Myanmarload (2025)

12/09/2025

ရှေ့ဆင့်နောက်ဆင့်အပြိုင်အဆိုင် Comeback ကြတော့မယ့် Legendary Group EXO နဲ့ BTS

3rd Generation ရဲ့ထိပ်တန်းအဖွဲ့ကြီးနှစ်ခုဖြစ်ပြီး ခေတ်ပြိုင်တွေလည်းဖြစ်တဲ့ EXO နဲ့ BTS ဟာ အဖွဲ့လိုက်အယ်လ်ဘမ်ကိုရှေ့ဆင့်နောက်ဆင့်အချိန်အတွင်းထုတ်သွားနိုင်ခြေရှိနေပါတယ်။ အဖွဲ့ဝင်တွေအကုန်လုံးစစ်မှုထမ်းပြီးသွားတဲ့ BTS ဟာ အမေရိကန်နိုင်ငံမှာ အယ်လ်ဘမ်အတွက်ပြင်ဆင်မှုတွေဆက်တိုက်လုပ်နေသလို အခုနောက်ပိုင်းမှာအဖွဲ့ဝင်တွေကို တောင်ကိုးရီးယားနေရာတစ်ချို့မှာရိုက်ကူးရေးလုပ်နေတာကိုတွေ့ခဲ့ရတယ်လို့ဆိုပါတယ်။ မန်ဘာတွေရဲ့ပြောထားချက်နဲ့ထုတ်ပြန်ချက်တွေအရ BTS အဖွဲ့ရဲ့ Comeback ဟာ ၂၀၂၆ နွေဦးမှာဖြစ်မယ်လို့ဆိုတာကြောင့် မတ်လဝန်းကျင်မှာဖြစ်နိုင်ပါတယ်။ အယ်လ်ဘမ်အပြင် အဖွဲ့လိုက်ကမ္ယာလှည့်ဖျော်ဖြေရေးပွဲတွေကိုပါဆက်တိုက်လုပ်သွားမှာလို့ကြေညာထားပါတယ်။ တစ်ဖက်ကလည်း ခေတ်ပြိုင်ဖြစ်တဲ့ EXO ဟာ ၂၀၂၅ နှစ်ကုန်ဒီဇင်ဘာမှာ Comeback လာမယ်လို့ကြေညာထားပါတယ်။ အဖွဲ့ဝင်ဘယ်နှယောက်ပါမလဲဆိုတာကိုတော့မသိရသေးပေမဲ့ ပရိတ်သတ်တွေကတော့ OT9 အပြည့်အစုံနဲ့ ထွက်လာဖို့မျှော်လင့်နေကြပါတယ်။ ခေတ်ပြိုင်တွေဖြစ်ကြသလို အင်အားအတောင့်ဆုံးပရိတ်သတ်တွေကိုပိုင်ဆိုင်ထားတဲ့ BTS နဲ့ EXO ရဲ့ Comeback တွေဟာအတော်လေးကိုစိတ်လှုပ်ရှားစရာကောင်းနေမှာပဲဖြစ်ပါတယ်။

11/09/2025

ပြိုင်ပွဲမှာ Grand Prize ဆုရခဲ့တဲ့ Return of Superman Show က နာအွန်းလေး

Return of Superman ရှိုးမှာပါဝင်ကတည်းက ကိုယ်ပိုင်ပရိတ်သတ်တွေအများကြီးရခဲ့သလို အခုချိန်ထိလည်းအချစ်ခံနေရဆဲဖြစ်တဲ့ နာအွန်းလေးဟာ တောင်ကိုးရီးယားနိုင်ငံလက်ရွေးစင်ဘောလုံးကစားသမားဖခင် ပတ်ဂျွန်ဟိုရဲ့သမီးလေးဖြစ်ပါတယ်။ နာအွန်းလေးဟာရှိုးမှာပါကတည်းက မောင်ဖြစ်သူဂွန်းဟူကိုဂရုစိုက်တတ်တာ အဖေဖြစ်သူကိုချစ်တာအပါအဝင် ဘာသာစကားလေးမျိုးလောက်ပြောနိုင်တာနဲ့ သွက်လက်တာကြောင့်အတော်လေးအချစ်ခံခဲ့ရတဲ့ကလေးလေးဖြစ်ခဲ့တာပါ။ ကပြားလေးဖြစ်တာကြောင့် ကိုးရီးယားသိပ်မဆန်ဘဲ လှနေတဲ့နာအွန်းလေးဟာရှိုးမှာမပါတော့တဲ့နောက်ပိုင်းမှာတောင်မှ ပရိတ်သတ်တွေရဲ့အချစ်ကိုလက်ခံနေရဆဲပါပဲ။ ဆယ်နှစ်ပြည့်သွားပြီဖြစ်တဲ့ နာအွန်းလေးဟာသူစိတ်ဝင်စားတဲ့ဘဲလေးအက စကိတ်စီးတာ အပါအဝင် ဝါသနာအမျိုးမျိုးလိုက်လုပ်ကြည့်နေတာပါ။ ဒီတစ်ခေါက်မှာတော့ နာအွန်းလေးဟာ rhythmic gymnastics အားကစားတစ်မျိုးကိုစိတ်ဝင်စားတာကြောင့် လပေါင်းအတော်ကြာလေ့ကျင့်ခဲ့ပြီး ပြိုင်ပွဲအထိပါဝင်ရောက်ယှဥ်ပြိုင်ခဲ့ပါတယ်။ ပထမဆုံးပြိုင်ပွဲဖြစ်ပေမဲ့ Grand Prize ဆုရခဲ့တဲ့နာအွန်းလေးကို မိသားစုဝင်တွေအကုန်လုံးလာအားပေးခဲ့ကြသလို အမေဖြစ်တဲ့ Anna က နာအွန်းလေးပြိုင်ပွဲဝင်နေတာကို ဗီဒီယိုရိုက်ပြီး Youtube Channel မှာပါတင်ထားခဲ့တာပါ။

08/09/2025

MIT VMAs ဆုပေးပွဲရဲ့အဓိကဆုကြီးကို ပထမဆုံးရလာတဲ့ ကေပေါ့အိုင်ဒေါ Rose

နာမည်ကြီးဆုပေးပွဲကြီးဖြစ်တဲ့ VMAs ဆုပေးပွဲကြီးမှာ Best K Pop ဆိုတဲ့ဆုအမျိုးအစားပါထည့်သွင်းထားပြီးတော့ ကေပေါ့အိုင်ဒေါတွေကိုဆုပေးပါတယ်။ ဒါပေမဲ့ ကေပေါ့အိုင်ဒေါအများစုဟာ ဒီဆုအမျိုးအစားတစ်ခုအတွင်းမှာပဲ ဆန်ကာတင်ဝင်ကြလေ့ရှိပြီးတော့ ဆုပေးပွဲရဲ့အဓိကဆုကြီးတွေစာရင်းမှာဆန်ကာတင်ဝင်တာမျိုးမရှိတတ်ပါဘူး။ အနောက်နိုင်ငံက နာမည်ကြီးအနုပညာရှင်တွေနဲ့အပြိုင် ဝင်တိုးရတဲ့ဆုပေးပွဲမှာ စံချိန်သစ်အနေနဲ့ BlackPInk အဖွဲ့ဝင် Rose ဟာ ဆုကြီးတွေအပါအဝင် ဆုပေါင်း ၈ ဆုမှာဆန်ကာတင်ဝင်ခဲ့ပါတယ်။ ဒါ့အပြင် အဓိကဆုကြီးဖြစ်တဲ့ Song of the Year ဆုကိုပါ APT သီချင်းနဲ့ပိုင်ဆိုင်နိုင်ခဲ့ပါသေးတယ်။ နာမည်ကြီးအနုပညာရှင်တွေအများကြီးကျော်လွှားပြီးတော့ Rose ဟာ VMAs ရဲ့အဓိကဆုကြီးကိုပိုင်ဆိုင်နိုင်တဲ့ ပထမဆုံးသောကေပေါ့အိုင်ဒေါဖြစ်လာခဲ့ပါပြီ။ ဆုလက်ခံပြီး ကျေးဇူးတင်စကားမှာတော့ သီချင်းအတူလုပ်ခဲ့တဲ့ Bruno Mars အပါအဝင် Teddy နဲ့ BlackPink မန်ဘာတွေကိုပါ ကျေးဇူးတင်ကြောင်းထည့်ပြောသွားခဲ့တာပါ။ ဒီဆုအပြင် BlackPink အဖွဲ့ဝင်ဖြစ်တဲ့ Lisa ကလည်း နာမည်ကြီးအဖွဲ့နဲ့ အိုင်ဒေါတွေကိုကျော်ပြီးတော့ Best K pop ဆုကို သုံးနှစ်ဆက်တိုက်ရသွားခဲ့ပါတယ်။

04/09/2025

Private Jet ကြောင့်ဝေဖန်မှုတွေခံနေရတဲ့ G Dragon

G Dragon ဟာ တောင်ကိုးရီးယားအနုပညာလောကရဲ့လွှမ်းမိုးမှုအရှိဆုံးအနုပညာရှင်တစ်ယောက်ဖြစ်သလို ကမ္ဘာ့နာမည်ကြီးဘရန်းတွေအများကြီးနဲ့ပါအတူလက်တွဲအလုပ်လုပ်နေသူပါ။ Chanel Nike လိုမျိုးဘရန်းတွေနဲ့အပြင် သူ့ရဲ့ကိုယ်ပိုင်ဘရန်း Peaceminusone ကိုပူးပေါင်းမှုတွေပါအများကြီးလုပ်နိုင်ခဲ့ပြီးအောင်မြင်တဲ့စီးပွားရေးကိုပါဦးဆောင်နိုင်တဲ့သူဖြစ်ပါတယ်။ ဒီတစ်ခါမှာလည်း GD ဟာ နာမည်ကြီးလက်ဝတ်ရတနာဘရန်းတစ်ခုဖြစ်တဲ့ Jacob&Co နဲ့ပူးပေါင်းမှုလုပ်ထားတာဖြစ်ပါတယ်။ ဒီပူးပေါင်းမှုအနေနဲ့ Private Jet ပေါ်မှာ ဘရန်းနာမည်တွေကိုရေးထားပြီး GD ရဲ့နာမည်ကိုပါ ရေးထားတာပါ။ တစ်ချို့ကတော့ ဒီပူးပေါင်းမှုဟာ GD ရဲ့အရှိန်အဝါနဲ့အောင်မြင်မှုကိုဖော်ပြနေတာဖြစ်တယ်လို့ချီးကျုးကြပေမဲ့ Private Jet သုံးတာဟာ ပတ်ဝန်းကျင်ကိုထိခိုက်စေတယ်ဆိုပြီးဝေဖန်တဲ့သူတွေလည်းရှိပါတယ်။ ဒါပေမဲ့ ဒီပူးပေါင်းမှုဟာ GD ရဲ့လွှမ်းမိုးမှုနဲ့အောင်မြင်မှုဟာဆယ်စုနှစ်နှစ်ခုနီးပါးကြာသွားတောင် လုံးဝမလျော့သွားဘူးဆိုတာကိုသက်သေပြနေတာပဲဖြစ်ပါတယ်။

02/09/2025

We are Hiring...

Position - Junior or/and Senior Videographer,
- Junior or/ and Senior Video Editor
Employment Type - Full Time
Industry - Myanmarload Media/ True Digital Production
Salary - Negotiable
Office Hours - 8 :00 am to 4:00 pm
Days Off - Sunday & Public Holidays
Location - MICTPark Hlaing Township Yangon
* You must understand video editing theory and color grading.
* You have to be interested in the camera and editing
* Any degree holder
please submit your updated CV with expected salary to [email protected]
09761665236

01/09/2025

BTS အဖွဲ့ဝင် Jung Kook ရဲ့နေအိမ်ကိုကျုးကျော်ဖို့ကြိုးစားကြသူများ

ကမ္ဘာ့အဆင့်နာမည်ကြီးအနုပညာရှင်ဖြစ်တဲ့ BTS အဖွဲ့ဝင်တွေအတွက်တော့ အရူးအမူးဖြစ်တဲ့ပရိတ်သတ်တွေရဲ့ ဥပဒေမဲ့အပြုအမူတွေကိုမကြာခဏကြုံရလေ့ရှိပါတယ်။ ဒီတစ်ခေါက်မှာလည်း BTS အဖွဲ့ဝင် Jung Kook ရဲ့နေအိမ်ကို ကျုးကျော်ဝင်ရောက်ဖို့ကြိုးစားနေတဲ့အမျိုးသမီးတစ်ယောက်ကိုရဲတွေကဖမ်းဆီးထားပါတယ်။ အသက်လေးဆယ်ကျော်ဝန်းကျင် သက်လတ်ပိုင်းအမျိုးသမီးဖြစ်သူဟာ Jung Kook ရဲ့အိမ်ရှေ့ကတံခါးပတ်စ်ဝေါ့ကိုအကြိမ်ကြိမ်နှိပ်နေရာကနေရဲတွေလာရောက်ဖမ်းဆီးရတဲ့အထိဖြစ်ရတာပါ။ သူကတော့ သူငယ်ချင်းတစ်ယောက်ရဲ့အိမ်နဲ့မှားသွားလို့ဆိုတဲ့အကြောင်းပြချက်ပေးပေမဲ့ စစ်ဆေးမှုအရတော့သူဟာ Jung Kook အိမ်ကိုပဲဝင်ဖို့ကြိုးစားခဲ့တာဖြစ်တယ်လို့သိရပါတယ်။ Jung Kook ဟာအရင်တုန်းကလည်းအခုလိုမျိုးသူ့အိမ်ကိုဝင်ဖို့ကြိုးစားကြတဲ့သူတွေရှိခဲ့သလို အများစုဟာသက်လတ်ပိုင်းအမျိုးသမီးတွေဖြစ်တယ်လို့သိရပါတယ်။ ဒီအကြောင်းအရာနဲ့ပတ်သက်ပြီး Jung Kook ကိုယ်တိုင်က Live မှာ သူ့အိမ်ကိုလာဖို့ကြိုးစားရင်ရဲစခန်းရောက်သွားမှာဖြစ်ကြောင်းပွင့်ပွင့်လင်းလင်းပဲပြောထားပါတယ်။ အခုလိုအစွန်းရောက်ပရိတ်သတ်တွေအနေနဲ့ အိမ်ကိုကျုးကျော်ဖို့ကြိုးစားတာမျိုးဟာ အတော်လေးကြောက်စရာကောင်းတဲ့လုပ်ရပ်လို့ဆိုနိုင်ပါတယ်။

29/08/2025

အတူတွဲတွေ့ရတဲ့ EXO အဖွဲ့ဝင် Kai နဲ့ IVE အဖွဲ့ဝင် Won Young

EXO အဖွဲ့ဝင် Kai ဟာစစ်မှုထမ်းပြန်လာပြီးကတည်းက တောင်ကိုးရီးယားကတက္ကသိုလ်တွေဆီသွားပြီး တစ်ရက်တာကျောင်းသားလုပ်ရတဲ့အစီအစဥ်ကိုရိုက်ကူးနေတာဖြစ်ပါတယ်။ ပြီးခဲ့တဲ့အပိုင်းမှာ အစီအစဥ်ကိုထူးခြားတဲ့အိုင်ဒေါတစ်ယောက်ကဧည့်သည်အဖြစ်လာရောက်ပြီးတော့ Kai နဲ့အတူ စစ်တက္ကသိုလ်မှာ တစ်ရက်တာစစ်ပညာသင်ကြားခဲ့ပါတယ်။ ပရိတ်သတ်တော်တော်များများမမျှော်လင့်ထားတာကတော့ ဧည့်သည်အဖြစ်ပါဝင်လာတဲ့သူဟာ Lucky Vicky လို့လူသိများတဲ့ IVE အဖွဲ့ဝင် Wonyoung ဖြစ်နေတာပါ။ ဝန်းယောင်းဟာ သက်ရှိဘာဘီလေးလိုလှတဲ့ရုပ်ရည်သွင်ပြင်ရှိတဲ့အပြင် စံပြအိုင်ဒေါပုံရိပ်အဖြစ်ပါနာမည်ကြီးတဲ့သူပါ။ Kai နဲ့ ဝန်းယောင်းဟာ ရှိုးမှာမှပထမဆုံးတွေးကြတာဖြစ်ပေမဲ့အတော်လေးလိုက်ဖက်ညီပြီးတော့ Chemistry မိမိရိုက်ကူးနိုင်ခဲ့ကြတာကြောင့် ချီးကျုးနေကြပါတယ်။ ဝန်းယောင်းဟာသူ့ရဲ့အရုပ်လေးလိုမျက်နှာနဲ့မလိုက်ဖက်စွာဘဲ စစ်ရေးလေ့ကျင့်မှုတွေကိုအကုန်လုပ်နိုင်အောင်ကြိုးစားခဲ့သလို Kai ကလည်းဂျုနီယာဖြစ်သူနဲ့အလိုက်သင့်ဖြစ်အောင်နေပေးခဲ့တာပါ။ ပရိတ်သတ်တွေကတော့ စတိတ်စင်တွေပေါ်မှာတောင်မှ မြင်ရခဲနိုင်တဲ့ ဝန်းယောင်းနဲ့ Kai ရဲ့တွဲဖက်မှုကိုအတော်လေးစိတ်လှုပ်ရှားခဲ့ကြပါတယ်။

27/08/2025

နာမည်ကြီးမဂ္ဂဇင်းမှာပါရတဲ့ ပထမဆုံး K- Pup ဖြစ်လာတဲ့ Rose ရဲ့ခွေးလေး Hank

BlackPink အဖွဲ့ဝင် Rose ကတော့ သူကိုယ်တိုင်စံချိန်တွေတင်ပြီးအောင်မြင်နေရုံသာမက ဒီတစ်ခေါက်မှာသူ့ရဲ့ခွေးလေးကပါ စံချိန်တစ်ခုကိုရလာခဲ့တာဖြစ်ပါတယ်။ ရို့စ်ရဲ့ ခွေးလေး Hank ဟာ နာမည်ကြီးမဂ္ဂဇင်းတစ်ခုဖြစ်တဲ့ VOGUE ရဲ့ အခွဲမဂ္ဂဇင်း DOGUE မှာ မျက်နှာဖုံးအနေနဲ့ပါလာတာပါ။ ဒီမဂ္ဂဇင်းဟာ ကမ္ဘာတစ်ဝှမ်းကနာမည်ကြီးခွေးလေးတွေနဲ့သူတို့ပိုင်ရှင်တွေရဲ့အကြောင်းကိုဖော်ပြတာဖြစ်ပြီး Hank ဟာကေပေါ့အိုင်ဒေါတွေရဲ့တိရိစ္ဆာန်တွေထဲမှာ ပထမဆုံးပါဝင်ခွင့်ရတဲ့ခွေးလေးဖြစ်ပါတယ်။ အမှန်တော့ Hank ဟာ စွန့်ပစ်ခံခွေးလေးဖြစ်ပြီးတော့ ရို့စ်က ဂေဟာကနေခေါ်ယူမွေးစားထားတဲ့ ခွေးလေးပါ။ နောက်ပိုင်းမှာရို့စ်နဲ့အတူနာမည်ကြီးဘရန်းတွေရဲ့ရိုက်ကွင်းတွေမှာပါလာလေ့ရှိတဲ့ Hank ဟာ အင်တာနက်ပေါ်မှာအချစ်အခံရဆုံးခွေးလေးဖြစ်တဲ့အပြင် Follower အများဆုံးရှိတဲ့ခွေးလေးလည်းဖြစ်ပါတယ်။ Hank ပါဝင်ထားတဲ့မဂ္ဂဇင်းကိုကြေညာချိန်မှာ ကြည့်ရှုသူမီလီယမ်နဲ့ချီခဲ့ပြီး Rose ရဲ့ပရိတ်သတ်မဟုတ်တဲ့သူတွေတောင်မှ Hank ရဲ့ဘဝဇာတ်လမ်းကိုစိတ်ဝင်စားပြီးသဘောကျနေကြပါတယ်။

27/08/2025

ပရိတ်သတ်မဟုတ်တဲ့သူတွေတောင်ချီးကျုးနေကြတဲ့ BTS အဖွဲ့ဝင် V ရဲ့ First Pitch

တောင်ကိုးရီးယားရဲ့နာမည်ကြီးအိုင်ဒေါအဖွဲ့ဖြစ်တဲ့ BTS ရဲ့ အဖွဲ့ဝင် V ဟာ အမေရိကန်က Dodgers အသင်းရဲ့ကစားပွဲတစ်ခုမှာ First Pitch ပစ်ပေးတဲ့သူအဖြစ်လုပ်ခဲ့ပါတယ်။ ပုံမှန်အားဖြင့် အားကစားပွဲတွေရဲ့ First Pitch ကို အနုပညာရှင်နဲ့ပရိတ်သတ်တွေကိုပစ်ခိုင်းတာမျိုးဟာမထူးဆန်းပေမဲ့ V ကတော့ သူ့ရဲ့ First Pitch အတွက်အတော်လေးလူပြောများနေတာပါ။ အားကစားပွဲမတိုင်ခင်ကလည်း V ကိုယ်တိုင်ပွဲကိုတက်လာမှာဆိုတဲ့သတင်းကြောင့် ပွဲလက်မှတ်တွေအကုန်ရောင်းထွက်သွားခဲ့သလို တော်တော်များများစောင့်ကြည့်တဲ့ပွဲဖြစ်နေခဲ့တာပါ။ V ရဲ့ First Pitch ပစ်အပြီးမှာတော့ Dodgers အသင်းရဲ့ပရိတ်သတ်တွေသာမက ပွဲလာကြည့်ကြတဲ့နယ်ခံတွေကပါ V ရဲ့အရည်အချင်းကိုချီးကျုးခဲ့ကြပါတယ်။ First Pitch အနေနဲ့ Strike ဖြစ်အောင်ပစ်နိုင်ခဲ့တာကြောင့် BTS ရဲ့ပရိတ်သတ်မဟုတ်သူတွေကြားမှာပါ အတော်လေးနာမည်ကြီးနေတာပါ။ တော်တော်များများက အနုပညာရှင်မလုပ်ဘဲ အားကစားလုပ်ရင်လည်းအောင်မြင်မယ့်သူဆိုပြီးချီးကျုးကြသလို Dodgers အသင်းနဲ့စာချုပ်ချုပ်လိုက်ပါလားဆိုပြီးပါ စနောက်နေကြတာဖြစ်ပါတယ်။

19/08/2025

ကမ္ဘာ့အချမ်းသာဆုံးသူဌေးနဲ့တွေ့မယ့် တောင်ကိုးရီးယားရဲ့နိုင်ငံ့ MC ယူဂျယ်ဆော့

တောင်ကိုးရီးယားရဲ့နာမည်အကြီးဆုံးနဲ့အ‌အောင်မြင်ဆုံးလို့ယူဆနိုင်တဲ့ နိုင်ငံ့ MC ယူဂျယ်ဆော့ကတော့ ကမ္ဘာ့အချမ်းသာဆုံးသူဌေးတစ်ယောက်ဖြစ်တဲ့ဘီလ်ဂိတ်နဲ့တွေ့ကြတော့မှာပါ။ ယူဂျယ်ဆော့အဓိကတင်ဆက်ပေးနေတဲ့ You Quiz on the Blocks ရှိုးမှာ ထိပ်တန်းသူဌေးကြီးဘီလ်ဂိတ်ဟာ ဧည့်သည်အဖြစ်လာရောက်သွားမှာဖြစ်တယ်လို့ ကုမ္မဏီဖက်ကနေကြေညာခဲ့ပါတယ်။ ဘီလ်ဂိတ်လိုမျိုး ဘီလီယံနာတစ်ယောက်က တောင်ကိုးရီးယားရဲ့ ပြည်တွင်းရုပ်သံရှိုးမှာပါဝင်လာတယ်ဆိုတာကအတော်လေးကို လူပြောများစေခဲ့ပါတယ်။ ဒီသတင်းဟာတောင်ကိုးရီးယားပြည်သူတွေကိုအတော်လေးအံ့ဩသွားစေခဲ့ပြီးတော့ တော်တော်များများက နိုင်ငံ့အမ်စီယူဂျယ်ဆော့ရဲ့ ပါဝါကိုချီးကျုးနေကြတာပါ။ အမှန်တော့ ဘီလ်ဂိတ်ဟာရှိုးတင်ဆက်တဲ့ကုမ္မဏီရဲ့တာဝန်ရှိသူတွေနဲ့တွေ့ရာကနေ အခုလိုပါဝင်ဖြစ်သွားတာဖြစ်ပြီးတော့ ရှိုးအတွင်းမှာဘာအကြောင်းတွေကိုပြောသွားမလဲဆိုတာကိုတော့ မသိရသေးပါဘူး။

18/08/2025

Running Man အဖွဲ့ဝင် Kim Jong Kook ရဲ့မင်္ဂလာသတင်း

တောင်ကိုးရီးယားအနုပညာလောကနဲ့ ရသစုံရှိုးလောကမှာ နာမည်ကြီးတစ်ယောက်အဖြစ် နှစ်ပေါင်းများစွာရပ်တည်လာတဲ့ ကင်ဂျုံးကုဟာ လူပျိုကြီးအဖြစ်နာမည်ကြီးသူပါ။ ဇီဇာကြောင်တတ်ပြီး ချွေတာလွန်းတဲ့သူဟာ မိန်းမမရနိုင်တော့လောက်ဘူးလို့ သူငယ်ချင်းတွေစတာကိုခဏခဏခံရတဲ့သူဖြစ်ပါတယ်။ ဂျုံးကုကိုယ်တိုင်ကလည်းအားကစားလိုက်စားပြီး အလုပ်များလွန်းတာကြောင့် ဒိတ်မယ့်မိန်းကလေးမရှိဘူးဆိုပြီးပြောခဲ့ဖူးပါသေးတယ်။ ဩဂုတ်လ ၁၈ ရက်နေ့မှာတော့ ကင်ဂျုံးကုဟာမကြာခင်မှာမင်္ဂလာဆောင်တော့မှာဖြစ်ကြောင်း တရားဝင်ကြေညာလာခဲ့ပါတယ်။ သူ့ရဲ့သတို့သမီးနဲ့ပတ်သက်တဲ့သတင်းတွေကိုတော့လျှို့ဝှက်ထားပြီးတော့ မင်္ဂလာပွဲကိုလည်း ရင်းနှီးတဲ့သူတွေနဲ့ သီးသန့်သာကျင်းပသွားမှာဖြစ်ကြောင်း အေဂျင်စီကနေတဆင့်အသိပေးခဲ့ပါတယ်။ ပွဲဦးထွက် အနှစ်သုံးဆယ်ပြည့်တဲ့နှစ်မှာပဲ မင်္ဂလာဆောင်ပြီးဘဝသစ်စခဲ့ရတဲ့ ကင်ဂျုံးကုကိုအားပေးကြဖို့လည်း အေဂျင်စီကတောင်းဆိုထားပါသေးတယ်။ Runner တွေရဲ့ စပါတာကင်ဂျုံးကုကတော့ မင်္ဂလာသတင်းနဲ့ပရိတ်သတ်တွေကိုအံ့ဩသွားစေခဲ့ပါပြီ။ Congratulation Our Sparta-Kook !!!

15/08/2025

သရုပ်ဆောင်ကောင်းတယ်လို့အသိအမှတ်ပြုခံနေရတဲ့ Lisa

K Pop Idol တစ်ယောက်အနေနဲ့သာမက မင်းသမီးတစ်ယောက်အနေနဲ့ပါ ပွဲဦးထွက်ထားပြီးသားဖြစ်တဲ့လီဆာဟာ သရုပ်ဆောင်ကောင်းတယ်လို့ချီးကျုးခံနေရပါတယ်။ လီဆာဟာ White Lotus စီးရီးမှာ မင်းသမီးအဖြစ်ပွဲဦးထွက်ခဲ့ပြီးတော့ တုံ့ပြန်မှုကောင်းတွေရခဲ့တာပါ။ အခုတစ်ခေါက်မှာလည်း လီဆာဟာသူ့တစ်ကိုယ်တော်သီချင်းတစ်ပုဒ်ဖြစ်တဲ့ Dream အတွက် Short Film ကိုဂျပန်မင်းသား Sakaguchi နဲ့ တွဲဖက်ရိုက်ကူးထားတာဖြစ်ပါတယ်။ လီဆာတနဲ့ Sakaguchi ဟာ ချစ်သူစုံတွဲတွေအဖြစ်သရုပ်ဆောင်ထားကြတာဖြစ်ပြီးတော့ ငါးမိနစ်လောက်ပဲရှိတဲ့ Film ဖြစ်ပေမဲ့ လီဆာရဲ့သရုပ်ဆောင်အရည်အချင်းတွေကိုတော့တော်တော်များများကချီးကျုးနေကြတာဖြစ်ပါတယ်။ သီချင်းဟာဝမ်းနည်းစရာကောင်းတဲ့စာသားတွေရှိတာကြောင့် ထွက်လာကတည်းကနာမည်ကြီးနေခဲ့သလိုအခုလို Short Film နဲ့ပါတွဲထုတ်လိုက်ချိန်မှာတော့ အတော်လေးလူပြောများတဲ့သီချင်းဖြစ်သွားခဲ့ပါတယ်။

Myanmarload

12/09/2025

11/09/2025

08/09/2025

04/09/2025

02/09/2025

01/09/2025

29/08/2025

27/08/2025

27/08/2025

19/08/2025

18/08/2025

15/08/2025

Address

Website

Alerts

Contact The Business

Shortcuts

Share