Myanmar Online Game Earning (2025)

21/04/2024

ငါမွေးထားတဲ့ခွေးလေးတွေ အဆင်ပြေတော့မလား?
DOGE coin ရဲ့ မူလဘူတပုံလေးဖြစ်တဲ့ DOGE meme ပုံလေးရဲ့ မူပိုင်ခွင့်ကို Own The Doge ဆိုတဲ့ DAO (Decentralized Autonomous Organization) က ဝယ်ယူလိုက်ပါပြီ။

DOGE meme ဟာ Shiba Inu အမျိုးအစား 18 နှစ်သား ခွေးတစ်ကောင်ဖြစ်တဲ့ Kabosu ရဲ့ ပုံကို meme အဖြစ် အသွင်ပြောင်းထားတာဖြစ်ပြီး အခု မူပိုင်ခွင့်ကိုတော့ Kabosu ရဲ့ ပိုင်ရှင်ဖြစ်သူ Sato Atsuko ဆီကနေ ဝယ်ယူခဲ့တာပါ။

ဒါကြောင့် Own The Doge DAO ဟာ DOGE ပုံသုံးပြီး လုပ်သမျှအရာရာတိုင်းအတွက် မူပိုင်ခွင့်ရှိသွားမှာဖြစ်ပြီး brand ကြီးတွေနဲ့ collaboration တွေ ရှိလာမှာဖြစ်ကြောင်း ဆိုထားပါတယ်။ Own The Doge ဟာ Kabosu ရဲ့ ပုံကို မူပိုင်ခွင့်ယူနိုင်ဖို့အတွက် လွန်ခဲ့တဲ့ 3 နှစ်တည်းက ညှိနှိင်းနေခဲ့တာဖြစ်ပြီး Japan နဲ့ US က ဥပဒေပညာရှင်တွေနဲ့ အလုပ်တွဲလုပ်နေခဲ့တာပါ။

မူပိုင်ခွင့်မရသေးခင်အချိန်အတွင်းမှာလည်း DOGE သမိုင်းကြောင်းနဲ့ crypto industry မှာ အဆင့်ဆင့် တိုးတက်ပြောင်းလဲလာပုံတွေကို မှတ်တမ်းရုပ်ရှင်တစ်ခု ဖန်တီးခဲ့ပါသေးတယ်။
DOGE ရယ်လို့ လူတွေစသိလာကြတာဟာ 2010 ခုနှစ်ကဖြစ်ပြီးတော့ Kabosu ဆိုဖာပေါ်မှာ ထိုင်နေတဲ့ပုံကို သူ့ပိုင်ရှင်က ဓာတ်ပုံရိုက်ပြီး social media ပေါ်မှာ တင်လိုက်ရာကနေ meme ဖြစ်သွားခဲ့ပြီး နောက်ပိုင်းမှာတော့ DOGE cryptocurrency ရဲ့ သင်္ကေတတစ်ခုအဖြစ်ပါ အသုံးပြုခံလာရတာဖြစ်ပါတယ်။

အခုတော့ DOGE ဟာ ပုဂ္ဂလိကပိုင်ဆိုင်မှုကနေ တစ်သီးပုဂ္ဂလပိုင်ဆိုင်မှုဖြစ်သွားပြီဖြစ်ပြီး အရင်တုန်းက DOGE ရဲ့ ပုံရိပ်ယူသုံးထားသူတွေကိုတော့ ပုံမှန်အတိုင်း ဆက်သုံးခွင့်ပြုမှာဖြစ်ပေမယ့် နောက်ပိုင်းကျရင်တော့ စီးပွားရေးအရ သုံးမယ်ဆိုရင် Own The Doge DAO ဆီကနေ ခွင့်ပြုချက်တောင်းရတော့မှာပါ။
crd:myancrypto

20/04/2024

အရှေ့အလယ်ပိုင်းကတော့ စစ်မီးတောက်ဖို့ အစပျိုးလာပြန်ပါပြီ။ Israel နိုင်ငံထဲကို Iran ဖက်က drone တွေ နဲ့ ဒုံးတွေ ပစ်လွှတ်ခဲ့ပြီး ရက်ပိုင်းအကြာမှာ Israel ကလည်း Iran နိုင်ငံရဲ့ နျူစက်ရုံတွေတည်ရှိရာဒေသဆီကို ဒုံးကျည်တွေပစ်လွှတ်တိုက်ခိုက်ခဲ့ကြောင်း ထုတ်ပြန်ခဲ့ပါတယ်။ တဖန် Iran ကလည်း သူတို့ကိုထိလာရင် အမြင့်ဆုံး ပြန်လည်တုံ့ပြန်သွားမယ်လို့ ဆိုထားခဲ့တာကြောင့် စစ်ပွဲက ဆက်ပြီးအရှိန်မြင့်လာဦးမယ့်ပုံပါပဲ။

စစ်ပွဲသတင်းတွေကြောင့် ကမ္ဘာ့ရွှေဈေးနဲ့ ရေနံဈေးတွေ မြင့်တက်သွားခဲ့ပြီး cryptocurrency ဈေးကွက်ကတော့ အတက်အကျ ကြမ်းနေပါတယ်။ Israel ရဲ့ ဒုံးကျည်တွေပစ်ခတ်ခဲ့ကြောင်း သတင်းတွေထွက်လာပြီးနောက်မှာ $60k အောက်အထိ ဈေးတွေထိုးကျသွားခဲ့ပေမယ့် နာရီအနည်းငယ်အကြာမှာတင်ပဲ $65k အထိ ဈေးတွေ ပြန်ထောင်တက်လာခဲ့ပြန်ပါတယ်။

Israel ရဲ့ နောက်မှာ US အမှူးပြုတဲ့ အနောက်အုပ်စုရှိနေပြီး Iran ရဲ့ နောက်မှာတော့ Russia အမှူးပြုတဲ့အုပ်စုရှိနေတာကြောင့် သူတို့မြှောက်ပေးရင်မြှောက်ပေးသလို ပိုဆိုးလာနိုင်ပါတယ်။

စစ်ပွဲသတင်းတွေကြောင့် ဈေးအတက်အကျကြမ်းတာတွေအပြင် မနက်ဖြန်မနက်စောစောမှာလည်း Bitcoin halving ဖြစ်လာတော့မှာကြောင့် ဈေးအတက်အကျထပ်ကြမ်းဦးမှာပါ။

များသောအားဖြင့်တော့ Bitcoin halving ပြီးတဲ့အခါမှာ ဈေးတွေကျတတ်ပေမယ့် အခုချိန်မှာကတော့ သတင်းပေါ်မူတည်ပြီး ဈေးအတက်အကျတွေဖြစ်နေတာကြောင့် ဘာဆက်ဖြစ်မယ်ဆိုတာ အတိအကျ ခန့်မှန်းလို့မရနိုင်ပါဘူး။
crd:myancrypto

19/04/2024

Binance တို့ India ပြည်တော်ပြန်ဝင်ပါတော့မယ်။ 2024 ခုနှစ် January လကစလို့ Binance အပါအဝင် CEX (Centralized Exchange) 9 ခုဟာ ငွေကြေးခဝါချမှုတိုက်ဖျက်ရေးဥပဒေတွေကို မလိုက်နာဘူးဆိုတဲ့အကြောင်းပြချက်နဲ့ ဒီ CEX တွေရဲ့ website တွေနဲ့ mobile app တွေ အသုံးပြုခွင့်ကို India India နည်းပညာဝန်ကြီးဌာန အမိန်နဲ့ ပိတ်ချခဲ့ပါတယ်။

India အစိုးရနဲ့ CEX တွေကြားမှာလည်း ညှိနှိုင်းမှုတွေ ရှိခဲ့ကြောင်း သတင်းထွက်ခဲ့ပေမယ့် OKX exchange ကတော့ India ကနေ ထွက်ခွာဖို့အထိကိုပါ အတည်ပြုခဲ့ပါတယ်။ Binance ကတော့ ညှိနှိုင်းနေကြောင်းသာ ထုတ်ပြန်ထားပြီး အခုတော့ ဥပဒေမလိုက်နာမှုအတွက် $2 million ဒဏ်ငွေပေးဆောင်၊ FIU (Financial Intelligence Unit) လက်အောက်မှာ မှတ်ပုံတင်ထားတဲ့လုပ်ငန်းတစ်ခုအဖြစ် လည်ပတ်ဖို့ India အစိုးရနဲ့ သဘောတူညီမှုရသွားပြီဖြစ်ကြောင်း သိရပါတယ်။

India ဟာ အာရှရဲ့ crypto ဈေးကွက်အကြီးဆုံးတွေထဲက တစ်ခုဖြစ်တာကြောင့် Binance အနေနဲ့ လက်လွှတ်ဖို့ခက်ခဲမှာဖြစ်သလို $2 million ဒဏ်ငွေဟာ ပြန်ရမယ့်ဝင်ငွေနဲ့ယှဉ်ရင် မပြောပလောက်တဲ့အနေအထားတစ်ခုသာဖြစ်ပါလိမ့်မယ်။
crd: myancrypto

04/03/2024

AI (Artificial Intelligence) ဆရာကြီးနှစ်ပါးရဲ့ အမှုမှာ ကြားထဲကနေ မြေစာပင်ဖြစ်တာကတော့ WLD token ပါပဲ။ Elon Musk ဖက်က OpenAI နဲ့ CEO Sam Altman တို့ကို တရားစွဲလိုက်ပြီးနောက်မှာ Sam Altman တည်ထောင်ထားတဲ့ Worldcoin Project ရဲ့ WLD token ဟာ 5% ဈေးထိုးကျသွားခဲ့ပါတယ်။

WLD ဟာ မကြာသေးခင်ကမှ ဈေးလေးနည်းနည်းတက်ဖို့ ပြင်နေခဲ့တာဖြစ်ပေမယ့် အခုတော့ တရားစွဲခံရတဲ့ကိစ္စကြောင့် ဈေးတွေတစ်ခါပြန်ကျသွားပြန်ပါပြီ။ ဒီကိစ္စဟာ Elon Musk လက်ချက်မကင်းတာကြောင့် WLD token holder တွေ တရားစွဲတာခံကောင်းခံရဦးမှာပါ။ Elon Musk ရဲ့ tweet တစ်ချက်ဟာ cryptocurrency တွေ အထူးသဖြင့် DOGE အပေါ် အတော်လေးသက်ရောက်မှုရှိတာကြောင့် အခုတစ်ခေါက်မှာလည်း WLD token holder တွေ ပြဿနာရှာလာနိုင်ခြေရှိပါတယ်။

ဒါပေမယ့် Elon Musk ရဲ့ ခွေးသားလေးကတော့ တော်တော်ကိုအခြေအနေကောင်းနေပြီး တစ်ပတ်အတွင်းမှာ 60% ကျော်အထိ တက်ထားတာပါ။

ဒီဆောင်းပါးကို သတင်းအချက်အလက်မျှဝေဖို့အတွက်သာ ရည်ရွယ်ပြီး cryptocurrency တွေကို အရောင်းအဝယ်လုပ်တဲ့အခါ ကိုယ်တိုင်လေ့လာဆန်းစစ်သုံးသပ်ပြီးမှသာ အရောင်းအဝယ်လုပ်သင့်ကြပါတယ်။
crd: myancrypto

02/03/2024

ခွေးလေးတွေစွာနေပြီ
ကျွန်တော်လည်း ခွေးလေးတွေမွေးထားတာကြာပြီ ခုသူတို့ဈေးတွေတက်လာပြီ။ btc ဈေးတက်လာတာကြောက်မထင်ဘူး။ အီလွန်မတ်ရဲ့ X App ကြောင့်ထင်မိတယ်။ doge ကိုသူပိုင်ထားလို့ပါ။ ဒီနေ့အထိ 41% အထိဈေးတွေတက်လာခဲ့တယ်။ btc ဈေးကလည်းမထင်လောက်အောင်တော်တော်တက်လာပေမဲ့hive ကတော့ငြိမ်နေသေးတယ်။ hive blockchain က coin တွေလည်းသိပ်မလှုပ်ဘူး။

01/03/2024

Bitcoin ကတော့ 3 ရက်အတွင်းမှာ $10,000 ကျော် တက်သွားခဲ့ပြီး 2024 ရဲ့ Bull Market ကို စောစောစီးစီးပဲ အတည်ပြုပေးလိုက်ပါပြီ။ February လ 26 ရက် ညနေပိုင်းကမှ $51k ဝန်းကျင်ပဲရှိနေရာကနေ 28 ရက်နေ့ည သန်းခေါင်ယံမှာတော့ $64k အထိကို ရောက်သွားခဲ့ပါတယ်။ ဒါကြောင့် All Time High ဈေးဖြစ်တဲ့ $69k ကိုရောက်ဖို့ $5k ပဲလိုတော့တာပါ။

ဒီဈေးလောက်အထိ ဖြစ်လာဖို့အတွက် အဓိကမောင်းနှင်အားကတော့ Bitcoin ETF တွေဖြစ်ပြီးတော့ Bitcoin mining reward တွေကို တစ်ဝက်လျှော့ချသွားပြီး supply လျှော့ချတော့မယ့် halving event ဖြစ်လာဖို့ဟာလည်း 1 လကျော်လောက်သာ လိုပါတော့တယ်။

တစ်ဖက်မှာလည်း Bitcoin ETF တွေရဲ့ trading volume ဟာ 28 ရက်တစ်ရက်တည်းမှာတင် $7.5 billion ကျော်သွားခဲ့တာကြောင့် US အတွင်းမှာ Bitcoin ETF တွေရဲ့ အရှိန်အဝါဟာ အတော်ကို ကြီးနေတဲ့သဘောပါပဲ။
$64k အထိ တက်သွားခဲ့ပြီးနောက်မှာ correction ပြန်လာပြီး ဈေးကျဦးမယ်လို့တော့ မှန်းဆထားကြပေမယ့် $60k ဝန်းကျင်ကို ပြန်ဆင်းသွားခဲ့တဲ့နောက် $63k ကျော်အထိ ပြန်တက်လာနိုင်ခဲ့ပါတယ်။ Bitcoin နဲ့အတူ တခြား altcoin တွေလည်း လိုက်တက်နေကြပေမယ့် Bitcoin လောက်တော့ အတက်မကြမ်းသေးပါဘူး။

ဒါကြောင့် ဒီအချိန်မှာ ဘာဆက်ဖြစ်မယ်ဆိုတာ သေချာပြောလို့မရနိုင်ဘဲ trade position တွေဝင်မယ်ဆိုရင်လည်း သေချာတွက်ဆပြီးမှ ဝင်ကြသင့်ပါတယ်။ Crypto community ကတော့ halving မလာခင်မှာပဲ All Time High ဈေးဖြစ်တဲ့ $69k ကို ပြန်ရောက်နိုင်မယ်လို့ မျှော်မှန်းထားကြသလို 2021 Bull Market တုန်းက မရောက်လိုက်တဲ့ $100k ရောက်တော့မှာဖြစ်ကြောင်း ကြွေးကြော်နေကြပါပြီ။

ဒီလိုအတက်တွေကြားမှာ Coinbase exchange ဟာ ခဏတာ server ကျသွားခဲ့ပြီး ဝင်မရဖြစ်သွားခဲ့တာကြောင့် Coinbase user တွေ နှလုံးတုန်ရင်ခုန်သွားခဲ့ကြရပါသေးတယ်။ ဒါကြောင့် ဒီလိုအချိန်မှာ ကိုယ့်ရဲ့ crypto asset တွေကို စုဆောင်းထားမယ်ဆိုရင် software wallet ဒါမှမဟုတ် hardware wallet တွေထဲ ထည့်သိမ်းတာက အကောင်းဆုံး၊ စိတ်အချရဆုံးရွေးချယ်မှု ဖြစ်ပါလိမ့်မယ်။
crd: myancrypto

29/02/2024

အရှေ့တောင်အာရှဟာ crypto၊ blockchain နဲ့ AI (Artificial Intelligence) hub တစ်ခုဖြစ်လာဖို့အတွက် အခြေခံတွေပြည့်စုံလာနေပါတယ်။ အထူးသဖြင့် Vietnam၊ Philippines နဲ့ Thailand တို့ဟာ Chainalysis ရဲ့ စစ်တမ်းထဲက crypto သုံးစွဲမှုအများဆုံးနိုင်ငံတွေထဲမှာ ပါဝင်နေပြီးတော့ အရှေ့တောင်အာရှရဲ့ crypto သုံးစွဲမှုနှုန်းကို ဦးဆောင်နေကြပါတယ်။

ဒီနိုင်ငံတွေထဲမှာမှ Vietnam နိုင်ငံဟာ overall ranking အနေနဲ့ နံပါတ် 3 နေရာမှာ ရှိနေပြီးတော့ Phillipines က နံပါတ် 6 နေရာနဲ့ Thailand က နံပါတ် 10 နေရာမှာ အသီးသီး ရှိနေပါတယ်။
ဒီထဲမှာမှ Thailand ဟာ ဆန်းသစ်တီထွင်မှုတွေအပြည့်နဲ့ ဒေသတွင်း blockchain အခင်းအကျင်းနေရာမှာ အခရာကျတဲ့နိုင်ငံတစ်ခုဖြစ်လာနေကြောင်းလည်း မှတ်ချက်ပြုထားကြပါတယ်။

အရှေ့တောင်အာရှဒေသတွင်းနိုင်ငံတစ်ခုဖြစ်တဲ့ Singapore နိုင်ငံဟာလည်း ပြည်တွင်းက crypto နဲ့ blockchain လုပ်ငန်းတွေအတွက် $ million နဲ့ချီ သုံးစွဲပြီး 2023 ခုနှစ်အတွင်းမှာ ထောက်ပံ့ပေးခဲ့ပါတယ်။

Chainalysis ရဲ့ P2P သုံးစွဲမှု ranking အနေနဲ့ကတော့ India က အများဆုံးဖြစ်ပြီး ဒုတိယနေရာမှာတော့ Nigeria နိုင်ငံ ရှိနေပါတယ်။ တစ်ခုရှိတာကတော့ ဒီနိုင်ငံအစိုးရတွေဟာ CEX တွေကို ပြဿနာအမျိုးမျိုးရှာဖို့ ကြိုးစားလာနေကြတဲ့နိုင်ငံတွေဖြစ်နေတာပါပဲ။ ဒါကြောင့် အစိုးရတွေကသာ ဒီနိုင်ငံတွေအတွင်းက CEX တွေကို ပိတ်ဆို့တာမျိုးတွေ လုပ်လာခဲ့မယ်ဆိုရင်တော့ ranking တွေထိုးကျသွားနိုင်ပြီး Vietnam နဲ့ Philippines တို့ကလည်း သူတို့နေရာကို လုယူဖို့အတွက် အဆင်သင့်ဖြစ်နေပါပြီ။
crd; myancrypto

28/02/2024

Circle company ဟာ PUBG developer ဖြစ်တဲ့ Krafton နဲ့ ပူးပေါင်းပြီးတော့ Roblox ပုံစံမျိုးနဲ့ Metaverse တစ်ခုကို ဖန်တီးနေပါတယ်။ Krafton နဲ့ software company တစ်ခုဖြစ်တဲ့ Naver Z Corporation တို့ ပူးပေါင်းတည်ထောင်ထားတဲ့ Overdare platform ကနေ တဆင့် ဖန်တီးသွားမှာဖြစ်ပြီးတော့ Circle ရဲ့ wallet တွေကို ထည့်သွင်းအသုံးချသွားမှာပါ။

အခုလက်ရှိ Roblox မှာ player တွေဟာ သူတို့ဖန်တီးထားတဲ့ skin တွေ၊ game တွေနဲ့ အခြား content တွေကို marketplace ပေါ်တင်ပြီးတော့ Robux နဲ့ အရောင်းအဝယ်လုပ်လို့ရနိုင်သလို in-game trading ပုံစံတွေလည်း ပါဝင်ပါတယ်။ ဒါကြောင့် Roblox ဟာ cryptocurrency တွေသာ ပါလိုက်မယ်ဆိုရင် Metaverse တစ်ခု ဖြစ်လာနိုင်ပါတယ်။

ဒါပေမယ့် Roblox ဖက်က cryptocurrency တွေနဲ့ ပတ်သက်လို့ နှုတ်ဆိတ်နေတာကြောင့် Circle နဲ့ Krafton တို့ဟာ သူတို့ကိုယ်ပိုင် Roblox ပုံစံတူ Metaverse ထုတ်ဖို့ စီစဉ်လိုက်ပုံပါပဲ။ Roblox နဲ့ မတူဘဲ ထူးခြားလာမှာကတော့ Overdare platform ပေါ်မှာ NFT တွေနဲ့အတူ AI creation tool တွေ ပါဝင်လာမှာဖြစ်သလို teaser trailer အရတော့ graphics တွေဟာလည်း တော်တော်လေးကို မိုက်တဲ့အနေအထားမှာ ရှိနေပါတယ်။

လောလောဆယ်မှာတော့ Overdare game ကို 2024 ခုနှစ် နှစ်လယ်ပိုင်းလောက်မှာ launch လုပ်သွားနိုင်ဖို့ မျှော်မှန်းထားပါတယ်။
crd: myancrypto

27/02/2024

Graphics card တွေနဲ့ နာမည်ကြီးတဲ့ Nvidia company ရဲ့ marketcap ဟာ $2 trillion ကျော်သွားခဲ့ပြီးနောက်မှာ AI (Artificial Intelligence) နဲ့ ဆက်စပ်နေတဲ့ stock share တွေ၊ crypto token တွေရဲ့ ဈေးတွေ တက်လာနေပါတယ်။

ဘာဆိုင်လို့လဲဆိုရင်တော့ AI အတွက် ရှုပ်ထွေးတဲ့ language model တွေကို လေ့ကျင့်ပေးဖို့အတွက်ဆိုရင် GPU ကောင်းကောင်းလိုအပ်ပါတယ်။ AI တွေအတွက် GPU တွေဟာ လုံးဝအခြေခံအုတ်မြစ်လိုမျိုးဖြစ်နေတာကြောင့် GPU အများဆုံးထုတ်လုပ်တဲ့ Nvidia ရဲ့ marketcap ကြီးလာမှုဟာ အခြား AI ထုတ်ကုန်တွေကိုပါ အကျိုးသက်ရောက်မှု ရှိလာပုံပါပဲ။

AI နဲ့ ပတ်သက်လို့ ဈေးတက်လာနေတဲ့ crypto token တွေထဲမှာ Worldcoin project ရဲ့ WLD token လည်းပါဝင်နေပါတယ်။ Worldcoin ဟာ digital ID project တစ်ခုဖြစ်ပေမယ့် founder က OpenAI ရဲ့ CEO Sam Altman ဖြစ်နေတာကြောင့် အကြောင်းအကျိုးတွေဆက်စပ်ပြီး ဝယ်လိုအားများလာနေတာဖြစ်နိုင်ပါတယ်။ လက်ရှိမှာတော့ 24 နာရီအတွင်းမှာ 20% ကျော် ဈေးတက်ထားခဲ့ပါတယ်။

Worldcoin project ဟာ အစပျိုးချိန်မှာတည်းက crypto industry ရော၊ တချို့နိုင်ငံအစိုးရတွေရောရဲ့ ပြင်းပြင်းထန်ထန် ဝေဖန်မှုတွေ၊ တားမြစ်ပိတ်ပင်မှုတွေ ကြုံခဲ့ရပေမယ့် အခုချိန်အထိကို တိုးတက်လာနေဆဲဖြစ်တာကြောင့် စောင့်ကြည့်ရမယ့် cryptocurrency တစ်ခုလည်းဖြစ်လာနိုင်ပါတယ်။

ဒီဆောင်းပါးကို သတင်းအချက်အလက်မျှဝေဖို့အတွက်သာ ရည်ရွယ်ပြီးတော့ cryptocurrency တွေကို အရောင်းအဝယ်လုပ်ရာမှာ ကိုဘ်တိုင်စဉ်းစားဆုံးဖြတ်ပြီးမှသာ လုပ်သင့်ကြောင်း အကြံပြုလိုပါတယ်။
crd: Myancrypto

23/01/2024

Elon Musk ရဲ့ X ဟာ super app တစ်ခုဖြစ်လာဖို့အတွက် နောက်ထပ်ခြေလှမ်းအသစ်တစ်ခု စတင်လိုက်ပါပြီ။ X ရဲ့ ကိုယ်ပိုင် payment account တစ်ခု တရားဝင်ထွက်လာခဲ့ပြီးတော့ post တစ်ခုမှတော့ မတင်ရသေးပါဘူး။ ဒါပေမယ့်လည်း crypto community ကတော့ လှုပ်လှုပ်ရွရွဖြစ်နေကြပါပြီ။

X ရဲ့ payment တွေထဲမှာ fiat ငွေသားတွေအပြင် cryptocurrency တွေပါလာနိုင်ကြောင်း အချို့က ခန့်မှန်းနေကြပြီး နာမည်မှာ X ပါတဲ့ cryptocurrency တွေ ပါလာမယ်လို့ မျှော်လင့်နေကြသူတွေလည်း ရှိနေပါတယ်။

ဥပမာ - XRP၊ XLM နဲ့ XDC တို့လို cryptocurrency တွေပါလာနိုင်ကြောင်း ဆိုကြသလို ခွေးဖေဖေ Elon Musk ရဲ့ ခွေးသားလေး DOGE လည်း ပါဝင်လာနိုင်ကြောင်း ခန့်မှန်းထားကြပါတယ်။ Elon Musk ဟာ Tesla ရဲ့ merch store မှာလည်း DOGE payment တွေကို လက်ခံထားတာကြောင့် X ပေါ်မှာလည်း crypto payment တွေလက်ခံမယ်ဆိုရင် DOGE ကတော့ မပါမဖြစ် ဖြစ်လာနိုင်ပါတယ်။

ဒါပေမယ့်လည်း US အစိုးရရဲ့ crypto industry ပေါ် အမြင်မကြည်မှုတွေရှိနေတာကြောင့် ကျိန်းသေတွက်ထားလို့မရတဲ့ အနေအထားတစ်ခုပါပဲ။

နောက်တစ်ချက်ကတော့ X payment သတင်းထွက်လာပြီးတာနဲ့ DOGE ရဲ့ ဈေးဟာလည်း 0.07$ ကနေ 0.09$ နီးပါးအထိကို ခုန်တက်သွားတာကြောင့် X payment တွေကို တရားဝင်သိလာရတဲ့အခါမှာလည်း DOGE ဈေးအပေါ်မှာ သက်ရောက်မှုတွေ ထပ်ရှိလာနိုင်ပါတယ်။

16/01/2024

Binance နဲ့ Bitget တို့ အပါအဝင် crypto exchange 9 ခုကို နိုင်ငံတွင်းကနေ ban သင့်ကြောင်း India ဘဏ္ဍာရေးဝန်ကြီးဌာနလက်အောက်ခံ FIU (Financial Intelligence Unit) ဖက်ကနေ အဆိုပြုခဲ့ပြီးနောက်မှာ Apple India ရဲ့ app store ကနေ ဒီ exchange တွေကို ဖြုတ်ချလိုက်ပါပြီ။

Binance၊ KuCoin၊ Bitget၊ Huobi၊ OKX၊ Gate.io နဲ့ MEXC တို့ဟာ India ပြည်တွင်းမှာ ခွင့်ပြုချက်မရှိဘဲ လည်ပတ်နေကြောင်း ဘဏ္ဍာရေးဝန်ကြီးဌာနဖက်က သတိပေးစာထုတ်ပြန်ခဲ့ပြီးနောက် ရက်သတ္တပတ်အနည်းငယ်အကြာမှာ အခုလိုဖြုတ်ချခံခဲ့ရတာပါ။ ဒါပေမယ့် Google Play Store နဲ့ web version တွေမှာတော့ ပုံမှန်အတိုင်းသုံးလို့ရနေပါသေးတယ်။

India နိုင်ငံတွင်းလည်ပတ်သမျှ exchange တွေအနေနဲ့ အဖွဲ့အစည်းတစ်ခုအဖြစ် မှတ်ပုံတင်ရမှာဖြစ်သလို ဝင်ငွေခွန်ဌာနနဲ့ ပူးတွဲအလုပ်လုပ်ကြရမှာဖြစ်ကြောင်း FIU ဖက်ကဆိုထားတာကြောင့် India နိုင်ငံတွင်းလည်ပတ်မယ့် crypto exchange တွေအနေနဲ့ India လုပ်ငန်းခွဲအဖြစ် ခွဲထုတ်သွားကြရမယ့်ပုံပါပဲ။
crd: cryptomyan

23/11/2023

Bitcoin ထောက်ခံသူ ရွေးကောက်ခံကိုယ်စားလှယ်ဖြစ်တဲ့ Javier Milei ဟာ Argentina နိုင်ငံ သမ္မတအဖြစ် ရွေးကောက်ခံလိုက်ရပါပြီ။ မဲအရေအတွက် 55%၊ မဲအသာစီး 3 million နီးပါးနဲ့ ရွေးကောက်ခံခဲ့ရတာဖြစ်ပြီး December လ 10 ရက်နေ့မှာ အစိုးရသစ်တက်လာမှာပါ။

Milei ဟာ Argentina နိုင်ငံရဲ့ ငွေကြေးဖောင်းပွမှုနဲ့ပတ်သက်လို့ ဗဟိုဘဏ်ဟာ ငွေကြေးဖောင်းပွမှုအခွန်တွေနဲ့ ပြည်သူကို လိမ်ညာနေတာဖြစ်ကြောင်း ပြင်းပြင်းထန်ထန်ဝေဖန်ထားခဲ့ပြီး Bitcoin ဟာ ငွေကြေးကဏ္ဍမှာ ကောင်းသောအရွေ့တစ်ခုဖြစ်ကြောင်း မကြာခဏ ထုတ်ပြောလေ့ရှိပါတယ်။

အခုလို Argentina သမ္မတအဖြစ် Milei ရွေးကောက်ခံလိုက်ရတဲ့သတင်းကြောင့် crypto ဈေးတွေ အနည်းငယ်တက်သွားခဲ့ပြီး Argentina မှာ crypto နဲ့ပတ်သက်တဲ့ လှုပ်ရှားမှုတွေ တွေ့လာရတော့မယ်လို့ မျှော်မှန်းထားကြပါတယ်။ ဒါပေမယ့် Milei ကတော့ Bitcoin ကို တရားဝင်အသိအမှတ်ပြုဖို့အတွက်တော့ အရိပ်အယောင်မပြသေးဘဲ CBDC (Central Bank’s Digital Currency) ထုတ်ပြီး Argentina ငွေကြေးဖောင်းပွမှုပြဿနာကို ဖြေရှင်းဖို့ အဆိုပြုထားဖူးပါတယ်။
crd: myancrypto

Myanmar Online Game Earning