Engcobo FM NewsFlash

12/08/2026

EZINGENAYO!

Kubonwe intombazana sele ibanda ngakwisakhiwo saseJudy ngalentsasa.
Unobangela wokubhubha kwakhe awaziwa kwaye uphando lusaqhuba.

Kuhle Ngenelwa.

30/07/2026

I DIOCESE OF MBHASHE ANGLICAN CHURCH OF SOUTHERN AFRICA, ibityelele ikhaya lakwa Mdingi kwilali yaseMkhanzi eNgcobo. Lenqubo ibikhokhelwa yi Mother's Union (Umnyano lomama kuletyalike yamatshetshi) apho ibiyokuthuthuzela olu sapho olwathi lwehlelwa sisehlo esibuhlungu sokutshelwa yindlu nempahla yonke, ne moto ezimbini, okwesibi babhujelwa ngunyana wamagqibelo uLuxolo Mdingi, obeneminyaka engamashumi amathathu anesithathu oyewatsha nendlu ngomhla wamashumi amabini ananye kule yeKhala kulo umiyo unyaka, ukanti isithethi sekhaya uNcendo Voyiya, uthi wabona idangatye lomlilo ngethuba esiya emsebenzini ngentseni, waleqisa wakwazi ukusindisa umama kuphela logama unyana baye bazama, kodwa bohlukela ukumhlangula, ngoba waye kwelakhe igumbi ezikhiyele ngaphakathi kulo, bafika sele ebhubhile. Unobangela walomlilo awukaziwa kunangoku. Kananjalo le Nkonzo yaMatshetshi kule Diocese yase Mbhashe, ithe ngxee de yanikezela ngezipho, singabalula ukutya,iingubo,iiplate, iBhedi, igas stove, kuquka ne microwave.

23/07/2026

23/07/2026

Iphantse yatsha yangqungqa I Engcobo Hardware, namhlanje umhla wama-22 kweyeKhala 2026,nezinze kwidolophu yaseNgcobo.

Iingxelo zidiz'ukuba,kuqhambuke umlilo ongaziwayo,waze wathungelanga wadala uMonakalo.

UMnini Hardware u Ali,uthe ubamba ngazo zozibini kwiNgcobo Truck and Van association,ngokukhupha ii Lori kunye neeVeni zabo zancedisa ukucima umlilo.

Ngenelwa Kuhle.

14/07/2026

Ngomhla Wesithandathu kweyekhala Bekubhiyozelwa ukuvalwa ngokusesikweni IBONANI DROP-IN CENTRE eNgcobo eKhalinyanga kwaSmith.Lomsitho nowawusungulwe ngu Bishop Ayanda Mlahlwa, esithi oku kukuxhasa abantwana abasakhulayo nokubenza bakhule ngendlela efanelekileyo yokuziphatha kakuhle ekwathi umnqweno wakhe kukubabona le ndawo iqhubeka nokwenza umsebenzi omhle noncomekayo.

10/07/2026

Umhla wamashumi amabini anes'thandathu.Engcobo kwilali yase lucwecwe emthwaku bekubanjwe inkomfa Yamantombazana Nebisungulwe yiCawe ebizwa ngokuba yi. United Congregational church of S.A (UCCSA) injongo yalenkomfa ikukuxhobisa Amantombazana ngendlela yokuziphatha.

01/07/2026

Isebe lezemfundo kwi Chris-Hani East District, lamnkele abantwana besikolo sase Nkwenkwana Primary School salapha eNgcobo, esifumene impumelelo kukhuphiswano lomculo lwezikolo ebelubanjelwe kwiphondo lase Rhawutini. I Nkwenkwana Primary School izi, National Champs in SASCE Music Competition.

24/06/2026

Mayor Cllr Siyabulela Zangqa ebetyelele isikhululo sosasazo i Engcobo FM, eyokwabelana ngolwazi, nencukhacha malunga ne Youth information and Market day event, ezakuba ibanjelwe kwi Hall yedolophu yaseNgcobo ngentsimbi yeshumi kusasa ngomso, umhla wamashumi anesihlanu kwinyanga yesilimela kulo umiyo unyaka.