12/07/2025
op IFM Radio 102.2 FM
Hoekom bekommerd wees?
Ons word baie keer in die Bybel gemaan om nie bekommerd te wees nie. Aangesien dit die geval is, is bekommernis 'n keuse. Wanneer ons bekommerd is, laat ons ons gedagtes toe om by moeilikheid of probleme vas te steek. Die verskil tussen bekommernis en besorgdheid is waar jy God in verhouding tot jou moeilikheid plaas. Bekommernis haal God uit die vergelyking en fokus net op die probleem. Wanneer ons opreg besorgd is, moet ons dit na die Here toe neem, luister na sy leiding en fokus op Hom. Filippense 4:6 herinner ons: "Moet oor niks besorg wees nie, maar maak in alles julle begeertes deur gebed en smeking en met danksegging aan God bekend."
Toe 'n klein dogtertjie met haar ma praat, sê sy: "Het jy geweet dat bekommernis voorgee is?" Haar ma het haar gevra om te verduidelik en sy antwoord toe: "As ons aan Jesus behoort, het ons niks om oor bekommerd te wees nie." Sy het voortgegaan: "Die duiwel skree hard op ons om bekommerd te wees, maar God is stil, daarom moet ons ook stil wees en luister, want Hy fluister." Die beste deel van haar verklaring is toe dat sy 'n punt gemaak het om te sê: "God fluister." Wat 'n pragtige visuele bewys hoe naby Hy aan ons is. Hierdie feit alleen behoort ons angstige gedagtes te verjaag.
As ons kies om bekommerd te wees, oefen ons vir tragedie. Mark Twain het dit goed gestel: "Ek het deur 'n paar verskriklike dinge in my lewe gegaan, waarvan sommige werklik gebeur het." Hierdie skadelike gedrag maak die deur oop vir angs en spanning om in te kom. As ons dit toelaat, sal bekommernis ons gesondheid en ons geluk steel.
Spreuke 17:22 sê: "n Vrolike mens is 'n gesonde mens, 'n neerslagtige mens raak uitgeput." Bekommernis kan ons siek maak. Mediese navorsing bereken dat sowat 90 persent van siektes, hul oorsprong in spanning het. Ons is nooit geskep om bekommerd te wees nie, maar om te vertrou. Ons eer God wanneer ons Hom vertrou en glo dat Hy enigiets kan hanteer wat oor ons pad kom.
Jesus sê vir ons om nie oor môre bekommerd te wees nie, want elke dag het genoeg moeilikheid van sy eie (sien Matteus 6:34). As daar iets is wat ons kan doen om 'n probleem op te los, dan moet ons dit doen — ons bekommernisse moet ons tot aksie motiveer. As ons niks daaraan kan doen nie, dan is dit nutteloos om bekommerd te wees oor wat buite ons beheer is.
Maak vandag 'n keuse om God te vertrou deur te weier om bekommerd te wees.
BID:
Liewe Jesus, dankie dat ek al my bekommernisse aan U kan gee omdat U vir my omgee. Help my om op U te fokus en nie op my vrese nie.
NADENKE:
Waarop fokus jy vandag? As jy jou gedagtes op God gevestig hou, sal Hy jou angstige gedagtes met volmaakte vrede vervang.
