Koring are

11/07/2025

Gee 'n blom

Romeine12:10 -13:8
'Betoon hartlike broederliefde teenoor mekaar...
Julle moet niemand iets verskuldig wees nie,behalwe om mekaar lief te hê.
Wie sy medemens liefhet, voer die hele wet van God uit.'

Sal U asseblief die mense aan my uitwys wat my liefde en empatie die nodigste het?
Help my om na die mense om my uit te reik met dáárdie liefde wat U self in my kom plant het.
Amen

09/07/2025

Die koms van die liefde

Johannes1:9,14
'Die ware lig wat elke mens verlig,was aan kom na die wêreld toe.
Die Woord het mens geword en onder ons kom woon. Ons het sy heerlikheid gesien, die heerlikheid wat Hy as die enigste Seun van die Vader het, vol genade en waarheid.

Dankie dat U vandag nog kom lig maak in my donkerte,dat U vir my vrede gee wanneer my hart onrustig is en dat U liefde die selfsug uit my hart en lewe verdryf.
Amen

05/07/2025

Geen groter liefde
Johannes15:12-13

12 'Dit is my opdrag:Julle moet
mekaar liefhê soos Ek julle liefhet.
13 Niemand het groter liefde as dit
nie: dat hy sy lewe vir sy vriende aflê!

Ek weet ek sal nooit kan regkry om
ander so lief te hê soos wat U vir my
het nie, maar help my om so te lewe
dat ander mense my kan liefhê-en dat
ek in my daaglikse omgang met hulle in
U krag my liefde vir hulle sal wys in
alles wat ek doen en sê.
Amen

20/03/2025

20/03/2025

17/02/2025

In God se omhelsing

2 Johannes1:5-6
5 En nou bid ek U, uitverkore, vrou asof ek U 'n nuwe gebod nie,maar een wat ons van die begin af gehad het:dat ons mekaar moet liefhê.
6 En dit is die liefde, dat ons wandel volgens sy gebooie . Dit is die gebod soos julle van die begin af gehoor het dat julle daarin moet wandel.

Leer ons om lief te hê, Here.Laat ons sommer vandag al begin om mekaar met liefde te verras op honderde maniere: om 'n drukkie te gee, om te sê hoeveel hulle beteken, om tyd te maak om werklik te luister en om saam te wees.

Dankie dat ons dag vir dag in U omhelsing mag lewe met die sekere wete dat U ons met u liefde omvou, dat U ewige arms rondom ons is, dat U ons vashou en beskerm teen gevare. Here, dankie vir die warmte en sekuriteit wat te alle tye ons sin is omdat U ons liefhet asof ons die enigste mens in die wêreld is!
Amen

15/02/2025

God is in elk woestyn

1Petrus 5:10-11
10 En mag die God van alle genade self, wat ons geroep het tot sy ewige heerlikheid in Christus Jesus, nadat ons 'n kort tyd gely het, julle volmaak, bevestig, Versterk en grondves!
11 Aan Hom die heerlikheid en die krag tot in alle ewigheid!
Amen

'Die Here Jesus beloof nêrens dat 'n mens se probleme sal ophou die oomblik wanneer jy 'n dissipel word nie. Wat die Here wel beloof, is genade, hulp en begrip in die woestyn, soos vir Elia. Hy beloof krag na ons daaglikse behoefte. Hy beloof nie dat Hy die duisternis summier sal laat verdwyn nie, maar dat Hy met ons deur die duisternis wandel, dat Hy die storm sal stilmaak, soos eenmaal op die meer toe die dissipels begin skreeu het van vrees. '

Help ons nou om aan te hou en uit te hou, om vas op U te vertrou omdat ons weet U sal weer vir ons uitkoms gee. Dankie ook vir U belofte dat hierdie swaarkry eintlik net 'n kort rukkie duur en dat dit eendag vir ons sal uitloop op U ewige heerlikheid.
Amen

22/01/2025

Watter boodskap skryf jy?

Matthéüs 5:16
Laat julle lig so skyn voor die mense,dat hulle julle goeie werk kan sien en julle Vader wat in die hemel is verbeerlik.

Ons skryf n boodskap, n hoofstuk per dag deur als wat ons sê, wat ons doen, hoe ons lag.Min lees die Bybel, dit moet ons onthou-hulle sien net die Bybel se boodskap in ons.'

Gee dat ons altyd sal besef dat ons dade harder as ons woorde praat en dat die mense wat ons pad kruis deur ons liefde en vriendelikheid nader aan U gebring kan word.Maak ons vriendelik, geduldig en liefdevol sodat ander mense vir U in ons lewe sal kan lees.
Amen.

20/01/2025

Die koms van dagbreek

Johannes 5:24
Voorwaar, Voorwaar Ek sê vir julle, wie my woord hoor en Hom glo wat My gestuur het ,het die enige lewe en kom nie uit die dood in die lewe.

Here Jesus, baie dankie dat U gesterf het sodat ons nie hoef bang te wees om te sterk nie.Dankiedat ons, omdat ons in U glo, vir altyd sal lewe,al moet ons eendag fisiek doodgaan.

Dankie dat U vir ons wag aan die ander kant van die doodsvallei; nee,meer nog,dat U ook saam met ons sal stap as ons deur daardie donker dieptes moet gaan. Ons loof U dat ons nou seker kan wees dat ons eendag saam met U vir altyd sal lewe. Amen

23/12/2024

Omtrent ma's

1 Timoteus 2:15
Maar sy sal gered word deur kinders te baar,as hulle bly in geloof en liefde en heiligmaking, met ingetoënheid.

*Toe God moeders uitgedink het, moes Hy van tevredenheid gelag het- so ryk, so diep, so goddelike,so kragtig, so sielvol en so mooi was die idee.

*Dankie dat ons weet dat U ook daar is om ons deur elke krisis te dra wat deel uitmaak van ma- wees- dat U ons sal liefhê en help en lei en dra soos ons dít graag vir ons kinders wil doen. Dankie dat ons, alhoewel ons 'n ma is,nog steeds U kind kan wees.
Amen

12/12/2024

Liefde moet geleef word

1Johannes3:18
My kinders, laat ons nie liefhê met woorde of met die tong nie, maar met die daad en in waarheid.

* Dankie dat ons vir seker weet dat U die huwelik ingestel het, dat dit U wil is dat ons huwelik sal duur totdat die dood ons eendag skei. Gee dat ons in liefde saam sal lewe sodat ons huwelik 'n blomtuin sal wees wat aan baie mense vreugde sal verskaf.
Amen

11/12/2024

Is God liefde

1Johannes 4:7-8
7 Geliefdes, laat ons mekaar liefhê;want die liefde is uit God, en elkeen wat liefhet, is uit God gebore en ken God.
8Hy wat nie liefhet nie, het God nie geken nie, want God is liefde.

* Hemelse Vader, ons kom loof U omdat U liefde is,omdat U u liefde vir ons kom sigbaar maak het in die lewe van u Seun. Ons loof U vir die omvang van U genade wat dit vir ons moontlik maak om U liefde in elke situasie raak te sien. Dankie vir die ontdekking dat ons nooit,ooit aan U liefde vir ons hoef te twyfel nie.
Amen