Bean Extreme

06/08/2026

**WEN 'N 5-NAG WHITE SANDS MOSAMBIEK-WEGVAKANSIE!**

Maak 'n verskil én staan die kans om 'n onvergeetlike strandvakansie te wen!

Vir **elke donasie van R100 of meer** aan die **Bring Hoop Organisasie**, ontvang jy **EEN inskrywing** vir die trekking.

**Hoe om deel te neem:**
✅ Skenk **R100 of meer** aan die Bring Hoop Organisasie.
✅ Gebruik **MOZ** as jou betalingsverwysing.
✅ **WhatsApp jou bewys van betaling na 084 300 7364.**
✅ Vir **elke verdere R100** wat jy skenk, ontvang jy **nog een inskrywing**.
*(Voorbeeld: Skenk R500 en ontvang 5 inskrywings.)*

**Prys:**
• **5 nagte** by White Sands, Mosambiek.
• Verblyf vir **4 persone**.

**Trekking:** **1 September 2026**

**Bepalings en Voorwaardes:**
• Die wenner sal op **1 September 2026** deur middel van 'n ewekansige trekking gekies word.
• Die prys sluit **5 nagte se verblyf vir 4 persone** in.
• **Vervoer na en van Mosambiek, brandstof, etes, grensfooie, paspoorte, visums (indien van toepassing) en enige ander reisuitgawes is vir die wenner se eie rekening.**
• Die prys **kan nie gedurende Desember gebruik word nie**.
• Die prys is **nie oordraagbaar, verruilbaar of vir kontant inwisselbaar nie**.
• Die prys is onderhewig aan beskikbaarheid en die bepalings van die verblyfverskaffer.
• Slegs donasies wat voor die sluitingsdatum ontvang is, kwalifiseer vir die trekking.
• Deur deel te neem, aanvaar deelnemers hierdie Bepalings en Voorwaardes.
• Hierdie kompetisie word **op geen wyse deur Facebook of Meta geborg, onderskryf, geadministreer of daarmee geassosieer nie**.

Elke donasie help die **Bring Hoop Organisasie** om hoop te bring aan mense wat dit die nodigste het.

**Skenk vandag R100 of meer, gebruik verwysing "MOZ", WhatsApp jou bewys van betaling na 084 300 7364 en staan 'n kans om hierdie ongelooflike 5-nag White Sands Mosambiek-vakansie te wen!*

ACCOUNT NAME: BRING HOOP
BANK: STANDARD BANK
ACCOUNT NUMBER: 10209381971
REFRENCE: MOZ
ACCOUNT TYPE: TJEK

24/05/2026

21/05/2026

"SURVIVAL KIT NOW AVAILABLE"

Build for adventurers , Hunters , Hikers, Fisherman and outdoor lovers.

*Compact
*Practical

Great Fathersday Gift or first Survival kit for young Campers.

Bean Extreme

02/03/2026

As jy ’n rustige wegbreek soek, kan ek Meiringskloof Nature Park naby Clarens beslis aanbeveel.

Die kampplekke is ruim uitgelê, so jy is nie op jou bure nie, wat ’n groot verskil maak as jy van privaatheid hou. Daar is elektrisiteit beskikbaar en selfs ’n swembad – vir my ’n groot luuksheid! Gewoonlik kamp ek sonder krag en oorleef “off-grid”, so hierdie was regtig ’n bederf.

Die ware mooi begin egter wanneer jy die staproetes aanpak. Met ’n paar verskillende roetes om van te kies, sal jy nooit verveeld wees nie. Dit is ook nie te uitmergelend nie, wat dit ideaal maak vir ’n wye ouderdomsgroep – van gesinne met kinders tot meer ervare stappers wat net die natuur wil verken en geniet teen hul eie pas.

Hierdie stukkie hemel is net sowat 300 km (ongeveer 3–3,5 uur se ry) van Pretoria af – perfek vir ’n naweekwegbreek.

Nog ’n groot pluspunt is die vriendelike eienaar wat jou sommer tuis laat voel. Beslis ’n plek waarheen ek weer sal teruggaan.


Meiringskloof Nature Park &sleep

06/01/2026

OPSOEK NA DIE MEES INTERESSANTSTE KAMPLEK – 2026

!!!Begin BINNEKORT!!!

Bean Extreme is besig om voor te berei vir die 2026-soektog na die mees interessante, unieke en asemrowende kamplekke in Suid-Afrika 🇿🇦

EN JA… daar is GROOT PRYSE betrokke

As jy weet van ’n kamplek wat mense móét sien,
of jy besit / bestuur ’n kampterrein wat regtig uitstaan , laat weet ons

Sien julle op die pad

11/11/2025

"WILD CAMPING" Langs die WESKUS

As jy van regte wild camping hou – sonder fancy ablusies en net jy, die see en die wind – dan moet jy hierdie roete langs die Weskus van Suid-Afrika ervaar. My eerste stop op die pad van Lutzville af noord was Gert se Baai – en dis ’n gratis kampplek!

Hier is geen vars water, geen toilette en geen krag nie – so sonkrag is jou beste vriend. Kampeerders wat al hier was, het begin om vuurmaakplekke en windskerms te bou met die rotse wat oral lê – dis deel van die plek se karakter.

In Desember raak dit baie besig; mense arriveer vroeg met watertenks en vragmotors vol hout. As jy stilte en ruimte soek, vermy die feestyd – al die mooi kolle is gewoonlik al vroeg in Desember vol.

Jy kan daar uitkom met ’n 4x2, maar ek sal sterk ’n 4x4 aanbeveel. Daar is ook lekker gedeeltes waar jy jou 4x4-vaardighede kan toets en ’n bietjie in die duine speel.

Wees gereed vir die elemente – die wind van die see kant af kan rof wees en die somers warm! Maak seker jou skuiling of tent kan die wind hanteer.

Respekteer die natuur – neem al jou rommel saam, moenie iets uit die see haal wat nie toegelaat is nie. Gedurende seisoen is daar baie kreef, maar hou by die reëls.

Daar is ook gebiede wat afgebaken is vir mynaktiwiteite – moenie daar inry of kamp nie.

Ek het al baie solo trips daar gedoen – dis veilig, stil en ongelooflik mooi. Daar ry wel af en toe mynvragmotors sowat 1 km van die kus af, maar ek het nog nooit probleme gehad nie.

As jy lus is vir egte rus, sout lug en stilte, pak jou 4x4 en gaan ontdek die wilde Weskus.

29/10/2025

n Paar dinge om te weet voor jy jou kamp opslaan by Verneukpan .

As jy nog nie van Verneukpan gehoor het nie – dis ’n massiewe soutpan in die Noord-Kaap, naby Brandvlei. Sy naam kom van die woord “verneuk”, wat beteken om iemand te flous, want van ver af lyk dit of daar water lê – maar dis net ’n warm, droë illusie! Die pan is sowat 57 km lank en 11 km breed, en staan bekend as een van die mees eensaamste plekke in Suid-Afrika.

Hier is ’n paar kamptips as jy beplan om hierdie ikoniese stuk grond te besoek 👇

Tip 1: Moenie in die verkeerde tyd van die jaar gaan nie!
Van September tot vroeg Maart waai die wind soms so erg dat jy jou tent kan verloor! Die beste tyd vir ’n rustiger kamp sonder wind is April tot Augustus.

Tip 2: Daar is geen water of fasiliteite op die pan nie – bring genoeg drink- en waswater saam vir jou hele verblyf.

Tip 3: Kamp hier is nie oor gerief nie – dis oor die ervaring! Die naghemel is ongelooflik helder, met miljoene sterre soos jy dit nêrens anders sal sien nie.

Tip 4: Om by die pan uit te kom moet jy deur plaasgrond ry, en die boere vra gewoonlik ’n toegangsfooi van sowat R100 – R150 per voertuig. Betaal met ’n glimlag – hulle hou hierdie plek in stand.

Tip 5: As jy lus is vir ’n uitsig van bo af, ry na Verneukberg, ’n klein koppie waar jy kan uitklim vir ’n pragtige voëlvlug-uitkyk oor die pan.

Tip 6: Daar is geen selfoonsein op die pan nie, maar waar jy by die boer se huis betaal, kan jy vriendelik vra om gou hul WiFi te gebruik om daai laaste WhatsApp te stuur.

Tip 7: Jy kan oral op die pan kamp – kies net ’n plek wat vir jou reg voel en maak seker jy laat niks agter nie.

Tip 8: ’n Een- of twee-nag verblyf is perfek. Dis genoeg tyd om die stilte en skoonheid te geniet sonder om in die son vas te brand!

Tip 9: Daar is geen vuurhout of hout beskikbaar nie – bring jou eie.

Tip 10: Wees voorbereid – somer is bloedwarm (meer as 40°C) en winter kan ysig koud wees.

Verneukpan is nie vir almal nie – maar as jy lief is vir stilte, sterre, en ware wildernis, is dit ’n ervaring wat jy nooit sal vergeet nie!

02/10/2025

’n Leeu wat my bakkie se bande opbyt in Botswana.
’n Swerm bye wat my steek in die Tankwa Karoo.
Amper verdrink na 59 dae op die Oranjerivier.
’n Hiking-safari waar verdwaal ’n realiteit word.
Skote van Renoster stropers wat om my fluit.
En diarree van vuil water wat my op my knieë sit.

Dit is maar net ’n paar van die lesse wat ek (Bean Extreme) op die harde manier moes leer.

Hierdie ervaring is nie uit boeke nie – dit is opgebou uit jare van regte kamp, avontuur en oorlewing in Suid-Afrika en sy buurlande.

Ons het Reeds die foute gemaak ....sodat jy dit nie hoef te doen .

👉 Ons kan jou help met jou avontuur of kampeerplan – ons kan jou selfs begelei: [email protected]

29/07/2025

Wild Camping on the Nata River in Botswana.

13/07/2025

So kyk ons Rugby in Botswana .
Oom Cyril ons soek Starlink in SA asseblief.