28/08/2026
Wat ’n ongelooflike aand! 🎭✨
Gisteraand het ek die voorreg gehad om die voorlesing van Die Grenshotel, ’n nuwe oorspronklike Afrikaanse musiekblyspel uit die pen van Lize Jacobs, by te woon — en sjoe… hoendervleis! Die storie, musiek en vertolkings het my van die begin af ingetrek.
Die Grenshotel neem jou terug na die laat 70’s, teen die agtergrond van die Grensoorlog, en verweef liefde, verlies, humor, verlange en ons eie Suid-Afrikaanse geskiedenis in ’n storie wat verrassend vars en relevant voel.
Wat ’n eer om genooi te word om ’n klein deeltjie van hierdie reis van so vroeg af te beleef. Baie geluk, Lize Jacobs, en die ongelooflike kreatiewe en tegniese span wat saam met jou hierdie droom lewe gee. Gisteraand was ’n groot tree op pad na iets wat ek dink nog baie besonders gaan wees. ❤️
En hoe lekker om Afrikaanse legendes soos Tobie Cronjé sommer in lewende lywe daar te sien en te weet daar is sulke mense wat hierdie nuwe werk ondersteun. 🥹 Ek was so “star struck”, ek’t vergeet om te vra vir ‘n foto! 🤣🙈
In ’n era van eindelose, breinlose skermtyd voel lewende teater soos ’n vars briesie! Kom ons ondersteun nuwe Afrikaanse teater en help om dit weer behoorlik léwendig te maak! 🙌🏻🎭
En as jy nou FOMO het soos ek sou hê… volg Die Grenshotel👀 Hierdie is maar net die begin!
