Read Avenue

14/06/2025

විසිරුණු හැඟුමන් ඇත එක්වී
නොලැබුණු රසයට නැත ලොබවී
එකගෙය ඇත කොළයට හිරවී
හිත යට යස රස ඉල්ලාවී…

#එසැණ_කවි

14/06/2025

මලින් බර අත්තක
සියුම් හඬ මතුරන
විහඟ සිරි පරදන
ප්‍රාතිහාරිය

නැවුම් පිනි බිඳුවක
සිසිල මත රඳවන
පවස සන්සිදුවන
මදුරභාණිය

වසත් කල සරසන
තුරුලියක සෙවන යට
සියල් සිරි වඩවන
ප්‍රේමාදරිය...

💝💕

#ප්‍රේමාදරිය
Episode 41 (March 2025)

11/05/2024

හිනැහුනත් මුව අගේ සරසා
ගිනි ගොඩක් ඇත ඔහේ සඟවා
පරයමින් ඇති නේක ආශා
වසා මීදුම් පටල ගවසා

තෙරක් නොපෙනෙන මහා වැඩ කඳු
උදව්වට නැති උන්ගෙ මහ තෙද
එකම පවුලැයි දොඩන යස බස
අට පහෙන් පසු සොයාගනු නැත

ඉරේ රශ්මිය නොවේ දැනුණේ
පාස්වෙන බෝලයේ ගැටුනේ
දවස අවසන කෙසේ හෝ මේ
කුමක් කළදැයි අසන්නට වේ

හඹා යන්නට අංක මත්තේ
ගෙනෙන්නට තර ලාභ සිත්සේ
ශේෂ කඳු කිහිපයක් ඔස්සේ
ඉහළ උදවිය සැපත විඳිතේ…

#ශේෂ_කඳු
Episode 40 (May 2024)

All Rights Reserved.

Photo created for Read Avenue by Leonardo AI.

06/01/2024

ජනවාරියේ දවසක්...

සිසිරයේ සිරි මැදින්
වසන්තය වෙත අත වනා
සියොත් තටුවක සැහැල්ලුවකින්
ඔහේ පාවෙන පැතුම් පොදියට
පහන් දල්ලක දීප්තියකින්
අලුත් ජීවය ලඟාකරවන
ගිම්හානයේ දිනෙක එළඹෙන
අමයුරුව හැබැහින් විඳින දා....

Episode 39 (Jan 2024)
Photo created for Read Avenue by Leonardo AI
All Rights Reserved

31/12/2023

25/11/2023

Great news for candle lovers 🕯️

24/09/2023

සඳැසියේ...

තෙරක් නොපෙනෙන ගුවන් තලයක
පසෙක හිඳ පෑ මදහසක් මත
වසත් කල දිවිමංපෙතේ හිඳ
සරසවනු රූ සඳැසියේ නුඹ

තෙමුණු කොපුලක මිහිරි මතකෙක
එක්ව විඳිනා පුළුල් වරුවක
රනින් ලියවා මතක පිටු මත
දිදුලවනු රූ සඳැසියේ නුඹ

තෙළිතුඩෙන් මැවෙනා අනන්තෙක
කෝපි සුවඳක උණුහුමක් මත
අලුත් හැඩතල මවාලන්නට
රටා ගලපනු සඳැසියේ නුඹ…

Episode 38 (Sep 2023)

Photo created for Read Avenue by Leonardo AI
All Rights Reserved

13/08/2023

පෑනකින් නොලියූ කවිය...

හිරිමලුන් ලෙස වසත් දොර ළඟ
රස්තියාදුවේ ඔහේ දුවනා
කාසි පොදි මත දිවිය තබමින්
දිවා රෑ එක රවුමෙ දුවනා
සැවොම පිම්මට සතුට පතමින්
නිවාඩුව වෙත උදා කරනා
පමා වුණ රස මෙතෙක් දිවියේ
බොහෝ ලෙස ඇත මතක් කරනා

හිතින් නොගොසින් ගතින් යන්නට
මතක සටහන් එකතු කරනා
එක්ව රැස්වී රස කතාබස් සමඟ
රැඳෙනට පෙරුම් පුරනා
දිනපතා පෑනක් රැගෙන කඩදාසියක් මත
ඔහේ ලියනා
පෑනකින් නොලියූ කවිය අද
නිවාඩුව වෛවර්ණ කරනා…

#පෑනකින්_නොලියූ_කවිය
Episode 37 (Aug 2023)
All Rights Reserved.

10/06/2023

විඩාබර ඇස්....

හදවතට අමතා
රස බසින් ගී ගයන
පෙම් හඬින් විමසා
රස නිලය හසුරුවන
ගතින් තව නොරිද්දා
අණසකට නතු කරන
විඩාබර ඇස් නිසා
උදා කළ විරාමය

යළි යළිත් වයන්නට
තිස්සේම හිතට එන
සුපෙම් රස වීණාවේ
සුසර කළ තත් පෙළට
බටනළා තුඩු අගින්
පිටකරන සත්සරය
මුසුව මම වයන්නම්
හොඳම ගීතය යසට...

Episode 36 (June 2023)
Sasanka Dasanayake
All Rights Reserved.

14/04/2023

වසත් ලිය අද දොරට වැඩ ඇත
සරණ මඟුලට පියමනීවී
මග කියාගත් කොවුල් කුමරා
ඇගේ සේලයේ දැවටි ඒවී
හිරුට පෙම් බැඳි කතා පුවතේ
රජ කරන මෞලිය ලබාවී
හැම මඟුල් මැද තවත් වසරක
කිරි පැණිය උතුරාම යාවී...

#වසත්ලිය
Episode 35 (April 2023)

07/04/2023

එන්න, අලුත් පාර දිගේ අකුරු අහුලන්න....