको इतिहासमा पहिलो कम्युनिस्ट मन्त्रिमण्डल गठन भएको थियो।

#तस्विर : बि सं २०२७ तिर तुकं बहा: (.himalaya )आकार प्रकार एवं शैलीका आधारमा हाल नेपालमा पाइने सम्पूर्ण स्तूप, चैत्य ...
30/11/2025


#तस्विर : बि सं २०२७ तिर तुकं बहा: (.himalaya )

आकार प्रकार एवं शैलीका आधारमा हाल नेपालमा पाइने सम्पूर्ण स्तूप, चैत्य र मन्दिरहरूलाई करीब ११ प्रकारका वर्गीकरण गर्न सकिन्छ, जस अन्तर्गत स्वयम्भू चैत्य जस्तो गर्भगृहको चारै दिशामा बुद्ध मूर्तिहरू तथा त्रयोदशभूमि अङ्कित गजूर भएका चैत्यहरु अन्तर्गत एक हो यो तुकंबहा: को चैत्य ।

29/11/2025


#दृश्य : बि सं २०२१ सालमा Ron Ranson बाट खिचिएको चितवनको नारायणघाट तथा आसपासको तस्विरको रुपान्तरण, जसमा पूर्वपश्चिम राजमार्ग पनि देख्न सकिन्छ भने सो समय नारायणी नदीमा पुल पनि निर्माण भईसकेको थिएन।

अमेरिकी सहयोगमा सञ्चलित राप्ती उपत्यका बिकास कार्यक्रमको दूरगामी प्रभावले गर्दा धदिङ, गोरखा, नुवाकोट, लम्जुङ, कास्की तथा तनहुँँका मानिसहरु ठुलो संख्यामा यस उपत्यकामा सरेपछि आजको चितवनको रुप बिकाश हुन पुगेको हो । नत्र बसोबासका हिसाबले चितवनको स्थिती धेरै समयसम्म नकारात्मक नै रहेको थियो । औलोग्रस्त क्षेत्र हुनुका साथै सुरुमा यहाँको जङललाई दक्षिणबाट हुने हमला विरुद्ध मध्यवर्ती क्षेत्रका रुपमा राख्ने नीति र पछिका शासकहरुले सिकार क्षेत्रका रुपमा राख्न खोजेकाले नयाँ बसोबासलाई निरुत्साहित गरिन्थ्यो ।
राप्ती उपत्यका बिकास कार्यक्रम अन्तर्गत तयार गरिएको विकाश योजना अनुसार वृहत स्तरमा औलो उन्मुलान गरी २०,५०० हेक्टर जमिन खेती योग्य बनाउने, जङल फाँड्ने, सिंचाइ सुबिधा पुर्‍याउने र हेटौंडासम्मा बाटो जोड्ने कार्य गरी ३०,००० मानिसलाई नयाँ बसोबास गराउने कुरा तय भएको थियो । समयको अन्तरालमा सन् १९५०को दशकका सुरु तिर पहाडी इलाकाबाट मानिसहरु जग्गाको खोजीमा बिस्तारै चितवन उपत्यकामा आउन थालेपछि यो क्षेत्रमा केहि परिवर्तन देखा पर्न थालेको हो । त्यसका साथै सन् १९५४ को विनार्थी बर्षाका साथै बृहत रुपमा बसोबास गराउने सरकारी नीतिले भने चितवन उपत्यकाको रुप नै बदलदिएको थियो ।

#सन्दर्भ: मंसिर १३ | स्मृतिमा वरिष्ठ गायक फत्तेमान |वि.सं. १९९३ साल मंसिर १३ गते जन्मिएका नेपाली सुगम संगीतका महारथी फ...
29/11/2025


#सन्दर्भ: मंसिर १३ | स्मृतिमा वरिष्ठ गायक फत्तेमान |

वि.सं. १९९३ साल मंसिर १३ गते जन्मिएका नेपाली सुगम संगीतका महारथी फत्तेमान राजभण्डारीको वि.सं. २०७० भाद्र २५ गते मंगलबारका दिन मध्यरात १२:५० बजे निधन भएको थियो । ४ सय भन्दा बढी गीत तथा भजनमा स्वर तथा संगीत दिएका उनका 'मर्न बरु गाह्रो हुन्न …', 'यस्तो पनि हुँदो रैछ …', 'सान्नानीको गालै रैछ …', 'सान्नानीको गालैमा कालो कोठी रैछ …', 'रातो र चन्द्र सूर्य …' जस्ता गीत चर्चित छन् ।

#तस्विर : बि सं २०३३ सालमा दैलेखको भुर्ती देवल दैलेख स्थित नारायण नगरपालिका वडा नं. ७ भुर्ती गाउँमा रहेको देवलहरू विक...
29/11/2025


#तस्विर : बि सं २०३३ सालमा दैलेखको भुर्ती देवल

दैलेख स्थित नारायण नगरपालिका वडा नं. ७ भुर्ती गाउँमा रहेको देवलहरू विक्रमको चौधौँ पन्ध्रौँ शताब्दीतिर कर्णाली प्रदेशको खसमल्ल राज्यकालका समयमा निर्माण भएका हुन्। विद्वान मोहन प्रसाद खनालले प्रकाशन गरेको अभिलेख अनुसार यी देवलहरू वि. सं. १४६५ को आसपासमा निर्माण गरिएका देखिन्छ। विगतमा यहाँ २५ वटा देवल रहेका भए पनि उचित संरक्षणको अभावमा हाल २२ मात्र बाँकी छन् ।

~प्रहरी संगठनको सुरुवातकर्ता श्री ३ चन्द्रशमशेर ~ #तस्विर : श्री ३ चन्द्रशमशेर |बि सं १९७१ तिर श्री ३ चन्द्रशमशेरबाट न...
28/11/2025


~प्रहरी संगठनको सुरुवातकर्ता श्री ३ चन्द्रशमशेर ~
#तस्विर : श्री ३ चन्द्रशमशेर |

बि सं १९७१ तिर श्री ३ चन्द्रशमशेरबाट नेपालमा शान्ति सुरक्षा लगायतका कार्यमा व्यवस्थित परिचालनका निमित्त प्रहरी संगठनको स्थापना भएको थियो । 'पुलिस सवाल' को नाममा जारी पहिलो संगठनलाई वीरगञ्ज क्षेत्रको शान्ति तथा सुरक्षा कायम गर्ने जिम्मा प्रदान गरी खटाइएको थियो । यसरी तयार पारिएको संगठनको ८००० फौज तत्कालिन बृटिश सरकार समक्ष यसै सालको अगष्ट मा सहयोग स्वरुप पठाइएको पनि इतिहासमा देखिन्छ ।
श्री ३ चन्द्रशमशेरबाट सन् १९१९ तदनुसार बि.सं. १९७६ पौषको अन्त्यतिर 'जिल्ला-पुलिस इन्स्पेक्टर सवाल' स्थापना गरी काठमाडौं उपत्यकाको सुरक्षा व्यवस्था प्रहरीलाई सुम्पिने कार्य भएको थियो भने सन् १९२८ सम्म आइपुग्दा तराईका अन्य जिल्लाहरूमा पनि 'पुलिस गोश्वरा'को नाममा सुरक्षा व्यवस्थाको अधिकार प्रहरी प्रशासनलाई प्रदान गरिसकिएको थियो ।
काठमाडौं उपत्यकामा 'जिल्ला-पुलिस इन्स्पेक्टर सवाल' स्थापना पछि उपत्यकामा एउटा सदर पुलिस गोश्वरा, ६ थाना र १७ चौकी निर्माण गरी हनुमान ढोका स्थित 'सदर पुलिस गोश्वारा' स्थापना गरिएको थियो । उपत्यकाका ६ थाना मध्ये चार थानाहरू क्षेत्रपाटी, असन, कालभैरव र जैसीदेवलमा निर्माण गरिए भने अन्य २ थाना ललितपुर र भक्तपुरमा गरी एक-एक स्थापना गरिएको थियो । बाँकी चौकीहरू भने उपत्यकाको शहरी क्षेत्र वरिपरि स्थापना गराइएको थियो ।
श्री ५ महेन्द्रको समयमा गठित 'प्रहरी सुधार आयोग'को सुझावको आधारमा सन् १९५५ तदनुसार बि.सं. २०१२ मा प्रहरी संगठनलाई 'नेपाल पुलिस फोर्स' को रूपमा बैधानिक स्वरूप प्रदान गरी आजको अवस्थामा ल्याइएको थियो ।

~बदलिएको बसन्तपुर डबली ~ #तस्विर : बि सं २०२९ साल तिर बसन्तपुर डबलीको बजार |बसन्तपुर डबलीमा हुने ब्यापार पनि फेरिएर आ...
28/11/2025


~बदलिएको बसन्तपुर डबली ~
#तस्विर : बि सं २०२९ साल तिर बसन्तपुर डबलीको बजार |

बसन्तपुर डबलीमा हुने ब्यापार पनि फेरिएर आजकल बिदेशी पर्यटक लक्षित क्युरियो सामानहरुले स्थान लिएको छ। बि सं २०४४ सालमा नेपालमा सम्पन्न पहिले सार्क सम्मेलनको समयमा बिदेशी पाहुना लक्षित गरी बसन्तपुर डबली स्थित सो क्युरियो पसलहरुलाई अनुमति प्रदान गरिएको देखिन्छ।

🏯 🇳🇵

~नेपालका पाचौं राणा प्रधानमन्त्रीको रुपमा बि. सं. १९८६ मंसिर ११ सम्म करिब २८ बर्ष शासन गरेका श्री ३ चन्द्रशमशेरको ईच्छ...
27/11/2025


~नेपालका पाचौं राणा प्रधानमन्त्रीको रुपमा बि. सं. १९८६ मंसिर ११ सम्म करिब २८ बर्ष शासन गरेका श्री ३ चन्द्रशमशेरको ईच्छापत्र ~
#तस्विर: युवावस्थामा श्री ३ चन्द्रशमशेर
#साभारः नेपालनिरूपण/ज्ञानमणि नेपाल

"मेरो शेषपछि यदि प्र.मं.ले भनेमा बाहेक १२ महिनासम्म भिन्न नहुनू। महारानी र बिचरी प्यारी महारानीका तीन जना साना साना छोरा केही समयका लागि मोहनकै हेरचामा रहनेछन्। महारानीले आफ्नो र छोराहरूको लागि जुन जुन सुसारे तालिमेहरू राख्न चाहन्छिन् उनैसँग रहून्। जुन सुसारे र तालिमेहरू उनी राख्दिनन्। ती मोहन र अरु छोराहरू कहाँ जाउन्।
महारानी र छोराहरूसँग भएको जुहारात फर्निचर, सुन, चाँदी नगद–नोट र अरु चिनोहरू भागबण्डा गर्ने होइन। मेरो ढुकुटी र मेरो नाममा रहेको बैंकको रकम फर्निचर र भाँडाकुँडाहरू मात्र सबैलाई चित्त बुझ्ने किसिमले बाँड्नु।
प्यारा छोराहरू, छोरी र ज्वाइँ, तिमीहरू सबैले मान्छेले जस्तै बुद्धि पुर्‍याएर काम गर्‍यौ र होस पुर्‍याएर खर्च गर्‍यौ भने सुविस्तासाथ जिन्दगी बिताउन सक्नेछौ। इन्द्रका हजार आँखा भने जस्तै आफ्नो काम आफै हेर्नू, पैसाको मामलामा अर्काको भर नपर्नू। पैसा सापट नदिनू भन्ने उखान, तिमीहरूलाई थाहै छ। मलाई विश्वास छ, यदि तिमीहरूले धर्म सम्झेर बुद्धिमत्तापूर्वक काम गर्‍यौ भने ईश्वरले निगाह गर्नेछन्, जस्तो स्वास्थ्य बिगारेर पनि इमानदारीसाथ मैले देशको सेवा गरेँ। मैले सोझो पैसा कमाएँ कहिल्यै घूस लिइन।
म बितेपछि मेरा लागि धेरै खर्च गर्नु पर्दैन, एकादशाहका लागि ३०/४० हजारले मनग्गे पुग्छ।
मेरी छोरी ज्वाइँ आनन्दसाथ रहने कोशिस गर। मेरो समयमा जसरी खर्च गथ्र्यौ, त्यस्तो खर्च नगर्नू। मेरो शेषपछि पनि तिमीहरूले होशियारीपूर्वक खर्च गर्‍यौ भने यो संसारमा तिमीहरूले आरामपूर्वक जीवन बिताउन सक्ने छौ। मेरो नाम राख। छोरीलाई धेरै बतौरे हुन नदेऊ। होशियार बन्न सल्लाह देऊ। उनीलाई मुमा बुबाको नाम फाल्न नदिनू। तिमी ज्वाइँले साला–जेठान र आफ्नी पत्नीलाई सधैँ परिपक्व सल्लाह दिनू। मलाई थाह छ, तिमी, शान्त प्रकृतिका छौ, वेपरवाहसँग कुरा गरेर तिमीलाई कुनै संकट आइपर्ने छैन। त्यसकारण आरामपूर्वक जीवन बिताउनू र मौका मौकामा साला जेठानलाई नेक सल्लाह दिनू।
तुरुन्तै खर्च घटाऊ र आफ्नो कपडाअनुसार कोट बनाऊ। थाहा छ, म क. जर्नेल छँदा मेरो खर्च ४५ देखि ५० हजार हुन्थ्यो। होश गर! ब्राह्मण (पुरेत)का कारिन्दालाई तिमीहरूलाई सधैँ ठूला दानहरू गर्ने सल्लाह देलान्, भोकालाई खान र नाङ्गालाई लुगा दिनु सर्वोत्तम दान हो। ठूला दानहरू गर्ने त महाराजको काम हो।
छोराहरू मध्ये जसले बिदा पाउँछ, उसले जतिसक्दो चाँडो गया जानू र मेरो तथा मेरी प्यारी महारानीको श्राद्ध गर्नू। खर्च रु. ६,०००/– भन्दा बढी नहोओस्। त्यो सगोलको पैसाबाट बण्डा गर्नुभन्दा अघि नै छुट्याइ राख्नू।
प्यारा ठूलो छोराहरू! सौतेनी मुमालाई आफ्नै मुमाको जस्तो र सौतेनी भाइलाई आफ्नै भाइको जस्तो व्यवहार गर्नू। महारानीको फेरि अहिले गर्भ रहेको छ, यदि छोरै जन्म्यो भने तिमीहरू सात भाइसरह उसको अंश छुट्याई पाउने छ भन्ने मलाई विश्वास छ।
(जस्ताको तस्तै) मुमा र भाइहरूको बैंकको चिठीमा तिमी ठूला भएका ५ छोरामा १ छोराको साइन नलि सही गर्न गराउन नगर्नू भनि महारानीलाई लेखिदिएको छु। तिमीहरूले संकोच नमानी मलाई संझि यो काम गरिदिए।"

#तस्विर : बि सं २०२३ सालमा लमजुङको उदिपुर स्थित कालिका मन्दिर |लमजुङका राजा यशोबह्म शाहको मृत्युपछि वि.सं १५९८ मा उनक...
27/11/2025


#तस्विर : बि सं २०२३ सालमा लमजुङको उदिपुर स्थित कालिका मन्दिर |

लमजुङका राजा यशोबह्म शाहको मृत्युपछि वि.सं १५९८ मा उनका जेठा छोरा नरहरि शाह राजा भएको समय उदिपुरको कालिका मन्दिर स्थापना भएको मानिन्छ । यद्यपि यस मन्दिरसंग सम्बन्धित कुनै शिलालेख नभेटिए पनि कालिकाको उत्पत्ती बारे विभिन्न लोककथाहरू भने छन । करिब ३९ रोपनी क्षेत्रफलमा फैलिएको मन्दिरको थुम्कोमा साल, चिलौने, हर्रो, बर्रो र ओदालका रुखहरू छन । सुरुमा बर्रोको रुखको जरामुनीबाट पुजा गर्न थालिएको कालिका भगवतीलाई पछि वरिपरी ढुङगाको पर्खाल लगाएर बीच बीचमा प्वाल राखी पुजा गर्ने पनि प्रचलन थियो, जुन कुरा यस तस्विरमा पनि देख्न सकिन्छ ।

Address


Website

Alerts

Be the first to know and let us send you an email when तस्विरमा नेपाल posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share

Our Story

'तस्विरमा नेपाल' is a recorded moment of the time. It is a page where you can be with historical images and visuals along with brief history of Nepal. Information and materials published in the page is for educational and archival purpose. Our main goal is reveal the past happening and revisit history of Nepal. The page do not hold copyright for every images and videos. Posted materials originally copyrighted to the sources which has been mentioned in the post. So, using of any content from the website for any personal or professional purpose, it is required to mention the original source rather than citing only 'tasvirmanepal.'