https://www.facebook.com/610023522675390/

SMART-Safe Migration Alliance Representative Team, Myanmar, Burma (2025)

19/06/2025

Happy Birthday ပါ ကျွန်မတို့ရဲ့ ခေါင်းဆောင်အမေ........
သက်ရှည်ကျန်းမာစွာနဲ့ တရားလက်လွတ် ဖမ်းဆီးခံခဲ့ရခြင်းမှ အမြန်လွတ်မြောက်ပါစေ............

10/05/2025

ထိုင်းနိုင်ငံတွင် နေထိုင်သည့် ရွှေ့ပြောင်းအလုပ်သမားများ ရာဇဝတ်မှုကို ကျူးလွန်သည်ဟု စွပ်စွဲခံရလျှင် သို့မဟုတ် ကျူးလွန်ခဲ့လျှင် သို့မဟုတ် ကျူးလွန်ခံရသူဖြစ်လျှင်

၁။ တရားရုံးမှ နောက်ဆုံးအမိန့်မချသေးခင်အထိ ထိုသူအားအပြစ်မရှိသူအဖြစ် သတ်မှတ်ခံရခွင့်အခွင့်အရေး။
၂။ တရားမျှတသော စစ်ဆေးမှု သို့မဟုတ် စုံစမ်းမှုပြုလုပ်ခံရခွင့် အခွင့်အရေး။
၃။ နိုင်ငံတော်မှ ရှေ့နေစီစဉ်ပေးသော အကူအညီကိုရယူပိုင်ခွင့် အခွင့်အရေး။
၄။ မိမိအား အတင်းအကြပ် ထွက်ဆိုခိုင်းစေခြင်းကို ရှောင်ရှားကာ မထွက်ဆိုဘဲနေပိုင်ခွင့် အခွင့်အရေး။
၅။ အာမခံရရှိပိုင်ခွင့်နှင့် အာမခံမရရှိနိုင်သောအမှုမျိုးဖြစ်ပါက တရားရုံးမှ အသိပေးသည်ကို သိရှိခွင့်။
၆။ ဥပဒေနှင့် မညီသောဖမ်းဆီးခံရခြင်းမှ လွတ်ငြိမ်းစေခွင့်ရရှိရန် အခွင့်အရေး။
၇။ ယာယီလွှတ်ပေးရန် အာမခံငြင်းပယ်ခံရမှုကို အယူခံခွင့် အခွင့်အရေး။
၈။ ဘာသာပြန်စီစဉ်ပေးရန် တရားရုံးထံသို့ တောင်းဆိုပိုင်ခွင့် အခွင့်အရေး။
၉။ စိတ်ကျန်းမာ‌ရေးကောင်းမွန်သူမဟုတ်ခြင်း (သို့မဟုတ်) အမှုကိုပြန်လည်ချေပနိုင်စွမ်းမရှိသူအဖြစ်ယုံကြည်လျှင် ဆေးကုသရန် အာမခံရရှိပိုင်ခွင့် အခွင့်အရေး တို့ကို ရရှိနိုင်ပါသည်။

ထို့ကြောင့် ရွှေ့ပြောင်းနေထိုင်သူအလုပ်သမားများသည် လူသားများဖြစ်ကြသည့်အတွက် အခြေခံလူ့အခွင့်အရေးပါအချက်များကို တောင်းဆိုစရာမလိုအောင်ပင် မူလကတည်းက ရရှိပိုင်ဆိုင်ထားပြီးဖြစ်ပါသော်လည်း မိမိနေထိုင်ရာ နိုင်ငံ၏တရားဥပဒေကိုလည်း လေးစားလိုက်နာရန်လည်းလိုအပ်ပသည်ကိုလည်း သတိပြုသင့်ပါသည်။

Rights

06/05/2025

ထိုင်းနိုင်ငံအတွင်းနေထိုင်ပြီး အလုပ်လုပ်နေသည့် ရွှေ့ပြောင်းအလုပ်သမားသည် လက်ထပ်လိုပါက သို့မဟုတ် ထိုင်းနိုင်ငံအတွင်း အလုပ်လုပ်နေစဉ် မိသားစုတည်ထောင်လိုပါက အောက်ပါအတိုင်းလုပ်ဆောင်နိုင်ပါသည်.....

၁။ လက်ထပ်ခြင်းမှတ်ပုံတင်ပြုလုပ်ရာတွင် ထိုင်းနိုင်ငံ၏ဥပဒေသတ်မှတ်ချက်များအတိုင်းဖြစ်ရမည်။
၂။ သတို့သား/သတို့သမီးသည် အသက် ၁၇ နှစ်ပြည့်ပြီးသူဖြစ်ရမည်။
၃။ ဥပဒေအရ လက်ထပ်ရန်အရည်အချင်းမပြည့်မီသူများမဖြစ်ရ။
( စိတ်ကျန်းမာရေးကောင်းမွန်သူဖြစ်ရမည်၊ တိုက်ရိုက်သွေးသားတော်စပ်သူများမဖြစ်ရ၊ အဖေတူအမေကွဲများ၊ မောင်နှမ၊ သားအဖ စသည်တို့မဖြစ်ရပါ။)
၄။ လက်ရှိအိမ်ထောင်ရှိသူများမဖြစ်ရ။
၅။ အကယ်၍ သတို့သား/သတို့သမီးတဖက်ဖက်က နိုင်ငံခြားသားဖြစ်ခဲ့လျှင် မှတ်ပုံတင်အရာရှိထံ လူလွတ်ဖြစ်ကြောင်း ထောက်ခံစာပေးအပ်ရမည်။
၆။ မွေးစားသူနှင့် မွေးစားခံရသူတို့ လက်ထပ်ထိမ်းမြားခွင့်မရှိပါ။

အကယ်၍ ရွှေ့ပြောင်းအလုပ်သမားသည် ထိုင်းနိုင်ငံအတွင်း လက်ထပ်ခဲ့လျှင် ထိုင်းနိုင်ငံရှိ ၎င်းတို့နိုင်ငံ၏ ကောင်စစ်ဝန်ရုံး သို့မဟုတ် သံရုံးတွင် ထောက်ခံစာရယူ၍ ထိုင်းဘာသာပြန်ဆိုရန်လိုအပ်ပါသည်။ အဆိုပါပြန်ဆိုချက်တွင် ထိုင်းနိုင်ငံဥပဒေအရ လိုအပ်သောအလုပ်အကိုင်၊ ဝင်ငွေအချက်အလက်၊ လွတ်လပ်သူဟုတ်/မဟုတ် ခံဝန်ကတိတို့ပါဝင်ရမည်ဖြစ်သည်။ ထို့ပြင် မိမိနေထိုင်ရာ နေရာ သို့မဟုတ် နယ်မြေရှိ အစိုးရအရာရှိထံမှ အထက်ပါအချက်အလက်များအတွက် ဆက်သွယ်နိုင်သောလူနှစ်ဦးနှင့်အတူ လက်ထပ်ထိမ်းမြားမှတ်ပုံတင်အရာရှိထံတွင် လက်ထပ်မှတ်တမ်းတင်ခြင်းပြုလုပ်ရန် လျှောက်ထားကာ ဆောင်ရွက်နိုင်ပါသည်။

Process
Google Photo

01/05/2025

ကမ္ဘာတဝှမ်းလုံးတွင် ရှိကြသော အလုပ်သမားများ အလုပ်သမားအခွင့်အရေး၊ လူ့အခွင့်အရေးနှင့်အညီ ကျား/မ၊ အသားအရောင်၊ လူမျိုး၊ ယုံကြည်ကိုးကွယ်မှု၊ မသန်စွမ်းမှု စသည့် ဖြစ်တည်မှုအားလုံး တန်းတူညီမျှရရှိနိုင်ရန်အတွက် ဆက်လက် ကြိုးပမ်းနိုင်ကြရန်ယနေ့တွင်ကျရောက်သည့် အပြည်ပြည်ဆိုင်ရာအလုပ်သမားများနေ့အား ဂုဏ်ပြုကြိုဆိုကာ တိုက်တွန်းအပ်ပါသည်။

Labour Day
# May Day

28/04/2025

ဘတ်ရိုက်ခြင်းလုပ်ငန်းစဉ်အတွင်း ရရှိမည့်စာရွက်စာတမ်းများ၏ အခေါ်အဝေါ်များ

အကြောင်းအမျိုးမျိုးကြောင့် ထိုင်းနိုင်ငံသို့ ရောက်ရှိနေကြသည့် ရွှေ့ပြောင်း မြန်မာ လုပ်သားများ အနေဖြင့် ယခုအချိန်တွင် ထိုင်းနိုင်ငံအတွင်း တရားဝင် နေထိုင်ခွင့် နှင့် အလုပ်လုပ်ကိုင်ခွင့် ရရှိရန် အတွက် ဘတ်ရိုက်ခြင်း လုပ်ငန်းစဉ်ကို လုပ်ဆောင်နေကြသည့် ကာလပင်ဖြစ်သည်။ ထိုလုပ်ငန်းစဉ်ကို လုပ်ကိုင်နေကြချိန်အတွင်း မကြာခဏကြားနေရသော်လည်း ဘယ်လို စာရွက် အမျိုးအစား၊ ဘယ်လို အဓိပ္ပာယ် ဆိုသည်ကို သေချာ မသိ ၊ နားမလည် ဖြစ်နေသည့် အခေါ်အဝေါ် များနှင့် အဓိပ္ပာယ်များကို ဖော်ပြပေးလိုက်ပါသည်။

ဘတ်ရိုက်ခြင်း

ဘတ်ရိုက်သည် ဆိုသည်မှာ ထိုင်းနိုင်ငံသို့ တရားမ၀င်အောက်လမ်း မှ ဝင်ရောက်လာသူများ၊ တရားမဝင် အလုပ်လုပ်ကိုင်နေသူများ ၊ Visa သက်တမ်းကုန်ဆုံး၍ Overstay ဖြစ်သွားသည့် သူများ စသည့် ထိုင်းနိုင်ငံသို့ အကြောင်းအမျိုးမျိုးကြောင့် ရောက်ရှိလာကြသည့် ရွှေ့ပြောင်း မြန်မာလုပ်သားများအတွက် တရားမ၀င်သည့် အခြေအနေမှ တရား၀င်နေထိုင်ခွင့်ရပြီး အလုပ်လုပ်ကိုင်နိုင်ရန် လုပ်ဆောင်ရသည့် လုပ်ငန်းစဉ်တခုဖြစ်သည်။

ဘိုင်အနုမတ် စာရွက်

ဘတ်ရိုက်လုပ်ငန်းစဉ်တွင် လက်ဗွေ နှိပ်ခြင်း ပြီးမြောက်ပါက ရရှိမည့် စာရွက်ကို ဆိုလိုသည်။ တနည်းအားဖြင့် အလုပ်လုပ်ခွင့် ( Work Permit ) စာရွက် ကို ခေါ်ဆိုခြင်းဖြစ်သည်။

ဘောထော် ၅၀ စာရွက်

ဘောထော် ၅၀ စာရွက်သည် work permit မရရှိခင် အဆင့်တွင် ရရှိသည့် စာရွက်ဖြစ်သည်။ အဆိုပါ စာရွက်နှင့် ငွေသွင်းထားကြောင်း ငွေချေစာရွက်နှင့် အတူ နောက်ဆုံးအဆင့်တွင် Work Permit ကို ထုတ်ယူရခြင်း ဖြစ်သည်။

ပကန်စခွန်

ပကန်စခွန်ဆိုသည်မှာ ကျန်းမာရေးအာမခံဖြစ်ပြီး ကျန်းမာရေး ကုသမှု လိုအပ်သည့် အခါတွင် ပကန်စခွန်လက်ခံသည့် ဆေးရုံများ၌ တက်ရောက်ကုသနိုင်မည်ဖြစ်သည်။ ကုသရာတွင် မိမိ ဝယ်ယူထားသည့် ပကန်စခွန် လ အလိုက် အကျိုးခံစားခွင့် ရရှိမည်ဖြစ်သည်။

ကျန့်အော်

အလုပ်ဟောင်းမှ ထွက်သည့် အခါတွင် သူဌေးမှ ထုတ်ပေးရသည့် အလုပ်ထွက်စာဖြစ်သည်။ အဆိုပါ စာရွက်သည် ဘတ် သက်တမ်းတိုး ကိစ္စများဆောင်ရွက်ရာတွင် လိုအပ်သည်။

ကျန့်ခေါက်

ဘတ်သက်တမ်းတိုးကိစ္စများ ဆောင်ရွက်ရာတွင် အလုပ် ပြောင်းလဲခြင်း၊ သူဌေးပြောင်းလဲခြင်းများ ရှိသည့်အခါ အလုပ်ဟောင်းမှ အလုပ်သစ်ဝင်ခြင်းအတွက် ထောက်ခံစာရွက်အား ကျန့်ခေါက် ဟု ခေါ်ဆိုခြင်း ဖြစ်သည်။

ကျဟန်ငန်

ကျဟန်ငန်ဆိုသည်မှာ အလုပ်သမားရေးရာရုံး/ဌာန ကို ခေါ်ဆိုခြင်း ဖြစ်သည်။ Work Permit နဲ့သက်ဆိုင်သည့် ကိစ္စများ ၊ အလုပ်သမားရေးရာကိစ္စများကိုလုပ်ကိုင်သည့် ရုံး ဖြစ်သည်။

ထော်လော် ၃၈ ( ထော်လော် ဆမ်ပဲ့ )

ထော်လော် ၃၈ ဆိုသည်မှာ မိမိ ဘာ Visa နှင့် နေထိုင်နေသည်။ ဘယ်မြို့နယ်တွင် ဘယ်သူဌေး နှင့် ဘာအလုပ် လုပ်ကိုင်နေသည် တို့ကို မှတ်ပုံတင်ထားသည့် စာရွက်မျိုး ဖြစ်သည်။ ဘဏ်အကောင့် ပြုလုပ်ရာတွင်လည်းကောင်း၊ ယာဉ်မောင်း လိုင်စင် ပြုလုပ်ရာတွင် လည်းကောင်း ထော်လော် ဆမ်ပဲ့ ကို လိုအပ်သည်။

TM 30

TM 30 ဆိုသည်မှာ ဧည့်စာရင်း ကို ဆိုလိုခြင်း ဖြစ်သည်။ ဘယ်နေ့ မှ ဘယ်နေ့ထိ ယခု လိပ်စာတွင် နေထိုင်မည် ဆိုသည့်အကြောင်း ဧည့်စာရင်းတိုင်ထားသည့် စာရွက်ကို ဆိုလိုသည်။

ရက် (၉၀) တုံး ( 90 days report )

ရက် (၉၀) တုံး ( 90 days report ) ဆိုသည်မှာ TM 30 ကဲ့သို့ပင် ဖြစ်ပြီး ထိုင်းနိုင်ငံတွင်း နေထိုင်နေကြောင်းကို immigration သို့ ဧည့်စာရင်း တိုင်ရသည့် လုပ်ငန်းစဉ် ဖြစ်သည်။ ကိုယ်တိုင် immigration တွင် သွားရောက် ထုတ်ယူနိုင်သလို online မှလည်း ဆောင်ရွက်နိုင်သည်။
ရက် ၉၀ ပြည့်သည့် အခါတိုင်း လုပ်ဆောင်ရမည့် လုပ်ငန်းစဉ်ဖြစ်သည်။

ယခု ဖော်ပြခဲ့သည့် အသုံးအနှုန်း၊ အခေါ်အဝေါ် များသည် အသံထွက် ကွဲလွဲမှုများ ရှိနိုင်သော်လည်း လူအများ ပြောဆို သုံးနှုန်းမှုအပေါ် ရေးသား ဖော်ပြခြင်း ဖြစ်သည့်အတွက် အသံထွက် မှားယွင်းမှုများ ရှိနိုင်သည့်အပေါ် နားလည်ပေးပါရန် မေတ္တာရပ်ခံ အပ်ပါသည်။

#ဘတ်ရိုက်ခြင်းလုပ်ငန်းစဉ်

24/04/2025

လူမှုဖူလုံရေး(ပကန်စံခွန်) အကြောင်း သိကောင်း စရာများ ( ၄ )

ထိုင်းနိုင်ငံအတွင်း အလုပ်လုပ်ကိုင် နေကြသည့် အလုပ်သမားများအနေဖြင့်လည်း လူမှုဖူလုံရေးကဒ် (ပကန်စံခွန်) ပေးသွင်းထားသူများ ခံစားခွင့် ရှိသည့် အကျိုးခံစားခွင့် (၇) မျိုးရှိသည်။ အဆိုပါ ခံစားခွင့် ထဲမှ သက်ကြီးရွယ်အိုများအတွက် ပင်စင်စရိတ်ထောက်ပံ့ကြေး နှင့် အလုပ်လက်မဲ့ ထောက်ပံ့ကြေးအတွက် ရရှိနိုင်သည့် အကျိုးခံစားခွင့်များမှာ အောက်ပါ အတိုင်း ဖြစ်သည်။

သက်ပြည့်ပင်စင်(သို့)သက်ကြီးရွယ်အိုများအတွက် ပင်စင်စရိတ်

ပကန်စခွန် တွင် သက်ပြည့်ပင်စင် (သို့) သက်ကြီးရွယ်အိုများအတွက် ပင်စင်စရိတ် ခံစားခွင့် ရရှိနိုင်ဖို့အတွက် အသက် ၅၅ နှစ် ပြည့်ပြီးသူ ဖြစ်ရမည့်အပြင် ပကန်စံခွန် အား အနည်းဆုံး လပေါင်း ၁၈၀ လ ( ၁၅ နှစ် ) ထည့်သွင်းထားသူ ဖြစ်ရန် လိုအပ်သည်။ ခံစားခွင့် ထုတ်ယူရန်အတွက် ၂မျိုးရှိပြီး လူမှုဖူလုံရေး( ပကန်စခွန် ) ပေးသွင်းမှု ၁၅ နှစ်အောက်ဖြစ်နေပါက တစ်ခါတည်း ထုတ်ယူနိုင်ပြီး ၁၅ နှစ် အထက်ပေးသွင်း ထားပါက လစဉ်အဖြစ် ထုတ်ယူနိုင်မည်ဖြစ်သည်။ သက်ပြည့်ပင်စင်(သို့)သက်ကြီးရွယ်အိုများအတွက် ပင်စင်စရိတ် ခံစားခွင့်တွင် အသက်(၅၅)နှစ် မပြည့်ခင် အလုပ်ထွက်သွားပြီး နေရပ် ပြန်သွားခဲ့မည် ဆိုပါက ပကန်စံခွန် ခံစားခွင့် ရရှိမည် မဟုတ်ပါ။

အလုပ်လက်မဲ့ ထောက်ပံ့ကြေး ခံစားခွင့်

အလုပ်လက်မဲ့ ထောက်ပံ့ကြေး ခံစားခွင့် ရရှိနိုင်ဖို့အတွက် အနည်းဆုံး ပကန်စခွန် ၆ လ ပေးသွင်းထားရမည်ဖြစ်ပြီး အလုပ်မှထုတ်ပယ်ခံရခြင်း၊ မိမိသဘော ဆန္ဒဖြင့် အလုပ်မှ နုတ်ထွက်ခြင်း နှင့် သဘာဝဘေးကြောင့်ဖြစ်ပေါ်လာသည့် အရေးပေါ်အခြေအနေအရ အလုပ် ရပ်နားခြင်း တို့အကြုံးဝင်သည်။ ထောက်ပံ့ကြေး ခံစားခွင့် ထုတ်ယူရန် အတွက် အလုပ်လက်မဲ့ဖြစ်သည့်နေ့မှစ၍ သက်ဆိုင်ရာ အလုပ်အကိုင် ရှာဖွေရေးရုံးတွင် စာရင်းသွင်းရမည်ဖြစ်သည်။

အလုပ်လက်မဲ့ ထောက်ပံ့ကြေး ခံစားခွင့်တွင် ပကန်စခွန် ပေးသွင်းထားသူ အနေဖြင့် အလုပ်မှထုတ်ပယ်ခြင်း ခံရလျှင် လစာ၏ ၅၀ ရာခိုင်နှုန်းဖြင့် တွက်ချက်၍ တစ်နှစ်လျှင် ရက်ပေါင်း ၁၈၀ ( ၆လ )ထက် မပိုသောခံစားခွင့်ရရှိမည်ဖြစ်သည်။

မိမိ၏ ဆန္ဒဖြင့် အလုပ်မှ နှုတ်ထွက်ခြင်း (သို့) စာချုပ်သက်တမ်းကုန်ဆုံးခြင်းကြောင့် အလုပ်လက်မဲ့ ထောက်ပံ့ကြေး ခံစားခွင့် ထုတ်ယူမည်ဆိုပါလျှင် လစာ၏ ၃၀ ရာခိုင်နှုန်းဖြင့် တွက်ချက်၍ တစ်နှစ်လျှင် ရက်ပေါင်း ၉၀ ( ၃လ ) ထက်မပိုသောခံစားခွင့်ရရှိမည် ဖြစ်သည်။

သဘာဝဘေး ကြောင့်ဖြစ်စေ၊ အရေးပေါ် အခြေအနေ တခုခုကြောင့်ဖြစ်စေ အလုပ် ရပ်နားခြင်းကြောင့် အလုပ်လက်မဲ့ ထောက်ပံ့ကြေး ခံစားခွင့် ထုတ်ယူမည်ဆိုပါလျှင် လစာ၏ ၅၀ ရာခိုင်နှုန်းဖြင့် တွက်ချက်၍ ရက်ပေါင်း ၉၀ ( ၃ လ ) ထက်မပိုသော ခံစားခွင့်ကို ရရှိမည် ဖြစ်သည်။

သို့သော် အလုပ်လက်မဲ့ ထောက်ပံ့ကြေး ခံစားခွင့်တွင် အလုပ်သမားအနေဖြင့် အလုပ်နှင့်ပတ်သက်သည့် စည်းမျဉ်းစည်းကမ်း ချိုးဖောက်ခြင်းကြောင့် အလုပ်မှထုတ်ပယ်ခံရလျှင် (သို့) ပကန်စံခွန် အကျိုးခံစားခွင့်အား ခံစားခွင့် တစ်ခုချင်းစီ အလိုက် အနည်းဆုံးထည့်ဝင်ရမည့် ကာလ မပြည့်မီလျှင် ခံစားခွင့် ရရှိနိုင်မည် မဟုတ်ပါ။

#လူမှုဖူလုံရေး(ပကန်စံခွန်)
#သက်ပြည့်ပင်စင်
#သက်ကြီးရွယ်အိုများအတွက်ပင်စင်စရိတ်
#အလုပ်လက်မဲ့ထောက်ပံ့ကြေးခံစားခွင့်

Photo Credit

21/04/2025

လူမှုဖူလုံရေး(ပကန်စံခွန်) အကြောင်း သိကောင်း စရာများ ( ၃ )

ထိုင်းနိုင်ငံအတွင်း အလုပ်လုပ်ကိုင် နေကြသည့် အလုပ်သမားများအနေဖြင့်လည်း လူမှုဖူလုံရေးကဒ် (ပကန်စံခွန်) ပေးသွင်းထားသူများ ခံစားခွင့် ရှိသည့် အကျိုးခံစားခွင့် (၇) မျိုးရှိသည်။ အဆိုပါ ခံစားခွင့် ထဲမှ မီးဖွားခြင်း နှင့် ကလေး စရိတ်ထောက်ပံ့ကြေး အတွက် ရရှိနိုင်သည့် အကျိုးခံစားခွင့်များမှာ အောက်ပါ အတိုင်း ဖြစ်သည်။

ကလေးမီးဖွား ခွင့်ခံစားမှုအတွက် လူမှုလုံရေးရန်ပုံငွေကို အနည်းဆုံး ၅ လပေးသွင်းထားရမည် ဖြစ်ပြီး ကလေး မီးဖွားချိန်တွင် လူမှုဖူလုံရေးဌာနမှ ကလေးမီးဖွားစရိတ်အတွက် ၁၅,၀၀၀ ဘတ် နှင့် မီးဖွားနေစဉ် လုပ်အားခ ၅၀ ရာခိုင်နှုန်းအဖြစ် ရက်ပေါင်း၉၀ စာ ( ၃ လ ) အပြင် ကိုယ်ဝန်အပ်ခ အဖြစ် ဘတ် ၁၅၀၀ ဘတ်လည်း ရရှိမည်ဖြစ်သည်။

ကလေးထောက်ပံ့စရိတ်အတွက် လူမှုလုံရေးရန်ပုံငွေကို အနည်းဆုံး တစ်နှစ် ( ၁၂ လ ) ပေးသွင်းထားရမည်ဖြစ်ပြီး မွေးကင်းစ အရွယ် မှ ကလေးအသက် ၆ နှစ်အထိ လစဉ် ၁၀၀၀ ဘတ်နှုန်းဖြင့် ကလေး ၃ ဦးထက်မကျော်သော ( ကလေး ၃ ဦး အထိ ) ခံစားခွင့်ရရှိမည် ဖြစ်သည်။ ခံစားခွင့် ရရှိရန် ကလေး အသက်ရှင်လျှက်ရှိကြောင်းကို မိမိ နေထိုင်ရာ ရပ်ကွက်ကျေးရွာလူကြီး၏ထောက်ခံစာပါရှိရမည်ဖြစ်သည်၊၊

ပကန်စံခွန် အကျိုးခံစားခွင့်များအား ခံစားခွင့် တစ်ခုချင်းစီ အလိုက် အနည်းဆုံးထည့်ဝင်ရမည့် ကာလ ပြည့်မီရမည် ဖြစ်ပြီး မပြည့်မီသေးလျှင် ခံစားခွင့် မရရှိနိုင်ပါ။

#လူမှုဖူလုံရေး(ပကန်စံခွန်)
#မီးဖွားစရိတ်
#ကလေးထောက်ပံ့စရိတ်

17/04/2025

အားလုံးသော သူတွေ ဘေးဘယာ ကင်းကွာပြီး ကျက်သရေ မင်္ဂလာအပေါင်း နှင့် ပြည့်စုံ နိုင်ကြပါစေ လို့ နှစ်သစ် ဆုမွန်ကောင်း တောင်းအပ်ပါတယ်….🙏🙏🙏

10/04/2025

လူမှုဖူလုံရေး(ပကန်စံခွန်)အကြောင်း
သိကောင်းစရာများ ( ၂ )

ထိုင်းနိုင်ငံအတွင်း အလုပ်လုပ်ကိုင် နေကြသည့် အလုပ်သမားများအနေဖြင့်လည်း လူမှုဖူလုံရေးကဒ် (ပကန်စံခွန်) ပေးသွင်းထားသူများ ခံစားခွင့် ရှိသည့် အကျိုးခံစားခွင့် (၇) မျိုးရှိသည်။ အဆိုပါ ခံစားခွင့် ထဲမှ

- ဖျားနာ၊ ထိခိုက် ဒဏ်ရာရခြင်း
- ဒုက္ခိတဖြစ်ခြင်း
- သေဆုံးခြင်း တို့အတွက် ရရှိနိုင်သည့် အကျိုးခံစားခွင့်များမှာ အောက်ပါ အတိုင်း ဖြစ်သည်။

၁။ အလုပ် လုပ်ကိုင်နေစဉ် လုပ်ငန်းခွင်အတွင်း မတော်တဆထိခိုက်မှုဖြစ်ပွားလာပါက ဆေးဝါးကုသ စရိတ်အဖြစ် သတ်မှတ် နှုန်းထား ( ဥပမာ - ဘတ် 50,000-1,000,000 ဘတ် ) အထိ ထိခိုက်မှုအပေါ် မူတည်ပြီး ရရှိနိုင်မည်ဖြစ်သည်။

၂။ မတော်တဆ ထိခိုက်မှုကြောင့် အလုပ်နားရပါက လုပ်ခလစာ၏ 70% နှုန်းဖြင့် ရရှိမည်။ ( ဥပမာ- လစာ 10,000 ဘတ်ဆိုပါက ကို ဆရာဝန်မှ နားရက်အဖြစ် ရက်ပေါင်း 30 အလုပ်နားရန် ညွန်ကြားလာပါက ထိုနားရက်များအတွက် လုပ်အားခအစားထောက်ပံ့ငွေ 7,000 ရရှိမည်ဖြစ်သည်။ )

၃။ ကိုယ်လက်အင်္ဂါအစိတ်အပိုင်း ဆုံးရှုံးပါကဆရာဝန်၏ သုံးသပ်ချက်ဖြင့် လစာ၏ 70% နှုန်းဖြင့် ထောက်ပံ့ငွေ ၁၀ နှစ်ခံစားခွင့် ရရှိမည်ဖြစ်သည်။

၄။ မသန်စွမ်းမှု (ဒုက္ခိတ) ဖြစ်ပါက လုပ်ခလစာ၏ 70%ရာခိုင်နှုန်းနဲ့ ထောက်ပံ့ငွေအဖြစ် တစ်သက်စာရရှိ မည်ဖြစ်သည်။

၅။ ဘဝပြန်လည်ထူထောင်နိုင်ရေးအတွက် ခြေတု လက်တုများ တပ်ဆင်ခြင်း သို့မဟုတ် ခြေတုလက်တု များတပ်ဆင်ပြီးနောက် ဘဝပြန်လည်ထူထောင်ရေး စခန်း တွင် ပုံမှန်ကဲ့သို့ ပြန်လည်လှုပ်ရှား နိုင်ရေး အတွက် ဆောင်ရွက်နေစဉ် ထောက်ပံ့ငွေများလည်း ရရှိမည်ဖြစ်သည်။
( ဥပမာ လစာ 12,000 ဘတ်ရသည့်အလုပ်သမားတစ်ဦး လက်ပြတ်သည်ဆိုပါစို့ လျော်ကြေးအဖြစ် တစ်လလျှင် 8,400 ဘတ်နှင့် လပေါင်း 108 ခံစားခွင့် (8,400 x 108 =907,200 ဘတ်) ရရှိမည်ဖြစ်သည်။ သို့သော် အခင်းဖြစ်ပွားသည့်နေမှစ၍ 15 ရက်အတွင်း လျော်ကြေးရန်ပုံငွေဌာနသို့ အသိပေးအကြောင်းကြားရန် လိုအပ်သလို ဆေးဝါးကုသမှုသည် ပြီးပြတ်၍ (ဆရာဝန်) ပါရဂူ ၏ ထောက်ခံချက်လည်း လိုအပ်သည်။

၆။ သေဆုံးမှုဖြစ်ပွားခဲ့ပါက နောက်ဆုံးရရှိထားသည့်လုပ်အားခအတိုင်း သို့မဟုတ် အနိမ့်ဆုံး အခြေခံ လုပ်ခလစာအတိုင်းတွက်ချက်၍ 10 နှစ်အတိတိ ထောက်ပံ့ငွေအဖြစ် ရရှိမည်ဖြစ်ပြီး အသုဘစရိတ် အဖြစ် ၅၀,၀၀၀ ကိုလည်း နာရေးကျင်းပပြုလုပ်သည့် ဘုန်းတော်ကြီးကျောင်းထံမှ ထောက်ခံစာနှင့်တကွ နာရေးစီစဉ်ဆောင်ရွက်သူကို အသုဘစာရိတ်ထုတ်ပေးသွားမည်ဖြစ်သည်။

အကယ်၍ အလုပ်ရှင်မှ လုပ်ငန်းခွင်ထိခိုက်မှု သေဆုံးမှု ပျောက်ဆုံးမှု အစရှိသည်တို့ကို ဆိုင်ရာ ဌာနသို့ အကြောင်းကြားရန် ပျက်ကွက်ပါက ၆ လထက်မပိုသော ထောင်ဒဏ် 100,000 ဘတ် ထက်မပိုသော ဒဏ်ငွေ ချမှတ်ခံရမည်ဖြစ်သည်။

အလုပ်ရှင်မှ အကြောင်းကြားခြင်းလုံးဝမပြုလုပ်ပါက အလုပ်သမားကိုယ်တိုင်လည်း ဆိုင်ရာဌာနသို့ ရက်ပေါင်း 180 အတွင်း သို့မဟုတ် 2 နှစ်ထက် မပိုသော ကာလအတွင်း အကြောင်းကြားနိုင်ပါသည်။

မှတ်ချက် - အကျိုးခံစားခွင့် ရာခိုင်နှုန်းများသည် ထိခိုက်မှု အပေါ် မူတည်၍ ထိုင်းနိုင်ငံအလုပ်သမား ကာကွယ်ရေးနှင့် လူမှုဖူလုံရေးရုံး၏ မူဝါဒများအရ ရရှိမည်ဖြစ်သည်။

reference - HRDF
#လူမှုဖူလုံရေး(ပကန်စံခွန်)

Photo credit

07/04/2025

လူမှုဖူလုံရေး ( ပကန်စံခွန် ) အကြောင်း
သိကောင်းစရာများ ( ၁ )

ထိုင်းနိုင်ငံအတွင်း အလုပ်လုပ်ကိုင်နေကြသည့် ရွှေ့ပြောင်း အလုပ်သမားများအနေဖြင့်လည်း လူမှုဖူလုံရေး (ပကန်စံခွန်) ခံစားခွင့် ရှိပါသည်။ အဆိုပါ လူမှုဖူလုံရေး(ပကန်စံခွန်) ခံစားခွင့်အတွက် လစဉ် အလုပ်ရှင်မှ သတ်မှတ်ရာခိုင်နှုန်းထား နှင့် အလုပ်သမား၏ လုပ်အားခထဲမှ လစဉ် ၅ ရာခိုင်နှုန်းကို ထိုင်းနိုင်ငံအလုပ်သမား ကာကွယ်ရေး နှင့် လူမှုဖူလုံရေးရုံး သို့ ပေးသွင်းရမည် ဖြစ်သည်။

လူမှုဖူလုံရေး(ပကန်စံခွန်) ပေးသွင်းရန် လူသစ်များအနေဖြင့် ရရှိထားသည့် နာမည်စာရင်း (Name List) နှင့် အတူ လိုအပ်သည့် အာမခံစာရွက်စာတမ်းများဖြင့် တင်သွင်းနိုင်မည်ဖြစ်သည်။ ယခင် ပကန်စခွန် တင်သွင်းထားဖူးသည့် လူဟောင်းများအနေဖြင့် ခံစားခွင့် ဆက်လက်ရရှိနိုင်ရန် ပကန်စံခွန် ဘတ်အဟောင်းကိုဖြစ်စေ၊ Work Permit အဟောင်းကိုဖြစ်စေ၊ ထိုင်းနိုင်ငံအတွင်း တရားဝင် နေထိုင်ခွင့် ရရှိခဲ့ဖူးသည့် ပန်းရောင်ကဒ်၊ စီအိုင်၊ Passport စာအုပ်အဟောင်းများဖြင့်တွဲ၍ ပကန်ရုံးမှ ထုတ်ပေးသော ဖောင်တွင် ဖြည့်စွက် တင်သွင်းနိုင်မည် ဖြစ်သည်။ ( ချွင်းချက် - သူဌေးမရှိဘဲ ပွဲစား(သူဌေးအငှား)ဖြင့် ဘတ် စာရင်းတင်ထားသူများ အနေဖြင့် မိမိအပ်နှံထားသည့် ပွဲစားများဖြင့် ချိတ်ဆက်ကာ ပကန်အေကချွန်းကဲ့သို့ ပြင်ပမှဝယ်ယူနိုင်သည့် အာမခံများဖြင့် တင်သွင်းနိုင်မှာဖြစ်သည်။ )

လူမှုဖူလုံရေး(ပကန်စံခွန်) တွင် အကျိုးခံစားခွင့် (၇) မျိုးရှိသည်။

၁။ ဖျားနာ၊ ထိခိုက် ဒဏ်ရာရခြင်း
၂။ မီးဖွားခြင်း
၃။ ဒုက္ခိတဖြစ်ခြင်း
၄။ သေဆုံးခြင်း
၅။ ကလေးစားရိတ် ထောက်ပံ့ကြေး
၆။ သက်ကြီးရွယ်အိုများအတွက် ပင်စင်စရိတ် ထောက်ပံ့ကြေး
၇။ အလုပ်လက်မဲ့ ထောက်ပံ့ကြေး တို့ ဖြစ်သည်။

အဆိုပါ အကျိုးခံစားခွင့်များ ရရှိနိုင်ဖို့ အတွက် အနည်းဆုံး (၃)လ ထည့်ဝင် ထားရမည် ဖြစ်ပြီး (၃)လ မပြည့်သေးပါက အကျိုးခံစားခွင့် မရရှိနိုင်သေးပါ။ သို့သော် အလုပ်လက်မဲ့ ထောက်ပံ့ကြေး ခံစားခွင့်အတွက် ထုတ်ယူခံစားခွင့်ရရှိရန် အနည်းဆုံး ၆ လထက်မနည်း ပေးသွင်းထားရမည်ဖြစ်သည်။ချွင်းချက်အနေဖြင့် လူမှုဖူလုံရေး(ပကန်စံခွန်) ထည့်ဝင်ထားသော်လည်း သတ်မှတ်ချက်နဲ့ မညီတာမျိုးရှိပါက အကျိုးခံစားခွင့် မရရှိနိုင်တာမျိုးလည်း ဖြစ်နိုင်သည့်အတွက် သတ်မှတ်ချက်များနှင့် အညီ လုပ်ကိုင်ဆောင်ရွက်ရမည်ဖြစ်သည်။

#လူမှုဖူလုံရေး(ပကန်စံခွန်)

Photo Credit

19/03/2025

အကြောင်းအမျိုးမျိုးကြောင့် နိုင်ငံတစ်နိုင်ငံမှ တစ်နိုင်ငံသို့ ပြောင်းရွှေ့နေထိုင်ကြသည့် ရွှေ့ပြောင်း လုပ်သားများသည် မိမိ၏ နေရပ်မဟုတ်ခြင်း၊ ဘာသာစကား ၊ ယဉ်ကျေးမှု မတူညီကြခြင်းကြောင့် အခက်အခဲ များစွာ ရင်ဆိုင်ကြရသည်။ ထိုအထဲမှ ရွှေ့ပြောင်းကလေးငယ်များ၏ ပညာသင်ကြားရေးကဏ္ဍလည်း အပါအဝင်ဖြစ်သည်။ ရွှေ့ပြောင်း ကလေးငယ်များ၏ ပညာသင်ကြားရေးတွင် ကြုံတွေ့နေရသည့် အခက်အခဲ အချို့မှာ -

ဘာသာစကားဆိုင်ရာ အခက်အခဲ

ကလေးငယ်များသည် ရောက်ရှိနေသည့် နိုင်ငံ၊ နေရာ၏ မတူညီသည့် ဘာသာစကားများကို ပြောဆိုကြရမည် ဖြစ်ပြီး ပညာရေးစနစ်တွင်လည်း သင်ကြားမှု အပိုင်းတွင် နားလည်မှု လွဲခြင်း၊ ဆရာ/ဆရာမများ၊ အတန်းဖော် သူငယ်ချင်းများနှင့် အချင်းချင်း နားလည်မှုမရရှိခြင်း တို့ကို ကြုံတွေ့နိုင်မည်ဖြစ်သည်။ ဒါ့အပြင် ပညာရေးစနစ် မတူညီခြင်းနှင့် သင်ရိုးများကို မရင်းနှီးခြင်းတို့ကြောင့် သင်ကြားမှု နောက်ကျရခြင်းများ ကြုံတွေ့နိုင်သည်။

စိတ်ပိုင်းဆိုင်ရာနှင့် ရုပ်ပိုင်းဆိုင်ရာ အခက်အခဲများ

ကလေးများအနေဖြင့် ရွှေ့ပြောင်းမှုကြောင့် နေရာသစ် ပတ်ဝန်းကျင်သစ်တွင် အံ့ဝင်ခွင်ကြရှိမှု နောက်ကျခြင်းများ၊ ပြောင်းလဲမှုကြောင့် စိတ်ဖိစီးမှုများနှင့် စိတ်ကျရောဂါများ ကို ကြုံတွေ့တတ်ပြီး ရေမြေသဘာဝ ပြောင်းလဲခြင်းကြောင့် ကျန်းမာရေး အခြေအနေ ထိခိုက်မှုများ ရှိတတ်သည့်အပြင် နေထိုင်သည့် နေရာနှင့် ပညာသင်ကြားရန် သွားရောက်ရသည်မှာ ဝေးလွန်ခြင်းများ ကြုံတွေ့နိုင်သည်။ ဒါအပြင် မိခင်ဘာသာစကား နှင့် ယဉ်ကျေးမှု မတူညီမှုများကြောင့် ကျောင်းသူ ကျောင်းသား အချင်းချင်း အနိုင်ကျင့်ခြင်း၊ ဖယ်ကျဉ်ခြင်း၊ ကျောင်းအပ်လက်မခံခြင်း၊ ခွဲခြားဆက်ဆံမှု (discrimination) များလည်း ကြုံတွေ့နိုင်သည့် အတွက် စိတ်ပိုင်းနှင့် ရုပ်ပိုင်းဆိုင်ရာ ထိခိုက်မှု အနည်းနှင့်အများ ကြုံတွေ့နိုင်သည်။

ကျောင်းစရိတ် အခက်အခဲများ

ပညာရေးစနစ်သည် အခမဲ့ပညာရေးစနစ်
အဖြစ်စီမံထားသော်လည်း အများအားဖြင့်ရွှေ့ပြောင်းကလေးများအပေါ် အခြားအပိုကြေးများ ကောက်ခံလျက် ရှိသည့် အခါမျိုးတွင် ဝင်ငွေ နည်းပါးသည့် ရွှေ့ပြောင်းလုပ်သားမိဘများအတွက် ဝန်ထုပ်ဝန်ပိုး ဖြစ်စေပြီး ပညာသင်ကြားခွင့်၊ ကျောင်းတက်ခွင့် လက်လွှတ်လိုက်ရခြင်းများ ကြုံတွေနိုင်သည်။ ဒါ့အပြင် မိသားစု စားဝတ်နေရေးအရ အိမ်စရိတ်ကို ကူညီနိုင်ရန်အတွက် လုပ်ငန်းခွင်သို့ ဝင်ရောက်ရခြင်းများကြောင့် ပညာသင်ကြားရတွင် အခက်အခဲများ ကြုံတွေ့နိုင်သည်။

အထောက်အထားမပြည့်စုံမှု အခက်အခဲများ

ဥပဒေအရ ပညာသင်ကြားရေးတွင် အထောက်အထား မပြည့်စုံသည့် ရွှေ့ပြောင်းကလေးများအား ကျောင်းဝင်ခွင့် ရရှိနိုင်ရန် ခွင့်ပြုချက်များ ရှိသော်လည်း စာသင်ကျောင်း အများစုက မွေးစာရင်း နဲ့ အခြား စာရွက်စာတမ်းများ တောင်းခံခြင်းကြောင့် ရွှေ့ပြောင်းမိသားစုများတွင် အခက်အခဲဖြစ်စေပါသည်။ ဒါ့အပြင် ရွှေ့ပြောင်းနေထိုင်မှုဆိုင်ရာ အခြေအနေမသေချာခြင်း၊ ကျောင်းတက်ခွင့်ရရှိရန် ခွင့်ပြုချက်အခက်အခဲများနှင့် သက်ဆိုင်ရာ စာရွက်စာတမ်းများမရှိခြင်းတို့ကြောင့် ပညာသင်ကြားရာတွင် အခက်အခဲများ ရှိနေဆဲဖြစ်သည်။

အဆိုပါ အခက်အခဲများကို ရင်ဆိုင်နေရသည့် အတွက် ရှေ့ပြောင်းကလေးများ၏ ပညာသင်ကြားရာတွင် နောက်ကျခြင်းများ အခက်အခဲများ ရင်ဆိုင်နေရခြင်း ဖြစ်သည်။

’sEducation

08/03/2025

ပန်းတွေထက်ပိုတဲ့ အမျိုးသမီးများနေ့
မတ်လ ၈ ရက်နေ့မှာ ကျရောက်တဲ့ နိုင်ငံတကာ အမျိုးသမီးများနေ့ဟာ ရိုးရိုးလေး ဂုဏ်ပြုပန်းစည်းတွေ၊ ချီးကျူးစကားတွေထက် ပိုပါတယ်။ ကျား၊ မ တန်းတူညီမျှရေးအတွက် တိုးတက်မှုတွေကို ပြန်လည်သုံးသပ်ဖို့၊ ပြောင်းလဲမှုကို တောင်းဆိုဖို့၊ နိုင်ငံနဲ့ လူ့အဖွဲ့အစည်းတွေရဲ့ သမိုင်းမှာ ထူးခြားတဲ့ အခန်းကဏ္ဍကနေ ပါဝင်ခဲ့တဲ့ အမျိုးသမီးတွေရဲ့ ရဲရင့်မှုနဲ့ ခိုင်မာမှုကို ဂုဏ်ပြုဖို့အတွက် ကမ္ဘာလုံးဆိုင်ရာ အရေးပါတဲ့ နေ့တစ်နေ့ဖြစ်ပါတယ်…
ဒီလိုနေ့မှာ ချီးကျူးဂုဏ်ပြုခြင်းရဲ့ အမှတ်သင်္ကေတ တန်ဖိုးကို အသိအမှတ်ပြုရင်းနဲ့ပဲ ကျား၊ မ တန်းတူညီမျှမှုကို ဟန့်တားနေဆဲဖြစ်တဲ့ အဓိက ပြဿနာတွေကို အာရုံစိုက်ဖို့က အရေးကြီးသည့်အပြင် ကမ္ဘာတစ်ဝန်းက အမျိုးသမီးတွေ ကြုံတွေ့နေရဆဲဖြစ်တဲ့ မညီမျှမှုတွေကို အားကောင်းတဲ့ သတိပေးချက်တစ်ခုအဖြစ် ဆောင်ရွက်နေကြတာဘဲဖြစ်ပါတယ်.......

စိန်ခေါ်မှုတွေကို အသိအမှတ်ပြုရင်းနဲ့ပဲ နိုင်ငံတကာ အမျိုးသမီးများနေ့ဟာ သမိုင်းတစ်လျှောက်နဲ့ ယနေ့ခေတ်မှာ အမျိုးသမီးတွေရဲ့ မယုံနိုင်လောက်အောင် ခံနိုင်ရည်၊ ခွန်အားနဲ့ အောင်မြင်မှုတွေကို ဂုဏ်ပြုတဲ့ အခိုက်အတန့်တစ်ခုလည်း ဖြစ်ပါတယ်….

ဒီအမျိုးသမီးများနေ့ဟာ ရေရှည်တည်တံ့တဲ့ လုပ်ဆောင်မှုအတွက် တွန်းအားပေးတဲ့ နေ့တစ်နေ့၊ လူတိုင်းအတွက် ပိုမိုတန်းတူညီမျှပြီး တရားမျှတတဲ့ ကမ္ဘာတစ်ခုကို ဖန်တီးနိုင်ပြီး အမျိုးသမီးနဲ့ မိန်းကလေးတိုင်း သူတို့ရဲ့ လှပတဲ့အနာဂါတ်ကို အပြည့်အဝရောက်ရှိဖို့အခွင့်အရေးရှိကြောင်း သေချာစေဖို့ အတူတကွ လုပ်ဆောင်ကြပါစို့လို့ တိုက်တွန်းရင်း ကမ္ဘာတဝှမ်းလုံးမှာရှိကြတဲ့ အမျိုးသမီးများကို ဂုဏ်ပြုလိုက်ပါကြောင်း....................

Women's Day

SMART-Safe Migration Alliance Representative Team

19/06/2025

10/05/2025

06/05/2025

01/05/2025

28/04/2025

24/04/2025

21/04/2025

17/04/2025

10/04/2025

07/04/2025

19/03/2025

08/03/2025

Address

Telephone

Website

Alerts

Contact The Business

Shortcuts

Share