26/02/2025
Die storie van Grietjie die hanskalf:
Grietjie en haar ma was op n veiling gekoop, haar ma het haar toe weggegooi en niemand kan verstaan hoekom nie. Ons neem haar toe in en begin self melk gee. Later die week vind ons toe uit dat die veilingskrale per ongeluk twee koeie se kalwers omgeruil het. Grietjie het toe haar naam gekry en is toe van daar af in die kraal op die bottel en word so groot gemaak. Sy is lief daarvoor om agter haar "mens" pa aan te hardloop wanneer hy met die motorfiets ry.
Dis deel van die lekker van plaaslewe maar is bitter harde werk. Jy moet die kalf se vertroue wen en dit is nie altyd maklik nie. Baie mense d**k omrede n bees rustig is, is hy mak, maar hy bly n wilde dier. Hoe meer jy met hulle werk, hoe meer raak hulle jou gewoont. Kalwers wat met die bottel groot gemaak word, moet tenminste 3 maal per dag melk gevoer word. As jy gelukkig is en jy het n melkkoei kan jy van daardie melk vir die kalf voer andersins moet jy n melkpoeier gaan aankoop wat gewoonlik met water en rou eier aangemaak word.
