Buhi Forum News, Magsaysay Street, Barangay Santa Elena (Poblacion) (2026)

30/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟯𝟬, 𝟮𝟬𝟮𝟲 – Handa nang masilayan ang kinang, talento, at kumpiyansa ng labintatlong (13) munting kandidata sa inaabangang Little Miss San Roque 2026, isa sa mga tampok na aktibidad ng pagdiriwang ng Barangay Fiesta ng Barangay San Roque, Buhi, Camarines Sur.

Gaganapin ang 𝗖𝗼𝗿𝗼𝗻𝗮𝘁𝗶𝗼𝗻 𝗡𝗶𝗴𝗵𝘁 𝘀𝗮 𝗔𝗴𝗼𝘀𝘁𝗼 𝟭𝟱, 𝟮𝟬𝟮𝟲, kung saan magtatagisan ang mga batang kandidata, may edad 5 hanggang 11 taong gulang, sa kanilang kagandahan, talino, at natatanging personalidad. Bukod sa pagiging bona fide resident ng Buhi, kinakailangan ding taglay ng bawat kalahok ang alindog, kumpiyansa, at mabuting pangangatawan.

Ang mga kandidata at kanilang kinakatawang barangay ay sina:

• Nigelle – San Roque
• Summer – San Buena
• Princess – San Vicente
• Miu – San Roque
• Bella – San Buena
• Yndi – San Pascual
• Ellaine – San Jose Salay
• Nica – Sta. Elena
• Jeliana – Divino Rostro
• Saachi – San Buena
• Janella – San Pedro
• Zoe – San Roque
• Alexandria – San Roque

Samantala, nagsimula na noong Hulyo 28 ang online voting para sa Online Choice Award, na magtatagal hanggang Agosto 15, 2026. Ang kandidatong makakakuha ng pinakamataas na bilang ng boto mula sa publiko ang mag-uuwi ng espesyal na parangal, kaya hinihikayat ng mga organizer ang mga residente at supporters na ipakita ang kanilang suporta sa pamamagitan ng online voting.

Hindi rin biro ang mga nakahandang gantimpala. Ang tatanghaling 𝑳𝒊𝒕𝒕𝒍𝒆 𝑴𝒊𝒔𝒔 𝑺𝒂𝒏 𝑹𝒐𝒒𝒖𝒆 2026 𝒂𝒚 𝒎𝒂𝒌𝒂𝒕𝒂𝒕𝒂𝒏𝒈𝒈𝒂𝒑 𝒏𝒈 ₱10,000, 𝒉𝒂𝒃𝒂𝒏𝒈 𝒂𝒏𝒈 1𝒔𝒕 𝑹𝒖𝒏𝒏𝒆𝒓-𝑼𝒑 𝒂𝒚 𝒎𝒂𝒈-𝒖𝒖𝒘𝒊 𝒏𝒈 ₱7,000, 2𝒏𝒅 𝑹𝒖𝒏𝒏𝒆𝒓-𝑼𝒑 𝒏𝒈 ₱5,000, 3𝒓𝒅 𝑹𝒖𝒏𝒏𝒆𝒓-𝑼𝒑 𝒏𝒈 ₱3,000, 𝒂𝒕 4𝒕𝒉 𝑹𝒖𝒏𝒏𝒆𝒓-𝑼𝒑 𝒏𝒈 ₱2,000. Mayroon ding iba pang espesyal na parangal at sorpresa mula sa mga organizers at corporate sponsors.

Ang prestihiyosong pageant ay inorganisa at pinangungunahan ng 𝗖𝗿𝗲𝗮𝘁𝗶𝘃𝗲 𝗧𝗲𝗮𝗺 𝗻𝗴 𝗠𝗮𝗿𝗸𝟰𝗙𝗮𝗯𝘀, sa pakikipagtulungan ng Sangguniang Kabataan ng Barangay San Roque sa pamumuno ni 𝗦𝗞 𝗖𝗵𝗮𝗶𝗿𝗽𝗲𝗿𝘀𝗼𝗻 𝗞𝗲𝗻 𝗖𝗼𝗹𝗹𝗮𝗼, at ng Barangay San Roque Council sa pangunguna ni 𝗣𝘂𝗻𝗼𝗻𝗴 𝗕𝗮𝗿𝗮𝗻𝗴𝗮𝘆 𝗖𝗹𝗮𝗿𝗶𝘀𝘀𝗮 𝗥𝗲𝗮𝗹𝘂𝗯𝗶𝘁.

Inaasahang magiging isang gabi ng saya, inspirasyon, at pagdiriwang ng talento ng kabataang Buhinon ang Little Miss San Roque 2026—isang entabladong magbibigay ng pagkakataon sa mga batang kandidata na maipamalas ang kanilang kagandahan, talino, at kumpiyansa habang lumilikha ng mga alaalang mananatili sa kanilang paglaki.

29/07/2026

I Hulyo 29, 2026 - Nagkaisa ang mga kinatawan ng 38 barangay ng Buhi, Camarines Sur sa isinagawang Training-Workshop on Barangay Gender and Development (GAD) Planning for Calendar Year 2027 noong Hulyo 27–28 sa Asog County Hotel, Iiriga City.

Pinangunahan ng Local Government Unit of Buhi sa pamamagitan ng GAD Program, layunin ng dalawang araw na pagsasanay na ihanda ang bawat barangay sa pagbuo ng mas inklusibo, makatarungan, at gender-responsive na mga plano at badyet para sa 2027.

Dinaluhan ito nina Mayor Rey P. Lacoste, Municipal Planning and Development Coordinator Ma. Racel S. Iballar, at Sangguniang Bayan Member Gloria M. Arce, kasama ang mga eksperto mula sa DILG at GAD Technical Working Group na nagbahagi ng mahahalagang kaalaman sa tamang paghahanda ng Gender and Development Plans and Budgets (GPBs).

Ayon kay Mayor Lacoste, patuloy na isinusulong ng Pamahalaang Bayan ng Buhi ang mga programang nagtataguyod ng pantay na oportunidad, inklusibong pamamahala, at mas maunlad na komunidad para sa lahat ng mamamayan.

29/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟵, 𝟮𝟬𝟮𝟲 – Muling magliliwanag ang entablado ng Barangay Bagong Santa Clara sa pagbubukas ng 𝗠𝘂𝘁𝘆𝗮 𝗻𝗶𝗻 𝗕𝗮𝗴𝗼𝗻𝗴 𝗦𝗮𝗻𝘁𝗮 𝗖𝗹𝗮𝗿𝗮 𝟮𝟬𝟮𝟲: 𝗔𝗹𝗹-𝗦𝘁𝗮𝗿 𝗘𝗱𝗶𝘁𝗶𝗼𝗻, isa sa mga tampok na aktibidad sa nalalapit na pagdiriwang ng pista ng barangay sa Agosto 11, 2026.

Ayon kay 𝗣𝘂𝗻𝗼𝗻𝗴 𝗕𝗮𝗿𝗮𝗻𝗴𝗮𝘆 𝗥𝘂𝗱𝘆𝗮𝗿𝗱 𝗣𝗲𝘀𝗶𝗺𝗼, bukas na ang panawagan sa lahat ng karapat-dapat na kandidata na nais ipamalas ang kanilang kagandahan, talino, kumpiyansa, at pagmamahal sa kanilang komunidad.

Magsisimula ang 𝘀𝗰𝗿𝗲𝗲𝗻𝗶𝗻𝗴 𝗻𝗴 𝗺𝗴𝗮 𝗮𝗽𝗹𝗶𝗸𝗮𝗻𝘁𝗲 𝘀𝗮 𝗔𝗴𝗼𝘀𝘁𝗼 𝟮, 𝟮𝟬𝟮𝟲 , alas-1:00 ng hapon sa Bagong Santa Clara Barangay Hall, habang gaganapin ang pinakahihintay na 𝗖𝗼𝗿𝗼𝗻𝗮𝘁𝗶𝗼𝗻 𝗡𝗶𝗴𝗵𝘁 𝘀𝗮 𝗔𝗴𝗼𝘀𝘁𝗼 𝟭𝟬, 𝟮𝟬𝟮𝟲, alas-8:00 ng gabi sa Arco de Santa Clara, isang gabi bago ang kapistahan ng patronang si Santa Clara.

Mas pinabongga ngayong taon ang patimpalak sa pamamagitan ng mas malalaking papremyo. Tatanggap ang Mutya nin Bagong Santa Clara 2026 ng ₱25,000, habang ang Mutya nin Bagong Santa Clara Bicolandia ay mag-uuwi ng ₱20,000 at ang Mutya nin Bagong Santa Clara Turismo ay tatanggap ng ₱15,000. Ang First Runner-Up ay magkakamit ng ₱10,000, samantalang ang Second Runner-Up ay makatatanggap ng ₱5,000.

Ayon kay Punong Barangay Pesimo, layunin ng pageant na hindi lamang maghanap ng pinakamagandang kandidata kundi magbigay rin ng pagkakataon sa kababaihan ng barangay na maging inspirasyon at mabuting kinatawan ng kanilang komunidad.

"Inaanyayahan namin ang lahat ng kababaihang may talento, kumpiyansa, at malasakit sa ating barangay na sumali sa Mutya nin Bagong Santa Clara 2026. Ito ay hindi lamang patimpalak ng kagandahan kundi isang pagkakataong maipakita ang pagiging huwarang kabataang Buhinon. Sama-sama nating ipagdiwang ang ating pista at ipakita ang ganda at pagkakaisa ng Bagong Santa Clara," pahayag ni Pesimo.

Inaasahang dadagsa ang mga residente at mga bisita upang saksihan ang All-Star Edition ng Mutya nin Bagong Santa Clara, na tampok sa selebrasyon ng pista at inaasahang magbibigay ng makulay na gabi ng kagandahan, talento, at pagmamalaki sa Barangay Bagong Santa Clara.

"Walk proud. Speak strong. Shine Bright." — ito ang hamon sa susunod na reyna na magniningning bilang bagong mukha at inspirasyon ng Bagong Santa Clara.

28/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟴, 𝟮𝟬𝟮𝟲 - Kasunod ng ikalimang na State of the Nation Address (SONA) ni 𝗣𝗮𝗻𝗴𝘂𝗹𝗼𝗻𝗴 𝗙𝗲𝗿𝗱𝗶𝗻𝗮𝗻𝗱 𝗠𝗮𝗿𝗰𝗼𝘀 𝗝𝗿. nitong Hulyo 27 , nagpahayag ng suporta si Camarines Sur 𝟯𝗿𝗱 𝗗𝗶𝘀𝘁𝗿𝗶𝗰𝘁 𝗖𝗼𝗻𝗴𝗿𝗲𝘀𝘀𝗺𝗮𝗻 𝗡𝗲𝗹𝘀𝗼𝗻 𝗟𝗲𝗴𝗮𝗰𝗶𝗼𝗻 sa dalawang panukalang layuning mabawasan ang pinansyal na pasanin ng mga Pilipino.

Sa kanyang pinakabagong Facebook post, sinabi ni Legacion na isusulong niya ang panukalang huwag nang patawan ng income tax ang mga indibidwal na kumikita ng ₱350,000 o mas mababa kada taon.

"𝑺𝒖𝒑𝒐𝒓𝒕𝒂𝒅𝒐 𝒑𝒐 𝒏𝒊𝒂𝒕𝒐 𝒂𝒔𝒊𝒏 𝒊𝒕𝒖𝒕𝒖𝒍𝒐𝒅 𝒂𝒏 𝒌𝒂𝒎𝒂𝒘𝒐𝒕𝒂𝒏 𝒏𝒂 𝒅𝒂𝒆 𝒏𝒂 𝒐𝒃𝒍𝒊𝒈𝒂𝒉𝒐𝒏 𝒎𝒂𝒈𝒃𝒂𝒚𝒂𝒅 𝒏𝒊𝒏 𝑰𝒏𝒄𝒐𝒎𝒆 𝑻𝒂𝒙 𝒂𝒏 𝒎𝒈𝒂 𝒊𝒏𝒅𝒊𝒗𝒊𝒅𝒖𝒂𝒍 𝒊𝒏𝒄𝒐𝒎𝒆 𝒆𝒂𝒓𝒏𝒆𝒓𝒔 𝒏𝒂 𝑷350,000 𝒐 𝒎𝒂𝒔 𝒎𝒂𝒃𝒂𝒃𝒂 𝒑𝒂 𝒂𝒏 𝒌𝒊𝒕𝒂 𝒐 𝒊𝒏𝒄𝒐𝒎𝒆," ani Legacion.

Bukod dito, nagpahayag din ang kongresista ng suporta sa panukalang tanggalin ang systems loss charge na kasalukuyang ipinapataw sa electric bill ng mga konsyumer.

Ayon kay Legacion, nararapat lamang na maibsan ang dagdag na gastusin ng mga mamamayan, lalo na sa gitna ng patuloy na pagtaas ng presyo ng mga pangunahing bilihin at serbisyo.

"Siring man an 𝗣𝗔𝗚𝗦𝗨𝗣𝗢𝗥𝗧𝗔 𝗡𝗜𝗔𝗧𝗢 𝗔𝗦𝗜𝗡 𝗣𝗔𝗚𝗧𝗨𝗟𝗢𝗗 𝗦𝗔 𝗣𝗔𝗚𝗛𝗔𝗟𝗘 𝗞𝗔𝗡 𝗦𝗬𝗦𝗧𝗘𝗠𝗦 𝗟𝗢𝗦𝗦 na nakapataw sa mga electric bills kan satuyang mga konsumedores," dagdag pa niya.

Ang dalawang panukalang ito ay kabilang sa mga repormang binigyang-diin ni Pangulong Marcos sa kanyang SONA bilang bahagi ng layunin ng pamahalaan na magbigay ng mas malaking ginhawa sa mga manggagawa, empleyado, at mga pamilyang Pilipino.

Sa hayag na pagsuporta ni Congressman Legacion, inaasahang makikiisa siya sa pagsusulong ng mga hakbang na ito sa Kongreso upang maipasa ang mga panukalang makatutulong sa pagpapagaan ng gastusin ng milyun-milyong Pilipino.

28/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟴, 𝟮𝟬𝟮𝟲 – "Hindi lang talumpati ang dapat iwan sa bawat pagbisita sa paaralan, kundi mga alaalang magbibigay ng inspirasyon."

Ito ang naging sentro ng pinakahuling Facebook post ni 𝗖𝗮𝗺𝗮𝗿𝗶𝗻𝗲𝘀 𝗦𝘂𝗿 𝗚𝗼𝘃𝗲𝗿𝗻𝗼𝗿 𝗟𝗥𝗮𝘆 𝗩𝗶𝗹𝗹𝗮𝗳𝘂𝗲𝗿𝘁𝗲 , na agad umani ng positibong reaksiyon mula sa mga netizen dahil sa mensahe nitong nagbibigay-halaga sa bawat mag-aaral at g**o.

Sa kanyang post, ibinahagi ng gobernador na higit sa pagbibigay ng talumpati ang layunin ng kanyang pagbisita sa mga paaralan.

"𝑺𝒐𝒎𝒆 𝒑𝒆𝒐𝒑𝒍𝒆 𝒗𝒊𝒔𝒊𝒕 𝒔𝒄𝒉𝒐𝒐𝒍𝒔 𝒕𝒐 𝒈𝒊𝒗𝒆 𝒔𝒑𝒆𝒆𝒄𝒉𝒆𝒔. 𝑰 𝒗𝒊𝒔𝒊𝒕 𝒔𝒄𝒉𝒐𝒐𝒍𝒔 𝒕𝒐 𝒄𝒓𝒆𝒂𝒕𝒆 𝒎𝒆𝒎𝒐𝒓𝒊𝒆𝒔. 𝑻𝒐 𝒍𝒂𝒖𝒈𝒉. 𝑻𝒐 𝒑𝒍𝒂𝒚. 𝑻𝒐 𝒍𝒊𝒔𝒕𝒆𝒏. 𝑻𝒐 𝒓𝒆𝒎𝒊𝒏𝒅 𝒆𝒗𝒆𝒓𝒚 𝒔𝒕𝒖𝒅𝒆𝒏𝒕 𝒂𝒏𝒅 𝒕𝒆𝒂𝒄𝒉𝒆𝒓 𝒕𝒉𝒂𝒕 𝒚𝒐𝒖 𝒂𝒓𝒆 𝒔𝒆𝒆𝒏, 𝒗𝒂𝒍𝒖𝒆𝒅, 𝒂𝒏𝒅 𝒔𝒖𝒑𝒑𝒐𝒓𝒕𝒆𝒅."

Ayon kay Villafuerte, ang edukasyon ay hindi lamang tungkol sa mga aralin sa loob ng silid-aralan kundi sa pagpapakita sa bawat kabataan na may mga taong naniniwala sa kanilang kakayahan at pangarap.

Bilang bahagi ng patuloy na suporta ng pamahalaang panlalawigan sa sektor ng edukasyon, binigyang-diin din niya ang pamamahagi ng ₱1,000 educational assistance, mga laptop, at Smart TVs para sa mga paaralan.

Para sa gobernador, ang mga ito ay hindi lamang simpleng ayuda kundi simbolo ng pagkilala at malasakit sa mga mag-aaral at mga g**o.

"𝑴𝒐𝒓𝒆 𝒕𝒉𝒂𝒏 𝒉𝒆𝒍𝒑—𝒊𝒕 𝒔𝒂𝒚𝒔, '𝑾𝒆 𝒔𝒆𝒆 𝒚𝒐𝒖. 𝑾𝒆 𝒄𝒂𝒓𝒆.'"

Sa pagtatapos ng kanyang mensahe, iginiit ni Villafuerte na ang pag-unlad ng Camarines Sur ay nagsisimula sa pagbibigay ng pagkakataon at pag-asa sa bawat kabataan.

"𝑻𝒉𝒊𝒔 𝒊𝒔 𝒕𝒉𝒆 𝑪𝒂𝒎𝑺𝒖𝒓 𝒘𝒆 𝒂𝒓𝒆 𝒃𝒖𝒊𝒍𝒅𝒊𝒏𝒈—𝒐𝒏𝒆 𝒔𝒕𝒖𝒅𝒆𝒏𝒕, 𝒐𝒏𝒆 𝒔𝒄𝒉𝒐𝒐𝒍, 𝒐𝒏𝒆 𝒅𝒓𝒆𝒂𝒎 𝒂𝒕 𝒂 𝒕𝒊𝒎𝒆."

27/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟳, 𝟮𝟬𝟮𝟲 — Habang nababalot ng pangamba ang bayan ng Buhi dahil sa kumalat na online threat laban sa ilang paaralan, lumutang na ilang araw bago pa man kumalat ang naturang social media post ay nakapagpatupad na ng mas mahigpit na security measures ang St. Bridget School (SBS) bilang bahagi ng kanilang patuloy na programa para sa kaligtasan ng kanilang mga mag-aaral.

Noong Hulyo 23, 2026, tatlong araw bago kumalat ang kontrobersyal na post na nagbabanta umano ng pamamaril sa ilang paaralan, inanunsyo ng St. Bridget School ang opisyal na pagpapatupad ng metal scanner sa lahat ng pumapasok sa kanilang campus.

Ayon sa paaralan, lahat ng estudyante, g**o, kawani, magulang, at mga bisita ay kinakailangang dumaan sa metal scanner bago makapasok sa loob ng paaralan.

"𝑨𝒕 𝑺𝒕. 𝑩𝒓𝒊𝒅𝒈𝒆𝒕 𝑺𝒄𝒉𝒐𝒐𝒍, 𝒕𝒉𝒆 𝒔𝒂𝒇𝒆𝒕𝒚 𝒂𝒏𝒅 𝒘𝒆𝒍𝒍-𝒃𝒆𝒊𝒏𝒈 𝒐𝒇 𝒆𝒗𝒆𝒓𝒚 𝑩𝒓𝒊𝒅𝒈𝒆𝒕𝒊𝒏𝒆 𝒓𝒆𝒎𝒂𝒊𝒏 𝒐𝒖𝒓 𝒕𝒐𝒑 𝒑𝒓𝒊𝒐𝒓𝒊𝒕𝒚. 𝑩𝒆𝒈𝒊𝒏𝒏𝒊𝒏𝒈 𝒕𝒉𝒊𝒔 𝒘𝒆𝒆𝒌, 𝒕𝒉𝒆 𝒔𝒄𝒉𝒐𝒐𝒍 𝒉𝒂𝒔 𝒐𝒇𝒇𝒊𝒄𝒊𝒂𝒍𝒍𝒚 𝒊𝒎𝒑𝒍𝒆𝒎𝒆𝒏𝒕𝒆𝒅 𝒕𝒉𝒆 𝒖𝒔𝒆 𝒐𝒇 𝒎𝒆𝒕𝒂𝒍 𝒔𝒄𝒂𝒏𝒏𝒆𝒓𝒔 𝒂𝒔 𝒂𝒏 𝒂𝒅𝒅𝒆𝒅 𝒔𝒆𝒄𝒖𝒓𝒊𝒕𝒚 𝒎𝒆𝒂𝒔𝒖𝒓𝒆," ayon sa opisyal na pahayag ng paaralan.

Ipinaliwanag ng administrasyon na layunin ng bagong hakbang na higit pang mapalakas ang seguridad at mabigyan ng kapanatagan ang buong komunidad ng paaralan.

𝗜𝘀𝗮𝗻𝗴 𝘁𝗮𝗼𝗻 𝗻𝗮𝗻𝗴 𝗴𝘂𝗺𝗮𝗴𝗮𝗻𝗮 𝗮𝗻𝗴 𝗦𝗺𝗮𝗿𝘁 𝗜𝗗 𝗦𝘆𝘀𝘁𝗲𝗺
Hindi lamang metal scanner ang ipinatutupad ng St. Bridget School.

Noon pang nakaraang school year ay inilunsad na rin ng paaralan ang kanilang electronic ID access system, kung saan kinakailangang i-scan ng bawat mag-aaral ang kanilang school ID sa pagpasok at paglabas ng campus.

Kapag na-scan ang ID, awtomatikong nakatatanggap ng SMS notification ang mga magulang bilang kumpirmasyon na nakapasok o nakalabas na ng paaralan ang kanilang anak.

Layunin ng sistemang ito na mabigyan ng real-time na impormasyon ang mga magulang at higit pang mapalakas ang seguridad at monitoring ng mga estudyante habang nasa loob ng campus.

𝗣𝗮𝗺𝘂𝗺𝘂𝗻𝗼 𝗻𝗶 𝗙𝗿. 𝗣𝗮𝗿𝗱𝗲
Ang mga naturang hakbang ay isinagawa sa ilalim ng pamumuno ni Rev. Fr. William Parde Jr., Principal ng St. Bridget School at kasalukuyang Parish Priest ng St. Francis of Assisi Parish.

Ayon sa paaralan, ang pagpapalakas ng campus security ay bahagi ng kanilang pangmatagalang programa upang matiyak ang ligtas na kapaligiran sa pag-aaral at mapanatili ang tiwala ng mga magulang sa kaligtasan ng kanilang mga anak.

𝗞𝗮𝘀𝗮𝗯𝗮𝘆 𝗻𝗴 𝗽𝗶𝗻𝗮𝗶𝗴𝘁𝗶𝗻𝗴 𝗻𝗮 𝘀𝗲𝗴𝘂𝗿𝗶𝗱𝗮𝗱 𝘀𝗮 𝗕𝘂𝗵𝗶
Ang mga hakbang ng St. Bridget School ay kasabay ng pinaigting na seguridad sa buong bayan ng Buhi matapos kumalat noong Hulyo 26 ang isang social media post na naglalaman ng umano'y pagbabanta ng pamamaril laban sa , Sta. Justina National High School, Buhi St. Joseph's Academy, Inc., at Buhi High School.

Dahil dito, agad na nagsagawa ng imbestigasyon ang Buhi Municipal Police Station, nagdagdag ng police visibility sa paligid ng mga paaralan, at nakipag-ugnayan sa mga school administrators at lokal na pamahalaan upang tiyakin ang kaligtasan ng mga mag-aaral, g**o, at buong komunidad.

Samantala, nanawagan ang mga awtoridad at mga paaralan sa publiko na maging responsable sa paggamit ng social media, umiwas sa pagpapakalat ng hindi beripikadong impormasyon, at agad na iulat sa pulisya ang anumang banta o kahina-hinalang aktibidad upang mapanatiling ligtas ang mga paaralan sa Buhi.

27/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟳, 𝟮𝟬𝟮𝟲— Nabalot ng pangamba ang bayan ng Buhi matapos kumalat sa social media noong Hulyo 26, 2026 ang isang post na naglalaman ng umano'y pagbabanta ng pamamaril at pagpatay sa loob ng ilang paaralan sa bayan.

Ang naturang post, na in-upload ng Facebook account na Keyla Palado, ay nakasulat sa salitang Buhinon at naglalaman ng seryosong pagbabanta laban sa St. Justina School, Buhi St. Joseph's Academy, Inc. (BSJAI), at Buhi High School. Ayon sa mensahe, isang grupo umano ang naghahanda ng paghihiganti at nagbantang magkakaroon ng pamamaril sa harap ng gate ng mga target na paaralan.

Dahil dito, mabilis na kumalat ang pangamba sa mga magulang, estudyante, g**o, at residente ng Buhi.

𝗔𝗴𝗮𝗿𝗮𝗻𝗴 𝗮𝗸𝘀𝘆𝗼𝗻 𝗻𝗶 𝗕𝗠 𝗡𝗼𝗯𝗹𝗲
Noong gabi ring iyon, agad na nagtungo sa Buhi Municipal Police Station si Camarines Sur Board Member 𝗔𝘁𝘁𝘆. 𝗦𝗵𝗮𝗶 𝗡𝗼𝗯𝗹𝗲 , kasama ang kanyang ama na si 𝗙𝗕𝗠. 𝗘𝗺𝗺𝗮𝗻𝘂𝗲𝗹 𝗛. 𝗡𝗼𝗯𝗹𝗲, Pangulo ng Buhi St. Joseph's Academy, upang personal na iulat ang insidente.

Sa kanyang pahayag, iginiit ni Noble na hindi dapat ipagsawalang-bahala ang ganitong uri ng mga post.

"Nakabasa tayo ngayong gabi ng isang alarming post threatening the safety of three identified schools in Buhi. Agad po tayong nag-report sa BUHI PNP... Gusto kong i-reiterate na we have to be responsible sa paggamit ng social media. Hindi 'funny,' 'entertaining,' nor 'cool' ang mga posts that aim to promote violence. Uulitin ko po, hindi po ito dapat itratong biro lang," ani Noble.

Nagpasalamat din siya sa agarang pagtugon ng mga pulis sa insidente.

𝗣𝗡𝗣: 𝗜𝗻𝗶𝗶𝗺𝗯𝗲𝘀𝘁𝗶𝗴𝗮𝗵𝗮𝗻 𝗮𝗻𝗴 𝗽𝗶𝗻𝗮𝗴𝗺𝘂𝗹𝗮𝗻 𝗻𝗴 𝗽𝗼𝘀𝘁
Kinabukasan, Hulyo 27, kinumpirma ng Buhi Municipal Police Station (Buhi MPS) sa pamumuno ni 𝗣𝗠𝗔𝗝 𝗩𝗲𝗻𝗰𝗵𝗶𝘁𝗼 𝗩. 𝗖𝗲𝗿𝗶𝗹𝗹𝗼 na nagsasagawa na sila ng masusing imbestigasyon upang matukoy ang pinagmulan at katotohanan ng kumalat na online threat.

Ayon sa pulisya, pinalakas na nila ang police visibility sa paligid ng mga paaralan, nagsagawa ng foot patrols, security assessments, intelligence monitoring, at digital verification habang mahigpit na nakikipag-ugnayan sa Department of Education, mga school administrators, barangay officials, at iba pang ahensya.

Binigyang-diin din ng Buhi MPS na ang pagpapakalat ng shooting threats—kahit biro lamang—ay maaaring magresulta sa pananagutang kriminal dahil nagdudulot ito ng takot, kaguluhan, at panganib sa publiko.

𝗕𝗦𝗝𝗔𝗜: 𝗟𝗶𝗴𝘁𝗮𝘀 𝗮𝗻𝗴 𝗰𝗮𝗺𝗽𝘂𝘀, 𝘁𝘂𝗹𝗼𝘆 𝗮𝗻𝗴 𝗸𝗹𝗮𝘀𝗲
Samantala, naglabas din ng opisyal na pahayag ang Buhi St. Joseph's Academy, Inc. (BSJAI).

Ayon sa administrasyon ng paaralan, magpapatuloy ang klase dahil wala pang beripikadong banta sa kanilang campus. Iginiit nila na nananatiling ligtas ang paaralan dahil sa 24-oras na security personnel, CCTV monitoring, at mahigpit na koordinasyon sa Buhi PNP.

Hinimok din BSJAI President Noble ang publiko na huwag magpakalat ng fake news o hindi beripikadong impormasyon na maaaring magdulot ng hindi kinakailangang takot.

𝗕𝘂𝗵𝗶 𝗛𝗶𝗴𝗵 𝗦𝗰𝗵𝗼𝗼𝗹 𝗻𝗮𝗴𝗽𝗮𝘁𝘂𝗽𝗮𝗱 𝗻𝗴 𝗔𝗹𝘁𝗲𝗿𝗻𝗮𝘁𝗶𝘃𝗲 𝗗𝗲𝗹𝗶𝘃𝗲𝗿𝘆 𝗠𝗼𝗱𝗲
Samantala, bilang pag-iingat, inanunsyo ng Buhi High School ang pansamantalang pagpapatupad ng Alternative Delivery Mode (ADM) matapos makatanggap ng iniulat na security threat, kabilang ang isang death threat.

Pinayuhan ang mga mag-aaral na manatili muna sa kanilang mga tahanan habang ipinagpapatuloy ang kanilang pag-aaral sa pamamagitan ng learning activities na ipapadala ng kanilang mga g**o sa opisyal na communication channels ng paaralan.

Ayon sa administrasyon, patuloy silang nakikipag-ugnayan sa mga kinauukulang awtoridad habang nagpapatuloy ang imbestigasyon.

𝗣𝗮𝗻𝗮𝘄𝗮𝗴𝗮𝗻 𝗻𝗴 𝗟𝗚𝗨
Naglabas din ng public safety advisory ang Local Government Unit ng Buhi, na nagpapaalala na ang paggamit ng baril nang ilegal at ang paggawa ng mga pagbabanta na nagdudulot ng takot at panganib sa publiko ay may kaakibat na mabigat na pananagutang kriminal.

Hinimok ng LGU ang lahat ng mamamayan na maging mapanuri, responsable sa paggamit ng social media, at agad na iulat sa mga awtoridad ang anumang kahina-hinalang impormasyon o banta.

Habang nagpapatuloy ang imbestigasyon, nananawagan ang mga awtoridad sa publiko na manatiling kalmado, huwag magpakalat ng hindi beripikadong impormasyon, at makipagtulungan sa mga kinauukulang ahensya upang mapanatili ang kaligtasan ng mga paaralan at buong komunidad ng Buhi.

25/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟱, 𝟮𝟬𝟮𝟲 – Iginiit ni 𝗖𝗮𝗺𝗮𝗿𝗶𝗻𝗲𝘀 𝗦𝘂𝗿 𝟯𝗿𝗱 𝗗𝗶𝘀𝘁𝗿𝗶𝗰𝘁 𝗥𝗲𝗽𝗿𝗲𝘀𝗲𝗻𝘁𝗮𝘁𝗶𝘃𝗲 𝗡𝗲𝗹𝘀𝗼𝗻 𝗟𝗲𝗴𝗮𝗰𝗶𝗼𝗻 na hindi dapat isakripisyo ang press freedom at ang kalayaan sa pamamahayag dahil lamang sa umano'y pananakot ng mga nasa kapangyarihan.

Ang pahayag ni Legacion ay kasunod ng naging resolusyon ng 𝗦𝗮𝗻𝗴𝗴𝘂𝗻𝗶𝗮𝗻𝗴 𝗣𝗮𝗻𝗹𝗮𝗹𝗮𝘄𝗶𝗴𝗮𝗻 𝗻𝗴 𝗖𝗮𝗺𝗮𝗿𝗶𝗻𝗲𝘀 𝗦𝘂𝗿 na nagbibigay ng awtoridad kay𝗚𝗼𝘃𝗲𝗿𝗻𝗼𝗿 𝗟𝗥𝗮𝘆 𝗩𝗶𝗹𝗹𝗮𝗳𝘂𝗲𝗿𝘁𝗲 na magsampa ng kasong kriminal, sibil, at administratibo laban sa ilang media practitioners na nag-ulat at tumalakay sa 𝗸𝗼𝗻𝘁𝗿𝗼𝗯𝗲𝗿𝘀𝘆𝗮𝗹 𝗻𝗮 𝗶𝘀𝘆𝘂 𝗻𝗴 𝘄𝗵𝗶𝘁𝗲 𝗰𝗹𝗮𝘆 𝘀𝗮 𝗺𝗴𝗮 𝗯𝗮𝘆𝗮𝗻 𝗻𝗴 𝗦𝗶𝗿𝘂𝗺𝗮 𝗮𝘁 𝗧𝗶𝗻𝗮𝗺𝗯𝗮𝗰.

Ayon sa kongresista, posibleng layunin lamang ng naturang hakbang na patahimikin ang mga mamamahayag upang hindi na maibalita o masuri pa ang naturang isyu.

"𝑯𝒊𝒏𝒅𝒊 𝒎𝒂𝒂𝒂𝒓𝒊𝒏𝒈 𝒎𝒂𝒊𝒍𝒂𝒈𝒂𝒚 𝒔𝒂 𝒌𝒐𝒎𝒑𝒓𝒐𝒎𝒊𝒔𝒐 𝒂𝒏𝒈 𝒌𝒂𝒍𝒂𝒚𝒂𝒂𝒏 𝒔𝒂 𝒑𝒂𝒈𝒉𝒂𝒚𝒂𝒈 𝒅𝒂𝒉𝒊𝒍 𝒔𝒂 𝒅𝒆𝒎𝒐𝒌𝒓𝒂𝒔𝒚𝒂," diin ni Legacion.

Ibinunyag din ng mambabatas na maging siya ay naging paksa rin ng isang resolusyon ng Sangguniang Panlalawigan na nagrerekomendang sampahan siya ng kasong administratibo at kriminal.

Gayunman, tila hindi ito ikinabahala ni Legacion.

"𝑶𝒌𝒂𝒚 𝒏𝒂𝒎𝒂𝒏. 𝑾𝒂𝒍𝒂 𝒂𝒌𝒐𝒏𝒈 𝒑𝒓𝒐𝒃𝒍𝒆𝒎𝒂 𝒌𝒖𝒏𝒈 𝒔𝒂𝒎𝒑𝒂𝒉𝒂𝒏 𝒏𝒊𝒍𝒂 𝒂𝒌𝒐 𝒏𝒈 𝒌𝒂𝒔𝒐 𝒅𝒂𝒉𝒊𝒍 𝒎𝒂𝒓𝒖𝒏𝒐𝒏𝒈 𝒅𝒊𝒏 𝒂𝒌𝒐𝒏𝒈 𝒎𝒂𝒈𝒔𝒂𝒎𝒑𝒂 𝒏𝒈 𝒌𝒂𝒔𝒐," ani ng kongresista.

Matatandaang naging isa si Legacion sa mga pinakaaktibong kritiko ng ilang malalaking proyekto sa lalawigan. Kabilang dito ang kanyang privilege speech sa Kongreso tungkol sa matagal nang isyu ng Andaya Highway sa unang distrito ng Camarines Sur at ang halos dekadang isinasagawang Naga Airport Reorientation Project.

Bukod dito, siya rin ang nilapitan ng mga magsasaka mula sa Barangay Sag**ong, San Jose at Cadlan sa bayan ng Pili kaugnay ng umano'y land acquisition ng Kapitolyo na, ayon sa kanila, ay isinagawa nang walang wastong proseso at walang makatarungang kabayaran o just compensation.

Patuloy namang inaabangan ang magiging susunod na hakbang ng pamahalaang panlalawigan at ng mga kinauukulang partido kaugnay ng usapin, habang nananatiling sentro ng diskusyon ang balanse sa pagitan ng pananagutan at ng karapatan sa malayang pamamahayag.

Source: RMN DWNX Naga / Radyoman Paulo Papa

25/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟱, 𝟮𝟬𝟮𝟲 – Muling naging sentro ng usapan sa social media ang opposition leader ng Camarines Sur na si B**g Rodriguez matapos siyang maglabas ng isang matapang na pahayag sa kanyang pinakabagong Facebook post, kung saan tahasan niyang binatikos ang umano'y matagal nang pamamayani ng isang makapangyarihang pamilya sa lalawigan.

Sa kanyang post, sinabi ni Rodriguez na hindi siya matitinag sa kabila ng mga reklamong isinampa laban sa kanya. Sa halip, iginiit niyang ipagpapatuloy niya ang kanyang paninindigan laban sa mga isyung matagal na umanong kinakaharap ng Camarines Sur.

"𝑯𝒂𝒃𝒂𝒏𝒈 𝒔𝒊𝒃𝒐𝒕 𝒌𝒂 𝒔𝒂 𝒌𝒂𝒌𝒂𝒑𝒂𝒌𝒂𝒓𝒂𝒐𝒕 𝒔𝒂𝒌𝒖𝒚𝒂 𝒂𝒔𝒊𝒏 𝒌𝒂𝒌𝒂 𝒇𝒊𝒍𝒆 𝒏𝒊𝒏 𝒌𝒖𝒏𝒈 𝒂𝒏𝒖-𝒂𝒏𝒐𝒏𝒈 𝒌𝒂𝒔𝒐 𝒔𝒂 𝒑𝒂𝒂𝒈𝒊 𝒌𝒂𝒏 𝒎𝒈𝒂 𝒔𝒖𝒓𝒖𝒈𝒐𝒐𝒏 𝒎𝒐𝒏𝒈 𝒃𝒂𝒚𝒂𝒓𝒂𝒏, 𝒎𝒂𝒔 𝒑𝒊𝒑𝒊𝒍𝒊𝒐𝒏 𝒌𝒐𝒏𝒈 𝒎𝒂𝒏𝒊𝒏𝒅𝒖𝒈𝒂𝒏 𝒍𝒂𝒃𝒂𝒏 𝒔𝒂 𝒅𝒆𝒍𝒂-𝒅𝒆𝒌𝒂𝒅𝒂𝒏𝒈 𝒑𝒂𝒏𝒈-𝒂𝒂𝒃𝒖𝒔𝒐 𝒌𝒂𝒏 𝒔𝒂𝒊𝒏𝒅𝒐𝒏𝒈 𝒑𝒂𝒎𝒊𝒍𝒚𝒂, 𝒑𝒂𝒏𝒈-𝒂𝒂𝒏𝒂𝒃 𝒏𝒊𝒏 𝒅𝒂𝒈𝒂 𝒏𝒂 𝒑𝒂𝒈𝒔𝒂𝒔𝒂𝒅𝒊𝒓𝒊 𝒏𝒊𝒏 𝒔𝒂𝒓𝒂𝒅𝒊𝒕 𝒏𝒂 𝒎𝒈𝒂 𝒑𝒂𝒓𝒂𝒖𝒎𝒂, 𝒑𝒂𝒈𝒘𝒂𝒍𝒅𝒂𝒔 𝒌𝒂𝒏 𝒌𝒖𝒘𝒂𝒓𝒕𝒂𝒏𝒈 𝒅𝒂𝒑𝒂𝒕 𝒌𝒖𝒕𝒂 𝒏𝒂𝒏𝒈 𝒑𝒊𝒏𝒂𝒌𝒊𝒏𝒂𝒃𝒂𝒏𝒈𝒂𝒏 𝒌𝒂𝒏 𝒎𝒈𝒂 𝒏𝒂𝒏𝒈𝒂𝒏𝒈𝒂𝒊𝒑𝒐, 𝒂𝒔𝒊𝒏 𝒑𝒂𝒈𝒍𝒖𝒈𝒎𝒐𝒌 𝒌𝒂𝒏 𝒔𝒂𝒕𝒖𝒚𝒂𝒏𝒈 𝒍𝒖𝒈𝒂𝒓 𝒔𝒂 𝒎𝒂𝒕𝒊𝒏𝒅𝒊𝒏𝒈 𝒑𝒂𝒈𝒕𝒊𝒐𝒔."

Iginiit din ni Rodriguez na hindi umano ang isang apelyido ang tunay na sinusuportahan ng mga mamamayan, kundi ang mga benepisyong kanilang natatanggap mula sa pamahalaan.

Sa isang matapang na pahayag sa Bicol, sinabi niya:

"𝑨𝒏 𝒔𝒊𝒈𝒖𝒓𝒂𝒅𝒐 𝒂𝒌𝒐 𝒃𝒂𝒌𝒐 𝒌𝒂𝒎𝒐𝒏𝒈 𝒑𝒂𝒅𝒂𝒏𝒈𝒂𝒕 𝒌𝒂𝒏 𝒎𝒈𝒂 𝒕𝒂𝒘𝒐. 𝑨𝒏 𝒑𝒂𝒅𝒂𝒏𝒈𝒂𝒕 𝒏𝒊𝒏𝒅𝒂 𝒂𝒏 𝒌𝒖𝒘𝒂𝒓𝒕𝒂 𝒌𝒂𝒏 𝒈𝒐𝒃𝒚𝒆𝒓𝒏𝒐𝒏𝒈 𝒑𝒊𝒏𝒂𝒑𝒂𝒎𝒖𝒅𝒎𝒐𝒅 𝒏𝒊𝒏𝒅𝒐. 𝑶𝒓𝒂𝒔 𝒎𝒂𝒘𝒂𝒓𝒂 𝒊𝒚𝒂𝒏, 𝒎𝒂𝒂𝒍𝒊𝒏𝒈𝒂𝒔𝒂𝒘 𝒂𝒏 𝒍𝒂𝒏𝒈𝒔𝒂 𝒌𝒂𝒏 𝒂𝒑𝒆𝒍𝒚𝒊𝒅𝒐 𝒏𝒊𝒏𝒅𝒐."

Tinapos niya ang kanyang mensahe sa isang maikling ngunit matinding pahayag na tila nagsisilbing babala sa kanyang mga katunggali:

"𝑨𝒏 𝒎𝒂𝒔 𝒔𝒊𝒈𝒖𝒓𝒂𝒅𝒐 𝒂𝒌𝒐, 𝒎𝒂𝒚 𝒉𝒂𝒏𝒈𝒈𝒂𝒏𝒂𝒏 𝒂𝒏 𝒈𝒂𝒃𝒐𝒔."

25/07/2026

#𝗕𝘂𝗵𝗶𝗙𝗼𝗿𝘂𝗺𝗡𝗲𝘄𝘀 𝗜 𝗛𝘂𝗹𝘆𝗼 𝟮𝟱, 𝟮𝟬𝟮𝟲 – Dalawang malalaking proyektong pang-imprastraktura ang kasalukuyang isinusulong ni 𝗖𝗮𝗺𝗮𝗿𝗶𝗻𝗲𝘀 𝗦𝘂𝗿 𝗚𝗼𝘃𝗲𝗿𝗻𝗼𝗿 𝗟𝗥𝗮𝘆 𝗩𝗶𝗹𝗹𝗮𝗳𝘂𝗲𝗿𝘁𝗲 bilang bahagi ng layunin ng pamahalaang panlalawigan na palakasin ang konektibidad at pasiglahin ang kaunlaran sa iba't ibang bahagi ng lalawigan.

Sa kanyang pinakabagong Facebook post, ibinahagi ng gobernador ang pagsisikap na maisakatuparan ang dalawang pangunahing road infrastructure projects:

𝗧𝗮𝗴𝗸𝗮𝘄𝗮𝘆𝗮𝗻, 𝗤𝘂𝗲𝘇𝗼𝗻 – 𝗦𝗶𝗽𝗼𝗰𝗼𝘁, 𝗖𝗮𝗺𝗮𝗿𝗶𝗻𝗲𝘀 𝗦𝘂𝗿 𝗕𝘆𝗽𝗮𝘀𝘀 𝗥𝗼𝗮𝗱
𝗥𝗮𝗴𝗮𝘆 – 𝗗𝗲𝗹 𝗚𝗮𝗹𝗹𝗲𝗴𝗼 𝗖𝗼𝗮𝘀𝘁𝗮𝗹 𝗥𝗼𝗮𝗱

Ayon kay Villafuerte, ang mga proyektong ito ay hindi lamang simpleng pagtatayo ng mga kalsada kundi pangmatagalang pamumuhunan para sa kinabukasan ng Camarines Sur.

Aniya, inaasahang magdudulot ang mga bagong daan ng mas mabilis at mas ligtas na paglalakbay, mas madaling pag-access sa mga trabaho, paaralan, ospital at pamilihan, pagpapalakas ng turismo at mga lokal na negosyo, pagdami ng mga mamumuhunan, at mas maraming oportunidad para sa bawat pamilyang CamSur.

Binigyang-diin din ng gobernador na bawat kilometrong maitatayong kalsada ay nag-uugnay sa mga komunidad at nagbubukas ng mas maraming posibilidad para sa pag-unlad ng lalawigan.

"𝑰𝒏𝒇𝒓𝒂𝒔𝒕𝒓𝒖𝒄𝒕𝒖𝒓𝒆 𝒊𝒔 𝒏𝒐𝒕 𝒋𝒖𝒔𝒕 𝒂𝒃𝒐𝒖𝒕 𝒃𝒖𝒊𝒍𝒅𝒊𝒏𝒈 𝒓𝒐𝒂𝒅𝒔—𝒊𝒕 𝒊𝒔 𝒂𝒃𝒐𝒖𝒕 𝒄𝒐𝒏𝒏𝒆𝒄𝒕𝒊𝒏𝒈 𝒑𝒆𝒐𝒑𝒍𝒆 𝒕𝒐 𝒐𝒑𝒑𝒐𝒓𝒕𝒖𝒏𝒊𝒕𝒊𝒆𝒔, 𝒃𝒖𝒔𝒊𝒏𝒆𝒔𝒔𝒆𝒔 𝒕𝒐 𝒎𝒂𝒓𝒌𝒆𝒕𝒔, 𝒄𝒐𝒎𝒎𝒖𝒏𝒊𝒕𝒊𝒆𝒔 𝒕𝒐 𝒆𝒔𝒔𝒆𝒏𝒕𝒊𝒂𝒍 𝒔𝒆𝒓𝒗𝒊𝒄𝒆𝒔, 𝒂𝒏𝒅 𝒐𝒖𝒓 𝒑𝒓𝒐𝒗𝒊𝒏𝒄𝒆 𝒕𝒐 𝒂 𝒃𝒓𝒊𝒈𝒉𝒕𝒆𝒓 𝒇𝒖𝒕𝒖𝒓𝒆," ayon sa pahayag ni Governor Villafuerte.

Patuloy umanong isusulong ng pamahalaang panlalawigan ang mga estratehiko at pangmatagalang proyektong pang-imprastraktura na nakatuon sa pagpapabuti ng buhay ng mga mamamayan at pagpapalakas ng konektibidad sa buong Camarines Sur.

Sa oras na maisakatuparan ang mga proyektong ito, inaasahang higit pang mapapabilis ang paglalakbay sa hilagang bahagi ng lalawigan at magiging daan ito sa mas aktibong kalakalan, turismo, at pag-unlad ng ekonomiya sa rehiyon.

Buhi Forum News

30/07/2026

29/07/2026

29/07/2026

28/07/2026

28/07/2026

27/07/2026

27/07/2026

25/07/2026

25/07/2026

25/07/2026

Address

Telephone

Website

Alerts

Contact The Business

Shortcuts

Share

Listing takedown request