Rosestad 100.6fm Nuus & Sport

Rosestad 100.6fm Nuus & Sport Rosestad 100.6fm Nuus & Sport
Ons nuusspan plaas die jongste nuus daagliks

Numsa beding beter skeidingspakkette vir sy Goodyear-ledeDie metaalwerkersvakbond Numsa het beter skeidingspakkette vir ...
18/08/2025

Numsa beding beter skeidingspakkette vir sy Goodyear-lede

Die metaalwerkersvakbond Numsa het beter skeidingspakkette vir sy lede by die Goodyear-bandfabriek in Kariega verseker. Numsa het die media vandag oor die saak ingelig, na die aanleg se sluiting verlede week. Dit het aangekondig dat 64 van sy lede wat 26 jaar diens by die aanleg het, ‘n gemiddelde skeidingspakket van R1 miljoen sal ontvang. Die vakbond het ook onthul dat meer as 350 van sy ander lede ‘n gemiddelde uitbetaling van R500 000 sal ontvang. Numsa se sekretaris-generaal, Irvin Jim, sê ander lede met korter diens kan ongeveer R240 000 rand kry.

Ter illustrasie. FOTO: The Citizen

Bloemfontein se Kersvader-boemelaar is oorledeBloemfontein se eie Kersvader – oftewel die boemelaar Willie Keogh – is oo...
18/08/2025

Bloemfontein se Kersvader-boemelaar is oorlede

Bloemfontein se eie Kersvader – oftewel die boemelaar Willie Keogh – is oorlede. Dié bekende gesig sou in Oktober 71 jaar oud geword het. Hy was 'n ruk lank siek. Hy was 'n dekade of meer op die hoek van Brillstraat en Tweede Laan in Westdene in die stad te sien. Keogh het veral op Kersdae die aandag getrek as hy met sy lang wit baard en 'n Kersvader-pak en -mus in die straat te sien was. Hy het ook al die rol van Kersvader oor die Kerstyd in winkelsentrums vertolk. Hoewel hy oor die jare verskeie kere hulp met verblyf en werk aangebied is, was dit sy keuse om op straat te leef. Netwerk24 berig sy suster, Annatjie Celarius, het sy dood bevestig. Sy het al die mense wat oor die jare na hom omgesien het en wat sy as "Willie se engele" bestempel, vir hul liefde en omgee bedank.

Willie Keogh. FOTO: Netwerk24

MOTO GP: Marx Marquez maak dit nege oorwinnings vanjaar in die Moto GP-reeks na ’n suksesvolle naweek in Spielberg.Die S...
18/08/2025

MOTO GP: Marx Marquez maak dit nege oorwinnings vanjaar in die Moto GP-reeks na ’n suksesvolle naweek in Spielberg.

Die Spanjaard Marc Marquez het sy negende oorwinning van die seisoen behaal toe hy eerste onder die geruite vlag deurgejaag het by die Hongaarse Grand Prix in Spielberg.

Die Ducati-jaer het sy ‘n sesde agtereenvolgende sege vanjaar behaal en was gevolg deur landgenoot Fermin Aldeguer en die Italianer Marco Bezzechi in die derde plek.

Die heersende kampioen Jorge Martin van Aprilia Racing wat ‘n opdraende seisoen beleef het nog ‘n moeilike naweek agter die rug toe hy na slegs 13 rondes die handdoek moes ingooi.

Suid-Afrika se Brad Binder was in die sewende plek.

Marx Marquez is tans bo-aan die punteleer op 418 gevolg deur kleinboet Alex met 276 en die Italianer Francesco Bagnaia in die derde plek op 221.

FOTO: REUTERS / Gintare Karpaviciute

Twee verdagtes is vas ná 'n bendegeregtigheidsvoorval naby ReitzPolisie in die Vrystaat het twee verdagtes in hegtenis g...
18/08/2025

Twee verdagtes is vas ná 'n bendegeregtigheidsvoorval naby Reitz

Polisie in die Vrystaat het twee verdagtes in hegtenis geneem en aangekla wat verband hou met ‘n bendegeregtigheidsvoorval waar ‘n man wreed aangerand is. Dit nadat hy daarvan beskuldig is dat hy by ‘n huis ingebreek het. Die polisie is na die Petsana-township naby Reitz ontbied, waar gemeenskapslede ‘n ernstig beseerde man omsingel het. Verslae dui daarop dat die slagoffer met ‘n sambok en knopkerrie geslaan is nadat hy van diefstal beskuldig is. Hy is na ‘n hospitaal in Bethlehem gehaas vir dringende mediese behandeling, maar het aan sy beserings beswyk. ‘n Polisiewoordvoerder, adjudant-offisier Mmako Mophiring, sê die verdagtes sal na verwagting vandag in die Reitz-landdroshof verskyn.

Ter illustrasie. FOTO: Pexels

SOKKER: Die Engelse Premier-sokkerliga begin op ’n positiewe noot vir die verdedigende kampioen Liverpool.Die 20-malige ...
18/08/2025

SOKKER: Die Engelse Premier-sokkerliga begin op ’n positiewe noot vir die verdedigende kampioen Liverpool.

Die 20-malige wenners van die Engelse Premier Liga Liverpool het die nuwe seisoen goed begin deur Bournemouth met 4 – 2 op Anfield te klop.

Hugo Ekitike het in die 37ste die Reds se rekening geopen waarna Cody Gakpo , Federico Chiesa en Mohamed Salah die res bygedra het.

Antoine Semenyo het Bournemouth se twee doele aangeteken.

Arsenal het hul Premierliga-veldtog op ‘n wennoot begin toe hulle Man United met 1 – 0 op Old Trafford geklop het.

Die Red Devils het verskeie kanse geskep maar die Gunners het senuwees van staal getoon en die tuisspan se aanvalle bly afweer.

In die ander kragmetings het Chelsea en Crystal Palace doelloos geëindig terwyl Nottingham Forest vir Brentwood gestuit het met 3 – 1.

FOTO: Liverpool FC via Getty Images

Matjhabeng kan nou sy toelae op goedgekeurde projekte spandeerDie Matjhabeng plaaslike munisipaliteit het sy toelaag van...
18/08/2025

Matjhabeng kan nou sy toelae op goedgekeurde projekte spandeer

Die Matjhabeng plaaslike munisipaliteit het sy toelaag van die Uitgebreide Openbare Werke Program (EPWP) vir die 2023-24 en 2024-25 finansiële jare op goedgekeurde projekte spandeer. Dit volgens die minister vir openbare werke en infrastruktuur, Dean Mcpherson nadat 'n ondersoek gedoen is ná bewerings dat Matjhabeng die program misbruik het om hoë salarisse aan voormalige raadslede en huidige politieke ampsdraers te betaal. IOL berig daar was kommer dat dié hoë betalings van die EPWP vir politieke gewin gebruik was, eerder as om werklose mense te help. Mcphearson het nou gesê die fondse wat voorheen van die EPWP teruggehou is, kan nou gegee word om noodsaaklike projekte te laat voortgaan.

Dean Mcphearson. FOTO: insidemetros.co.za

Vrystaatse munisipaliteite skuld Eskom amper 30 miljard randDie drie munisipaliteite in die Vrystaat wat die meeste aan ...
18/08/2025

Vrystaatse munisipaliteite skuld Eskom amper 30 miljard rand

Die drie munisipaliteite in die Vrystaat wat die meeste aan Eskom skuld, is die Maluti-a-Phofung-munisipaliteit met R9,5 miljard, die Matjhabeng-munisipaliteit met R6,9 miljard, en die Ngwathe-munisipaliteit met R2,6 miljard se uitstaande rekeninge. Munisipaliteite in die Vrystaat se totale skuld aan Eskom het tot R28,4 miljard opgeloop. Volgens Netwerk24 pas Eskom verskeie strategieë toe om die uitstaande skuld in te vorder. Dit sluit in noue samewerking met die nasionale tesourie om aan blywende oplossings te werk om sy skuldlas te takel. Ekskom het wel bevestig dat geen onderbrekings in elektrisiteitstoevoer weens wanbetaling vir munisipaliteite geskeduleer is nie.

Ter illustrasie. FOTO: Pexels

Die SAKP verdedig die weermaghoof se besoek aan IranDie SAKP het die Suid-Afrikaanse Nasionale Weermag hoof, generaal Ru...
18/08/2025

Die SAKP verdedig die weermaghoof se besoek aan Iran

Die SAKP het die Suid-Afrikaanse Nasionale Weermag hoof, generaal Rudzani Maphwanya, se besoek aan Iran verdedig. Die SAKP se woordvoerder, Mbulelo Mandlana, sê Maphwanya se besoek was in lyn met Suid-Afrika se beleid. Mandlana beskuldig die regering daarvan dat hulle die DA se kant gekies het en Maphwanya vervolg het. Hy beweer dat die regering van die besoek geweet het.

Rudzani Maphwanya. FOTO: South China Morning Post

Staatseiendomsdienste se adjunkdirekteur-generaal bedank oor beweerde wanbestuurDie DA verwelkom die bedanking van die S...
18/08/2025

Staatseiendomsdienste se adjunkdirekteur-generaal bedank oor beweerde wanbestuur

Die DA verwelkom die bedanking van die Staatseiendomsdienste se adjunkdirekteur-generaal, Nyeleti Mthetwa, van die Departement van Openbare Werke en Infrastruktuur. Mthetwa het bedank nadat bewerings aan die lig gekom het rakende haar betrokkenheid by staatseiendomsdienste se wanbestuur. Haar bedanking het gekom net voordat haar skorsing gefinaliseer kon word. Dit volg op die minister van Openbare Werke en Infrastruktuur, Dean Macpherson, se onlangse ondersoeke na staatseiendomskontrakte. Die DA het die departement versoek om ‘n deeglike ondersoek na Mthetwa se werk te doen. Die party se Edwin Bath verwelkom Macpherson se missie om korrupsie uit te roei en die korrekte gebruik van belastingbetalers se geld te verseker.

Dean Macpherson. FOTO: Facebook

Superman-akteur, Terence Stamp, is oorledeDie Britse akteur, Terence Stamp, bekend vir sy rol as die aartsskurk, Generaa...
18/08/2025

Superman-akteur, Terence Stamp, is oorlede

Die Britse akteur, Terence Stamp, bekend vir sy rol as die aartsskurk, Generaal Zod in die oorspronklike Superman-films, is in die ouderdom van 87 oorlede. Maroela Media berig sy loopbaan het oor meer as ses dekades gestrek, waarin hy vir 'n Oscar genomineer was. Buiten vir die Superman-films het hy ook in ander rolprente soos The Adventures of Priscilla, Queen of the Dessert, Far From the Madding Crowd en Valkyrie gespeel. Volgens Stamp se familie laat hy, as beide akteur en skryfwer, ‘n buitengewone nalatenskap agter wat mense nog jare lank sal aanraak.

Terence Stamp. FOTO: Maroela Media

Santaco sê hulle teistering nie die publiek nieDie Suid-Afrikaanse Nasionale Taxiraad (Santaco) sê hulle het nie lede va...
18/08/2025

Santaco sê hulle teistering nie die publiek nie

Die Suid-Afrikaanse Nasionale Taxiraad (Santaco) sê hulle het nie lede van die publiek verbied om hul voertuie te gebruik om hul gesinne te vervoer nie. Woedende lede van die publiek het hierdie naweek op sosiale media beweer dat taxi-operateurs mense dwing om alleen in hul voertuie te ry.
Volgens die bewerings sê taxi-operateurs dat motoriste nie familielede kan saamry of hul kinders skool toe kan vervoer nie.
Santaco-woordvoerder, Rebecca Phala, sê die organisasie het nog nooit enige vervoermiddel op die publiek afgedwing nie.

Ter illustrasie. FOTO: iStock

Landbou-kleinhandelaars word nou in Bloemfontein opgeleiIn ‘n eerste in sy soort vir die landboubedryf, bied die Peritum...
18/08/2025

Landbou-kleinhandelaars word nou in Bloemfontein opgelei

In ‘n eerste in sy soort vir die landboubedryf, bied die Peritum Agri-instituut in Bloemfontein nou ook opleiding in die landbousektor se kleinhandel aan. Landbouweekblad berig die opleidingsinstituut wat in landbou-opleiding spesialiseer, se programme is ontwerp om huidige en aspirante beroepslui in die kleinhandelbedryf toe te rus met die vaardighede, insigte en innovasie wat nodig is om te floreer. Volgens die stigter en direkteurvan die Peritum Agri-instituut, Belinda Louw, beoog die akademie om deur teoretiese kennis met praktiese toepassing te komineer die gaping tussen onderwys en bedryfsbehoeftes te oorbrug. Sy voeg by dat die akademie in vennootskap met bedryfsleiers en onderwyskundiges werk om te verseker dat student ook toegang tot mentorskapgeleentheide kry.

Ter illustrasie. FOTO: Pexels

Address

Bloemfontein

Website

Alerts

Be the first to know and let us send you an email when Rosestad 100.6fm Nuus & Sport posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Rosestad 100.6fm Nuus & Sport:

Shortcuts

Share

Category