Our Job to tell People What are Rights And What are Wrong For Them.
10/07/2025
ڈسٹرکٹ جیل کوہاٹ کے سپرنٹنڈنٹ معتصم باللہ کی دعوت پر سماجی کارکن ایثار علی بنگش نے اپنے وفد کے ہمراہ ڈسٹرکٹ جیل کا دورہ کیا۔ وفد میں صوبائی نائب صدر ایپکا سلیمان خان، ڈاکٹر عاطف الرحمان خٹک، اور جہانزیب خان شامل تھے۔اس موقع پر سپرنٹنڈنٹ معتصم باللہ نے وفد کو جیل میں قائم کمپیوٹر سنٹر، سلائی سنٹر، لائبریری، منشیات بحالی مرکز اور لنگر خانے کا دورہ کروایا۔وفد نے قیدیوں سے ملاقات کی اور جیل انتظامیہ کی جانب سے فراہم کی جانے والی سہولیات کا مشاہدہ کیا۔سپرنٹنڈنٹ معتصم باللہ نے ایثار علی بنگش کی جیل میں رضاکارانہ خدمات کو سراہتے ہوئے کہا کہ ان کی کاوشوں سے متعدد فلاحی منصوبے مکمل ہوچکے ہیں جن میں مخیر حضرات کا تعاون قابل تحسین ہے۔ انہوں نے مزید کہا کہ ایثار علی بنگش جیسے افراد معاشرے کا سرمایہ ہیں،۔جو اصلاحی اداروں میں بہتری لانے کے لیے عملی کردار ادا کر رہے ہیں۔اس موقع پر گفتگو کرتے ہوئے ایثار علی بنگش نے کہا کہ معتصم باللہ ایک محنتی اور فرض شناس افسر ہیں، جن کی قیادت میں ڈسٹرکٹ جیل کوہاٹ مزید بہتری کی جانب گامزن ہوگی۔ انہوں نے جیل اصلاحات کے سلسلے میں مکمل تعاون کی یقین دہانی بھی کروائی۔یہ ملاقات جیل میں جاری فلاحی سرگرمیوں اور قیدیوں کی بحالی کے لیے جاری کوششوں کا تسلسل ہے، جس کا مقصد قیدیوں کو معاشرے کا کارآمد فرد بنانا ہے۔
04/07/2025
ملک حیات آفریدی الپائن ایسوسی ایشن خیبرپختونخوا کے پہلے صدر منتخب، ڈائریکٹوریٹ جنرل آف سپورٹس نے نوٹیفکیشن جاری کر دیا
ڈائریکٹوریٹ جنرل آف سپورٹس خیبرپختونخوا کے زیرِ نگرانی الپائن ایسوسی ایشن خیبرپختونخوا کی تشکیل مکمل کر لی گئی، جس کے تحت ملک حیات آفریدی کو ایسوسی ایشن کا پہلا صدر منتخب کر لیا گیا ہے۔ انتخاب کے بعد باضابطہ طور پر سرکاری سطح پر نوٹیفکیشن بھی جاری کر دیا گیا ہے۔الپائن ایسوسی ایشن کی جنرل باڈی نے متفقہ طور پر 10 رکنی کابینہ کی منظوری دی، جس میں نجیب خٹک کو آئندہ چار سال کے لیے جنرل سیکرٹری منتخب کیا گیا۔ ایسوسی ایشن کے لیے 6 رکنی ایگزیکٹیو ممبران کا بھی انتخاب عمل میں لایا گیا۔انتخابی عمل کی نگرانی محکمہ کھیل و جوانان (سپورٹس اینڈ یوتھ افیئرز) کے افسران نے کی، جبکہ کلائمبنگ، ماؤنٹیننگ، ہائیکنگ اور وال کلائمبنگ کے ماہرین اور متعلقہ شعبوں کے نمائندگان بھی اس موقع پر موجود تھے۔واضح رہے کہ الپائن ایسوسی ایشن خیبرپختونخوا کا قیام صوبے میں ماؤنٹین اسپورٹس، ٹریکنگ، ہائیکنگ اور ایڈونچر سرگرمیوں کو فروغ دینے کے لیے ایک اہم قدم ہے، جس کے ذریعے نوجوانوں کو مثبت، صحت مند اور پائیدار تفریحی مواقع فراہم کیے جائیں گے۔
29/06/2025
علاقہ بنگش کا 4 کروڑ کا فنڈ خفیہ طریقے سے گمبٹ منتقل۔۔!!
کوہاٹ علاقہ بنگش ( پی کے 92 ) عوام کا اپنے ایم این اے شہریار خان آفریدی سے مطالبہ کہ ہمارے علاقے کا فنڈ فیلفور واپس کیا جائے اور یہ چار کروڑ کا فنڈ کس کے اشارے پر منتقل ہوا ہے۔۔؟؟ کس نے منتقلی میں اپنا کردار ادا کیا ہے۔۔؟؟ اس ظلم کے پیچھے کس کا ہاتھ۔۔؟؟
حالانکہ سرکاری کاغذات میں یہ فنڈ علاقہ بنگش کے لیے مختص تھا۔
علاقہ عوام کا ایم این اے شہریار آفریدی سے ناراضگی کا اظہار۔
یہ ہمارے پسماندہ علاقے کے ساتھ سرا سر زیادتی ہے۔
حلقہ عوام 92 کے ورکرز کا متفقہ مطالبہ
28/06/2025
پشاور ہائیکورٹ کے ریٹائرڈ چیف جسٹس سید ابن علی کی رہائش گاہ سید آباد استرزئی پایاں میں محرم الحرام کے پرامن انعقاد کے سلسلے میں ایک گرینڈ اجلاس کا انعقاد کیا گیا۔ اجلاس کی صدارت چیف جسٹس ریٹائرڈ سید ابن علی نے کی، جبکہ اس میں علامہ قیصر عباس الحسینی۔علامہ حمید حسین امامی معرف سماجی شخصیت ڈاکٹر ملک محمد بشیر دیگر علماء کرام، عمائدین، بلدیاتی نمائندوں اور عوام کی بڑی تعداد نے بھرپور شرکت کی۔اجلاس میں محرم الحرام کے دوران امن و امان کی فضا کو برقرار رکھنے، جلوسوں اور مجالس کے روایتی راستوں کی صفائی، سیکیورٹی انتظامات، بجلی کی بلاتعطل فراہمی، اور پانی و دیگر سہولیات کی دستیابی سے متعلق تفصیلی گفتگو کی گئی۔اس موقع پر شرکاء نے اس بات پر زور دیا کہ فرقہ وارانہ ہم آہنگی، رواداری اور بھائی چارے کو فروغ دیا جائے تاکہ محرم کے دنوں میں کسی قسم کی ناخوشگوار صورتحال سے بچا جا سکے۔ چیف جسٹس ریٹائرڈ سید ابن علی نے اپنی گفتگو میں کہا کہ محرم الحرام نہ صرف مذہبی عقیدت کا مہینہ ہے بلکہ امن، ضبط اور اتحاد کا پیغام بھی ہے، جس کی حفاظت ہم سب کی اجتماعی ذمہ داری ہے۔اجلاس کے آخر میں تمام شرکاء نے علاقے میں قیام امن کے لیے مکمل تعاون کی یقین دہانی کرائی اور انتظامیہ و پولیس کو اپنے مکمل تعاون کا عندیہ دیا۔
28/06/2025
"علی زئی میں صفائی مہم کا دوسرا دن، اپنی مدد آپ کے تحت بھاری مشینری کی مدد سے مہم جاری ہے۔ اس حوالے سے مزید تفصیلات ویلج کونسل چیئرمین عبدالعلی کی زبانی سنیئے۔"
27/06/2025
آپ کوہاٹ کے ممبران اسمبلی سے کتنا خوش ہیں ؟
27/06/2025
علی زئی میں محرم الحرام کی آمد پر اپنی مدد اپ کے تحت صفائی مہم کا آغاز، ویلج کونسل چیئرمین عبدالعلی کی زیر نگرانی عمل جاری ہیں ۔ محرم الحرام کی آمد کے پیش نظر علاقہ علی زئی میں صفائی مہم کا آغاز کر دیا گیا ہے، جو کہ مکمل طور پر اپنی مدد آپ کے تحت کی جا رہی ہے۔ اس صفائی مہم کی نگرانی ویلج کونسل علی زئی کے چیئرمین عبدالعلی خود کر رہے ہیں۔اس موقع پر میڈیا سے بات کرتے ہوئے چیئرمین عبدالعلی نے کہا کہ علاقہ مکینوں کے تعاون سے محرم الحرام کے جلوسوں اور مجالس کے راستوں کی صفائی کی جا رہی ہے تاکہ عزاداروں کو کسی قسم کی تکلیف کا سامنا نہ ہو۔انہوں نے کہا کہ یہ مہم کسی سرکاری ادارے یا محکمے کی مدد کے بغیر مکمل طور پر عوامی تعاون سے جاری ہے۔عبدالعلی کا کہنا تھا کہ محرم الحرام ہمارے لیے نہایت مقدس اور قابل احترام مہینہ ہے، اور ہم اپنی مذہبی روایات کو زندہ رکھنے کے لیے ہر ممکن کوشش کریں گے۔ انہوں نے متعلقہ سرکاری اداروں سے بھی اپیل کی کہ وہ اس سلسلے میں اپنا کردار ادا کریں اور صفائی سمیت دیگر بلدیاتی سہولیات کی فراہمی کو یقینی بنائیں۔مقامی شہریوں نے ویلج کونسل کی اس کاوش کو سراہتے ہوئے بھرپور تعاون کی یقین دہانی کرائی ہے۔ صفائی مہم کے دوران گلی کوچوں، امام بارگاہوں اور جلوس کے روایتی راستوں کی خصوصی صفائی کی جا رہی ہے تاکہ مذہبی رسومات بخوبی ادا کی جا سکیں۔
26/06/2025
محترم بھائیوں اور دوستوں
السلام علیکمُ
کسی نے میرے نام اور تصویر کے ساتھ درج ذیل فیسبُک آئی ڈی بنائ ہے جو مکمل جعلی ہے ۰ یہ میری آئ ڈی نہیں ہے اور اسلئے تمام احباب سے گذارش ہے کہ اس جعلی فیسبک آئ ڈی سے ملنے والی کسی نوعیت کے درخواست کو قبول نہ کرے اور نہ اس پر کوئ مُکالمہ کرے ۰اس جعلی آئ ڈی بنانے والے شخص سے بھی گذارش ہے کہ میرے نام سے یہ جعلی آئ ڈی فورا ختم کرے یا پھر قاانونی کاروائ کا سامنا کرنے کیلئے تیار ہو جائے ۰
معتصم باللہ شاہ
کمشنر کوہاٹ ڈویژن
22/06/2025
کوہاٹ ، حجرہ سیٹھ سیف اللہ خان بنگش محمدزئی میں امن وامان اور محرم الحرام کے تقدس و احترام کے حوالے سے اہل تشیع و اہل سنت کے مشران کا اہم گرینڈ جرگہ زیر صدارت گوہر سیف اللہ خان منعقد ہوا، اہل سنت اور اہل تشیع عمائدین کا محرم الحرام میں کوہاٹ کے امن وامان کو برقرار رکھنے ، بھائی چارے کو فروغ دینے ، اور ایک دوسرے کو برداشت کرنے کے عزم کا اظہار کیا گیا ، دونوں مسالک کے عمائدین نے مل کر ہر حال میں کوہاٹ کے امن کو برقرار رکھنے کے عزم کا اظہار کیا، اس موقع پر سید مہتاب الحسن ، قاری فتح محمد، شیر احمد بنگش ، سید میاں شاہ رضا ، ڈسٹرکٹ بار ایسوسی ایشن کوہاٹ کے صدر امان بنگش ایڈووکیٹ ، ضلعی امیر جمعیت علماء اسلام ضلع کوہاٹ و سٹی مئیر قاری شیر زمان ، چیئرمین قیصر علی اور سابق نائب ناظم نصرت خیل حاجی سید محمد نے خطاب کیا ، اس موقع پر کثیر تعداد میں اہل سنت و اہل تشیع مشران موجود تھے، شرکاء کی جانب سے گوہر سیف اللہ خان بنگش کو امن وامان کیلئے بڑھ چڑھ کر خدمات سر انجام دینے پر زبردست الفاظ میں خراج تحسین پیش کیا گیا۔
22/06/2025
نصرت خیل رابطہ پل کی تعمیر میں تاخیر، عوام شدید پریشانی کا شکار
نصرت خیل کے عوام ایک اہم ترقیاتی منصوبے کی مسلسل تاخیر کے باعث شدید اضطراب اور مایوسی کا شکار ہیں۔ علاقے میں گزشتہ کئی سالوں سے مجوزہ رابطہ پل تاحال مکمل نہ ہو سکا۔ ذرائع کے مطابق 160 فٹ طویل اس پل کی منظوری تو کافی عرصہ قبل دی جا چکی تھی، تاہم تاحال عملی کام کا آغاز نہ ہونے سے عوام میں شدید تشویش پائی جاتی ہے.مقامی افراد کا کہنا ہے کہ رابطہ پل کی عدم تکمیل کی وجہ سے آمد و رفت میں سخت دشواریوں کا سامنا ہے، خاص طور پر بارشوں کے موسم میں معمولات زندگی بری طرح متاثر ہوتے ہیں۔ بیماروں کو اسپتال لے جانا، طلبہ و طالبات کا تعلیمی اداروں تک پہنچنا اور روزمرہ کی ضروریات پوری کرنا ایک کٹھن مرحلہ بن چکا ہے۔عوامی حلقوں نے ایک مرتبہ پھر رکن قومی اسمبلی شہریار آفریدی، رکن صوبائی اسمبلی و ڈیڈک چیئرمین شفیع جان اور ڈپٹی کمشنر کوہاٹ سے پرزور مطالبہ کیا ہے کہ نصرت خیل رابطہ پل کی تعمیر میں حائل رکاوٹیں فوری دور کی جائیں اور کام کا آغاز جلد از جلد کر کے عوام کو اس دیرینہ مسئلے سے نجات دلائی جائے۔عوامی نمائندوں کی عدم توجہی پر بھی عوام نے شدید تحفظات کا اظہار کرتے ہوئے کہا کہ اگر یہ مسئلہ جلد حل نہ ہوا تو احتجاج کا راستہ اختیار کیا جائے گا۔
21/06/2025
اورکزئی سپر لیگ کرکٹ ٹورنامنٹ پُرامن ماحول میں شاندار طریقے سے اختتام پذیر ہوگیا۔ اس ٹورنامنٹ کا انعقاد چیئرمین ملک محمد شعیب اور سیاسی و سماجی شخصیت ملک سید نور اکبر شیرازی کی قیادت میں کیا گیا،.جس نے مقامی سطح پر کھیلوں کے فروغ اور نوجوانوں کے مثبت سرگرمیوں کی طرف رجحان کو مزید تقویت دی۔فائنل میچ کی پُروقار تقریب کے مہمانِ خصوصی سابق رکن صوبائی اسمبلی عتیق الرحمٰن تھے، جبکہ دیگر معزز مہمانوں میں چیئرمین تحصیل کونسل عامر غنی، ڈسٹرکٹ سپورٹس آفیسر اورکزئی امجد حسین، ظہیر حسین، اور حاجی منور خان اورکزئی شامل تھے۔ اس کے علاوہ علاقہ مشران اور عوام کی بڑی تعداد نے بھی ٹورنامنٹ کی اختتامی تقریب میں بھرپور شرکت کی۔فائنل میچ سترسام رائیل اور کریز بادشاہ کی ٹیموں کے درمیان کھیلا گیا۔ دونوں ٹیموں کے درمیان زبردست مقابلہ دیکھنے کو ملا، تاہم آخرکار سترسام رائیل کی ٹیم نے بہترین کھیل کا مظاہرہ کرتے ہوئے فتح اپنے نام کر لی۔ شائقین کرکٹ نے کھلاڑیوں کی کارکردگی کو خوب سراہا۔ٹورنامنٹ کی اختتامی تقریب میں کھلاڑیوں میں انعامات بھی تقسیم کیے گئے اور مقررین نے نوجوانوں کو کھیلوں کے ذریعے معاشرتی ترقی اور صحت مند سرگرمیوں میں حصہ لینے پر زور دیا۔
20/06/2025
عاطف پراچہ، عامر پراچہ ، فہد پراچہ اور علیم پراچہ کی والدہ محترمہ کے انتقال پر دعا و فاتحہ کا سلسلہ جاری،
احباب، عزیز و اقارب کی بڑی تعداد ایصالِ ثواب کے لیے شرکت۔ اللہ تعالیٰ مرحومہ کو جنت الفردوس میں اعلیٰ مقام عطا فرمائے، آمین۔
Be the first to know and let us send you an email when Kohat Social Media posts news and promotions. Your email address will not be used for any other purpose, and you can unsubscribe at any time.
