22/11/2023
Leef en laat leef, dis mos Kersfees. Nou meer as ooit.
Vir die wat glo in Kersfees, laat hulle.
Die wat nie glo nie, laat hulle.
Die wat kruideniers koop sonder om te kyk of daar 'n son, maan of ster op die goed is, laat hulle.
Die wat koop en alles ondersoek, laat hulle.
Die wat geskenke koop, laat hulle. (Ek het egter hier iets te sê, konsidereer die wat 'n effe kleiner budget het as jy en moet asb nie jou kids se DUUR geskenke onder hulle neuse vryf nie - laat ander mense ook toe om klein goedjies te waardeer en trots te wees)
Die wat nie geskenke koop nie, laat hulle.
Die wat hulle huise versier, laat hulle.
Die wat nie, laat hulle.
Moet ook nie - namens jou charity - ander laat skuldig voel omdat hulle charity by hulle eie huis begin nie. Dis wat hulle kan bekostig.
Jy kan niemand beheer, behalwe jouself nie.
Toedels en vroedels.
