Woorde uit Ronelle se pen

Woorde uit Ronelle se pen Skryf uit die hart en deel woorde met almal wat dit nodig het....
Copyright © Ronelle Strydom

20/06/2025

Ek wens die hemelhekke
wil oopswaai vandag.....
en jy moet uitgehardloop kom
en vir ons skaterlag....

Jy moet jou armpies
om ons nekke vou,
en sien dat ons almal
jou verjaarsdag onthou....

Vandag is jy vier jaar oud
en ons mis jou nog net so...
maar weet jy vier fees
in die hemel daarbo...

Wat sou ons nie wou gee
om jou styf vas te hou,
en om jou lewetjie te vier
elke dag saam met jou...

Jys te vinnig van ons weggeneem
net jou merkie kom maak...
en nou het God die voorreg
om jou in die hemel groot te sien raak....

Ons wonder altyd hoe jy sou lyk
hoe groot jy al sou wees...
Sou jy van karretjies hou
of liewers dat ons vir jou stories moes lees...

Sou jou speelgoedjies oral rondlê
en sou jy die baas wees in ons huis,
sou jy op die banke spring
en ons jou toertjies wys...

Ons mis jou Engelkind
en wens jy was hier...
vandag sal ons saam die Engeltjie
vir jou drukkies en soentjies stuur...

Geniet jou hemels-verjaarsdag
saam met ons geliefdes daarbo,
en weet ons op aarde
mis al jou spesiale tye so....

Eendag sal ons by daai hemelhekke wag
wanneer dit ons b***t is om in te gaan....
en ons weet as daai hekke oopswaai,
sal jy langs God daar staan...

Jy sal met die breedste glimlag
daar voor ons staan
en ons sal jou opraap in ons arms
en nooit weer laat gaan...
Kopiereg©Ronelle Strydom

12/06/2025

So tragies in n vuurbrand
is ons lewens opgeëis
en saam met God het ons
gegaan op ons hemelse reis...

God en Sy engele
het reeds daar gestaan...
en ons moes net n hand uitsteek
om saam met Hul te kon gaan...

Ons is veilig in die hemel
en reeds die gebeure vergeet...
want hier in die hemel
is geen hartseer en leed...

Ons weet jul is hartseer
om ons so te moes groet...
ons verstaan jul hartseer
so huil as jul moet...

want trane was die siel skoon
van al die wêreld se seer...
so as jul te hartseer word,
hoef jul nie jul trane te keer...

Ons vra berusting
in hierdie hartseer tyd...
en sê dankie vir jul bystand
en liefde so ver en wyd...

Ons los ons families
maar weet God sal intree
solank jul Hom ken
in jul daaglikse weë...

Wat saak maak is dat
ons veilig by God se voete rus...
en jul kan praat met Hom
in tye wat jul ons mis...

Ons groet nou tydelik
al weet ons jul harte is seer...
want in die hemel lewe ons
en sien jul ons eendag weer...

Hier kyk God mooi na ons
en is ons drie bymekaar....
so troos jul dat ons saam is
al mis jul ons daar...

Ons groet nou met n glimlag
en weet dis hartseer om te groet,
jul moet mooi na mekaar kyk,
tot ons eendag weer ontmoet...

Troos jul dat ons nou musiek
hier in die hemel maak....
en weet ons is gelukkig
as jul so hartseer raak@RS
Kopiereg Skrywer©Ronelle Strydom

12/06/2025

Sag in jou slaap het God gekom jou opgetel en gevat saam met Hom,
sommer so in die helder dag asof Hy nie langer kon wag...

Jou glimlag sal ons altyd onthou en aan die mooiste herinneringe sal ons vas klou,
Jy was altyd daar met n helpende hand,
nou glimlag jy breed daar aan die hemelse kant...

Ons onthou jou grappe, jou goue hart
nou los jy ons agter met soveel hartseer en smart...
Ons weet dat jy veilig is by die Heer,
al bring dit trane en al maak dit seer...

Ons laat jou gaan
na jou hemelse woning...
eendag kom bly ons saam jou
by ons hemelse Koning...

Rus sag en asseblief weet
ons is lief vir jou en sal jou nooit vergeet...
Skrywer kopiereg ©Ronelle Strydom

12/06/2025

Die reis op aarde is afgelê
die wedloop voltooi...
Nou wandel jy in die goue strate
van die hemel tog so mooi...
Saam jou geliefdes gaan jy stap
deur God se paradys....
en na soveel goue jare
is jy ook nou uiteindelik tuis..
Kopiereg©Ronelle Strydom

12/06/2025

Mamma en Pappa
Vandag vier ek my verjaarsdag
by God hierbo....
en ek weet vandag
mis jul my seker so...

maar ek wil hê jul moet weet
ek is heeltemaal okei
want hier is so baie engele
en familie om my...

Ek is gesond weet julle
en voel so vry....
vandag het ek saam ander kinders
by die reënboog afgegly...

Almal het b***te gemaak
en my so spesiaal laat voel
en ek het saam God gesit
op Sy groot hemelstoel...

Die hemel was so kleurvol
almal het "Smarties" geskree
en almal het b***te gemaak
om my stywe drukkies te gee....

Daar was ballonne van alle kleure
oral in die hemel vasgemaak
Dit het gelyk soos smarties
en almal kon daaraan raak...

Ek wil hê julle moet weet
ek is by ouma en oupa en is okei
en saam met God
kyk hul so mooi na my...

Julle moenie d**k ek is dood
en is vir altyd weg....
want eendag kom jul ook hierheen
jul plekkies is reeds reg...

Dan sal niks ons ooit
weer kan skei...
en sal ons almal saam
hier by God kan bly...

Ek is nogsteeds baie lief vir jul
en sal jul altyd onthou...
net soos jul my ook
diep in jul harte hou...

Ek wil hê jul moet glimlag
al is jul harte seer...
want eendag in die hemel
sien jul my weer....

Vee af jul trane
en lewe voluit vir my...
en weet jul ou Smarties sal jul
eendag by die hemelhekke kry...
Kopiereg©Ronelle Strydom

12/06/2025

Jy is n nuwe engeltjie
in die arms van ons Heer,
jy los ons met n leemte
en ons harte is baie seer....

Jou kleertjies is in jou kas
en jou wiegie staan leeg...
en nou vra ons God se genade
en krag om aan te beweeg...

Jy het stil die wêreld ingekom
geen stemmetjie gehoor....
die hemel het n engeltjie gekry
en ons het n engeltjie verloor....

Ons mis jou reeds so baie
al het jy nooit huistoe gekom,
God het jou kom haal op aarde
om in die hemel voort te blom...

Mamma en Pappa wou jou
so graag in ons arms hou...
maar God het jou saggies
met Sy hemelkombers toegevou..

In ons harte sal jy voortleef
al is jy vir die wêreld dood....
Ons engeltjie vir altyd
nou op God se skoot..
Kopiereg©Ronelle Strydom

12/06/2025

n Nuwe begin
lê voor jou deur...
n glimlag wag
na al die seer..

Al lyk die toekoms nou donker
sal die son weer vir jou skyn
en al die hartseer en pyn
sal soos die mis verdwyn..

God bring soms goed op ons pad
nie om ons seer te maak...
maar omdat Hy ons stuur na beter
en ons lewe aan wil raak...

Ons moet Hom net vertrou
want Hy sal ons lei...
en God sal weer jou lewe
en planne op dreef kry...

Eendag sal ons God se werke verstaan
en sal ons antwoorde op ons vrae kry...
Jy moet altyd jou geloof behou
en getrou aan jouself bly...

Jy is baie spesiaal
moet nooit d**k die fout lê by jou
jy is deur so baie
en n juweel van n vrou....

Jy moet net sterk wees
en elke dag positief bly...
en as jy ooit n vriendin nodig het
weet jy waar om my te kry...

Ek sal altyd daar wees vir jou
en jou pragtige meisiekind....
en ek bid en weet dat julle
weer geluk sal vind...
Kopiereg©Ronelle Strydom

12/06/2025

My kind hoe sê ek totsiens
hoe groet ek jou...
My hart is in duisend stukke
elke stukkie huil oor jou...

My blouoog seuntjie
jy het van my n mamma gemaak,
my eerste ware liefde.
nou vir altyd sy oë toegemaak...

Hoe laat gaan n ma haar kind
hoe neem ek afskeid van jou
Nooit weer sal ek jou kan druk
of styf teen my hart vas hou.

Ek mis jou stoute glimlag
ek mis jou net meer en meer....
Ek klou nou vas aan herinneringe,
Ai my kind, ma se hart is so seer...

Dit voel of ek nie asem kry
my bors oopgeskeur....
ek probeer aan jou d**k met n glimlag...
maar dan kom die trane weer...

Jy was my oudste... my eersteling
jyt my eerste n mamma gemaak...
en jou ou 'mamyn"
het later' moeder' geraak...

Ek wens jy kon weer by die huis inloop,
ek wens vir nog n kans...
ek mis soveel jou woorde
"Moeder, hoe lyk dit met n lekker Sunday lunch"...

My kind jy los my met n leemste
Jy los my met n diep wond...
maar ek weet jyt soveel seer gehad,
en ek weet jys nou gesond...

Jou glimlag was aansteeklik
jou oë was altyd sag...
as ons af dae gehad het
het jy ons weer laat lag...

Ek sê vandag totsiens
n deel van my gaan saam met jou
en my kind, n deel van jou
sal ek altyd by my hou...

Eendag in die hemel
sal ons weer ontmoet
en dan is dit vir altyd
waar ons nooit weer hoef te groet
Kopiereg©Ronelle Strydom

12/06/2025

Moeder... My ou Mamyn
ek weet jou hart is seer...
ek is jammer ek moes gaan
maar kon dit nie langer keer...

God het Sy hand uitgesteek
om my pyn stil te maak...
ek wou saam Hom gaan
en het Sy hand aangeraak...

My moeder ek het gestruggle
maar wou jul nie ontstel...
die pyn was net te veel...
toe het God my in Sy arms opgetel...

Die hemel is n plek
so onbeskryflik mooi,
Ek wens ek kon ma vir n rukkie
vir n kuiertjie hierheen nooi,

maar ek weet ma sou dan
nie weer wou terug huistoe gaan
en wie sou dan langs
ons outoppie moes staan....

Ma, jul kan my fotos uithaal
as jul te veel na my verlang...
en na my glimlag kyk op die foto
wat nou teen jul muur hang...

Moeder ek gaan jou Sunday lunch mis
maar meer vir jou...
Ma was die een vrou
wat ek altyd kon vertrou...

Ma het my altyd bygestaan
my altyd gedra...
en ek wil sê
ek is so trots op ma...

Ek sien jou huil my moeder
en ek wens ek kon jou trane keer,
maar weet ek is altyd naby
as jy voel jy kan nie meer...

Ek sal daar wees as jy hartseer is,
ek sal daar wees as jy lag...
Moeder jy moet aangaan
en die beste maak van elke dag...

Ek wil graag hê ma moet weer glimlag
en weer moed vir die toekoms kry,
want ek weet al lag ma weer
beteken dit nie ma het vergeet van my...

God het vir my n ma gekies
vir die rukkie wat ek op aarde gebly het....
een van die bestes
wat altyd so mooi na my gekyk het...

Ma het my goed grootgemaak,
en my na God gelei...
ek is so dankbaar ma
want nou kyk God hierbo na my...

want Ma het my geleer van waardes
en om op God te vertrou,
daarom sit ek vandag by God se voete
dankie Mamma... Als danksy jou
Kopiereg©Ronelle Strydom

03/05/2025

Hierdie stuk wat geskryf is, is bitter hartseer, maar so bitter waar!!

Pappa,

Elke dag sien ek jou
met n bottel in die hand
en as ek kyk na die lewe, sien ek
pappa aan die verkeerde kant...

Ek wens soms Pappa kan my vashou
dis iets waarvoor ek lankal bid,
maar Pappa dit sal beteken
dat jy die bottel dan neer moet sit..

want dit sal twee hande vat
om my om Pappa se skoot te tel
en dit sal my Hemel wees
as Pappa my kies bo daai hel...

Ek sien jou daar sit Pappa
en ek wens jy kan deur my oë kyk,
hoe die lewe van n swakkeling
deur n kind se oë lyk...

Pappa jy is daar om my te beskerm
en die seer weg te soen....
maar Pappa nou is jy die een
wat die seerkry werk doen...

Moet Pappas dan nie hul kinders
se grootste helde wees,
Hoekom moet Pappa se kinders dan sien
Hoe 'val' n groot reus...?

Daars nie eers n ou fototjie
van ek en pappa saam....
oral net foto's waar Pappa
met n bierbottel staan....

Pappa soms wil ek voor jou gaan staan
en n bottel wyn vir jou wys....
en Pappa dan vra maak n keuse,
maar ek weet die bottel wen eerste prys....

Deur die jare het ek teruggestaan
ek kon nie kompeteer,
want al die jare kom drank eerste
dit het ek reeds geleer....

Hoe sien Pappa nie
n kind se traan nie....
of is liefde en seer iets
wat Pappa nie verstaan nie?

Soveel verlore tyd
wat ons nooit terug sal kry,
maar die bottel sal daar wees
dis n berg tussen jou en my...

As ek grootword en weggaan
verstote, seer en broos.....
sal ek niks oorhê nie,
maar n bottel sal Pappa ten minste troos....

Hierdie pragtige gedig is geskryf deur Ronelle Strydom Roly geskryf.Een van die skrywers met werklike groot talent.

Sy het n blad:- Woorde uit Ronelle se pen.

03/05/2025

God takes us home
one by one....
when the end of our journey
is over and done....

He gave us a life
precious as gold
and then He comes
to take us to His world....

There is nothing worse
than losing a mother
The woman that loved you
like no other....

The only person that will
always have your back....
She is the greatest lost
a child will ever have.

You lost someone that was
there from the start
the most beautiful memory
locked inside your heart....

May God hold your mother
in His arms so tight....
May God embrace your mother
and guide her to His light....

Pray and say thank you
although your hearts are in pain...
And wait for the beautiful day
that you will meet again....
©RS
Copyright©Ronelle Strydom

20/12/2024

Kersfees is n tyd van omgee,
geliefdes almal bymekaar...
maar geen familie is voltallig,
daar is altyd een nie daar...

Die dood ruk families
so ontydig uitmekaar...
maar God het hul nodig
en kon hul nie spaar...

Tog wil hul hê dat ons
Kersfees moet geniet...
te lag en saam te kuier
en te vat wat die lewe ons bied...

Kersfees moet ons glimlag
mekaar met liefde omvou...
ons het nog familie en vriende
en ons moet dit altyd onthou..©RS
Skrywer kopiereg©Ronelle Strydom

Address

Port Elizabeth

Website

Alerts

Be the first to know and let us send you an email when Woorde uit Ronelle se pen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category