Bokamoso974

Home
Bokamoso974

We're a commercial radio station in the heart of Maseru City with a countrywide and international reach through our live stream platform.
(2)

Our core values are to entertain, educate and uplift all citizens of The Mountain Kingdom.

14/08/2025

[LITABA]: E le ho atolosa thuto baneng ba Basotho, Econet Telcom Lesotho le Higher Life Foundation li nehelane ka chelete e kalo ka M1 Million ho lekala la thutho le koetliso Maseru maobane.

Chelete ena e reretsoe ho thusa ho patalla bana ba Grade 11 ba tsoang malapeng a hlokang ho ngola litlhahlobo tsa bona tsa makhaola khang.

Ho sa le joalo, Mookameli e moholo oa Econet Telcom Lesotho, Dennis Plaatjies, puong ea hae o hlalositse ha ba lumela h**e ngoana emong le emong o lokela ho kena sekolo a be a phethele lithuto tsa hae ‘me ke ka hoo Higher Life Foundation e kenyang letsoho ho bona h**e bana ba hlokang ba thusoa ele h**e ho se be le ea sallang morao.

Letona la thuto le koetliso, Dr. Ntoi Rapapa, o bontšitse ha Econet e sa thusa lekala la thuto le lekala la nts'etso-pele ea sechaba fela, empa e file bana ba tsoang malapeng a kojoana li mahetleng tšepo bophelong, kaha ba tlilo atleha ho ngola lihlahlobo tsa bona. A boela a ipeletsa ho mesuoe hloho ea likolo ho tlohela ho leleka bana ba kolotang sekolong ka ha sena se tima ngoana monyetla oa h**e a ithute.

Ke bana ba 439 ba tsoang likolong tse 167 ba tlilo fumana thuso ea ho patalla lihlahlobo tsa bona tsa mapomela.

Litaba ka Liopelo Ntšetsi

09/08/2025

[WOMEN’S DAY]: Khoeling eena ea Mosali Oa Mo-Afrika, basali ba Bokamoso974 ba re Mosali tseba h**e u matla.

08/08/2025

[LITABA]: Ramela and Associates le Bishop David Ramela ba khakotse lipapali tsa BISHOP RAMELA FOOTBALL SPECTACULAR ka la 06/08/2025 Ha-Thetsane, Maseru.

Ke mona moo lihlopha tse 'ne (4) tsa papali ea bolo ea maoto ho hlaha boemong bo ka holimo ba liki (Vodacom Premier League) litlang ho thulana ka bo tsona, ha lihlopha tse 'ne (4) hape ho hlaha boemong bo mahareng (A Division) litlang ho thulana ka bo tsona.

LETHATHAMO LA LIPAPALI TSA BISHOP RAMELA FOOTBALL SPECTACULAR⚽️

Moqebelo oa la - 30th PHATO 2025

10H00 | LITŠILO FC ➖ BB WARRIOR FC

SEMIFINAL 1
12H00 | LINARE FC * ➖ LIOLI FC

SEMIFINAL #2
14H00 | BANTU FC ➖ MATLAMA FC

Sontaha sa la - 31st PHATO, 2025

12H00 | CCX FC 🆚️ MEMBERS FC

• F I N A L - 14H00❓
Winner SF1 ➖ Winner SF2

PRIZE MONIES:
A-division teams will each get M10,000.

CHAMPIONS➡️ M150, 000.00

RUNNERS-UP➡️ M75,000.00

SEMI-FINAL LOSERS➡️
M40,000.00 (Each)

NB: A Division Clubs will receive M10, 000.00 (Each)

Tlaleho Ka Peterlex Mpakanyane

Editor: Makananelo Kotelo

06/08/2025

Standard Lesotho Bank se phalletse bana ba phelang le bokooa ba masapo ka liaparo tsa mariha Morapeli Disabled Centre, Motsekuoa, Mafeteng kajeno.

Lena ke letšolo la "Winter Drive" le reretsoeng ho thusa batho ba nang le bokooa ka liaparo ‘me letšolo lena le etsahala selemo le selemo.

Ho sa le joalo, Manyathela Kheleli, Marketing Manager for Communications and Sponsorship, Standard Lesotho Bank, o hlalositse ha ba thetsane ka lehetla le lekala la nts'etso-pele ea sechaba ‘me ba boela ba tšehetsoa ke ba bang ba bahoebi ba Standard Lesotho Bank le Basotho ba boithatelo bo botle ho phethahatsa morero ona.

Puong ea hae mookameli oa lehae lena, Sister Canicia Nthunya, o hlalositse ha ketelo ena ea Standard Lesotho Bank nakong ena eo kereke ea Catholic e ketekang Jubilee ea Ts'epo e ba file ts'epo ea h**e kahare ho bokooa boo ba phelang le bona, ba ntse ba tla fihlela litaba-tabelo tsa bona bophelong. A boela a ipeletsa ho batsoali h**e ba se tšabisi bana ba nang le bokooa, kaha sena se thibela ngoana h**e a phuthulohe ‘me a tsebe ho its'oarela ka matsoho kaha a sa kopane le batho ba ka mo thusang ho etsa mesebetsi ea matsoho e ka mo phelisang.

Ke bonyane bana ba 111 ba abetsoeng liphahlo, bashanyana ba 65 le banana ba 46 kajeno.

Tlaleho ka Liopelo Ntšetsi

03/08/2025

[LITABA]: Moetapele oa Lekhotla La Puso Ea Sechaba DC Mathibeli Mokhothu o re, DC e tlil’o hapa likhetho tse tlang 2027/2028 khahlanong le puso ea hajoale.

O buile sena sebokeng sa DC lebatooeng la Malimong #22 Berea Kajeno.

Mokhothu o re holatela poboli ea sechaba pusong ena mafapheng a fapakaneng, ke sesupo sa h**e puso e litulong hajoale, e fositse sechaba se e khethileng le Basotho kaofela.

O boetse a re ha hona mang kapa mang, ea ka bolaeang DC boetapeleng ba hae.
A boela a ipiletsa ho litho tsa lekhotla lena hoba ngatana-ngoe, ho hlola sera ka linako tsohle.

Malimong #22, e hapiloe ke RFP likhethong tsa 2022, 'me Mokhethoa ke Mong. Makara Lephoi.

Tlaleho: Theko Obhuwanga

03/08/2025

[MAEMO A LEHOLIMO]:
Tlhokomeliso: Ho na le monyetla oa ho khetheha hoa lehloa ho tloha mesong ea Laboraro la la 06 ho isa Labone la la 07 Phato 2025 le letsatsing leo la Laboraro.

Kajeno (03/08/2025): Le koahetse ka ho khetha libaka haholo-holo ka maru a melatsitsi, ho pholile ho isa ho eba mahareng, empa hoa bata libakeng tse ling ka maloting ka moea o fokang o le bobebe. Ho ka lebelloa h**e le hlake boholo ba libaka, ho bate ho isa ho bata haholo le serame se lale ka moea o fokang oa le bobebe ho hlaha leboea-bophirima.

Hosane (04/08/2025): Ho ka lebelloa h**e le koahele ka ho khetha libaka, haholo-holo ka maru a melatsitsi, ‘me ho be mahareng ho isa ho phola, empa ho bate libakeng tse ling ka maloting. Moea o ka lebelloa ho foka o le bobebe ho isa o eba mahareng ho hlaha leboea-bophirima.

Source: Lesotho Meteorological Services

02/08/2025

[LITABA]: Mohokahanyi oa bacha Mohale'Hoek lekaleng la tekano, bacha le ntšetsopele ea sechaba 'Mampho Makharelele o re, liqholotso tsa bacha li fapana hoea ka libaka tseo ba phelang ho tsona.

O re bacha baphelang mabalane ba tjametsoe ke tlhokeho ea mesebetsi, ha ba phelang maloting ba le tlokotsing ea phano ea litšebeletso tsa mantlha tsa botho.

Makharelele o boletse sena kopanong ea bacha le komiti ea paramente e shebaneng le boiketlo ba sechaba ( Social Cluster), moo e neng e lutse majoana le bacha ka setšoantšo sa molao oa bacha sa selemo sa 2024 (National Youth Development Bill).

O ipilelitse h**e setšoantšo sena se mpe se boptjoe ka mokhoa oo se tlang ho arabela litlhoko tsa bacha bohle ba naha ena.

Ho sa le joalo,molula-setulo oa komiti ea paramente e sechabeng le boiketlo ba sechaba Mokhothu Makhalanyane, o ipilelitse ho bacha ho atamela komiti ena ho teka mathata a bona, ba se e emele mohlang a tlang sebakeng sa bona.

Bacha ba re khetho ea litho tsa lekhotla la bona la naha, e ipapise le makhabane a bacha ba joalo, eseng ka tšutšumetso ea polotiki.

Komiti ena e ntse e potoloha le litereke ka hofapana, ho kopana le bacha ele ho ba nonya maikutlo ka setšoantšo sena sa molao, moo maobane e bileng le kopano e tšoanang le bacha ba Mafeteng.

Tlahelo: Theko Obhuwanga

02/08/2025

[LITABA TSA MACHABA]: AFRIKA BOROA

SEPOLESA SE TŠOARA BARAFI BA SENG MOLAONG BA KA BANG 1000

Sepolesa sa Mpumalanga Afrika Boroa se tšoere barafi ba seng molaong ba ka bang sekete, morafong oa khauta oa Sheba Barberton.

Litlaleho li kuma ha boholo ba barafi bao e le ba senang litokomane tse ba lumellang ho phela naheng eo ka molao, kaha e le melata.

Ba tšoere nakong ea letšolo la sepolesa le bitsoang “Operation Vala Umgodi”, e leng letšolo le reretsoeng ho koala merafo e seng molaong.

‘Muelli oa sepolesa Mpumalanga Donald Mdhluli o re barafi bao batla qosoa ka ho tlola molao oa bojaki.

Source: SABC
Translation: Makananelo Kotelo

01/08/2025

[LITABA TSA MORUO]: Lesotho le fumane sekhahla se secha sa lekhetho la 15% ka Labone (31/07/2027) ho tsoa ho President ea linaha tse kopanenng tsa Amerika Donald Trump, bakeng sa thepa eo naha e romellang Amerika.

Sena se tla nakong eo naha e neng e tšoenyehile haholo ke mesebetsi ea Basotho e lahlehang, ka lebaka la sekhahla se phahameng sa lekhetho la thepa eo Lesotho le romelang Amerika, kamor’a h**e Trump pejana selemong sena a phatlalatse ha Lesotho letla lefa lekhetho la 50%, ‘me tebello e ne ele h**e e se kene tšebetsong ha khoeli ea Phato e hlola letsatsi.

Le ha hole joalo Trump o fetotse sekhahla sa lekhetho le sebelisoang ka mokhoa o tšoanang linaheng tse ngata, ho kenyeletsoa le Lesotho, e neng e le tlas’a khatello ea ho lefisoa lekhetho la 50% ho tloha ka Mmesa — e leng palo e phahameng ho feta linaha tsohle tse sebelisanang le US.

'Muso oa Lesotho ka letona la litaba tsa machabeng Lejone Mpotjoane ho marang-rang kajeno, o bontšitse o ananela sekhahla sena ka liatla tse peli, ant'o leboha Letona la khiro le bosebetsi Mokhethi Shelile le bohle ba kentseng letsoho ho rarolla bothata bona.

Ka mor’a ho phatlalatsa sekhahla se secha sa lekhetho lena ka Mmesa, puso ea Trump e ile ea emisa ho e kenya tšebetsong lekhetho lena, ele ho fa linaha monyetla oa ho buisana.
Ka lebaka la phatlalatso ea sekhahla se secha sa lekhetho ke puso ea Trump, barekisi ba bangata ba Amerika ba ile ba hlakola 'li-order' tsa liaparo tse entsoeng Lesotho, e leng se ileng sa baka ho lelekoa ha basebetsi ba bangata, le ho koala ha tse ling tsa lifeme.

Tlaleho: Obhuwanga

31/07/2025

[LITABA]: 'Muso oa Japan le Mokhatlo oa Machaba a Kopaneng oa lijo (WFP) li tekenetse tumellano ea tlatsetso ea toantšo ea tlala ea bojalikata Lesotho, Maseru Kajeno.

Ka tšehetso ena, Japan e ikemiselitse ho fana ka chelete e fetang M24 milione ho thusa ho fepa litsi tsa tlhokomelo ea bana ba banyenyane (ECCD) ho phatlalla le Lesotho.

Tšehetso ena e tla thusa ho fana ka litlhapi tse ka makotikoting, phofo ea poone, le meroho e metala ho bana ba banyenyane, ho ntlafatsa phepo le bophelo bo botle ba bona nakong ena ea bohlokoa ea kholo. Meroho ena e metala e tla rekoa ho lihoai/bahlaisi ba eona ba Basotho.

'Muso oa Lesotho o lebohile 'Muso Japan le WFP ka tšebelisano ena e tsoelang pele ho tšehetsa bophelo le bokamoso ba bana ba Basotho.

Tlaleho: Theko Obhuwanga

31/07/2025

[LITABA]: Ofisi ea Monamoli
(Ombudsman-Lesotho) e butsui ka molao seterekeng sa Botha-Bothe kajeno

Sena ke karolo ea lenaneo le tšehelitsoeng ke EU, ele ho ts'ehetsa phano ea naheng ea Lesotho.

ke morero o qalileng ka selemo sa 2022, 'me o shebane le ho aha Lesotho le lokileng le le kenyeletsang bohle. E meng ea mehato e tsebahalang ea lenaneo lena ke katoloso ea litšebeletso tsa thibelo ea bobolu le thuso ea molao ho ea literekeng tse khethiloeng.

Ofisi ena e fumaneha meahong ea 'musi oa setere sena. Pejana Monongoaha ofisi e tšoanang e ile ea buloa Mohale'Hoek, ka sepheo se tšoanang.

Tlaleho: Theko Obhuwanga

31/07/2025

[LITABA]: Baqolotsi le baphatlalatsi ba litaba ba bileng teng kopanong ea phatlalatso ea liqeto tsa lekhotla la matona pejana maobane(30/07/2025) Maseru, ba bile le lipotso tse ngata haholo tse mabapi le taba ea Basotho ba tšoaroang hampe ke baahi ba Afrika Boroa (SA) ha ba leka ho fumana litšebeletso tsa bophelo bo botle ha ba le Afrika Boroa.

Taba ena e hlahile kamora h**e Letona la Likhokahanyo, Mahlale, tšebeliso ea mahlale le Boqapi (MICSTI) Nthati Moorosi a rapalatse liqeto tsa cabinet ho mekhatlo ena ea boralitaba, moo a ileng a ama taba ena, e ileng ea baka lipotso tse tsoang ho mekhatlo ena ea boralitaba.

Ke moo ba bang ba ileng ba bontša matšoenyeho a Basotho ba phelang Afrika Boroa, moo ba teanang le bothata ha ba batla litšebeletso tsa bophelo bo botle. Ba bontšitse ha ketso eo e sa lumellane le molao oa motheo oa naha.

Ba boetse ba khothalelitse cabinet ka molomo oa Letona Moorosi h**e e tle le mehato e tla thusa ho rarolla bothata bona, ‘moho le ho eletsa h**e na basebetsi ba Afrika Boroa ba ka sebetsana hantle joang ho hlola bothata bona.

Tlaleho: Theko Obhuwanga

Address

Telephone

+26663172559

Website

http://www.bokamoso974.co.za/

Alerts

Be the first to know and let us send you an email when Bokamoso974 posts news and promotions. Your email address will not be used for any other purpose, and you can unsubscribe at any time.

Shortcuts

Address
Telephone
Alerts
Claim ownership or report listing
Want your business to be the top-listed Media Company?

Country:

City:

14/08/2025

09/08/2025

08/08/2025

06/08/2025

03/08/2025

03/08/2025

02/08/2025

02/08/2025

01/08/2025

31/07/2025

31/07/2025

31/07/2025

Address

Telephone

Website

Alerts

Shortcuts

Share