Nduduzo Nqobani Dladla

  • Home
  • Nduduzo Nqobani Dladla

Nduduzo Nqobani Dladla Izindaba Kanye NeziNkondlo imicabango yami iphenduka intokozo yakho. Ungakhohlwa ukucindezela u Follow,react and share my postsπŸ™πŸΎπŸ’―πŸ‘‘πŸ‘‘
(3)

Umbango Wezizwe(Mpikayipheli)Ep 43/50EGingaMakhosiBahleli phansi abo Gingqabafo nebandla,u Hlabangizwe, u Mkhulisi kanye...
04/06/2025

Umbango Wezizwe
(Mpikayipheli)
Ep 43/50

EGingaMakhosi

Bahleli phansi abo Gingqabafo nebandla,u Hlabangizwe, u Mkhulisi kanye no Mkhapheli, balinde u Mpikayi aphume esizibeni. Phela ifu ebelibalandile zange lisamdedela yena lingene naye esizibeni kwazise besekukubi kakhulu, mukhulu umonakalo owenziwe u Ngidi nobhululu bakhe.

Mkhapheli:ey babhemu nithi uzophuma nje lomuntu lapha

Gingqabafo:sukutatazela ndoda uzophuma yize kukubi nje

Mkhulisi:kubi impela, selokhu ngayazi inkosazane zange ngayibona itubeke kanje

Hlabangizwe:kudela owaziyo kaze be kwenzakalani kanti lapha

Mpikayipheli:(eqhamuka emvakwabo) bezisho ukungijuqa lezinj*

(bephenduka bonke bexakwe ilomuntu oseqhamuka ngemumva bemlinde phambili

Mkhapheli:(esukuma) awu nogwaja ozikhundla khundla bawulinde ngapha wavela ngale. U kahle kodwa?

Mpikayi:kubi madoda sidinga indlela esheshayo yokulanda uThuthu lapha engaze alujuqe lonke u Mdletshe

Gingqabafo:haha ngeke alunge kwezami nhlobo

Mkhulisi:nakancane (efakaza)

Mpikayi:kuzokwenzeka (esho ephenduka sakubafulathela)

Badidekile ke manje ukuthi kungani ekhuluma ngalolu hlobo, khona usho ukuthini Uma ethi u Mdletshe eyedwa angagingqa uThuthu, noma mhlampe ubala nebutho likaNgidi leli eligcwele lapha.

Mpikayi:(eqhubeka) Empeleni lapha bekuthwetshulwa amandla ami

Hlabangizwe:(ehlahle amehlo ukuthuka) ngabe ikhona into enjalo

Mpikayi:Nami bengingazi, kodwa nakhu bakwenzile

Mkhulisi: izothiwani ke lena?

Mpikayi:Ngamanzi amancane kunina, kodwa Mina ngeke ngikwazi ukunisiza ngalutho, njengamanje ngiyafana nje nomuntukazana ongelutho kuhluke kancane.

Mkhapheli:Manje uqonde ukuthi amandla akho asekuNgidi onke

Mpikayi:ayi onke kepha idlanzana lawo ebelingakumina ulitholile kepha angakini zange awathole.

Gingqabafo:Mina angiqondi(bemvumela abanye)

Mpikayi:(usabafulathele namanje) ngizochaza, Empeleni mhla ngifaka kumfelandawo wobukhosi, ngaphinde nganabela ngamandla enginawo. Lokhu kusho ukuthi nonke nobane ninengxenye yamandla ase Ginga makhosi, sisonke sixhumene ngaleyo ndlela. Uma nje sisaphila sonke sisabambebe akekho oyosinqoba. amandla obukhosi ahlukene kahlanu ke manje, awomlilo kuwe Hlabangizwe, awomoya kuwe Mkhapheli, awomhlaba kuwe Mkhulisi, awehlathi kuwe Gingqabafo ingakho Kunguwe kuphela okwazi ukulawula u Untombinkulu Uma ngingekho. Kanti awoku gcina okuyiwo athathwe u Mdletshe ngawamanzi.

Mkhulisi:manje silulanda kanjani uThuthu umdletshe angaze adale umonakalo

Mpikayi:(aphenduke ababheke)thathani lapha (evula isandla kuvela amatshe amahle anemibalabala sakukhanya) lokhu sikubiza nge Vulamzila, Uma ukuphethe lokhu kukuthatha kukubeke noma kukuphi lapho ofisa ukuya khona ngemizuzwana nje. Kanti noma ngabe yini oyithinta ngesandla sakho uhamba nayo.
πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

Embelebele kwesika Ngidi

Selokhu ibambene impela, kusho umkhonto ngapha nangapha ngenkathi kutheleka uGingqabafo naboMkhulisi abavele batheleka nje esthubeni. Kube engathi libezwa ngamakhala uThuthu lavele lazihlunga lona empini laqoqekela ngakubo.babe benyamalala bonke.

Zasala zishukana zodwa ezihlanganiswe uNgidi kwazise bezivele zingazi ukuthi ubani olwa nobani, azibonanga nokuthi kukhona abahambile.

Mdletshe:(Ephaphama ephenduka kancane, asukume ame ngezinyawo)

Kanti noNgidi naye ubeqeda kuphaphama ephuthuma ukungena endlini, wazithela kuMdletshe omile embuka

Ngidi:silingo Mdletshe usupoka ungakatshalwa nokutshalwa

Mdletshe:utshelwe ubani ukuthi ngifile

Kwaba ima ibuya ingqondo ku Ngidi

Ngidi:aybo usho ukuthi kusebenzile!

Mdletshe:ake sibone (ecosha umkhonto, kube umzumzu besekulele uyaca kubo bonke lava bathakathi akade begcwele lapha kwazise zange bazihluphe ngokuphuma bazwile iklwa liyakhala LA ngaphandle)

Mdletshe:kusuka namuhla yimi isilo samabandla, wena sewukhonza kimi (esho kuNgidi)

Ngidi: awu kodwa Kade ngikwethembe Kangaka mnewethu ungayenza yini leyonto

Mdletshe:Ngaphandle Uma ufuna ukufana nabo(, esho ekhomba izidumbu ezigcwele layindlini, bese ehleka kakhulu, ahleke kuze kube ngath kunanela esibhakabhakeni. Kwathuka zonke izinsizwa emnyango zama zayeka ukulwa zabheka phezulu) hahahaha ngasho ngathi kogcina Mina, wena Mpikayi bekumele ufe esanethuba, manjeke umkhonto uzodla umniniwo ngizozifikela mathupha kuwe(eqhubeka ehleka)

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
Iyaqhubeka

03/06/2025

Sanibona, ay njengengane enendlebe ngizwile bakwethu asiqhubekeni nawo umbango wezizwe. Kusuka kusasa ngizobe ngaba izithebe 🀞🏾impela

28/05/2025

Sanibona zwelethu sithembe niyaphila.Thina asisoli lutho phezu kwezimo.

Njengo mbhali umdlandla wokuqhubeka nendaba yethu usakhona kuphela ngi worried ngokuthi sesiside kakhulu iskhathi hleze abanye sebekhohliwe nokuthi kwakwenzakalani. Ingakho ngizocela muzi wakwethu ukuthi siqale enye indaba.Engithembisayo ukuthi izoba mnandi ibe nomsoco olinganayo noma ongaphezu kwakhe u Mpikayi.

22/11/2024

Wamemeza okaNdaba!!! kenithule nilalele sizwe sikaPhunga noMageba.
IIanga liphume emaMbatheni namuhla liyoshona nama Mbuka.
Icilongo elikhale intatha kusa lishawa eyase Mdletsheni.
Igiya igqabashiya ithi bukhosi bamaMbatha, buyomuka nemifula buyophelela ezihosheni, ngabe wayengakezwa!!!! Ngesiwelewele esiwela umfula ngengwenya abanye bewuwela ngezikebhe
Ubhaqabhaqa zihlangu zikaNdaba zidlu muntu zimsheba nomlaza.
Kenilalele!!!!
Ukubhonga kwezinyane lika Ndaba. kuye kwaduma izihosha kwaye kwananela amawa
Kubonakale sekuzonele okwamavaka
Amandla awalingani kunyathela kwendlovu kudiliza izintaba
Uphunyuka bemphuthaza phakathi kwenkwezane
Babengakezwa nina esenizwile kanobaxoxela
Iphumile inkanyamba
Aluyi lubuyayo iyobasobozela.
Kunamuhla bazinkubela nje ikho ukumphuthaza
Befuna ukumphathaphatha.
Isgolozane ngokugqolozela indlondlo ezinhlamvini zamehlo yahlanza izibindi nezingigila.
Mkhulu okandaba besingemqede singezuku myokozaπŸ‘‘πŸ™ŒπŸΎ

Sanibonani πŸ™ŒπŸΎ

Ngathi niyashesha ukukhohlwa ukuthi ubani lo.eMambatheni asehluleki sdalwaπŸ˜‚πŸ₯Š

Umbango Wezizwe(MPIKAYIPHELI)EP 41/50Bamile manje o Hlabangizwe bazama ukuqhamuka necebo Hlabangizwe:ngiyacabanga nginal...
22/11/2024

Umbango Wezizwe
(MPIKAYIPHELI)
EP 41/50

Bamile manje o Hlabangizwe bazama ukuqhamuka necebo

Hlabangizwe:ngiyacabanga nginalo icebo elingasisebenzela

Mkhulisi:khuluma ndoda nomayini ingasisebenzela manje

Hlabangizwe:labantu kabasazi thina.mhlampe mina nawe Mkhulisi siyasazi kodwa abanye nginesqiniseko ababazi.

Mkhapheli:uyaphi nalokhu

Hlabangizwe:kunganjani sivele singene kubo,sizobatshela ukuthi siphuma e eBathubeni,sithi siyinqobile impi ka Mpikayi yaze yahoxa ithina kuphela esisele

Gingqabafo:yazi kungasebenza lokhu,kuzonika UNgidi no Mdletshe ithemba lokuthi abukho ubungozi obuzayo ngalesoskhathi sizobe siphakathi kwabo sibona yonke into bese siyagadla bengalindele

Mkhapheli:MMM lokho kusho ukuthi uHlabangizwe no Mkhulisi bazo hamba no Ntombinkulu bashintshe indlela bazosifica phambili

Gingqabafo:nami ngizohamba nabo,u Ntombinkulu akamulaleli umuntu wesilisa,uma engekho uMpikayi uzwa ngami kuphela,waqeqeshwa kanjalo

Mkhulisi:Kulungileke,kodwa uThuThu nalo liyakudinga njengomholi walk

Gingqabafo:loyomsebenzi ngiwu shiya ku Mkhapheli,ulazi njengoba ezazi uThuthu akukho okuzomhlupha nhlobo

Mkhapheli:uqinisile ke lapho iphekwe yimi lensimbi ngeke yangishisa sdalwa

Hlabangizwe:kulungileke akube njalo

Babe behlakazeka kanjalo ke,wasala u Mkhapheli wahola uThuthu ngehubo lempi baya bayongena kulo ibutho lika Ngidi,nangempela icebo labo libasebenzele kwazise uThuthu Uma ungalwazi ngeke usho ukuthi abantu besifazane laba kanti vele nabantu abalapha abazani kahle.lokho kubasebenzele nakho kanti njengoba sebephakathi kwabo sekuzithupha ziyegwayini impela nçimishi

Bahambile ke baze bayongena kwa Ngidi

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

Ngaphakathi endlini selokhu beqhubeke njalo ngesihluku abasenza kuMpikayi,kungene u Ngidi ephuma phandle ukwamukela ibutho leli elifikayo,wangena waqonda ngqo Ku Mdletshe oselokhu eme njalo lapha egade lonke okwenziwayo kwazise akathembi Lutho umambana

Ngidi:Ngikuphathele izindaba ezimnandi ndoda,ibutho lakho liyinqobile impi sikhuluma nje likanye Nathi lapha,liqeda kufika nje nezinsizwa ebengizithumelile

Mdletshe:(kwathi cosololo mayezwa lamazwi)kwakuhle lokho bengingathembi nhlobo phela izidlamuntu lezinto zaseNgebevu

Ngidi:kusho ukuthi ukulahlekelwa umholi wabo kubanqinde Amandla,kwazise yiyo inkanyamaba enkulu le

Mdletshe: uqinisile.awusho kodwa uyamthemba lo Mdlambila wakhona,mina sengiqala ukuboni Kahle lapha

Ngidi: Khululeka akukho angakwenza lapha uyophumaphi

Mdletshe:bengimane ngisho nje kukhona okushaya amanzi la,mina angifuni ukuzithola ngikhapheleka,sisalapho nje,sizokwenza njani ngalamandla alendoda ngoba uyabona lento abayenza kuye iyasebenza,lokho kusho ukuthi bayawathatha ngampela Amandla akhe,uyabona nawe

Ngidi: Khululeka ndoda bengibona ukuthi sabelane ngawo wena ubona kanjani

Mdletshe:uma senze njalo awuboni kuzoba inkinga ekuhambeni kwesikhathi kwazise izinkuzi kaze zahlalelana sbaya sinye(esho engayilindi impendulo esuka eqhela ngazuthi uthi nje sala ucabanga Kahle)

Nangempela usale wamhlupha lombuzo u Ngidi wamshiya nokungaqondi kwenzakalani emqondweni ka Mdletshe.naye wazizwa engahlalisekile.kodwa wazinika nje ukuthi ngeke aphume ephila lapha uma engenza into ebuwula.

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

Basamjoja ke uMpikayi lapha futhi sebekhululeke kakhulu kwazise kuyacaca izinto zabo ziyasebenza impela.

Mpikayipheli:(usezwile egazini ukuthi u Ntombinkulu useduze lokho kusho ukuthi nabo Mkhapheli ngokunjalo,avele angabe esagqiha ke manje aqale ahleke,ahleke kakhule nje impela lokhu okungazibeki )

Mdlambila:(edidekile) kwenzekalani ngalomuntu,silwane sini lesi usaneskhathi sokuhleka ekulesimo

Enye yezinyanga:uyaziduduza kuphelile ngaye manje

Mdletshe:Nina nisithatha kancane lesilwane enizivalele naso endlini,akusiye umuntu lo inkanyamba uqobo

Akaligwinyanga uMdletshe,ube esebamba esisodwa salezilwane ezilokhu zimkhotha uMpikayi wasiklinya saze savithika saphenduka umlotha,qede wawa bhu walala ngesisu wathula du okumuntu osefile

Besebethuke bonke beqhelile kuye manje, uMdletshe yena olwaziyo udaba besekusele ukuthi abambelele emgibeni,kanti nazo izilwane lezi bese ziqhelile emva kwalokho okwenzekile

Kuye kwathuleka eside iskhathi engekho okhulumayo,bonke behlahle amehlo ngalesenzo

Mdlambila:ningathuswa ukukhahlela kwehhashi elifayo awuqhubeke umsebenzi sesiyaphetha manje,(naye ezama ukuziqinisa isibindi )

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

Iyaqhubeka

20/11/2024

Umbango Wezizwe
(Mpikayipheli)
Ep 41/50

zijamelene phela manje akekho owaziyo bazomthini u Ntombinkulu,kuthe kuse njalo kuqhashe uGingqabafo aqonde kuye.afike Ame phambi kwakhe Kube sengathi kukhona akushoyo kuye,qede asuke u Ntombinkulu a***e indlela abaqhwebe u Gingqabafo ukuthi abalandele nangempela iqhubeke indlela.

besebe hambile impela sekuseduze lapho abayakhona ngenkathi bezithela kulamabutho ka Ngidi abehamba eqoqwa zonke izizwe lezi,bayawabona eza buqamama Nabo kuyacaca bazohlanga lapho kuhluka khona indlela ebheke eMbelebele.

Hlabangizwe:ngiyabheja lelibutho Liya eMbelebele

Mkhulisi:kusho ukuthi lokhu okuNgidi kuyazi siyeza manje uqinisa ezokuphepha,engabe bamenzani uMpikayi lapha

mkhapheli:manje sizokwenza njani zivele zikhale khona lapha

Gingqabafo:eey yababona kodwa labantu baningi kanjani
πŸ‘‘πŸ‘‘πŸ‘‘πŸ‘‘

BakwethuπŸ˜ͺngiyazama ukunibhalela akuvumi KonaπŸ˜”kukhona okungangiphethe Kahle umqondo uhlangahlangeneπŸ€¦πŸΎβ€β™‚οΈngicela sibonane kusasa bakwethu πŸ˜”

19/11/2024

Thanks for being a top engager and making it on to my weekly engagement list! πŸŽ‰ Thembeka MbΓͺkarh Gumbi, Maselowa Nancy, Thandi Ndlovu, Evidence Sjabulile, Seloorh Seluh, Zama Khondlo Phakathwayo, Qabunga Mgabe Zombode, Lusanda Lulu, Sanotha Ayakhula, Nonhlanhla Prudence Mabaso, MkhabelΓ  Sindiswa Thandoh, Anotha Sfundo, Alwanderh Oluhlerh, Thembie Te Sibiya, Noxolo Thandoor, Ngphile Neliswa, Thumbu KaMangwane Hadebe, Bongani Nkosentsha Dlamini Bongani, Thingo Dlamini, Lindo Mkhondo, SlΓ―Γ±dΓ―leRh MkhizeRh, Bae Nozy Ncamane, Mkhathini Gome, Simphiwe Makhanya, Nonsi Makhanya, Mawande Sonkophe, Nomzam Khumalo, Phindori Maphindoro, Mphelwa Kasingela, Senzo S Mkhwanazi Ndonga, Dudu Dudu, Lerato Nyandeni, Anele Zwane, Lindy Lindy Gumede, Saluciwerh Zangwa Saluh, Lindo Lindo, Cocy Mpembe, Sskha Lazohh, Nellie Mamgabhazy Khwela, Makhosi Mkhize, Nozipho Dlamini, Nomfussi Nomfusi Kohliso, Lerato Mtimande, Londokuhle Zyanda, Nagugu Dube, Sabah Sabah, Nomusa Gloria, Mahlerh Zukula

Ngane zakwethu ningakuthathi kancane ukuba Ku le list ngoba kunganisebenzela kakhulu njengoba kunama benefits engiwahlelayo azobe ebhekene nabantu abanjengalaba.

Kuyavela lapha ngakimi ukuthi umuntu usehlale amasonto amangaki Kule list Kanti futhi kuphinde Kube mama points ashoyo ukuthi kubo bonke ubani ohamba phambili ngokuseka I page isonto ne sonto.

Kodwa ke ngisazo naba Kahle ngaloludaba, okwamanje asibonge i support zingane zakwethu niqhubeke njalo kwande.inkosi ibenomusa Kini nonke balandeli balelikhasi

Kuseza ezimbili ke namuhla ntambama

Ngyabonga

Umbango Wezizwe(Mpikayipheli)πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘Ep 40/50kuphithene amakhanda ke manje ko Mkhapheli abazi benzenjani Uma kunje.Hlab...
19/11/2024

Umbango Wezizwe
(Mpikayipheli)
πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
Ep 40/50

kuphithene amakhanda ke manje ko Mkhapheli abazi benzenjani Uma kunje.

Hlabangizwe:eeh madoda into esizoyithini ke le?

Mkhulisi:mina ngizibonele ngalawa awami labantu baphelele emoyeni kuhle kwentuthu

Mkhapheli:yazi bengithi ngikubone ngedwa lokho,akekho umuntu ongenza lento kushuthi nguye uNgidi

Hlabangizwe:kuyacaca udlala ngolunye uhlobo lwempande ke manje,uyawazi othi thi,yiwo ke Lo

Mkhulisi:Manje ngoba sesiyazi bayephi kungani singaqondi khona ngqo siyomlanda

Hlabangizwe:lokho kungase Kube ingozi kwazise asazi yini esilindile phambili, mhlampe sizodinga u Mthombongashi kuloludaba

Gingqabafo:(esondela Kubo) UMthombongashi uwuqedile umsebenzi wakhe, akukho okudlula la angakwenza,kantike nginesiqiniseko konke obekwenziwa u Mpikayipheli kulezinsuku ingoba ubazi ukuthi sizofika leskhathi lapho ezonidinga nonke ukuba nimsize.

Mkhulisi:Ngabe ngalokho usho ukuba siziphonse eweni sicimezile yini

Gingqabafo: Kahle nje ngobugwala ukufa into ekude Kabi leyo qina isibindi,uzame ukukhumbula konke enikufundile Ku Mpikayipheli, nginesiqiniseko kuzosisebenzela kakhulu futhi.

Mkhapheli:Ngiyavumelana nawe Gingqabafo,Lesi isona sivivinyo sethu lapho kumele kucace ukuthi siyakwazi ukuyibamba ngisho UMpikayipheli engekho,angazi ngani kodwa mina Uma kumele ngimfele kanginalo noluncane u valo lolu.

Hlabangizwe:Akube njalo ke madoda asinikele khona Kube Kanye.

babe beyiqala indlela ibheke eMbelebele manje ukuyolanda u Mpikayi

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

eMbelebele

uyaphaphama u Mpikayi usendlini ewu rondo,kugcwele lapha yize engaboni Kahle ngenxa yentuthu eshunqayo kodwa uyabezwa abantu bekhuluma izinto nje eziningi Naye angaziqondi Kahle.
loyo ke umsindo wabakhunkuli abagcwele layindlini babhizi bayathakathaka bayancinda bayakhwifa benza yonke imgilingwane yobuthakathi.kanti u Ngidi no Mdletshe bakhona Nabo lapha.

Ngidi:hha Ngidi kumele ngivume,bengingazitsheli iqhinga lakho lizosebenza ngalendlela,bheka nje akudinganga nokuthi kuphakanyiswe izikhali nayi inyamazane yethu ilapha kuphelele manje.

Mdletshe:kufanele ujabule wena mina kuphelile ngami nginesiqiniseko sebeshaya bavala ngehlahla ebuthweni Lami manje.

Ngidi:ungakhathazeki uzoklonyeliswa kakhulu ngokulahlekelwa kwakho, okuhle nje ukuthi wena usindile

Mdletshe:ngokulambisa nakhona.manje ngoba nayi lenja lapha kulindweni ingafi nalokhu nithemeleza nje

Mdlambila:hhay ngeke kulunge lomuntu unamandla ayisimanga atshalwe lapha kuye,asikwazi ukumuyeka afe nawo sizama indlela yokuwavuna Abe ngakithi,ngaphambi kokuba avakashele koyise mkhulu.

Mdletshe:ngike ngakubona lokhu ngaphambilini,themba Mina ngeke kuphethe Kahle,islwane somuntu lesi usangavuka inja ebomvu khona manje

Ngidi: Kahle ubugwala akukho angakwenza manje kuphelile ngaye, engizokwenza manje ukuthi ngilande amabutho azo zonke izizwe esidlelana nazo azogada lapha,ngiyazi ngeke bathule ENgebevu iNkosikazi yabo le ingekho,bayeza nje lapha.ngakho kumele siqinisekise abangeni ngaphakathi umsebenzi ungaqediwe

Mdlambila:kulungile thina sizoqedela umsebenzi (esuka enyathela kabili Aphenduke abheke Kubo)Wena Mdletshe ezinye izinhloso ziyabulalisa Uma zingezihle.

babukane u Ngidi no Mdletshe ngamehlo athi uthini Lo.

Mdletshe:(ekhuluma ngenhliziyo)sekungifunda ingqondo lokhu kuyazi ngihlelani lapha, kumele ngenze isiqiniseko sokuthi uba ngakimi ngoba vele ngibona engathi bonke labathakathi bezwa ngaye la.

UMpikayipheli ulele Phansi ubasathe uzama ukuvuka akuvumi ngathi kukhona itshe elikhulu elihlezi phezu kwakhe.bayazenzela nje kuye nalokhu bemi gcaba kancane bekhiphe igazi belihlanganise nemithu yabo baphinde bamufake imithi kuzo lezohlanga,kukhona nje olokhu emumele ngokumushisa ngetshe elivuthayo lapha eqolo unezibazi inqwaba manje

Mdlambila:(ekhuluma nenye yezinyanga lapha)Uma niwuqeda lomuthi niwulethe lapha Kimi,Ilona ithuba lokuthi lelizwe libuswe abathakathi,Uma siyeka leli phinde silithole elinye (esho sakuhleba)

Kanti u Ngidi uthule uyabuka inkukhu iyawusola umgqakazo impela kukhona okushaya manzi la kunuka santungwana,amehlo akhe akawasusi kulabantu ufuna ukubona Kahle kwenziwani

esbutheni Kube sekuvumbuka izilwane zabathakathi ezahlukahlukene, imkhovu notokoloshe nezinye ongeke uzichaze noma zisima samuntu noma sasilwane.

zisondele Ku Mpikayipheli ziqale ukumkhotha manje umzimba wonke lapho opha khona.
njengoba zenza lokhu uyagqiha okukhomba ukuthi ibuhlungu lento kwazise ezinye zalezinto zinamathe ashisayo.

ngokushesha nje ubese Manzi te amathe ezilwane Kanti nabakhunkuli abazibekile phansi bayaqhubeka nokumbenga abanye bemshisha ngalo lelitshe elivuthayo abanye bayamhogelisa lemithi yabo kuningi nje kuyaphithizela impela.kanti uyazizwa naye ukuthi Amandla Aya ehla uya ngokuya uba ntekenteke umzuzu nomzuzu odlulayo.

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

izizwe zonke ziyahlangana Manje zilibangise eMbelebele kwazise usewuhlabile umkhosi u Mdletshe wathi hlangana mhlathi owazanayo impela kubukeka kuzoba njalo.

o Hlabangizwe bebedavuza nabo emahlathini ngenkathi bazithela Ku ntombinkulu nebutho lakhe lamabhubesi.
bake Bama impela bengazi benze njani kwazise ziyamsaba phela lezinsizwa ayi kancane.

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
iyaqhubeka

Umbango Wezizwe(Mpikayipheli)πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘Ep 39/50Libhubha isqalo ke lapha eBathubeni,kuyabhiyozwa kumnandi kunjeya.zibushayi...
19/11/2024

Umbango Wezizwe
(Mpikayipheli)
πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
Ep 39/50

Libhubha isqalo ke lapha eBathubeni,kuyabhiyozwa kumnandi kunjeya.zibushayile impela izinsizwa manje zidlala ingoma impela into yokubukwa lena.kuwo lowomzuzu Kube kutheleka ezika Ngidi zize ngaleyondaba yabakhunkuli phela.zingene kwathula Nya kwashaya umoya kwazise zihamba ne whole nation yabathakathi Wena owabona umamjiji nama venda akhe.ngisho UMdletshe uthukile manje kwazise akabazi labantu Kanti awubuzi kuze wazi ukuthi zimbi impela indaba,kuze kwathi ukucaca kancane lapho eseqaphela eyodwa yalezinsizwa zikaNgidi kwazise uke wayibona ngaphambili eMbelebele.aqale amamatheke kancane.uthe engakasho lutho nje kwaqhasha eyodwa inyanga Mthakathi yaqonda kuye Ngqo yafike Yama phambi kwakhe.

Mdlambila:hhhe madoda angiwakholwa nhlobo amehlo Ami,anisa gcini ngokubungaza izinsuku zokuzalwa nje,senibuye nibungaze nezinsuku zokufa.

Ngidi:(edidekile) ukhuluma ngani,ukufa?kufa Bani manje?

Mdlambila:awu sithuphethu lesi ngiqeda kukutshela manje uyaphinda uyabuza Kanti wesinjani isiduphunga Wena.

bevele behleke bonke ahamba nabo kushuthi bayayaz lento akhuluma ngayo

Ngidi:makungazofa nje mina kulungile,azife izinja

akaligwinyanga ke lelo kwaba kuqhuma islilo kwacaca sezifikile ezika Mpikayipheli zigalelekile.zingene bukhoshosho nazo njengesenzo sika Ngidi e Ntshukana.kubi impela ke la kuyacaca zize ngomsebenzi ay kuzodlala la.

uNgidi ubesabakaza edidekile impela kwazise ubudlile naye kanti futhi ubengakulindele lokhu akubona lapha,wabe emdonsa ngengalo u Mdlambila embuyisela phakathi esxukwini sakhe sabaloyi,kwaqala kwakhala impempe ke manje kwakhala isgubhu kwashunqa yonke inhlobo yesishunqiso kwanuka umuthi igceke lonke,kuyacaca kukhona abakuhlanganisayo manje abathakathi lapha.

Mdlambila:(Ekhuluma nomunye khona lapha esxukwini,ngalesoskhathi ubuka impi ihlikizana lapha phambi kwabo)mmmh kubi impela la ubani leyansizwa (esho ekhomba u Mpikayi)

Shongololo:EY angiyazi nami kodwa ibukeka inamandla ngempela,lento ahamba nayo akusiyo eyokudlala.

Ngqingi:(omunye wabakhunkuli)kumele siphuthume ingaze iphakame lento yakhe ngoba ngibona ingozi yodwa.

bathe besuka babe bevula iskokela ke manje uNgidi bamubeka phakathi kwabo qede bayifulathela impi babheka ngakuye uNgidi,baqhubeka bahlanganisa umithi yabo ngalesoskhathi kukhulunywa yonke inhlobo yolimi ongalwazi kodwa ongalicabanga,ngisho amakholwa awaboni lutho lapha ngokushwashwada izilimu.

uyathalaza manje uNgidi kasazi enze njani.usazama ukwetshisa impi le esivele yangango Muzi wakhe nakhu sezithola phakathi kwenye inyakanyaka yabakhunkuli,abanye Uma ebabuka ngathi amehlo lawa kabanawo nhlobo kwabanye amhlophe qwa Kanti kwabanye sekushintshe ngisho ukuma kobuso ngathi zilwanyana.

kwenzeka konke lokhu nje UMpikayipheli ubesevele umnombolile uNgidi,ubonile ngenkathi bemdonsa bemfaka phakathi kwabo,ugingqa izinsizwa nje uzama ukuphendla indlela ebheke kuye ngqo.uthe lapho ethola ithuba waqoda khona.lapho uqondene no Mdlambila ongabake Lutho nje futhi empeleni akekho onake okwenzakayo emva kwabo,uza nje u Mpikayipheli ngenhloso yokuphisela wonke umkhonto Ku Mdlambila futhi engababulala bonke Uma kufanele kuze afinyelele ku Ngidi Lo abamufukamele phakathi kwabo.

uthe lapho esethi uyamjuqa,wavele wahlehla nje kancane u Mdlambila wambulela iskhala ways wathi gulukudu phakathi kwabo wayozishayisa kuNgidi ovele wakhala isimayemaye ebona uMpikayi ezishayisa kuye.

emvakwalokho kwasuka esikhulu isishingishane somoya lapho bemi khona kwabe ukuphela kwabo lokho bephelela emoyeni kwangathi zange Kube khona baKhunkuli Na Ngidi Na Mpikayipheli la.

uMkhapheli ukubonile lokhu kwenzeka nje naye ubephendla indlela yokufinyelela khona,uthukile impela Uma esebona benyamalala nesphepho.aqhubeke nempi le ephambi kwakhe kwazise Nothuthu aluzibekile
phansi luyadudula ngoba akuphelanga mizuzu emingaki bese kulele uyaca lapha unyazayo phansi ethola umkhonto nje.

Hlabangizwe:Uphi u Mpikayi ushonaphi

Mkhapheli:bamthathile

Mkhulisi: kanjani manje uthathwa obani,baphi bona labantu esibafice la uNgidi yena uphi yena uphi.

Mkhapheli:ebachazele konke akubonile kwazise yize Kade elwa kodwa iso lakhe belinga Suki lapho kukhona u Mpikayi

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

iyaqhubeka

16/11/2024



Sanibonani Muzi wakwethu ngethembe siyaphila sonke kulemini yesabathaπŸ™ŒπŸΎπŸ™ŒπŸΎ

Empeleni zingane zakwethu ngempelasonto angikhoni ukunibhalela,Kube iphutha Kimi ukuthi nginganazisi ngalokho.ngixolise kakhulu lapho.

Kodwa ke ngizosifaka isiqephu namuhla ngoba uma ngikhumbula Kahle ngosuku lokusombuluka zange nginibhalele.

kuleli sonto elizayo ngizozifaka zihambe ngambili iziqephu,lokho kusho ukuthi indaba yethu iyaphela kuleli sonto esizoliqala,bese siqala entsha engizonazisa maduze nje isihloko sayo.

Okunye nokunye sizokuxoxa njengoba iskhathi siqhubeka kwazise singabandawonye

Ngyabonga nibe nosuku okuhleπŸ™ŒπŸΎπŸ™ŒπŸΎ

Umbango Wezizwe(Mpikayipheli)πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘Ep 38/50EGingamakhosiHlabangizwe:ngiyayizwa le yokugadla kuqala vele angeke silinde...
15/11/2024

Umbango Wezizwe
(Mpikayipheli)
πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
Ep 38/50

EGingamakhosi

Hlabangizwe:ngiyayizwa le yokugadla kuqala vele angeke silinde uNgidi aphinde asijume futhi,kodwa engifisa ukukwazi ukuthi iliphi icebo eninalo lokuthi sisheshe siyinqobe lempi.

Mkhulisi: impela kufanele size necebo elikhaliphe okudlula ukwenza,ngifuna ukuziphindeselela kulemfene ewuNgidi.ngiyafunga uyozwa engathi uyasha.

Mkhapheli:Kona uNgidi akasiso islima kangako,uyabona ukuthi le ayingangaye,Uma eqhubeka nayo lokho Kobe kusho ukuthi kukhona Lo omfaka ngekhanda kuyo yonke lento.futhi ngeke ngimangale uma kungaba UMdletshe loyo.

Mpikayipheli:ushayelani khona Mkhapheli,yonke lento ibhalwe Mdletshe nje uyibuka,ingakho ke kumele siqale kuye loMdletshe wakhona,ngoba uma sikhuluma iqiniso nguye oyazi Kahle impi esingayiletha kwazise Ike yabambana ngaphambili futhi wazibonela nendlela esiyibamba ngayo.

Hlabangizwe:lokho kusho ukuthi kumele siqale sijuqe uMdletshe

Mkhulisi:MMM kuyezwakala madoda,engizokwenza mina mangisuka lapha ngizoya ngakhona eBathubeni ke ngiyohlola wonke umnyakazo kaMdletshe kuze sibe necebo elibhekene Nqgo naye nesimo sokuvikeleka azobe ephansi kwasho.

Mkhapheli:usho ntsweni kangisali lapho ngihamba nawe.

Hlabangizwe: Kulungileke mina ngizolanda zonke izinsizwa ezikhona eNtshukana kuze iqembu liqine ngezibalo

mpikayipheli:haha ungazihluphi ngalapho wethu,lukhona uThuthu lweNgebevu sekukudala livivile lilinde leli thuba,Kanti ke futhi ngeke wazi ukuthi uNgidi uhlelani,kusangenzeka kunezinhloli ezibheke wonke umnyakazo ka Ngubane.uzothi uthatha lezinsizwa bese ethola ithuba loku qedela akuqalile.

Hlabangizwe:MMM uqinisile angicabanganga kanjalo.

Mpikayipheli:ayke madoda asihlale phezu komsebenzi,mina no Hlabangizwe sizohamba siyolanda u Thuthu ,ayihlangane lapha ngehora lesithupha ntambama.sizoyiphaka ngehora lesishiyagalombili khona namuhla kusihlwa

zabe zihlakazeka nangempela ubani nobani ebheke kokwakhe

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

eMbelebele

Ngidi:akenisho madoda ngizwe kwenzakalani lapha kwesika Ngubane (ebuza lezinsizwa abezithume ukuyohlola isimo eNtshukana)

enye yensizwa:cha Ndabezitha sihambile njengokuyalela kwakho,akubukeki kukhona okutheni esikubonile nje ukuthi ukhona yena Ngubane uyaphila,Kanti nayo lensizwa esiyishiye elengele ekufeni iphila Saka ungaphika mawungazi ukuthi Ike yaba kulesa Simo.

Ngidi:Kanti kwenzakalani la? mhlampe nguye lo Mpikayipheli ofike wahlangula uNgubane wase ebulala uThafa,kodwa singayichaza kanjani eyokunyamalala kwamanxeba kulensizwa.

enye yensizwa:sisalapho nje Ndabezitha,kuthe ngezikhathi zasemini kwafika yena u Mpikayipheli ehamba nezinsizwa ezimbili,enye yazo bekuyindodana ka Ngubane

Ngidi:nibashiye besakhona?

enye yensizwa:cha Ndabezitha abahlalanga kakhulu kodwa baphume sebehamba nayo lensizwa ebiyisqhwaga somkhonto,yize ibibukeka ingaphilile Kahle ekhanda kodwa ibihamba nje engathi iyazi lakuyiwa khona.

Ngidi:MMM ezokuphepha zona zimi kanjani?

enye yensizwa:awu amanzi amancane ke lawo kusayilo nje lelo dlanzana esilishiye likhona,Uma singaphikelela khona manje,kungalula kakhulu ukuqedela umsebenzi.

Ngidi:hhay asikhohlwe ilokho impi inkulu kakhulu manje ibheke kuye u Mpikayi Lo wakhona,kucacile vele nguye ufishi oMkhulu bengimosha iskhathi nje NGO Ngubane.

enye yezinsizwa: Ndabezitha!!!

Ngidi:lalelani ke zinsizwa hambani Nine kuwowonke amakhosi engidlelana nawo niwazise ukuthi aqoqe yonke into ethi Nyanga Mthakathi nibuye Nakho nize la.kodwa ke nizohamba nxa kuqala ukuhwalala nenze isiqiniseko niyabuya la izinkukhu zingakehli emthini

Ndabezitha!!!(besho kanyekanye qede baphuma)

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

eBathubeni

UMdletshe uhleli uyazincoma impela uzishaya isfuba ngobuqili nobuchule bakhe.

Mdletshe:haha Ngidi uyoyibamba seyidlulile le,mina ngu galakajana uqobo ngeke ulunge kimi.kanti Uma ucabanga ukuthi Mina ngizofa Kanye nawe ushaye phansi kwashunqa,phindee.futhi kumele ngithi ukubungaza kancane ngiziklomelise ngobuhlakani phambi.

esho ephuma phandle ekhomba inkomo ethi ayiwe,zixakekile nje izinsizwa ukuthi kwenzakalani namuhla,phela selokhu kwafa inqwaba yezinkomo inkosi phindanga yababusisa ngalendlela,kodwa ke zange zibuze kakhulu zivele zahlala phezu komsebenzi eziwunikiwe,vele ke okuphuzwayo into ehlale ikhona bugwaya nsuku namalanga.

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
iyaqhubeka

Umbango Wezizwe(Mpikayipheli)πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘Ep 37/50eNtshukana bekuzikhathi zasemini impela engathi kutheleka u Hlabangizwe eham...
14/11/2024

Umbango Wezizwe
(Mpikayipheli)
πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
Ep 37/50

eNtshukana

bekuzikhathi zasemini impela engathi kutheleka u Hlabangizwe ehamba no Mpikayipheli Kanye no Mkhapheli.kanti uMkhulisi nguye obabone kuqala wagijima okwengane encane eyobahlangabeza.

Hlabangizwe:eew Mkhulisi injabulo engaka ndoda ngathi ingane ubona uswidi(ethi uzama ukwenza ihlaya kodwa uMkhulisi avele afike ame nje phambi kwabo ababuke angasho Lutho)

Mpikayipheli: ungazihluphi Hlabangizwe okwamanje akasiye uMkhulisi Lo thina esimaziyo.

Mkhapheli:Kungani kunjalo,uyabona nje ngathi nengqondo kayisathathi Kahle.

Mpikayipheli:lapha ke nibona ilunga lesine laloMfelandawo esiwubumbayo zinsizwa,konke ebesikwenza ngale besikwenza Kanye naye u Mkhulisi,isisathu sokuthi Abe kanje ingoba kayazi imthetho esivumelane ngayo kwazise ubengekho Kanye nathi.ngakho ke bekufanele Kube kanje kuze engazoyithi vu into ayibonile neyenzekile kuye izolo.ingakho bengithi asiphuthume ngoba uphelelwa iskhathi isigcino uzohlanya unomphela.

Hlabangizwe:Manje siyilungisa kanjani lento kuze abuyele esimweni sakhe esijwayelekile?

Mpikayi: Khululeka uzokwazi maduze,okwamanje Kasi ngene ngaphakathi kuze sichazele u Ngubane ukuthi angalinge ahlale kulesa sihlalo sobukhosi ngoba uyofa ngawo lowomzuzu.akusesiso esakhe sekungesakho Hlabangizwe,Kanti lokho yikho okumgcina ephila.

Mkhapheli:Manje ngoba uzoba nemibuzo nje ukuthi kuza kanjani konke lokho.

Mpikayipheli:komele simazise iqiniso kodwa singamtsheli ukuthi senze kanjani,Singangeni sijule kakhulu siyikhe phezulu nje njengomlaza.

babe besuka bengena ngaphakathi beholwa nguye Mkhulisi Phambili.Nangempela Kube intokozo ku Hlabangizwe ukubona uyise ephila Saka kwazise nebhabhalazi selithe ukwehla impela,usengumuntu manje uphelele.
bafike baxoxe ke naye bezama ukumbeka esthombeni bephinde bephendule imbuzo anayo, yize ke emingi beyishiye ingaphenduliwe kodwa uyaqonda manje kancane uNgubane ukuthi usinde kanjani.

Ngubane:cha unezimanga wengane kaMbatha,phela lokhu okwenzeke lapha kaze ngikubone ngisho endulo.mina bengazi Kahle ukuthi iskhathi Sami sokuphila siphelile, impela ilokho engakutshelwa ubaba ephupheni engivakashele.

Mpikayipheli:cha ungabongi mina kepha uthando indodana yakho enalo ngawe.kanti ke nabo abangasekho banakho ukuthatha ngehaba ngesinye iskhathi.thina nje esikwenzile ukubabonisa enye indlela yokwenza engasebenza,Nhlanhla leyo bayamukela.

Ngubane:mmmh hhay kuyezwakala kodwa nayi inkinga inkanankana ino Mkhulisi lapha,kakhulumi nhlobo,selokhu kusile uziphathisa komuntu engingamazi nje nhlobo.

Mpikayipheli: Khululeka ngalokho sizokulungisa.

Ngubane:Ngizoqagela futhi ngeke ungitshele kwenzakalani ngaye,nokuthi umvuse kanjani ekufeni phela besekuphelile ngaye ngigcina ukukubona,yize bengithwele amambawu kodwa lokho ngikubonile.

Mpikayipheli:ngebhadi impela cha ngeke (esho ehleka)

Ngubane:ayy kulungileke, Hlabangizwe ndodana lokhu kusho ukuthi kumele siqale senze amalungiselelo omcimbi wokukubeka njenge Nkosi yesizwe siphinde sazise abantu ngalokho.

Mpikayipheli:cha cha Ngubane lokho kuzoza ngasekugcineni,kusakuningi okufanele sikwenze ngaphambi kokufika lapho.

Hlabangizwe: Impela kunjalo baba,lokhu kuyisiqalo kuyothi lapho sesiphothule izinhlelo zethu bese sihlela ukuthi sikwenza kanjani lokho.

Mpikayipheli: kulungileke akesihambe madoda silungise indaba ka Mkhulisi

babe besukuma kanjalo futhi u Mkhulisi ubeba Hola phambili.futhi nje uhambe Waze wafika e GingaMakhosi ngale kokubheka emumva noma ame alinde ukuholwa ngendlela.

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

eMbelebele

usezifikele qathatha u Mdletshe Ku Ngidi.kanti ufike wazibonela ukuthi ugcwele umfula lapha,okwakhe ukuvula umsedlana nje uyobe usubheke lapho awufuna ngakhona.
Bahleli bayaxoxa ke kodwa sakuhlela itulo elilandelayo.

Ngidi:yabona okungehlele izolo ngiyafunga ngiyakweshwama mina, uNgubane uyathakatha futhi lokhu okwedlulele.

Mdletshe: Ndabezitha khona mina ngisola Amandla alelihlongandlebe elingu Mpikayipheli,yilo elinokugila lemihlola,mina ngabona Kahle mhla zibhekene akulula lapha ukudlula.

Ngidi:MMM ngiyakuzwa, engabe ubungangitsheli ngani konke lokhu ngaphambilini.awusho ke ngoba kubukeka umazi kagcono Lo Mpikayi,ubona kumele senze njani.

Mdletshe:yabona la kumele sikhiphe zonke esinazo Uma sizonqoba,ngibona kumele siqale sihlanganise Zonke izinyanga nezangoma ezikhona kulezizwe ezivumile ukuseseka,yabona kumele Kube khona indlela yokunqoba lamandla alo Mpikayi wakhona.kumele amabutho ethu swine ngempela, wonke umthakathi owaziyo umuthi kumele Abe lapha ngisho imfunda makhwela uqobo.

Ngidi:hhaybo Kanti kubi ngaleyo ndlela,sesingaze sidinge isizwe sonke sabaloyi ukunqoba umuntu oyedwa.

Mdletshe:izwa ngami esengihambe ngathola ukuthi ngale kwamandla akhe ogcobo, uphinde asebenzisane nenyanga kayise.

Ngidi:Uma Usho u Mthombongashi,awo amanzi amancane lawo,nakhu ngakwazi ukudla isihlalo ngisibanga no Mbatha ekhona Lo Mthombo mina angiyiboni inkinga.

Mdletshe:haha ngalesoskhathi wayesayi thwasana nje kulendima yobugedla, njengamanje ngingasho ukuthi akekho oqophisana naye ngempela kulelizwe lakwethu.

Ngidi:Ake ngiwuthathe umbono wakho,kodwa ke kulokhu ngiyogoqa ngakho nawe kumele ube khona ukhumbule wathembisa ukuba nami kuze Kube sekugcineni.yikho ke ekugcineni Lana.

Mdletshe:Ay kulungileke asihlale phezu komsebenzi(esho emamatheka kancane ekhotha umlomo)

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘

EGingamakhosi

sebeqedile ke manje ukulungisa u Mkhulisi Kanti bahleli manje bayaxoxa.

Mpikayipheli:ehh madoda sekuyiskhathi sokuthi siyigoqe yonke lento, yabona njengoba eseqalile u Ngidi ngeke ayeke,ngixolise Mkhulisi mfowethu ngokucekela Amandla akho phansi kwazise ubumunqobile uNgidi uwedwa kodwa ngifuna ezwe ubuhlungu ngaphambi kokufa.ingakho ke kumele siqale manje sizi lungiselele Uma kufane sigadle kuqala kuzoba njalo

πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘πŸ‘‘
iyaqhubeka

Address


Telephone

+27725209787

Website

Alerts

Be the first to know and let us send you an email when Nduduzo Nqobani Dladla posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share