All Myanmar Trade Unions Network

07/07/2025

လူထုရွေးချယ်သော တောာ်လှန်စစ်နှင့်အတူ ငါတို့မျိုးဆက်သည်လည်း ၂၅အုပ်မြောက် တိုင်ခဲ့ပြီဖြစ်သည်။ လူ့ဘောင်အဖွဲ့အစည်းအတွင်း စစ်အာဏာရှင်စနစ် အပြီးအပြတ် ရှင်းလင်းရေးအတွက် အုတ်တချပ်သဲတပွင့် နိုင်ရာဝန်ကို ထမ်းနေဆဲဖြစ်သည်။

မြေပြင်ရဲဘော်များ၊ ဒေသဆိုင်ရာ အင်အားစုများ၊ သာမန်ပြည်သူများတို့၏ မျှော်လင့်ချက်နှင့် ဆန္ဒများ အရောင်သွေးစုံပါဝင်အောင် ငါတို့မျိုးဆက်အနေဖြင့် ကြိုးပမ်းနေလျက်ရှိသည်။

တော်လှန်ရေးသည် လူထုထောက်ခံဝန်းရံမှုနှင့် တိုက်ရိုက်အချိုးကျသလို၊ ငါတို့မျိုးဆက်သည်လည်း တော်လှန်လူထုကို အစဥ်အမြဲဦးထိပ်ထားသည်။

[ အယ်ဒီတာ့အာဘော်မှ......]

အတွဲ၃၊ အမှတ်၁
https://drive.google.com/file/d/1i1SuMDzY_vtvtjxD06Ta0rwYncX_PI5f/view?usp=drivesdk

#ငါတို့မျိုးဆက်တော်လှန်စာစဉ်
#အတွဲ၃_အမှတ်၁
#စာစဉ်၂၅အုပ်မြောက်

08/06/2025

ငါတို့မျိုးဆက်-တော်လှန်စာစဉ် အတွဲ၂၊ အမှတ်၁၂ ထွက်ပြီ။

" အရပ်သားနှင့် ကလေးသူငယ်များသေဆုံးထိခိုက်မှုကို နိုင်ငံတကာကလည်း စကားလုံးများဖြင့်သာ ရှုတ်ချမှု ပြုပြီး ထိထိရောက်ရောက် ကာကွယ်မပေးနိုင်သည့်အတွက် အကြမ်းဖက်စစ်တပ်ကို တရားဝင်လုပ်ဆောင်ခွင့် ပေးသလိုမျိုးဖြစ်နေ၏။"
[ အယ်ဒီတာ့အာဘော်မှ....]

ငါတို့မျိုးဆက်-တော်လှန်စာစဉ် အတွဲ၂၊ အမှတ်၁၂ ကို အောက်ပါတို့တွင် Download ရယူ၍ ဖတ်ရှုနိုင်ပါသည်။
Drive Link
https://drive.google.com/file/d/1DtqFxthSHqA71WsbbE6I2-lTQ_9lMey_/view?usp=drive_link

Telegram Channel
https://t.me/ngardohmyozet
#ငါတို့မျိုးဆက်_တော်လှန်စာစဉ်
#အတွဲ၂_အမှတ်၁၂

05/06/2025

(၁၁၃) ကြိမ်မြောက် အပြည်ပြည်ဆိုင်ရာ အလုပ်သမားရေးရာညီလာခံ၏ ဆုံးဖြတ်မှုဖြင့် ILO ပုဒ်မ (၃၃) အရ မြန်မာနိုင်ငံပေါ် အရေးယူကြောင်းဆုံးဖြတ်ချက်ကို အတည်ပြုခြင်းနှင့်စပ်လျဉ်း၍ ကြိုဆိုထောက်ခံပါကြောင်းနှင့် အရေးယူနိုင်ရေးကြိုးပမ်းမှုအတွက် ပါဝင်ခဲ့သူအားလုံးကို ဂုဏ်ပြုကျေးဇူးတင်ပါကြောင်း ထုတ်ပြန်ချက်
၂၀၂၅ ခုနှစ်၊ ဇွန်လ(၅)ရက်။
(၁၁၃) ကြိမ်မြောက် အပြည်ပြည်ဆိုင်ရာ အလုပ်သမားရေးရာအဖွဲ့- ILO ၏ ညီလာခံပြုလုပ်ကျင်းပ နေသည့်အချိန်အတွင်း ယနေ့ ၂၀၂၅ ခုနှစ်၊ ဇွန်လ(၅)ရက်နေ့ မြန်မာအချိန် ညနေ(၀၅း၀၀)နာရီတွင် မြန်မာနိုင်ငံအပေါ် အပြည်ပြည်ဆိုင်ရာ အလုပ်သမားရေးရာအဖွဲ့- ILO မှ ပုဒ်မ(၃၃)ဖြင့် အရေးယူကြောင်း ဆုံးဖြတ်မှုနှင့် စပ်လျဉ်း၍ မြန်မာနိုင်ငံ အလုပ်သမားတပ်ပေါင်းစု- MLA အနေဖြင့် ကြိုဆိုထောက်ခံပါကြောင်း နှင့်တော်လှန်ရေးအတွက် အတူတူပူးပေါင်းပါဝင်ခဲ့သူ ရဲဘော်ရဲဘက် အားလုံးအတွက် အထူးဂုဏ်ယူမိပါ ကြောင်း ထုတ်ပြန်ကြေငြာအပ်ပါသည်။
အကြမ်းဖက်စစ်အုပ်စုမှ လွတ်လပ်စွာအသင်းအပင်းဖွဲ့စည်းခွင့် (ILO Convention No. 87)နှင့် အဓမ္မ စေခိုင်းခြင်း (ILO Convention No. 29) ဆိုင်ရာ ILO ပြဋ္ဌာန်းချက်များကို စဉ်ဆက်မပြတ် ချိုးဖောက်မှုများ ကြောင့် မြန်မာနိုင်ငံအား ပုဒ်မ(၃၃)ဖြင့် အရေးယူသည့် ဆုံးဖြတ်ချက်ချမှတ်ခြင်းသည် အကြမ်းဖက်စစ်အုပ်စု အပေါ် ကျွန်ုပ်တို့အားလုံးပူးပေါင်း တော်လှန်သည့် လုပ်ရပ်ဖြစ်သည့်အတွက် အလွန်ကြီးမားသော အောင်ပွဲ ဖြစ်ပါသည်။ ILO အဖွဲ့ဝင်နိုင်ငံများ၏ တညီတညွတ်တည်းစည်းလုံးညီညွတ်စွာထောက်ခံမှုသည် ဤအောင်ပွဲကို အတည်ပြုပေးလိုက်ခြင်း ဖြစ်ပါသည်။ ထို့ပြင် တော်လှန်ရေးအင်အားစု အားလုံး၏တက်ညီလက်ညီ ဆောင်ရွက် မှု၏ ရလာဒ်ဖြစ်ပါသည်။
အကြမ်းဖက်စစ်အုပ်စုချိုးဖောက်ကျူးလွန်မှုများအပေါ် ILO ပုဒ်မ(၃၃)ဖြင့် အရေးယူခြင်းဆိုသည်မှာ ပြည်သူလူထု၏ အသက်အိုးအိမ် စည်းစိမ်များစွာနှင့် ဘဝကို အကာအကွယ်ပေးသော ယန္တရားကို ဖော်ဆောင် နိုင်မည်ဖြစ်ပြီး အကြမ်းဖက်စစ်အုပ်စုကို ဖိအားဖြစ်စေသည့် အချက်ဖြစ်သည်။ ထို့ပြင် အလုပ်သမား ပြည်သူ တို့၏ တရားမျှတမှုနှင့် အခွင့်အရေးများအပြင် တာဝန်ခံမှုကို ဖော်ဆောင်နိုင်ရန်အတွက် အခြေအနေကောင်း ဖြစ်သည်။
ဤအောင်မြင်မှုရခြင်းသည် အကြမ်းဖက်စစ်အုပ်စုအား ပြင်းထန်စွာအရေးယူနိုင်ရန်အတွက် ၄င်းတို့၏ ချိုးဖောက်မှုများကို စဉ်ဆက်မပြတ် ဖော်ထုတ်ပေးခဲ့ကြသော လူပုဂ္ဂိုလ်တစ်ဦးချင်းနှင့် အဖွဲ့အစည်းများ၊ အရပ်ဖက်အဖွဲ့အစည်းများ၊ (၁၁၃) ကြိမ်မြောက် ILC ညီလာခံတွင် တက်ရောက် သဘောထားပေးကြသည့် နိုင်ငံတကာရှိ အစိုးရများ၊ အလုပ်ရှင်များ၊ အလုပ်သမားအဖွဲ့အစည်းများနှင့် သဘောထားပေးရန်တောင်းဆိုမှု ကမ်ပိန်းများ ပြုလုပ်ပေးခဲ့ကြသည့် လူပုဂ္ဂိုလ်နှင့်အဖွဲ့အစည်းများ၊ လူထုလှုပ်ရှားမှုနှင့် သပိတ်စစ်ကြောင်းများ တွင် ပါ၀င်တိုက်ပွဲ၀င်ကြသော ရဲဘော်များအားလုံး၏ ကြိုးပမ်းအားထုတ်မှုများကြောင့် ဖြစ်သည်။ ကျွန်ုပ်တို့ အားလုံး၏ ပူးပေါင်းပါဝင်မှုနှင့် ခိုင်မာသောရပ်တည်ချက်များကို မြန်မာနိုင်ငံအလုပ်သမား တပ်ပေါင်းစု -MLA မှ အထူး ဂုဏ်ယူမှတ်တမ်း တင်ရှိပါသည်။ ထို့အတူ အကြမ်းဖက်စစ်အုပ်စုအား ပြင်းထန်စွာအရေးယူနိုင်ရန် အတွက် ILC ညီလာခံတွင် ထောက်ခံကြသည့် အပြည်ပြည်ဆိုင်ရာမှ အစိုးရများ၊ အလုပ်ရှင်အဖွဲ့အစည်း၊ အလုပ်သမားသမဂ္ဂအဖွဲ့ချုပ်များအား ကျေးဇူးအထူးတင်ရှိပါသည်။
ထူးခြားမှုအနေဖြင့် ယခင်အခြေအနေနှင့်မတူပဲ နိုင်ငံတကာမှအလုပ်ရှင်များအနေဖြင့် ယခင်က ပုဒ်မ (၃၃) အပေါ် ပြင်းပြင်းထန်ထန် ငြင်းဆိုခဲ့ကြသော်လည်း ယခုမြန်မာကိစ္စအ‌ရေးယူမှုတွင် ပိတ်ဆို့တားဆီးမည် မဟုတ်ကြောင်းနှင့် အစီရင်ခံစာမူကြမ်းအပေါ် ထောက်ခံကြောင်း ပြောကြားခဲ့ကြသည်။ ထို့အပြင် ရှေ့ဆက် အကောင်အထည်ဖော်သည့် အခြေအနေများတွင် နိုင်ငံတကာအလုပ်ရှင်များအနေဖြင့် တက်ကြွစွာ ပူးပေါင်း ပါဝင်ပြီး ထောက်ခံအားပေးမှုသည် အလွန်အရေးကြီးပါကြောင်းနှင့် အထူးကျေးဇူးတင်ရှိပါကြောင်း ပြောကြား လိုပါသည်။ ဤအချက်သည် နိုင်ငံတကာ အလုပ်ရှင်များအနေဖြင့် အလုပ်ခွင်၏ လိုက်နာရမည့် စံတန်ဖိုးများကို လေးစားလိုက်နာမှုရှိသည့် အသိအမှတ်ပြုစရာ သက်သေတစ်ခုပင်ဖြစ်သည်။ ပုဒ်မ(၃၃)အရ အရေးယူမှုကို မထောက်ခံသည့် ရုရှား၊ တရုတ်၊ ဘီလာရုဇ်၊ လာအိုအစိုးရများရှိခဲ့သော်လည်း ထောက်ခံအားပေးခဲ့သည့် ကျန်အစိုးရများအားလုံးကို မြန်မာပြည်သူလူထုကိုယ်စား အထူးကျေးဇူးတင်ရှိပါကြောင်း ပြောကြားလိုပါသည်။
ILO အနေဖြင့် ပုဒ်မ(၃၃)ဖြင့် အရေးယူနိုင်ရေးကြိုးပမ်းမှုများအရ လုပ်ဆောင်ခဲ့ရသည့် လုပ်ငန်းစဉ် အဆင့်များစွာ ရှိခဲ့သည်။
(၁) အကြမ်းဖက်စစ်အုပ်စု၏ မတရားသဖြင့်အာဏာသိမ်းမှုကို လက်မခံသည့် အလုပ်သမား ပြည်သူ များ၏ လွတ်လပ်စွာ ဆန္ဒဖော်ထုတ်မှုနှင့် ဌာနဆိုင်ရာ အစိုးရ၊ ပုဂ္ဂလိက၊ ကျောင်းသား/ကျောင်းသူများ၏ အကြမ်းမဖက်အာဏာဖီဆန်သည့် CDM ပြုလုပ်မှုများကို ဖမ်းဆီးသတ်ဖြတ်ခြင်းများ၏ သက်သေ ထွက်ဆိုမှုများ။
(၂) အလုပ်သမားအရေး ဆောင်ရွက်နေသည့် အဖွဲ့အစည်းများကို မတရားအသင်းကြေညာခြင်း၊ အလုပ်သမားသမဂ္ဂ ခေါင်းဆောင်များကို ဖမ်းဆီးနှိပ်စက် သတ်ဖြတ်ခြင်း၊ နိုင်ငံကူးလက်မှတ်များကို ဖျက်သိမ်းခြင်း၊ ရုံးခန်းများကို ဖျက်ဆီးခြင်း၊ နိုင်ငံသားအဖြစ်မှ ရပ်ဆဲခြင်းများ၏ ထွက်ဆိုမှုများ။
(၃) လုပ်ငန်းခွင်အတွင်းရှိ အလုပ်သမားများ၏ အခြေခံအခွင့်အရေးများမရရှိခြင်းအပေါ် ဖြေရှင်း ဆောင်ရွက်မှုမရှိသည့်အပြင် သေနတ်ဖြင့် ခြိမ်းခြောက်၍ ဖိနှိပ်ခိုင်းစေခြင်းများနှင့် လုပ်ငန်းခွင် ချိုးဖောက်မှုများ၏ ထွက်ဆိုချက်များ။
(၄) ဖမ်းဆီးခံရသူများ၊ အကျဉ်းကျခံရသူများ၏ မိသားစုများ၏ ထွက်ဆိုမှုများ။
(၅) သက်သေထွက်ဆိုမှုများအရ ILO ၏ စုံစမ်းစစ်ဆေးရေးကော်မရှင် (COI) မှ ခုံရုံးစစ်ဆေးမှု၏ အစီရင် ခံစာထွက်ရှိမှုများ။
(၆) အဓမ္မစစ်မှုထမ်းခိုင်းမှုကြောင့် အသက် (၁၃) နှစ်မှ အသက်(၄၀) ကျော်အတွင်း ပြည်တွင်းမှ ပုံစံမျိုးစုံဖြင့် ထွက်ပြေးတိမ်းရှောင်လာသူများ၏ ချိုးဖောက်ခံရမှုများ၏ ထွက်ဆိုမှုများကို မှတ်တမ်း တင်ရယူခဲ့ကြသည့် အလုပ်သမားအဖွဲ့များ၊ အလုပ်ရှင်အဖွဲ့များ၊ အလုပ်သမားဝန်ကြီးဌာနနှင့်အတူ အဝေးရောက် ဧရာဝတီအသင်း - O.I.A နှင့် အဖွဲ့သားများတို့၏ ပူးပေါင်းဆောင်ရွက်မှု သက်သေ ထွက်ဆိုချက်များ။
(၇) အရပ်ဖက် အဖွဲ့အစည်းများနှင့် ပညာရှင်များ၏ သုတေသန စစ်တမ်း ပြုစုမှု မှတ်တမ်း တင်ပြမှုများ။
(၈) ILO အဖွဲ့ဝင်နိုင်ငံဖြစ်သည့်အနေဖြင့် အမျိုးသားညီညွတ်ရေးအစိုးရ NUG အလုပ်သမားဝန်ကြီး ဌာနနှင့်အတူ သုံးပွင့်ဆိုင်(အစိုးရ၊ အလုပ်ရှင်၊ အလုပ်သမား)ယန္တရားကိုဖော်ဆောင်၍ ၂၀၂၂ ခုနှစ်မှ စ၍ သုံးပွင့်ဆိုင် ကိုယ်စားလှယ်အဆိုတင်သွင်းမှုနှင့် အသိအမှတ်ပြုရန်အတွက် ကြိုးပမ်းမှုများ၏ တစိုက် မတ်မတ် ဆောင်ရွက်ခဲ့မှုများ။
(၉) အကြမ်းဖက်စစ်အုပ်စုမှ ပြည်တွင်းအလုပ်ရှင်များ၏ လုပ်ငန်းများကို ချိတ်ပိတ်ခြင်း၊ ဖမ်းဆီး ထောင်ချခြင်းများ ၄င်းတို့၏ချိုးဖောက်မှုအချက်အလက်များကို အလုပ်ရှင်အဖွဲ့များဖြစ်ကြသည့် မြန်မာနိုင်ငံ လုပ်ငန်းရှင်များအဖွဲ့ချုပ်- MEF နှင့် မြန်မာနိုင်ငံအလုပ်ရှင်များအဖွဲ့ - MEO တို့၏ ILO သို့ တင်ပြထွက်ဆိုမှုများ။
(၁၀) သုံးပွင့်ဆိုင်မှ တင်ပြသည့် အကြမ်းဖက်စစ်အုပ်စု၏ ချိုးဖောက်မှု အချက်အလက်များကို ILO နှင့် အဖွဲ့ဝင်နိုင်ငံများအကြား အလုပ်သမားသမဂ္ဂများနှင့် အစိုးရများအပါအဝင် အလုပ်ရှင်များကို ရှင်းလင်း တင်ပြပေးသည့် အပြည်ပြည်ဆိုင်ရာ အလုပ်သမားသမဂ္ဂအဖွဲ့ချုပ်များ၏ ကြိုးပမ်းမှုများ။
(၁၁) ပြည်တွင်း/ပြည်ပ အစိုးရနှင့် အဖွဲ့အစည်းများအားလုံးနှင့်ချိတ်ဆက်ပြီး တက်နိုင်သည့်ဘက်မှ ကြိုးစားဆောင်ရွက်ခဲ့သည့် ပြည်ထောင်စုလွှတ်တော် - CRPH၊ အမျိုးသားအတိုင်ပင်ခံကောင်စီ - NUCC နှင့် အမျိုးသားညီညွတ်ရေးအစိုးရ - NUG နှင့်အတူ အလုပ်သမားဝန်ကြီးဌာန တာဝန်ရှိသူများ၏ ကြိုးပမ်းအားထုတ်မှုများ။
(၁၂) ဆိုရှယ်မီဒီယာမှ အကြမ်းဖက်စစ်အုပ်စု၏ ချိုးဖောက်ဖိနှိပ်မှုများကို အမြဲတစေ သတင်း ရေးသား ဖော်ပြပေးနေသည့် ပြည်တွင်း/ပြည်ပ သတင်းမီဒီယာများနှင့် ပြည်ပရောက် မြန်မာနိုင်ငံသားများ။
(၁၃) အကြမ်းဖက်စစ်အုပ်စု၏ ဖိနှိပ်မှုများ ဆက်တိုက်ခံနေရသည့် အခြေအနေအတွင်း ပြည်တွင်း/ သပိတ်အင်အားစုအသီးသီး၏ မြေပြင်လှုပ်ရှားမှု သပိတ်ထွက်ရှိမှုများ။
စသည့် အခြေအနေများအပြင် အခြားသော ပါဝင်ပါတ်သက်သူများ၏ ကြိုးစား ဆောင်ရွက်ခဲ့မှုများပင် ဖြစ်ပါသည်။
ILO မှ မြန်မာနိုင်ငံအပေါ် အာဏာသိမ်းမှု ဖြစ်စဉ်များအပြီး အရေးယူခြင်းသည် ၂၀၀၀ ခုနှစ်တွင် ပထမ အကြိမ်ဖြစ်ပြီး ယခုသည် ဒုတိယအကြိမ်မြောက် အရေးယူခြင်း ဖြစ်ပါသည်။
ILO မှ ပုဒ်မ (၃၃) ချမှတ်အရေးယူမှု၏ ရလာဒ်အနေဖြင့် အကြမ်းဖက်စစ်အုပ်စု၏ လေကြောင်း ဗုံးကြဲ တိုက်မှုများ၊ လက်နက်ကြီးများဖြင့် ဒေသများ၏ နေအိမ်၊ ကျောင်းနှင့် ဘာသာရေး အဆောက်အအုံ ဗုံးကျဲမှုများ၊ အပြစ်မဲ့ပြည်သူများကို ရက်စက်စွာပြုလုပ်သည့် စစ်လက်နက်ပစ္စည်း တင်သွင်းမှုများ၊ လေယာဉ်ဆီနှင့် လောင်စာဆီ တင်သွင်းမှုများကို ရပ်တန့်နိုင်ရန်နှင့် ၄င်းတို့၏ ငွေကြေးစီးဆင်းမှုများကို ဖြတ်တောက်ရန်အပြင် အပြည်ပြည်ဆိုင်ရာမှ စီးပွားရေးရင်းနှီးမြုပ်နှံမှုများကို အဓိကဖြတ်တောက်မည့် အရေးယူမှုဖြစ်သည်။ အထူးသဖြင့် အကြမ်းဖက်စစ်အုပ်စု၏ လောင်စာဆီနှင့် ငွေကြေးစီးဆင်းမှုများကို နိုင်ငံတကာမှ စောင့်ကြည့် ဖိအားပေးမှုများဖြင့် ဆက်လက်လုပ်ဆောင်သွားမည် ဖြစ်ပါသည်။ အကြမ်းဖက်စစ်အုပ်စုအား ထိရောက်သော အရေးယူမှုများ ဆက်လက်ဖြစ်ပေါ်လာစေရန်အတွက်လည်း အားလုံးပူးပေါင်းပါဝင် ဆောင်ရွက်သွားကြပါရန် MLA မှ ထပ်မံ တိုက်တွန်းနှိုးဆော်အပ်ပါသည်။
၂၀၂၁ ခုနှစ်၊ ဖေဖော်ဝါရီလ(၁)ရက်နေ့ အာဏာသိမ်းမှုအပြီး တနိုင်ငံလုံး လမ်းပေါ်ထွက် ဆန္ဒပြခဲ့ခြင်းမှ အစပြု၍ ယခုအချိန်ထိ ဖိနှိပ်မှုများစွာဖြင့် ရက်စက်ယုတ်မာခဲ့သည့် အကြမ်းဖက်စစ်အုပ်စုကို အတူတကွ လက်တွဲကြိုးပမ်းခြင်းဖြင့် မြန်မာနိုင်ငံတွင် ဒီမိုကရေစီနှင့် လူ့အခွင့်အရေးများ အပြည့်အဝပြန်လည် ရရှိလာမည့် ခိုင်မာစွာ ယုံကြည်ချက်ဖြင့် ဆက်လက်ဆောင်ရွက်မည် ဖြစ်ပါသည်။
အဆိုပါ ILO ပုဒ်မ(၃၃) ဖြင့် အရေးယူ ဆုံးဖြတ်ချက် ချမှတ်ပြီးနောက် နိုင်ငံများအားလုံးမှ အကြမ်းဖက် စစ်အုပ်စု၏ ချိုးဖောက်မှုများကို ဆက်လက်ဖော်ဆောင်သည့်လုပ်ငန်းများဖြင့် သက်သေပြ၍ အကြမ်းဖစ် စစ်အုပ်စု အမြန်ပြုတ်ကျရေးတိုက်ပွဲဖြင့် အဆုံးသတ်သွားမည် ဖြစ်ပါသည်။ ထို့နောက်တွင် အလုပ်သမားပြည်သူ တရပ်လုံး ပိုမိုကောင်းမွန်သည့် လုပ်ငန်းခွင်နှင့် နိုင်ငံသားတိုင်း အပြည့်အဝရရှိ ခံစားနိုင်မည့် ဒီမိုကရေစီစနစ်ကို အမြန်ဆုံး ရယူနိုင်မည်ဖြစ်ပါသည်။
သို့ဖြစ်ပါ၍ (၁၁၃) ကြိမ်မြောက် အပြည်ပြည်ဆိုင်ရာ အလုပ်သမားရေးရာ ညီလာခံ၏ ၂၀၂၅ ခုနှစ်၊ ဇွန်လ(၅)ရက်နေ့တွင် ဆုံးဖြတ်သည့် မြန်မာနိုင်ငံအပေါ် ပုဒ်မ ၃၃ အရ အရေးယူရန် ဆုံးဖြတ်ခြင်းကို ကြိုဆို ထောက်ခံပါကြောင်းနှင့် အဆိုပါ အရေးယူမှုအတွက် ပါဝင်ခဲ့သူ တစ်ဦးချင်းနှင့် အဖွဲ့များအားလုံးကို လေးစားစွာ ဂုဏ်ယူမိပါကြောင်း ထုတ်ပြန်ကြေညာအပ်ပါသည်။

မြန်မာနိုင်ငံအလုပ်သမားတပ်ပေါင်းစု - MLA
[email protected]

01/05/2025

မြန်မာနိုင်ငံအလုပ်သမားတပ်ပေါင်းစု - MLA ၏ (၁၃၅) ကြိမ်‌မြောက် မေဒေးထုတ်ပြန်ကြေညာချက်
============================
‘’တရားမျှတမှုအတွက် ညီညွတ်မှုဖြင့် တိုက်ယူကြ’’

၂၀၂၅ ခုနှစ်၊ မေလ(၁)ရက်

ကမ္ဘာ့အလုပ်သမားနေ့၊ မေဒေးနေ့သည် အဖိနှိပ်ခံအလုပ်သမားလူတန်းစားတို့၏ အောင်ပွဲနေ့ ဖြစ်သည်။

မြန်မာနိုင်ငံအလုပ်သမားတပ်ပေါင်းစု- MLA အနေဖြင့် ယနေ့ကျရောက်သည့် (၁၃၅) ကြိမ်မြောက်မေဒေးနေ့တွင် မြန်မာနိုင်ငံတဝှမ်း အလုပ်သမားထုသည် မိမိတို့၏အောင်ပွဲနေ့ကို လွတ်လွပ်စွာကျင်းပနိုင်ခြင်းမရှိဘဲ အကြမ်းဖက်စစ်တပ်၏ လူသားဒိုင်းအဖြစ်သော်လည်းကောင်း၊ ပထဝီ နိုင်ငံရေးအကျိုးအမြတ်များကြား အသုံးချခံ လူတန်းစားအဖြစ်သော်လည်းကောင်း ရင်ဆိုင်ကြုံတွေ့ နေရသည်မှာ ခံပြင်းစရာ (သို့မဟုတ်) လုံးဝလက်မခံနိုင်စရာ ကိစ္စရပ်ဖြစ်ပါသည်။ ထို့အတူ အလုပ်သမား ညီအကိုမောင်နှများသည် မိမိတို့၏ဘဝ၊ မိမိတို့အနေအထားကို မမေ့မလျော့ဘဲ အစဉ်တစိုက် စဉ်းစား သုံးသပ်လေ့လာနေပြီး၊ အလုပ်သမားများ၏လူ့အခွင့်အရေး၊ အလုပ်သမားအခွင့်အရေးအတွက် ညီညွတ်စွာ တော်လှန်တုန့်ပြန်မှုသည်သာလျှင် တရားမျှတမှုနှင့်ရေရှည် တည်တံ့မည့် အပြောင်းအလဲ အတွက် အဖြေမှန်ဖြစ်ကြောင်း (၁၃၅) ကြိမ်မြောက် အပြည်ပြည်ဆိုင်ရာ အလုပ်သမားနေ့တွင် ထုတ်ပြန် ကြေညာလိုက်သည်။

၂၀၂၁ ခုနှစ်၊ ဖေဖေါ်ဝါရီလ (၁) ရက်နေ့တွင် အကြမ်းဖက်စစ်တပ်သည် ပြည်သူလူထု၏ ဆန္ဒမဲ၊ အလုပ်သမားထု၏ဆန္ဒမဲတို့ကို လက်နက်အားကိုးဖြင့် ပြောင်ပြောင်တင်းတင်းချိုးဖောက်ကာ အာဏာ သိမ်းခဲ့သည်။ သို့သော် ပြည်သူလူထုတစ်ရပ်လုံး၏ ဆန့်ကျင်တော်လှန်ပုန်ကန်မှုကြောင့် ပြည်သူက အပ်နှင်းထားသော အာဏာမရရှိသလို ၎င်း၏အာဏာသိမ်းမှုသည်လည်း အထမမြောက် မအောင်မြင် ခြင်း ဖြစ်သည်။

အကြမ်းဖက်စစ်အုပ်စုအား ယနေ့ထိတိုင် ဆန့်ကျင်တော်လှန်နေသူများတွင် နိုင်ငံ့ဝန်ထမ်း (Public)၊ ပုဂ္ဂလိက (Private) အလုပ်သမားထုများ ပါဝင်သည်။ ထို့ကြောင့် အကြမ်းဖက်စစ်အုပ်စု အနေဖြင့် အလုပ်သမားထုကို နည်းလမ်းမျိုးစုံဖြင့် ရက်စက်စွာ နှိပ်ကွပ်သည်။ အလုပ်သမားထု အင်အား ချိနဲ့စေရန် အလုပ်သမားတို့၏ လွတ်လပ်စွာထုတ်ဖော်ခွင့်၊ စုဝေး စည်းရုံးခွင့်၊ အသင်းအပင်း ဖွဲ့စည်းခွင့်၊ နိုင်ငံသားတစ်ဦး၏ လွတ်လပ်ခွင့်တို့ကို နည်းလမ်းမျိုးစုံဖြင့် နှိပ်ကွပ်သည်။ နိုင်ငံရေး အန်တုမှုတွင် ပါဝင်တော်လှန်ကြသည့် နိုင်ငံ့ဝန်ထမ်း၊ ပုဂ္ဂလိကဝန်ထမ်း၊ အလုပ်သမား သမဂ္ဂခေါင်းဆောင်များ၊ အဖွဲ့ဝင်များ၊ အလုပ်သမားရေး တက်ကြွလှုပ်ရှားသူများကို မတရားသဖြင့် ဖမ်းဆီး၊ နှိပ်စက်၊ ထောင်ချ၊ သတ်ဖြတ်ခြင်းများ ပြုလုပ်သည်။

ပို၍ဆိုးရွားလှသည်မှာ ၂၀၂၄ ခုနှစ်၊ ဖေဖေါ်ဝါရီလ(၁၀)ရက်နေ့တွင် ပြည်သူ့စစ်မှုထမ်း ဥပဒေဟု သုံးနှုန်း၍ စစ်မှုမထမ်းမနေရစနစ်ကို ကျင့်သုံး၍ အတင်းအကြပ် စစ်သားစုဆောင်းမှုကို ပြုလုပ်သည်။ အတင်းအကြပ် စစ်သားစုဆောင်းခံရသူအားလုံးနီးပါးသည် အလုပ်သမားများဖြစ်သည်။ ထိုစုဆောင်း ခံရသူများတွင် အလုပ်သမားများ၏ သားသမီး ကလေးသူငယ်၊ အမျိုးသမီးများ ပါဝင်သည်။ အတင်း အကြပ် စစ်သားစုဆောင်းမှု ဈေးကွက်အတွင်း ဝင်ငွေနှင့် လုံးဝအခြေခံကျသည့် အလုပ်သမားထုသည် လူကုန်ကူးသူများ၊ ပြည်သူ့စစ်များ၊ ဒုစရိုက်ဂိုဏ်းသားများ၊ အကြမ်းဖက်စစ်တပ်၏ အဖွဲ့ဝင်များ၊ အပေါင်းအပါတို့၏ သားကောင်များဖြစ်နေသည်ကို ခံပြင်းစွာတွေ့ရှိရသည်။ ထို့အပြင် အကြမ်းဖက် စစ်တပ်သည် စစ်ပွဲများအတွင်း မြေမြှုပ်မိုင်းများကို ရှင်းလင်းရန်၊ ၎င်းတို့တပ်ဖွဲ့ဝင်များ၏ အရှေ့အကာ အရံဒိုင်းအဖြစ် အသုံးပြုရန် ယင်းစစ်သားစုဆောင်းခံရသူ အလုပ်သမားများကို အသုံးပြုသည်။ အချို့မှာ စိတ်ကြွရူးသွပ် ဆေးပြားများအကြွေးခံရ၍ လူသားဒိုင်းအဖြစ် အသုံးပြုခံရသည်ကို သိရှိရသည်။

ထိုကဲ့သို့သော အကြမ်းဖက်စစ်တပ်၏ လူမဆန်သော ရက်စက်ယုတ်မာမှုများ၊ အပြည်ပြည် ဆိုင်ရာအလုပ်သမားရေးရာအဖွဲ့ (ILO) ၏ အခြေခံအလုပ်သမား အခွင့်အရေးများဖြစ်သည့် လွတ်လွပ်စွာ အသင်းအပင်းဖွဲ့စည်းခွင့်နှင့် အဓမ္မလုပ်အားခိုင်းစေမှုပပျောက်ရေးတို့ကို ဆိုးရွားစွာ ချိုးဖောက်နေမှု များအတွက် အရေးယူဆောင်ရွက်နိုင်ရေး ကြိုးစားဆောင်ရွက်ရာတွင် အိမ်နီးချင်း နိုင်ငံများ၊ အချို့သော ကမ္ဘာ့နိုင်ငံများ၊ ရင်းနှီးမြှုပ်နှံသူများသည် လူ့အခွင့်အရေး၊ အလုပ်သမား အခွင့်အရေး အခြေခံ စံတန်ဖိုး များကို လျှစ်လျှူရှုကာ၊ ၎င်းတို့၏ကိုယ်ကျိုးစီးပွား၊ နိုင်ငံအကျိုးစီးပွားပေါ်ကိုသာ အာရုံစိုက်၍ အကြမ်းဖက်စစ်တပ်နှင့် ပူးပေါင်းဆောင်ရွက်မှုပြုလုပ်သည်။ ရွှေ့ပြောင်းအလုပ်သမားများကို အတင်း အကြပ် စစ်သားစုဆောင်းခံရမှုတွင် သားကောင်ဖြစ်စေရန် အကြမ်းဖက် စစ်တပ်နှင့်ပူးပေါင်းဆောင်ရွက် သည်။ အလုပ်သမားသမဂ္ဂများ လွတ်လပ်စွာလုပ်ကိုင်ဆောင်ရွက်ခွင့် မရရှိသည့်အခြေအနေတွင် ထိခိုက် လွယ်သော အလုပ်သမားနှင့် မိသားစုများအတွက် “အလုပ်အကိုင် ဖန်တီးပေးလိုသည်”ဟု ခေါင်းစဉ် တပ်လျှက် အကြမ်းဖက်စစ်တပ်စနစ်၏ လက်အောက်တွင် အလုပ်သမားအခွင့်အရေးများကို ချိုးဖောက် ကာ ရင်းနီးမြှုပ်နှံမှုများကို ဆက်လက်ဆောင်ရွက်သည်။

ငလျှင်ဒဏ်ခံစားနေရသည့် အရေးပေါ်အခြေအနေကာလတွင် အသက်ကယ်ဆယ်ရေး ဆောင်ရွက်ခြင်း မပြုသည့်အပြင် အပြစ်မဲ့ပြည်သူလူထုကို ပြင်းထန်သောထိုးစစ်များ၊ ဗုံးကြဲမှုများ၊ လေကြောင်း တိုက်ခိုက်မှုများဖြင့် လူမဆန်စွာသတ်နေသည့် အကြမ်းဖက်စစ်တပ်ကို သက်ဆိုးရှည် စေရန် စေ့စပ်ညှိနှိုင်းရေး ခေါင်းစဉ်ဖြင့် အသိအမှတ်ပြုကာ ဆက်ဆံနေသည်များရှိသည်။

အကြမ်းဖက်စစ်တပ်သည် ပြည်သူလူထု၏ အသက်အိုးအိမ်၊ စည်းစိမ်ကိုကာကွယ်ပေးရန်သာ တာဝန်ဝတ္တရားရှိသည်။ မြန်မာနိုင်ငံ၏ အကြမ်းဖက်စစ်တပ်သည် ပြည်သူလူထုကို ကာကွယ်ပေးရမည့် အစား ၎င်းတို့ စစ်ဗိုလ်ချုပ်ခေါင်းဆောင်များ၏ ကိုယ်ကျိုးစီးပွားအတွက် ပြည်သူလူထုကို သတ်ဖြတ် သည်။ မြန်မာ့နိုင်ငံရေးတွင် ဝင်ရောက်နှောက်ယှက်သည်။ အကြမ်းဖက်စစ်တပ်မှ မြန်မာ့နိုင်ငံရေးတွင် ဝင်ရောက်နှောင့်ယှက်နေသမျှ ကာလပတ်လုံး၊ အလုပ်သမားထုအတွက် အရေးကြီးသည့် စီးပွားရေး စနစ်၊ လူမှုရေးစနစ်အတွက် အရေးကြီးသည့် တည်ငြိမ်အေးချမ်းသော နိုင်ငံရေးစနစ်ကို တည်ထောင်နိုင် မည်မဟုတ်ပါ။ အလုပ်သမားအခွင့်အရေးများကိုလည်း လွတ်လပ်စွာ ကျင့်သုံးပိုင်ခွင့်ရှိ မည်မဟုတ်ပါ။ အလုပ်သမားထု၏ ဘဝသည် စစ်ကျွန်ဘဝတွင် လူသားဒိုင်း အဖြစ်သာ စတေးခံနေရမည်ဖြစ်ပါသည်။

အကြမ်းဖက်စနစ်လက်အောက်တွင် မိမိတို့ရင်ဆိုင်ကြုံတွေ့နေရသည့် နေ့စဉ်လူမှုဘဝ၊ အသက်အိုးအိမ်ဆုံးရှုံးစရာ ဖြစ်ရပ်များကို ဆင်ခြင်သုံးသပ်၍ မိမိတို့၏နစ်နာဆုံးရှုံးခဲ့ရမှုများအတွက် တရားမျှတမှုကို ပြန်လည်ရယူရန် အလုပ်သမားထုညီညွတ်ရေးကို တည်ဆောက်၍၊ ပြည်သူလူထု၏ ဘုံရန်သူ အကြမ်းဖက်စစ်တပ်ကို ကြရာအခန်းကဏ္ဍများတွင် ဆန့်ကျင်တော်လှန်သွားကြရန် မြန်မာနိုင်ငံ အလုပ်သမားတပ်ပေါင်းစု - MLA အနေဖြင့် တိုက်တွန်းနှိုးဆော် ထုတ်ပြန်ကြေညာလိုက်သည်။

တော်လှန်ရေးသစ္စာဖြင့်
မြန်မာနိုင်ငံအလုပ်သမားတပ်ပေါင်းစု- MLA
[email protected]

09/12/2024

#ငါတို့မျိုးဆက်တော်လှန်စာစဉ်
#အတွဲ၂အမှတ်၆ထွက်ပြီ

08/11/2024

ငါတို့မျိုးဆက်-တော်လှန်စာစဉ် အတွဲ(၂)၊ အမှတ်(၅) ထွက်ပြီ။ ကဏ္ဍစုံ၊ ရသစုံကို ဖတ်ရှုချင်ရင် ဒီ Link မှာ Download ရယူနိုင်ပါပြီ။

အတွဲ(၂)၊ အမှတ်(၅) ✅

https://drive.google.com/file/d/1WB4YqzZaoDiDarO7burW5L-nSHNaHGIb/view?usp=drivesdk

‌အင်တာနက် အခက်အခက်ရှိတဲ့ တော်လှန်ရေးဒေသတွေနဲ့ တပ်ရင်းတပ်ဖွဲ့၊ တော်လှန်ရေး အဖွဲ့အစည်းတွေဆီ ဆက်လက်ဖြန့်ဝေမှုများ ပြုလုပ်သွားပါမယ်။

' တော်လှန်ရေးအတွက် ငါတို့မျိုးဆက် '

#ငါတို့မျိုးဆက်_တော်လှန်စာစဉ်
#အတွဲ၂_အမှတ်၅

15/10/2024

အသွင်သစ် အမြင်သစ်နဲ့ ငါတို့မျိုးဆက် - တော်လှန်စာစဉ် အတွဲ၂၊ အမှတ်၄ ထွက်ပြီ။

ကဏ္ဍအစုံစုံ ရသအဖုံဖုံတို့ကို တစုတစည်းတည်း ဖတ်ရှုနိုင်ဖို့ Online မှ Download ရယူနိုင်သလို ပြည်သူလူထုနဲ့ တော်လှန်ရေးနယ်မြေများထံ အခမဲ့ဖြန့်ချိမှုများ လုပ်ဆောင်သွားပါမယ်။

Comment ရှိ Drive Link များနဲ့ Telegram Channel တို့မှာ Download ရယူနိုင်ပါတယ်။

စာမူများပေးဖို့ကြဖို့လည်း ဖိတ်ခေါ်အပ်ပါတယ်။

"တော်လှန်ရေးအတွက် ငါတို့မျိုးဆက်"

#ငါတို့မျိုးဆက်_တော်လှန်စာစဉ်
#အတွဲ၂_အမှတ်၄

14/10/2024

သို့
ပြည်တွင်း ပြည်ပ အဖွဲ့အစည်းများ၊ ပြည်သူလူထုနှင့် အလုပ်သမားညီအကိုမောင်နှမများ
၂၀၂၄ ခုနှစ်၊ အောက်တိုဘာလ(၁၄)ရက်။
ပြီးခဲ့သည့် ရက်အတွင်း မြန်မာနိုင်ငံအလုပ်သမားတပ်ပေါင်းစု - Myanamr Labour Alliance ဖေ့စ်ဘုတ် စာမျက်နှာအနေဖြင့် ရုတ်တရက်ပျောက်သွားပါသဖြင့် ပြန်လည်ရရှိရန် ကြိုးစားနေပါကြောင်း တော်လှန်ရေး အဖွဲ့အစည်းများအားလုံး၊ အလုပ်သမားညီအကိုမောင်နှမများနှင့် ပြည်တွင်းပြည်ပ အဖွဲ့အစည်းများအားလုံးကို လေးစားစွာဖြင့် အကြောင်းကြားအပ်ပါသည်။
တော်လှန်ရေးသစ္စာဖြင့်
မြန်မာနိုင်ငံအလုပ်သမားတပ်ပေါင်းစု (MLA)

To
Local and International Organizations, Public and Workers

Date: October 14, 2024

Subject: Notification Regarding the Disappearance of Myanmar Labour Alliance page
We would like to respectfully inform all revolutionary organizations, workers, and both local and international organizations that the official page of the Myanmar Labour Alliance (MLA) has suddenly disappeared in the past few days. We are currently working hard to restore it.
We humbly request the support of all revolutionary organizations, workers, and both local and international organizations to assist us in this effort.

In solidarity with the revolution,
Myanmar Labour Alliance (MLA)

08/09/2024

စာစဉ်တခုထဲမှာ မျိုးဆက်အသီးသီး ကလောင်ရှင်များ၏ သုတရသ အဖုံဖုံ၊ တိုက်ပွဲနည်းနာ အမျိုးမျိုး၊ ကဏ္ဍအစုံစုံ တို့ကို ငါတို့မျိုးဆက်-တော်လှန်စာစဉ် အတွဲ၂၊ အမှတ်၃ တွင် ဖတ်ရှုနိုင်ပါပြီ။

အတွဲ၂၊ အမှတ်၃ရဲ့ မျက်နှာဖုံး၊ မာတိကာ၊ ကျောဖုံးတို့ကို ဖော်ပြလိုက်ပါတယ်။

ထွက်ရှိပြီးသား စာစဉ်များကို Comment ရှိ Drive Link များမှာ Download ရယူ၍ ဖတ်ရှုနိုင်ပါတယ်။

' တော်လှန်ရေးအတွက် ငါတို့မျိုးဆက် '

#ငါတို့မျိုးဆက်_တော်လှန်စာစဉ်
#အတွဲ၂_အတွဲ၃

06/08/2024

ငါတို့မျိုးဆက်-တော်လှန်စာစဉ် အတွဲ(၂)၊ အမှတ်(၂) (ဩဂုတ်လထုတ်) ထွက်ပြီ။

◽အယ်ဒီတာ့အာဘော်

◽ကဗျာကဏ္ဍ
နောင်ချို၊ ဟာရှိန်း၊ ဧကန်ဘုန်းမြတ်ဗိုလ်၊ မိုးသွေးညို၊ ခန့်ဝါငြိမ်း၊ ထက်နေ၊ ကျော်သုခမွန်၊ ဒီနေအိမ်၊ Kနဂျီ

◽အက်ဆေး
သစ်ဦးလွင်

◽ဝတ်ထုတို
ကိုယာဉ်မောင်း

◽ရုပ်ပုံလွှာ
စံညိမ်းဦး၊ အံ့ဖွယ်မင်း

◽တော်လှန်ရေးထဲက ပညာရေး
နွေဦးကိုကို၊ သိန်းနိုင်(မောက္ခပညာရေး)

◽တော်လှန်ရေးထဲက တွေးချင့်ချိန်ရာ
ထိန်လင်း၊ လင်းခေတ်၊ နွေဦးလူ

◽အညတရရဲဘော်များ ထုဆစ်သော မျှော်ရည်တိုင်းပြည်
မဟာချို၊ မောင်သစ်အောင်

◽တော်လှန်ရေးနှင့် အလုပ်သမားရေးရာ
မြတ်သီဟ၊ ဆုလာဘ်ဖြူ

◽စစ်သည်တော်တို့၏ စစ်မက်ရေးရာ ကျင့်ဝတ်တန်ဆာ
ကိုထင်

◽နွေဦးတော်လှန်ရေး ရက်စွဲမှတ်တမ်း
AAPP၊ PVTV၊ PVTV

◽သတိပြုစရာ အကြမ်းဖက်စစ်အုပ်စုရဲ့ ခြေလှမ်း
BACS

◽ကာတွန်းကဏ္ဍ
သက်သာ၊ MIN NANING ၊ MIN NANING ၊ ဓူဝံကြယ်

ငါတို့မျိုးဆက်-တော်လှန်စာစဉ်၏ ထွက်ရှိပြီး စာမူများကို Telegram Channel (https://t.me/ngardohmyozet) နှင့် Comment ရှိ Drive Link များတွင် Download ရယူ၍ ဖတ်ရှုနိုင်ပါတယ်။

ပြည်သူများနှင့် တော်လှန်ရေးအဖွဲ့အစည်းများထံ ဆက်လက်ဖြန့်ချိနိုင်ရေးအတွက် ကြိုးပမ်းဆောင်ရွက်သွားပါ့မယ်။

' တော်လှန်ရေးအတွက် ငါတို့မျိုးဆက် '

#ငါတို့မျိုးဆက်_တော်လှန်စာစဉ်
#အတွဲ၂_အမှတ်၂

08/07/2024

ငါတို့မျိုးဆက်-တော်လှန်စာစဉ် အတွဲ၂၊ အမှတ်၁ (ဇူလိုင်လထုတ်) ထွက်ပြီ။

ငါတို့မျိုးဆက်-တော်လှန်စာစဉ်ကို ၂၀၂၃ ခုနှစ်၊ ဇူလိုင်လ(၁)ရက်နေ့တွင် စတင်ထုတ်ဝေခဲ့ပြီး အွန်လိုင်းနှင့် မြေပြင်တွင် ဖြန့်ချိမှုများ ဆောင်ရွက်လျက်ရှိပါတယ်။

အတွဲ၂၊ အမှတ်၁ တွင်

◽ကဗျာကဏ္ဍ
◽ကာတွန်းကဏ္ဍ
◽အက်ဆေး
◽ဝတ်ထုတို
◽ရုပ်ပုံလွှာ
◽တော်လှန်ရေးထဲက ပညာရေး
◽တော်လှန်ရေးထဲက တွေးချင့်ချိန်ရာ
◽အညတရရဲဘော်များ ထုဆစ်သော မျှော်ရည်တိုင်းပြည်
◽တော်လှန်ရေးနှင့် အလုပ်သမားရေးရာ
◽စစ်သည်တော်တို့၏ စစ်မက်ရေးရာ ကျင့်ဝတ်တန်ဆာ
◽နွေဦးတော်လှန်ရေး ရက်စွဲမှတ်တမ်း
◽သတိပြုစရာ အကြမ်းဖက်စစ်အုပ်စုရဲ့ ခြေလှမ်း

စတဲ့ ကဏ္ဍမျိုးစုံမှ စာမူများကို ဖတ်ရှုခံစားနိုင်မှာ ဖြစ်ပါတယ်။

စာမူများကိုလည်း Email နှင့် page Messanger တို့မှ တဆင့် ပေးပို့နိုင်ပါတယ်။

ငါတို့မျိုးဆက်-တော်လှန်စာစဉ်၏ ထွက်ရှိပြီးသား အတွဲ၁၊ အမှတ်၁ မှ အတွဲ၂၊ အမှတ်၁ ကို Comment ရှိ Drive Link များတွင် Download ရယူနိုင်ပါတယ်။

စာမူများကိုလည်း Email နှင့် page Messanger တို့မှ တဆင့် ပေးပို့နိုင်ပါတယ်။

#ငါတို့မျိုးဆက်_တော်လှန်စာစဉ်
#အတွဲ၂_အမှတ်၁
#တော်လှန်ရေးအတွက်_ငါတို့မျိုးဆက်

04/06/2024

ငါတို့မျိုးဆက်-တော်လှန်စာစဉ် အတွဲ ၁၊ အမှတ် ၁၂ (ဇွန်လထုတ်) ထွက်ပြီ။

အတွဲ၁၊ အမှတ်၁၂ ဟာ ငါတို့မျိုးဆက်စာစ‌ဉ်ရဲ့ (၁)နှစ်ပြည့် အထိမ်းအမှတ်လည်း ဖြစ်ပါတယ်။ အုပ်တချပ် သဲတပွင့်အဖြစ် တော်လှန်ရေးအတွက် ငါတို့မျိုးဆက် ရှိနေပါ့မယ်။

▫️အယ်ဒီတာ့အာဘော်
▫️ကာတွန်းကဏ္ဍ
▫️ကဗျာကဏ္ဍ
▫️ စာစဉ်(၁)နှစ်ပြည့် အမှတ်တရ
▫️ဇွန် အမှတ်တရကဏ္ဍ
▫️တော်လှန်ရေးထဲက တွေးချင့်ချိန်ရာ
▫️အညတရရဲဘော်များ ထုဆစ်သောမျှော်ရည်တိုင်းပြည်
▫️တော်လှန်ရေးနှင့် ဥပဒေရေးရာ
▫️အက်ဆေး
▫️ဝတ်တုတို
▫️စစ်သည်တော်တို့၏ စစ်မက်ရေးရာ ကျင့်ဝတ်တန်ဆာ
▫️တော်လှန်ရေးထဲက ပညာရေး
▫️နွေဦးတော်လှန်ရေး ရက်စွဲမှတ်တမ်း
▫️လက်နက်ကိုင်တော်လှန်ရေး စစ်ရေးသုံးသပ်ချက်

စတဲ့ ကဏ္ဍတွေမှ စာမူတွေကို ဖတ်ရှုနိုင်မှာ ဖြစ်ပါတယ်။ အမှတ်တရ ကဏ္ဍ(၂)ခုကို သီးခြားတင်ဆက်ပေးသွားပါ့မယ်။

အောက်ပါ Link တွေမှာလည်း ထွက်ရှိပြီးသမျှ စာစဉ်‌များကို Download ရယူပြီး ဖတ်ရှုနိုင်ပါတယ်။

🚩🚩🚩🚩🚩

Google Drive Link

အတွဲ၁၊ အမှတ်၁၂ (ဇွန်လထုတ်)
https://drive.google.com/file/d/1AWUKq-lS6WibRIEkkE-jiyQnDH-tFktu/view?usp=drivesdk

အတွဲ၁၊ အမှတ်၁၁ (မေလထုတ်)
https://drive.google.com/file/d/19TldzFSd0ZQdWmWCDBDXMHxBLIyuGaF_/view?usp=drivesdk

အတွဲ၁၊ အမှတ်၁၀ (ဧပြီလထုတ်)
https://drive.google.com/file/d/19CCTOa8z8XmrMzt3rL8Z3Xvy4UmXlNeu/view?usp=drivesdk

အတွဲ၁၊ အမှတ်၉ (မတ်လထုတ်)
https://drive.google.com/file/d/1UJf9rcPZwnW4GO82V1eV32jVkxW24UZH/view?usp=drivesdk

အတွဲ၁၊ အမှတ်၈ (ဖေဖော်ဝါရီလထုတ်)
https://drive.google.com/file/d/1MnoN5siapL5LMNh6REiCIyOaCx0UrBZ6/view?usp=drivesdk

အတွဲ ၁၊ အမှတ် ၇ (ဇန်နဝါရီလထုတ်)
https://drive.google.com/file/d/1CeE-3whSRSCUIC-ZKRnL2McO0Ka8SDmN/view?usp=drivesdk

အတွဲ၁၊ အမှတ် ၆ (ဒီဇင်ဘာလထုတ် )
https://drive.google.com/file/d/14wUJ1iqv2d9nL1fy9AFmUreYHWNUmoOE/view?usp=drivesdk

အတွဲ၁၊ အမှတ်၅ (နိုဝင်ဘာလထုတ်)
https://drive.google.com/file/d/17xTCuvvtAN1dSYwsXj0KW5vvpxFXMPWn/view?usp=drivesdk

အတွဲ၁၊ အမှတ်၄ (အောက်တိုဘာလထုတ်)
https://drive.google.com/file/d/17Chmi_OCLesV642iUK3B_WS7L7qMQMWW/view?usp=drivesdk

အတွဲ၁၊ အမှတ်၃ (စက်တင်ဘာလထုတ်)
https://drive.google.com/file/d/1YYy55XO2b061-oI1V81bCQNpP19hWXSR/view?usp=drivesdk

အတွဲ၁၊ အမှတ်၂ (ဩဂုတ်လထုတ်)
https://drive.google.com/file/d/1Tig9q6ZCP9MRy9yeHEik8KPKCWPAtueH/view?usp=drivesdk

အတွဲ၁၊ အမှတ်၁ (ဇူလိုင်လထုတ်)
https://drive.google.com/file/d/1P0SmOwR68A3zscaNSnmH48MHb5vNwhDf/view?usp=drivesdk

page
https://www.facebook.com/profile.php?id=100093176680035&mibextid=ZbWKwL

Telegram Channel
https://t.me/ngardohmyozet

#ငါတို့မျိုးဆက်_တော်လှန်စာစဉ်
#အတွဲ၁_အမှတ်၁၂
#စာစဉ်_၁_နှစ်ပြည့်_ဇွန်လထုတ်

All Myanmar Trade Unions Network - AMTUN