30/11/2025
- LekkerLuister-RadioStorie deur Bettie Kemp
Luister uit, elke weeks-aand om 20h30 op Mielie FM
Voorsmakie vir die week wat kom:
Episode 21: Oom Fred stel Nicolien bekend aan die unieke varswater palings van Palinggat by die Toeristekantoor. Engela en Jack de Wet daag ook daar op… “So glad soos ‘n paling,” noem oom Fred hom. Engela doen aansoek vir ‘n nuwe werk en Nicolien trek ‘n geheim van Tannie Ouvrou uit ‘n onwillige oom Fred.
Episode 22: Mauritz ruim sy Surf Shack op na die brand en deel sy groot planne vorentoe met Willie. By die koffie-kiosk het Dylan ook nuwe sake-planne, met Die Seekat wat gesluit word vir opgradering. Dis nie aldag dat Jack de Wet hom ‘n gaping gee nie… en hy gaan dit vat. Nicolien kom een stap nader aan haar duiklesse met Mauritz.
Episode 23: Engela ruim Die Seekat se stoorkamer op en kry allerhande verrassings… onder andere ‘n ou bliktrommel wat aan Jack de Wet behoort het. Hoekom is Tannie Ouvrou geskok toe sy dit sien en hoekom neem sy dit dadelik weg? Is daar geraamtes van die verlede daar in… soos die een waarvoor Engela haar byna dood geskrik het by die Toeristekantoor?
Episode 24: Dylan kry ‘n groot verrassing by die koffie-kiosk wat sy bemarkingsplanne ‘n hupstoot gee. Nicolien en oom Fred maak op hulle b***t ook nuwe ontdekkings daar… memorabilia en ou foto’s wat stories vertel van Bloubaai en Dylan se mense op see.
Episode 25: Dis Markdag op Bloubaai en Tannie Ouvrou en Mauritz is ook daar – sy gebruik die kans om Mauritz ‘n belangrike lewensles te gee. Willie d**k hy het Tannie Ouvrou in ‘n hoek oor Jack de Wet se omspring met die casino-voorstel… maar sy het hom gou op die agtervoet met slim voetwerk. Dis haar b***t om vir Willie skoknuus te gee.
🌽MielieFM - "Kos vir jou Ore"🌽
🎧 Download die App - Android / iPhone
🌎 Luister aanlyn - www.mieliefm.co.za
📱 WhatsApp - 0727131188
