31/12/2024
My gedagtes🫨 rondom 2024
Aaai tog, wat ’n jaar! Dit voel asof ek sommer oor tyd gestruikel het – 'n paar ure gehop, 'n paar dae geskip, en oor 'n paar maande getrip het, ooh wee ek het ook letterlik hierdie jaar grond gekoop, met my enkel in n moonboot en n gepleisterde lyf..was dit ń bewys van hoe vinnig als kan gebeur🫣! Januarie 2024 voel soos gister.
Ek sweer ek het nog aan my Nuwejaarsvoornemens gewerk... of eerder ek het probeer.
Februarie tot Mei? ’n Warboel van verjaarsdae, en ’n oordosis koek🍰
Toe rol die winter in, en ai, dit was kouer as 'n ma se kyk wanneer jy nie haar vraag verstaan en haar verkeerd antwoord, ❄️ Ek het my in my kombers soos ’n burrito gerol en myself belowe dat ek nooit weer gaan kla oor die somerhitte nie.
En toe... BOEM! Lente het gekom, amper soos 'n ou vriendin wat besluit het om vinnig in te loer en weer te gaan.
Die blomme het hul kort Instagram-oomblike gegryp, en ek het my oë geknip.....
Okay....Spoed vorentoe na die somer, toe die somer se hitte met sy braaivleis-vlieë en muskiet-invites aanklop. 🦟
het ek my eie woorde geëet terwyl ek in ’n sweetbad gesit het en my aircon soos n Harley Davidson gery het....volspoed! 🌞
Net toe ek regtig die vibe begin vang,
skree iemand:
“Dis Kersfees!” 🎄 Ja, dis reg, daar is alweer Boney M in elke winkel en ek soek desperaat ’n plek vir die kersboom....
Nou sit ek hier....
besig om 2025 te beplan met ’n mengsel van opgewondenheid en “hoekom-is-ek-nog-so-verward
gevoelens?"
Het 2024 iemand gehuur om op n fast-forward knoppie te druk? Want ek is seker ek het net geknipoog en siedaar – ons is amper in die nuwe jaar! 🚀
As tyd so vinnig aanhou, gaan ons n speedcop🫣 moet aanstel om dit ń bietjie te stop en te bribe....
Mag jy 2025 geseënd ingaan en ons mees belangrikste bron TYD met respek hanteer, jy kan baie goed doen, met geld baie koop, maar TYD staan en wag vir niemand...
Tyd is soos 'n Zoom-vergadering – Dit beweeg aan, al is jou kamera af. Jy kan dit nie pause nie, maak nie saak hoeveel jy wens jy kon nie! 🕒
Jy kan tyd nie koop nie, maar jy kan dit mors – D**k net aan al daardie ure wat jy op jou foon spandeer het om katvideo’s te kyk. Jy weet dis waar! 🐾
Tyd vra nie toestemming nie – Of jy nou klaar is met die vorige jaar of nie, dit sê: “Ekskuus, maak plek vir die volgende een!” En siedaar, dis weer Januarie! 🚀
Jy kan tyd nie terugkry nie, maar jy kan dit waardeer –
Nuwejaarswense
Mag jy hierdie jaar jou tyd reg benut – meer lag, minder stres, en hope liefde en verhoudings koester. Spandeer tyd aan die belangrikste dinge: liefde, vriendskap, kinders, kleinkinders, huwelike, en die onvergeetlike memories wat die lewe so kosbaar maak.
Veilige en geseënde Nuwejaar! Onthou, tyd mag dalk vinnig beweeg, maar die oomblikke wat jy skep, bly vir ewig. Maak hulle tel! 🌟
MDM💖
