Izindaba ku163

Izindaba ku163 Izindaba Zethu ozilethelwa i-Newzroom Afrika zisakazwa ngehora lesihlanu ntambama ku Mzansi Wethu Channel 163.
(1)

05/10/2026

Umhlahlo wesimo sezulu.

05/10/2026

Umqeqeshi we Orlando Pirates u Abdeslam Ouaddou uthi babheke ukuqopha umlando emdlalweni wamanqamu omqhudelwano we MTN8 ne Mamelodi Sundowns eMoses Mabhida Stadium e Thekwini ngempelasonto.

05/10/2026

Bazongena bethi shi ekhikhini abashayeli ukusuka phakathi kwamabili kusasa kulandela ukwenyuka kwamanani opetrol. Intengo yopetrol wohlobo lwe 93 Octane izonyuka ngo Three Rand Twelve cent kuthi owohlobo lwe 95 wenyuke ngo Three Rand Thirty three cents kanti intengo yodizili yona izonyuka ngemali ephakathi kuka Two Rand Eighty Four no Three Rand Twenty Four cents ilitha. Njengoba upetrol osemthethweni uqhubeka nokumba eqolo kunokukhathazeka okukhulu okungenza ukuba abaningi babalekele kupetrol ongambi eqolo nongekho emthethweni noma oxutshiwe.

05/10/2026

Inkampani ehlinzeka ngogesi eGoli i-City Power namhalanje ibiqhuba umkhankaso wokunqamula ugesi ezakhiweni ezahlukene ezihlulekayo ukukhokhela ugesi enkabeni yedolobha ngenhloso yokuqoqa imali engaphezulu kwezigidi eziyishumi nanhlanu zamarandi eyikweletwayo.

05/10/2026

Izakhamuzi zase Airport Valley eWalmer e Eastern Cape zithi zaphoqwa ukususwa kulendawo ukuqhelela umklamo wezindlu. Lokhu kuza emva kokuthi mhla zingamashumi amabili nesishiyagalombili ku Mandulo, umasipala uthole incwadi yenkantolo eyalela ukuba ususe lababantu lapha ubayise ezindlini zesikhashana ukuze uqhubeke nokwakha umklamo wezindlu ezingu Four Hundred and Fourty Five. Lokhu kwaba nomphumela wemibhikisho yabahlali emva kokuthi kucekelwe phansi izindlu zabo.

05/10/2026

Iqembu i-African National Congress ithi abantu efolose ngabo okhethweni lohulumeni bezindawo oluzoba ngoLwezi abantu abaziwayo emphakathini. Leliqembu likusho lokhu njengoba lingakamemezeli amagama alabantu kanti ke kusalindeleke ukuthi inkantolo yomthethosisekelo ilalele isicelo saleliqembu malungana nokuhlinzekwa kwamagama alabantu ku IEC.

05/10/2026

Inkantolo ephakeme yase Pitoli namhlanje isheshe yasigoqa isigcawu ecaleni lokubulawa kuka Senzo Meyiwa kulandela ukudonsisana phakathi kommeli womsolwa wesithathu u Mthobisi Mncube kanye nombuso mayelana nokusetshenziswa kobufakazi obubandakanya izithombe zika Mncube. UMncube uyena osolwa ngokudubula u Meyiwa.

05/10/2026

Liqalile ukuqulwa namhlanje enkantolo ephakeme yase Thekwini icala lokubulawa komculi u Keirnan " AKA" Forbes kanye nomngani wakhe u Tebello " Tibz" Motsoane. Umbuso uhlele ukubiza ofakazi abangamashumi amane nanhlanu abazochaza ngokuthi kwenzekani mhlazana kudutshulwa kubulawa laba ababili umhla ziyishumi ku Nhlolanja ka 202 endaweni yokudlela eThekwini kwaboshwa abasolwa abayisikhombisa ngalelicala.

IYENYUKA INTENGO KA PHETHILOLI KUSASA!UPhethiloli wohlobo lwe 93 kulindeleke wenyuke ngo R3.12 ilitha kuthi i-95 inyuke ...
05/10/2026

IYENYUKA INTENGO KA PHETHILOLI KUSASA!

UPhethiloli wohlobo lwe 93 kulindeleke wenyuke ngo R3.12 ilitha kuthi i-95 inyuke ngo R3.33 ilitha. U-Diesel wona uzonyuka ngo R2.84 kuya ku R3.24 ilitha.

05/10/2026

"NGIYAFISA UKWAZI OBANI ABADUBULA AMADODANA ETHU KULABASOLWA ABAYISIKHOMBISA"
Ngesikhathi ubaba womculi we Hip Hop u Kiernan "AKA" Forbes kanye nobaba ka Tebello 'Tibz' Motsoane bephawula ngabakulindele njengoba namhlanje kuqala ukuqulwa kwecala lokubulawa kwamadodana abo.

Address

271 Oak Avenue
Randburg
1724

Telephone

+27716702548

Website

Alerts

Be the first to know and let us send you an email when Izindaba ku163 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Izindaba ku163:

Shortcuts

Share

Category