لوكان نرجعو شوية للور، زمان والدينا وجدودنا، كانت اللبسة عندها قواعد صارمة. الراجل ما يخرجش بلا كوستيم وطربوش ولا فيستة كلاسيك، والمرأة لازم ديما بلبستها التقليدية ولا الحطة الرسمية. بصح اليوم، كي تمشي في الشارع، واش تشوف؟
تلقى بزاف عباد او بزاف ليستيل منهم Casual ستيل شباب او ماشي متشابه بلدة او حطة يبعد العين او الاغلبية يلبسوه خاطر ماشي ستيل محروغ او سومة دايمن طرية حنا الفكرة ديناها من الغرب صح ولاكن بطريقة تاعنا
ولاكن نروحو نشوفو كاين شبه العباد مكرسين حياتهم او دراهمهم لي Tn او لاكوست (علابالي لاكوست casual) ولاكن الفانتج ماشي هاذو لي يقولك اواخر يسرق يماه يسرق دارهم علاجال سيرفات او ماشي حطة او ماشي بوزي . كاينين فئة من ناس حبو يفرضو هاذ العقلية فالمدرجات او هاذا عكس معظم المشجعين تاع غاع الاندية لي تركز عليهم الصفحات الرياضية والمؤثرين لازم يروجوا لصورة "المشجع الأنيق والمثقف" اللي يجي يسانده فريقه بنقاوة، ويبينوا باللي ستيل الـ TN بالطريقة التعصبية ولى "موضة قديمة" وما يمثلش وعي الشباب ، حنا ماشي عرايا مجرد مشجعين عندهم شغف .
تسمى نتمناو تنتشر الفكرة او يستمتعو بيها الشبيبة او مارانيش نهدر ثان على الناس لي تقدسو او تعبدو هاذوك كاش نهار ثان نزيدو نحكيو عليهم انشاله عاشت الفكرة او عاشت الحركية .
Only4jsk ✍️
16/06/2026
بعد تخريب جدارية ألتراس ذو ليدرز من طرف « أنفرنوا » فرع باريس، ونشر صور تخريب عبر صفحات الخاصة بهم ، لم تمرّ سوى أقل من 24 ساعة حتى جاء الردّ على أرض الواقع من خلال إنجاز جدارية جديدة ذات طابع استفزازي ورسالة واضحة مفادها أن العمل الحقيقي يكون في الميدان، لا خلف الشاشات ولا عبر المنشورات
فرع باريس تتحدى من يمتلك الجرأة للمواجهة
فالميدان والبطحة تعرفونها
قابلوا برك
14/06/2026
في العقلية الصحيحة وثقافة الألتراس كاينة قاعدة يعرفها الجميع: كي تشوف ستيكر تاع مجموعة أخرى في منطقة حاب تفرض فيها اسم مجموعتك، تقدر تحط ستيكر مجموعتك فوقه، وهنا يتوقف الأمر.
بصح كاين بعض الأشخاص ما عندهم حتى مبدأ ولا عقلية حركية، يروحو يشوهو المكان بالبومبة ويخربو الطاغات باش يبانوا رواحهم قدام الناس، مع أن هذي لا عمرها كانت من ثقافة الألتراس ولا من الرجلة في شيء.
إذا حابين تفرضوا أسماءكم وتثبتوا وجودكم، يكون هذا بالخدمة، بالإبداع، وبالحضور الميداني، ماشي بتخريب أعمال الآخرين. احترام المبادئ هو اللي يفرق بين المجموعة المنظمة وبين الفوضى والهمجية
او كيما تحبو تلعبو نلعبو معاكم تحبو تكملو فيها كار ultras او عقلية او تحبو عفسة وحدوخرا نشوفو معاكم واذا كنتو صح قادرين على شقاكم مرحبا جوز تدي حقك من carottes 🥕
يفعل الجاهل بنفسه ما لا يفعل العدو بعدوه
هذه الأفعال الصبيانية ماهي إلا دلالة على إعاقة فكرية ذات نمو قديم لا نعرف مصدرها
14/06/2026
Palma , spain 🇪🇸🔰
13/06/2026
Baghlia
09/06/2026
Lucidi
— أعين مفتوحة، عقل حاضر، ووفاء ما يتباعش.
في وقت ولى فيه الضجيج أكثر من الحقيقة، اختارت الليدر ان يكونوا
LUCIDI
-الكلمة ما جاتش صدفة، وماشي مجرد اسم… جات من قناعة: لازم نبقاو واعين، نشوفو بوضوح، وما نخليو حتى محاولة تضليل تبعدنا على الحقيقة.
-اليوم، ولى الفريق مادة يومية للبلاطوهات التحليلية؛ حديث متكرر على الميزانية وكأن الشبيبة هي القضية الوحيدة في البطولة، ونقاشات يختلط فيها التحليل بالتوجيه، خاصة كي يجي الكلام من وجوه معروفة بانتماءاتها ومصالحها مع فرق أخرى. الهدف ما يبانش ديما مباشر، بصح النتيجة وحدة: خلق ضجيج، زرع الشك، وتوجيه الرأي العام ضد النادي.
-وفي الجهة الأخرى، كاين صفحات ترفع اسم الفريق وتقدّم روحها كأنها صوت للشبيبة، بينما خطابها في أوقات كثيرة يخدم حسابات ضيقة، أشخاص، أو مصالح خاصة أكثر مما يخدم مصلحة النادي. لأنو لي يحب الفريق بصدق ما يحوّلوش لساحة تصفية حسابات، وما يستعملوش كوسيلة ضغط أو نفوذ.
-لهذا، الليدر اختارت ان يكونو حاضرين بعين مفتوحة وعقل حاضر، ماشي متفرجين على ما يحدث.
واعين بما يحدث، فاهمين السياق، وعارفين مليح شكون راه يخدم مصلحة الفريق وشكون راه يضرّو، سواء بالكلام الموجّه، بالتضليل، أو بمحاولة استعمال النادي كأداة لقضاء مصالح.
حب الشبيبة بالنسبة لينا ماشي كلمة تتقال وقت النتائج، ولا موقف يتبدل حسب الظروف. حبها يعني نبقاو حاضرين، واعين، ونوقفو في وجه كل محاولة تضر النادي أو تستغل اسمو.
لأنو قبل كل شيء… الشبيبة لازم يكون عندها ناس تحميها.
08/06/2026
Anti Es5 Anti Lhedmi La Section Europe La Section Z**i
Be the first to know and let us send you an email when Only4jsk posts news and promotions. Your email address will not be used for any other purpose, and you can unsubscribe at any time.
