Incwadi Yamaphupho

Incwadi Yamaphupho Contact information, map and directions, contact form, opening hours, services, ratings, photos, videos and announcements from Incwadi Yamaphupho, Digital creator, 17208 Ext 9 Phase 3, Johannesburg.

13/05/2026

Ukuphupha amanzi angcolile kanye nezincazelo zawo

Ngokwesiko lesiNtu, ukuphupha amanzi angcolile kuvamise ukubonwa njengophawu lwezinkinga ngokuka moya, ukungcola kwezindlela zakho, noma isexwayiso ngokuthile empilweni. Incazelo iya ngokuthi amanzi ayenjani ephusheni nokuthi wawenzani kuwo.

N**i izincazelo ezijulile ngamanzi angcolile

1. Amanzi amdaka noma amnyama
Kungasho ukukhathazeka, izitha ezifihlekile, abantu abanomona abakuzungezile noma isifo.

2.Ukuwela noma ukubhukuda emanzini angcolile
Kuvame ukubonisa ukuthi umuntu udlula esikhathini esinzima, izingxabano, noma izinkinga empilweni.

3. Ukuphuza amanzi angcolile
Abadala bavame ukukuhumusha njengophawu lokungena ezimeni ezingalungile noma ukungamwa imimoya engalungile empilweni yakho.

4. Amanzi angcolile endlini
Kungasho ukungaboni ngaso linye ekhaya, ukungezwani komndeni, noma umoya ongalungile osindayo ekhaya.

5. Uma amanzi egcina ehlanzeka ephusheni
Lokho kuvamise ukuba uphawu lokuthi izinkinga zizodlula futhi impilo izophinde icace.

Ngokwesintu, amanzi ephusheni axhumene kakhulu, emizwa, umoya womuntu, nabaphansi noma izexwayiso zempilo.

Kodwa iphupho alisho into eyodwa kubo bonke abantu. Isimo sakho sempilo nesenzakalo ephusheni kubalulekile ekulichazeni kahle.

γ‚š

13/05/2026

Usefikile uMgcotshwa uDladla ngamaphupho ajulile nezichazelo zakhona

Ukuphupha iklabishi lokho kuchaza ukuthi kunomuntu omaziyo okhulelwe, kuphinde kuchaze inhlupheko, kuphinde kusho isifo esiza maduzane.
Ukuphupha ngezulu lihlokoma lokho kusho ulaka lwabaphansi, kukhona osuke ukwenzile noma kwenzekile emdeneni okungajabulisi neze abaphansi.
Ukuphupha ukuthi udla amaqanda kusho ukuthi nempumelelo emsebenzini noma esikoleni. Uma udla amaqanda abolile ephusheni lakho lokho kusho ukuthi kuzoba nenkathazo empilweni yakho.
Ukuphupha amanzi ahlanzekile phakathi kuwo kunezinhlanzi kanye nenyoka lokho kusho ukuthi izinto zakho ziyakhanya.
Ukuphupha udla amapetshishi kusho ukuthi uzoba nenjabulo empilweni yakho.
Ukuphupha uMamawakho eshonile ephusheni lakho kusho ukuthi uzogula kakhulu, mkhuthaze ukuthi ashintshe indlela enza ngayo.
Ukuphupha ubona ikati kuwuphawu olubi olusho ukuthi abantu osebenza nabo noma ophila nabo awukwazi ukubathemba.

Lamaphupho nezichazelo zawo niwethulelwa uMfundisi uDladla uMgcotshwa ozimele wamaphupho.

γ‚š

13/05/2026

Makubenjalo ngoShembe. Amen πŸ™

γ‚š #

13/05/2026

Yebo uyaphupha, kodwa ingabe uyazi ukuthi amaphupho wakho aqukethe miphi imilayezo?

Omunye angaphupha ebona iqanda avuke azitshela ukuthi unenhlanhla kanti iphupho lakhe liprofetha ukuthi kwasetshenziswa iqanda ukuvala izinto zakhe.
Omunye angaphupha ethandelwe inyoka avuke azitshela ukuthi uthandwa idlozi kanti iphupho lakhe liprofetha ukuthi kwasetshenziswa izicubu zenyoka wase ushadiswa nayo.
Omunye angaphupha esesikhathini avuke azitshele ukuthi unesichitho kanti iphupho lakhe liprofetha ukuthi waphuphumelwa isisu.
Omunye angaphupha bemupha imali yephepha avuke azitshele ukuthi inhlanhla yakhe iyabuyiswa kanti iphupho lakhe liprofetha ukuthi wavalwa ezimalini ngokunikwa imali eyiphepha.
Omunye angaphupha asengozini yemoto azitshele ukuthi kukhona ofuna ukuthwala ngaye kanti iphupho lakhe liprofetha ngengozi engavaliwe ekhaya.
Omunye angaphupha isiziba esicwebile azitshele ukuthi unemimoya yedlozi kanti iphupho lakhe liprofetha ukuthi unayo inhlanhla yomnotho.
Omunye angaphupha efunda isikole avuke azitshele ukuthi intwaso kanti iphupho lakhe liprofetha ukuthi kumele asebenze kanzima ezifundeni zakhe ukuze aphumelele.
Omunye angaphupha ashaya inyoka encane ehlaza avuke azitshele ukuthi isitha kanti iphupho lakhe liprofetha ukuthi kukhona into angayenzi kahle edlozini lakhe lezalukazi.
Omunye angaphupha ufudu avuke azitshele ukuthi ibhadi kanti iphupho lakhe liprofetha ukuthi izinto zakhe zenziwe ukuthi zize kuye kancane.
Omunye angaphupha inkanyezi avuke azitshele ukuthi isithunywa kanti iphupho lakhe liprofetha ukuthi kwenziwa ubuthakathi obujulile ngenkanyenzi wase ethakatheka.
Omunye angaphupha ephuma amazinyo avuke azitshele ukuthi uzolahlekelwa okusemqoka kanti iphupho lakhe liprofetha ukuthi unemimoya yabantu abadala.
Omunye angaphupha ashada uvuke ukuthi ushadiswa nesilwane kanti iphupho lakhe liprofetha ukuthi unenhlanhla yomshado.
Omunye angaphupha ephuza itiye elinobisi avuke azitshele ukuthi abadala bacela itiye kanti iphupho lakhe liprofetha ukuthi kumele enzele izithunywa iLadi.
Omunye angaphupha amatshe avuke azitshele ukuthi uyagadlwa kanti iphupho lakhe liprofetha ukuthi makayeke amagqubu.

Indaba yamaphupho ijulile kakhulu, uma unephupho elikukhathazayo ungapholisi maseko buza kuMgcotshwa Wamaphupho Ovelele, ngize nayo inkulumo yephupho lakho.

γ‚š

25/04/2026

Thina siyihlahla. uMsamo wona uyizimpande saso.

Lokhu wumbono ojulile futhi oyiqiniso kakhulu ngokwakhiwa komuntu omnyama nendlela esihlobene ngayo nalabo abangasandulela.

Isifaniso sesihlahla nezimpande ngizosiveza ngale ndlela elandelayo.

Izimpande azibonakali ngamehlo ngoba ziphansi komhlaba, kodwa yizona eziphethe impilo yesihlahla. Njengoba izimpande zidonsa amanzi nezondlo emhlabathini, umsamo udonsa amandla, isivikelo, nezibusiso emhlabeni wezimoya.

Isihlahla esinezimpande ezibunile noma ezinqunyiwe asikwazi ukumelana nemimoya evunguzayo. Ngokufanayo, umuntu ongenaye umsamo ohlelekile uvame ukuba nezinkinga zempilo, inhlanhla, nokuphazamiseka kwengqondo ngoba izimpande zakhe azibambelele ndawo. Thina esisaphila siyisiqu namagatsha abonakalayo emhlabeni. Isihlahla sikhula siye phezulu, kodwa asikhohlwa lapho siphumela khona. Thina siwubufakazi bokuthi izimpande okungaboKhokho zisaphila. Uma siphumelela, kusuke kuqhakaza amandla okhokho bethu ngathi.

Isihlahla esikhule kahle sinikeza abanye umthunzi. Umuntu oxhumene kahle nomsamo wakhe uba yisibusiso nasemndenini wakhe nasemphakathini. Izithelo zesihlahla yizona ezithwala imbewu yakusasa okuyiZukulwane. Uma umsamo okuyizimpande unempilo, isihlahla sizothela izithelo ezinhle okungukuthi izingane eziziphatha kahle, eziphumelelayo, neziqhubeka negama lomndeni. Uma izimpande zinezifo, izinyanya ezifulathele noma ezikhalayo, izithelo zivame ukubuna zingakavuthwa.

UMgcotshwa uDladla unitshela ukuthi, ukuze isihlahla sibe side futhi siqhakaze, kumele sinakekele lapho siphumela khona.
Noma ungaba mkhulu kangakanani emhlabeni, ube nemfundo noma ingcebo, ngeke uze ube namandla ukwedlula izimpande zakho.
Ukunakekela umsamo wukuthela amanzi ezimpandeni zakho ukuze wena namagatsha akho izingane zakho ningalwebi.

Lomlayezo niwethulelwa nguMgcotshwa uDladla iNkosan'yeSiziba 🌊 πŸ§œβ€β™‚οΈ enguMhlaziyi Wamaphupho Ovelele

γ‚š

25/04/2026

Subscribe to get exclusive benefits:
https://www.facebook.com/100087864505528/subscribenow

Amaphupho aphindaphindwayo. Kungani isigijimi singashintshi? πŸŒ™βœ¨

Ingabe uke uzithole uphupha iphupho elilodwa izikhathi eziningi? Mhlawumbe uphupha usekhaya lenu elidala, uphupha ubhala ukuhlolwa ungakulungele, noma uphupha ubalekela into ongayiboni?
Uma iphupho liphindaphinda, uMoya uba nomfutho wokukutshela okuthile. N**i izizathuπŸ‘‡.

ISIFUNDO ONGAKASIFUNDI
Kukhona into empilweni yakho yamanje okumele uyilungise noma uyifunde, kodwa usayiziba. Iphupho ngeke liyeke kuze kube uyayithatha leyo nyathelo.

ISIXWAYISO EZIPHUTHUMAYO
Kwesinye isikhathi amadlozi noma uMoya uzama ukukuvimba endleleni eyingozi osekulindeleke ukuthi uyihambe.

INXEBA ELINGAPHOLI
Amaphupho aphindaphindwayo angakhombisa into eyenzeka emlandweni wakho esadinga ukuhlanzwa noma ukuthethelelwa ukuze umphefumulo wakho uthole ukuphumula.

NB: Ungalizibi iphupho elibuya njalo. Thatha isikhathi sokukhuleka, ucele ukukhanyiselwa, futhi ubhale phansi yonke imizwa oyizwayo uma uvuka kulo.

Wena yileli phi iphupho elihlale likuvakashela njalo? Ake sikhulume ngalo kumaComments.πŸ‘‡πŸΎ

25/04/2026

Yini iDlozi LeNdauwe neNdiki?

Idlozi leNdauwe neNdiki yimimoya emibili eyahlukile kodwa evame ukusebenza ndawonye ezindabeni zobungoma nobuhlakani bomdabu baseNingizimu Afrika. Le mimoya yaziwa ngokuba yimimoya eza ngaphandle kwegazi lomndeni kodwa efuna ukuba ngabaphathi bomuntu.

IDLOZI LENDAUWE
Lidabuka ezindaweni zaseMozambique naseZimbabwe futhi livame ukuletha amandla okwelapha, ukubona izinto, kanye nokuxhumana nemimoya. Abantu abaneNdauwe bafunda ngezinto zokwelapha ,izintelezi nemithi, ukubhula, futhi bavame ukuba nomoya wokunakekela nokusiza abantu. Bangase babonise izimpawu zokukhuluma izilimi zangakubo isiNdau noma isiShona.

IDLOZI LENDIKI
Nayo ingumoya oza ngaphandle kwegazi. Inamandla amakhulu okubona izinto ezingabonwa ngamehlo kanye nokuxhumana nezinto zomoya. INdiki ivame ukwenza umuntu azizwe engaphathekile kahle emzimbeni, izinhlungu zomzimba, ikhanda, ukushisa izinyawo, uma ingamukelwa noma ingasetshenziswa. Ivame ukufuna ukugcotshwa ngezinto ezinemibala efana nokumhlophe nokuluhlaza okwesibhakabhaka.

Ukusebenzisana kwazo, Indauwe neNdiki zivame ukuhambisana. Indauwe iletha ulwazi lokwelapha, kanti iNdiki iletha amandla okubona nokuxhuma nomoya. Lesithunywa noma Idlozi lithathwa njengomoya oza nomuntu ukuba azolungisa izinto empilweni yakhe neyomndeni wakhe.

UKUZIVUSA
Zivuswa ngokwenza amasiko, ukushisa impepho, ukuxhumana ngomthandazo, kanye nokusebenzisa amanzi ahlanzekile (imifula noma amadamu).

IZIMPAWU ZOKUVUKA KWALEMIMOYA

AMAPHUPHO
Ukuphupha izinto ezingajwayelekile, amanzi, izilwane, noma ukubona abantu owungabaziyo.

UKUGULA
Izinhlungu zomzimba ezisukayo zibuye zibuye, ikhanda, ukungadli, nokukhathala.

UKUPHUPHA UKHULUMA IZILIMI
Ukuphupha ukhuluma ulimi ongalwazi olungaba ulwimi lwangaphandle.

OKUMELE UKWENZE
Uma uzwa lezi zimpawu, kuvame ukuboniswa ukuthi umuntu aye kozikhuza, ukuboniswa izinyanga noma izangoma eziqeqeshiwe ukuze kutholakale ukuthi yisiphi isithunywa noma idlozi elikhulumayo futhi yini eliyifunayo.

Lomlayezo ngeDlozi leNdauwe neNdiki niwethulelwa nguMgcotshwa uDladla iNkosan'yeSiziba 🌊 πŸ§œβ€β™‚οΈ enguMhlaziyi Wamaphupho Ovelele

γ‚š

25/04/2026

UBUHLUNGU NOBUNGOZI BEDLISO

UKUGULA NGOMZIMBA
Idliso lingaba ubuthi obuhamba kancane (slow poison) obubulala umuntu kancane kancane. Izimpawu zihlanganisa ukuzwa sengathi kunento ehambayo esiswini, ukukhwehlela, ukushoda komoya, nokuba nobuthakathaka emzimbeni.

UKUPHAZAMISEKA KWENGQONDO
Umuntu odlisiwe angase angasasebenzi kahle engqondweni, aphatheke njengomuntu olawulwayo ngoba umcabango wakhe uba kulo muntu owamdlisayo.

UKULAHLEKELWA IDLOZI NOMA UKUVALEKA
Idliso liyakwazi ukuvala idlozi lomuntu, limenze angaboni kahle, azondwe abantu, futhi alahlekelwe yinhlanhla.

UKUBULALA IMINDENI NOTHANDO
Idliso lingabangela ukuthi umuntu azonde umndeni wakubo kodwa athande umndeni womuntu omnikile, lokhu kuholela ekutheni imindeni yehlukane.

UKWENZA UBUFEBE
Idliso lothando kwesinye isikhathi lenza ingane yabantu ifebe, iphuze, futhi ibe yinto engasaziphathi kahle.

UKUFA
Uma idliso lihambe kabi noma lingalungiswanga kahle, lingaholela ekufeni komuntu odliwe.

UKUPHUPHA UDLA
Izimpawu zihlanganisa nokuphupha udla, uhlafuna, noma uhlangana nomuntu ulele.

IZINHLOBO ZEDLIZI
IDLISO LOKUDLA
Libizwa ngokuthi idliso lophiko lenkukhu noma amanye amakhambi afakwa ekudleni noma emanzini.
IDLISO LOMOYA
Lona libi kakhulu ngoba kuthunywa isilwane ebusuku ukuthi sifunze umuntu ulele, okwenza umuntu angasebenzi kahle empilweni.
Isixazululo

Abantu abathinteke kule nkinga bavame ukwelulekwa ukuba baphalaze, bageze ngemithi, noma bayothola usizo lwezangoma noma izinyanga ukuze kukhishwe idliso emzimbeni.

Lomlayezo niwethulelwa iNkosan'yeSiziba 🌊 πŸ§œβ€β™‚οΈ uMgcotshwa Wamaphupho Ovelele
γ‚š

Address

17208 Ext 9 Phase 3
Johannesburg
7208

Website

Alerts

Be the first to know and let us send you an email when Incwadi Yamaphupho posts news and promotions. Your email address will not be used for any other purpose, and you can unsubscribe at any time.

Shortcuts

Share

Category