03/10/2025
Obbolummaa ja'aa
mata dureen keenya
Wahee obbolummaa
gurraan isin geenya
maali obbolummaan
Dura isin gaaffannaa
nuuf deebisaa isin
kayyoosaa barbaannaa
Kaayyoon Obbolummaa
Rabbiif Wal Jaalachuu
Jaalalaa Qabaa Bar
Milkii Ganda Lachuu
Hundi Ilmaan Namaa
Dhufaatiinsaa Tokko
Wal Jaalachuu Malee
Waliin Feenu Rakkoo
Haawaa Aadamirraa
Argamnee Hundinuu
Ergas Addaan Baane
Gurraachaa Adiinuu
Fakkeenya furadhaa
sahaabaa Rassuulaa
Obbolummaa dhugaa
calaqqee jaalalaa
Obbolummaa dhugaa
gaafa saniin argee
Rabbiif wal jaalatan
diin isaaniin margee
Yaa Dandeeytii Rabbii
Waan Feetu Taasistaa
Bahaa Dhihaa Fiddee
Jaalalaan Tursiistaa
Hamtuurraa wal dhorkaa
toltuutti wal haa ajajnuu
Rabbiif wal jaalannee
waliin haa jiraannuu !!!
Rakkoo Waliin Furaa
Waliis Haa Gargaarruu
Jaalalaan Jiraannee
Jibbaas Haa Cirruu