Indaba Online, Hlabisa (2025)

18/07/2025

IZINKAMPANI zonogada komaspala be-IFP i-Newcastle Municipality neMadlangeni Municipality aziwubhidelanga umsebenzi zazinikelwa ukuthi zagada laba asebengoMeya kusakhankaswa before 2021 LGE.

Imeya yomaspala i-Newcastle uXolani Dube engunobhala we-IFP eKZN ithola igwinya eliqamathekile nyangazonke kwinkampani i-MI7 yamandiya elicela esigidini. Lemali ilethwa imenenja ye-MI7 uDuke ayinike uMagubane okunguyena mphathi zikhwama zikagobela uDube. Lenkampani yama-security yathintwa uDube lapha ko-2020 wayinikeza i-offer. Offer yayithi abamhlinzeke ngezokuphepha, sekuyothi kungawinwa ukhetho ngo-2021 bese engena njengemeya uyobe esegixabeza bona ngeTender yokugada izakhiwo zomkhondlu kanye nokuhlinzeka onogada bezikhulu zomkhandlu. Nempela kwabanjalo.

Lenkampani yamandiya ibivele iwugada lomaspala ngesikhathi sikaDr Mahlaba, naye wayedla kahle kuyo.

EMadlangeni Municipality eholwa uMzwakhe Lawrence Buthelezi we-IFP sithole ukuthi kungumbono kaDube ukuthi kuqashwe i-FBL kaMtshali eyehlukaniselana amaTender ne Double Action kaMthethwa. Lokhu uDube wayekwenza ngeqholo lokuthi vele uyena owagixabeza uButhelezi ngesobumeya. Lezinkampani zikhipha okwesoso okungu R45k enye R55k ofakwa ku-Capitec kamfazi kaButhelezi.

UDube wabe esesola ukuthi amantshontsho akhe awagadwe muntu EMadlangeni wabe eseyalela imeya uButhelezi ukuthi mayiqashe ustologijima wakhe as a manager ehhovisi likaMayor uSkhakhane ukuba azomelusela ukudla kwakhe. Double Action noFBL nanamhla kalokhu bayathela kwaDube nakwaButhelezi.

Asifuniseli ngalokhu. Ofuna ubufakazi akahambe ayofuna bank statement kaCapitec yomfazi kaButhelezi abuke ukuthi aziveli yini lezindodla. Aphinde ayobuka lezizinto eziningi kangaka uDube anazo ezithengwa ngoCash ukuthi usuke usukaphi kanti.

Izithombe: Xolani Dube - Newcastle noButhelezi EMadlangeni

18/07/2025

Ngomhla ka-01 June 2025 eNewlands East eLakehaven Estate uKyle Grimmet wangenela owesifazane uNoxolo Dlamini kwakhe wambulala kabuhlungu ngomklinya waze wafa qede waphuma ngokugulukudela ngewindi wabaleka.

CAS 13/06/25

Loxamu ubulala umaDlamini nje, umbulalela efulethini lakhe kanti naye loxamu ubehlala kuyona lengxangxathela yamafulethi. Uyafunwa ngamaphoyisa kunobufakazi obuqanda ikhanda obukhomba yena uGrimedi lona.

Onomkhondo athinte amaphoyisa aseduze noma uDawn @ 074 712 5855

18/07/2025

EMUVA kokushicilela ngenkohlakalo namacala aseHostela lase Tehuis eMlazi eliphethwe Usihlalo osegolozile ukwehla uMthokozisi Khuzwayo osebulele abantu abaningi kuleli Hostela lika Transnet, sekuphume isaziso esixosha abahlali. Uthi uTransnet bahleli ngokungemthetho.

Funda ngesakubika:

Part 1: https://www.facebook.com/share/p/1KhxD4j6Xe/

Part 2: https://www.facebook.com/share/p/1FM23d4QpU/

Kune FNB account obekukhokhwa kuyo oR120 umuntu emunye yakhona kwa Transnet nyangazonke. Ubeyemukelelani uTransnet pho uma labantu bebehleli ngokungemthetho na.

OKUZOKWENZEKA

Ihostela lizodayiselwa iSizovuna Investment okuyi group yabantu baseMlazi abanamasheya angu-10% eMegacity. Le group izobe isilijika leli hostela ilenze i-Studend resident saseMangosuthu. UKhuzwayo usazoqhubeka ke edle ngasese ngoba vele unobudlelwano nale Sizovuna ephethwe oGugu, Philani, Joe nabanye.

UKhuzwayo mdala kwezokudliwa kwezimali okungenanembeza. Ngesikhathi sezinhlekelele kwafakwa ithende elingubhazabhaza kuleliHostela lizohlala abantu base Megavillage. Lelitende lalikhokhelwa uR250k ngenyanga kungakabalwa ukudla. Wahlomula kanye nekhansela uMthembu kulokhu, waze wakhanda I mansion emakhaya angakubo, sake sanibonisa isithombe sayo.

Ngalomzuzu sazisa abahlali bakuleli hostela ukuthi bazoyolala ematshotshombeni nje, ingoba uKhuzwayo ubathengise shibhu.

Izithombe:
1. Mthokozisi Khuzwayo
2. Eviction notice
3. Ithende UKhuzwayo aceba ngalo ngezinhlekelele
4. Bank account abahlali abebekhokha kuyo, kodwa okunamhlanje uTransnet uthi akasabazi.

17/07/2025

Ngomhla ka-15 October 2022 ngo-05h45 kwadlula kabuhlungu emhlabeni uKhayelihle Ngema engozini yemoto mawudlula ngase Verulam mawuya ngase Airport.

UNgema wabe eliphoyisa lomgwaqo eThekwini, eyindoda eyabe isinengoduso uMaMntambo. Akakho namunye owavela wafakaza ngokuthi uyibonile lengozi yenzeka yize umgwaqo wasuphithizela kanti nemoto yayithinteke uBhampa futhi ne windscreen yayingathi ikhishwe ngesandla, ingalimele. Nama airbags ayengaqhumile.

Udaba esinalo olungemnandi neze.

Isithombe: Khayelihle Ngema iphoyisa lomgwaqo elafa ngalolusuku.

17/07/2025

INKAMPANI kaMentshiso ese-Point ephethwe indiya u-Zain libaholela makuthanda lona abasebenzi.

Emgwaqeni u-20 Mahatma Gandhi road, Point waterfront eThekwini kunenkomponi ekhiqiza umantshiso (Lion matches) ephethwe indiya uZain elingabazi nhlobo abantu.

Kulenkomponi alwaziwa usuku lokuvela ewindini. Kwakwaziwa umhla ka-25 kodwa nango 27 / 29, etc iyangena. Awubuzi mbuzo ngoba izinyawo zizogcwala udaka. Ngalolusuku okufanele bahole ngalo izikweletu nemishwalense zifica ebhange lomsebenzi itshe lominhlama. Lenkomponi inkulu kakhulu futhi yenza enhle ima njengoba ungekho umuzi ongenalo ibhemane, okushukuthi umentshiso uthengwa umuzi nomuzi.

Izithombe: uZain (indiya elinonya) kanye nezindonga zalenkomponi.

14/07/2025

Ngomhla ka-21 January 2023 phakathi nobusuku kwadutshulwa kwabulawa kabuhlungu uLungani Blessing Mbhele ngezinhlamvu ezingu-6 zesibhamu i-rifle eduze kwe-flat ayeyiso lalo eThekwini ku-Helen Joseph road wafa ujuqu.

Case number: 326/1/2023
Umseshi u-BB Ngubani
Umbilo Police Station

Ngolwesihlanu lomhlaka 21 January 2023 ngo 02h00 ezintathakusa kwangena ucingo komunye womndeni lushaywa uMuzi Mabaso azisa ngokulinyazwa kuka Blessing. Lensizwa ibiyenza imisebenzi ehlukahlukene kodwa obuqondile beyiyi CPO (Close Protection Officer), bese iwabamba namanye amatoho ayisipesheli. Ngosuku abulawa ngalo wayekade enza building eviction kulelibhilidi ayelibhekile (caretaker) okwaba khona nezinsongo kwezinye izinsizwa. Ocwaningweni lwe Indaba Online sithole ukuthi akukhandanga ubutha kangako lokhu kwalezansizwa.

ITULO

Ngongcibijane wango 2022 isimo asibanga sihle ku Blessing nowakwakhe uPhindile Khuzwayo. UmaKhuzwayo ingoduso yakhe ayehlala nayo njengoba waseke wavela kwaKhuzwayo. Ingxabano yalaba yadalwa ukuthi uBlessing wathola ngomqomo wowakwakhe okwase kuphoqa ukuthi amlaxaze. UmaKhuzwayo wabe esehlela ukusoconga lensizwa yakwaMbhele masinya. Ngelanga lomncwabo UmaKhuzwayo wavezela umndeni izindaba zokuthi yena noBlessing bese beshadile. Indaba Online ibe isiyobhekisisa kahle lomshado. UBlessing ubulawe Ngomhla ka-21 kanti Isitifiketi salomshado sibhaliswe Ngomhla ka-24 January 2023 esesemakhazeni. Incwadi kamfundisi eyavezwa UmaKhuzwayo ithi bashadiswa Ngomhla ka-06 kuwona uMasingane. Lomshado wabhaliswa e-Verulam.

Lomshado wasuphuthunyiswa nje esefile UBlessing ingoba ingoduso yayifuna ukudla nezinto zakhe. Lensizwa yabe inezimoto I Range Rover evoque ne-Cruze. Wazishaqa UmaKhuzwayo. Insolo yayiningi ngengoduso ngoba wayenqaba ngisho ne-ID kamufi sekumele kuyolandwa isidumbu sibhekiswe eMpangeni ekhaya. Lensizwa yayinayo imali kodwa akuphumanga ngisho isenti elimdaka igweve nengoduso. Ibiyishaya lensizwa imisebenzi ekhokhayo njengoba yake yagada ngisho uMengameli we-DA uJohn ehambele eThekwini.

Umuntu owaqasha inkabi uPhindile Khuzwayo owayeyingoduso. Uma amaphoyisa esafisa ukubopha ngalelicala mawashaqe UmaKhuzwayo nje qha.

Izithombe: UBlessing Mbhele kanye nombulali uPhindile Khuzwayo.

12/07/2025

SESIBUYILE

Sizokhiqiza udaba nomuntu kusasa. Asesabi, asesatshiswa.

11/07/2025

Ngomhla ka-21 January 2023 phakathi nobusuku kwadutshulwa kwabulawa kabuhlungu uLungani Blessing Mbhele ngezinhlamvu ezingu-6 zesibhamu i-rifle eduze kwe-flat ayeligada eThekwini ku-Helen Joseph road wafa ujuqu.

Owayaziwa njengentombi kaMbhele waveza izindaba zokuthi besebeshadile umndeni ungazi ngosuku lomncwabo wase eshaqa amafa ayehlanganisa ne Range Rover Evoc.

Seluphothuliwe loludaba, sesilinde isithombe esisodwa somoni bese siludedela.

Isithombe: uLungani Blessing Mbhele umufi

10/07/2025

UBUNZIMA obubhekene nabasebenzi abashayela izithuthuthu base Checkers 60 Sixty bokungcintisana nabokufika abangovumazonke emandiyeni aphethe.

Lapha kuqashwa kakhulu abokufika ngenhloso yokuqinisa isikimu sabasebenzi abangezokuba nezikhalo njalo. Kubasebenzi abawu-100, abokufika basuke bewu-60 lapho nani bafundi niye nibabone bemnyama kakhulu ezithuthuthwini zalesitolo.

Into eyenzeka lapha nansi:

1. Labonombembeshwane basayiniswa izinkontileka eziwumqingo njengebhayibheli into ongathi ngisho uyifunda ungayiqedi, ngenhloso yokubadida vele.

2. Baqashwe njengama independent contractors kodwa yonke into bayaphoqelelwa amandiya abanika imiyalelo njengo 'boy' babo.

3. Kudonswa ingxenye yomholo kuthiwe eyomshwalense. Zibagingqa nsukuzaphuma izithuthuthu kodwa awukhokhi. Lomshwalense kwakuthiwe masikusakaze phansi isithuthuthu uzokuholela uR2500 ngesonto uselulama kodwa lutho. Umshwalense wamandiya.

4. Awexwayiswa lapha uma uke wanomlomo omanzi, izinyawo zigcwala udaka bese kuqashwa owokufika masinyane.

5. Ayikho indaba ye-leave lapha, uma uke wangababikho kwedlula 7 days usuke usumakwe as inactive, mhlezane ubuya uqashwa kabushwa.

6. Lamandiya aphethe lapha anomkhuba wokuholela extra bese beyidonsa cishe uhhafu womholo usale ungcela isithupha nomlomo omhlophe wendlala.

7. Lesisitolo sabanika izithuthuthu abazikhokhela weekly as rent to own R469 kodwa awuqedi ukukhokha ukuze kube esakho. Uma sebekuxosha bayakwephuca bethi hamba khaya. Babayekisa ukuyoziqongqothisa kobhushimakhenikha bebakhombe emandiyeni. Insimbi engu R300 ngokujwayelekile, lawomandiya ayibize R1000.

Indiya elinonya kakhulu eliwumenje uShaun Chetty. Labasebenzi bacindezelekile kwamali abasayiboni. Abokufika yibona abazimfivilithi kubaphathi abangamandiya ngoba abakhali ngalutho.

09/07/2025

ISIQHWAGA uFakude sigoloze nomuzi wezingane zakwaKunene ezafelwa abazali eNseleni, uhleli kuwo njengowakhe.

Ngonyaka ka-2004-2005 kwashona ubaba uKunene nomama Kunene abanomuzi e 1299 ku-Ward 7 ngaphansi kwekhansela uZwane kuMhlathuze, eNseleni. Izingane zabo uSphelele nodadewabo kwaphoqeleka ukuba baye ezihlotsheni ngoba babebancane kwedlula abazali emhlabeni. Lomuzi wabe usuqashisa kwaze kwaba bayakhula.

Ngonyaka ka-2012 labantwana babuyile lapha eNseleni bafika sekunendoda ehlala kulelikhaya labo yabatshela ukuthi abayisayinele amaphepha lomuzi uze egameni layo ngoba vele sekungowayo, into nje ishoda ngamaphepha. Zangavuma lezingane. Kwanamhla kalokhu lendoda ayiphumile, abantwana sebezame konke ngisho nekhansela lendawo uZwane liyalwazi loludaba kodwa lesaba lendoda ebizwa ngoFakude. Lendoda iyaziwa eNseleni iyisihonga, lomuzi iwudle ngenkani njengoba inemiqasho eminingana kulendawo.

Lezingane sezingomantuntanendishi azinakhaya zihambe zingcikiswa zibe zinekwabo ezalishiyelwa abazali. Amaphephe onke aqondile egunyeni lalabantwana, inkinga abazi benzenjani ngaloGoliyathi.

Nina enazi umthetho velani nisize labantwana.

Izithombe: uGoliyathi uFakude nezincwadi zomuzi ezivuna lezingane zakwaKunene.

09/07/2025

UTHOLE i-ID yakuleli ngomgunyathi ebe enamaphepha aseSwatini waze waqashwa wayiphoyisa eMalahleni eMP.

Owesifazane uLungile Hopewell Motsa odabuka eSwatini ozalelwe eNdzevane one-ID (8805111100776) weqa ezweni lakubo lamaswati wawelela eMpumalanga okuyilapho afike wenza umgunyathi nomnyango wakwa Home affairs.

Ngomhla ka-20 September 2018 Lentokazi yafike yagwaza base beyenzela i-ID yakuleli isizish*tshile isibongo yengeza negama elisha isiwu Duduzile Lungile Makhunga. Kube sekuphuma izikhala zamaphoyisa kuleminyaka edlule yasho phakathi, sikhuluma nje iyiphoyisa khona eBelfast eMP.

Lobu ubugebengu obubi obenziwa uHome affairs ukuthi lezifikanamthwalo buka sezidla ngisho amathuba emisebenzi ezingane zakuleli. Luyaziwa loludaba ane lentombazane ipheqwa uCommander khona eMalahleni, aluthintwa.

Izithombe: Isitifiketi sakhe saseSwatini ne-ID ayithole ngomgunyathi yakuleli.

09/07/2025

SEKUMENELE obezibiza ngodokotela 'Dr' Andile Hlatshwayo waseMnambithi esake sabhala ngaye ngomhla ka-02 June 2025 sithi waqola owesifazane imali ewu-R350k yohambo lokuyolanda ama-Drugs eDubai.

UHlatshwayo ushona nje iningi labesifazane linesililo ngaye njengoba ebebazela ngothando bese ewaka imali. Sizochaza maduze ukuthi ubegula nje ubenani.

Funda udaba esake salubhala ngaye: https://www.facebook.com/share/p/19X1DhAqRg/

Indaba Online

18/07/2025

18/07/2025

18/07/2025

17/07/2025

17/07/2025

14/07/2025

12/07/2025

11/07/2025

10/07/2025

09/07/2025

09/07/2025

09/07/2025

Address

Website

Alerts

Shortcuts

Share

Category