https://www.swampytales.blogspot.com/

Swampy Publishers, Plot 41379/M Mitengo, Ndola (2025)

06/01/2025

WE DELIVER YOUR MESSAGE AS RECEIVED! TRUST THE MESSENGER!

01/01/2025

Are you a communication expert? Unlock the full potential of your flawless communication. Experience the difference with our seamless translations. Trust our expertise to bridge the gap between languages with unmatched accuracy! We turn your words in our languages with precision.

09/12/2024

As you enjoy your industrial break, you can rest assured that in 2025, you will not be cracking your head to find a partner to deliver your marketing or any other corporate message in Zambian local languages. We are ready to help!

27/10/2024

UMO TWENDA

UBUKWEBO BUPYA MU LUSAKA

Nafika icungulo kasuba pa Mandebvu.

Ico naishile ndeshipula ukufuma ku musumba wa busaka uwa Ndola, nafilwa ukwishiba bwino ukutulila akasuba na kuntu kawila. Nalacebacebafye. Ba “Muyenda!” balepyoola nga amash*tima pa matwi yandi, ico bamona ndepukapuka. Kuufilwa na ukupisha amatwi.

Umo ka musange kawamina, natumina uo twali na ukumonana nankwe. Anjasuka ukuti nansungila amalo ku ng’anda ya beeni iyabeela mu mbali ya musebo walola ku Kabanga. Ico bawitila Great Fimo-Fimo cakwishiba abayako, pantu ine ilyo naleeyako, nga wacilafye pa Chongwe, ninshi mukwai caponda mutaka. Kuti uletenauka nga akaice pa kampeelwa. Wati kanshi ishiwi lya kuti “Great” eemo lyalola kuno kuntu mwa?

Ukulolesha mu misebo mu tauni, ilya iya mashina yakulu-yakulu, mukwai namona ukuti fimo nafyaluka. Awe ubusaali bulya bwateekele nabuceepa. Teekuti usakamane apo ulenyanta. Eya, mukwai uush*tasha mwana wa mungolongondo. Ubwaca nabo tabulubwa, na mukolwe alacinkula ukuti imeeni kalatundubala. Uko ifyuni fyailuka insh*ta, nga we muntu!

Lelo icimpungili ceena mukwai ni leka-leka. Kuti mulekwesanafye nabo ush*tendeke. Calilila na welele ku ma bize yabula na bulole! Kuti muli na mpisha-mpisha. Kanshi we mweni kuti ulelaambafye inshila ngo muswema. Ni bu ‘Kabundi ceefya umutwe, impako shaba na bengilako.

Nasanga umunandi alendoleela pa citesheni. Elyo anjeba ukuti kuno nomba kwaliba Yango ya abeena-Russia, iyakuti kuti ya kutwaala ukuli konse. Eyo twalaniina. Ine naati nalimo liish*tima ilipya, yalya batiila yalabutukisha, eyo Ababemba nga bapapa abati, “Yangu ici cintu ulubilo mwe!”, abeena-Russia baumfwa ati “Yango!” Kanshi yangu ni yalya yenefye ama taxi bayalembeshafye. Elyo balebasuswilako ka ndalama kanoono ku beene abapanga icibungwe.

Kuti wapapa ico fwebene tushingaipangila utubungwe twa musango uyu. Indalama shileeya ku baakwata ishingi kale. Mukwai batiila uwalyapo kanoono, taba fintu aciba. Aba nabo abanensu eemo Leesa alebasungila. Lyaashi lya mailo, leelo katushimikeko fimbi.

Twapwishafye ukulya umulalilo, umunandi anjeba ukukaana sendama saana mu nsh*ta ya ku macaaca. Ine nati pali kantu. Kanshi kwaliba umungolongondo uucuusha abalanda Icibemba mu Lusaka. Nshilumbwile mutundu mukwai, ine nsh*tendeka muntu. Imbila ya mushi, tabaasuka nga tabakushiniike.

Cilya mukwai ciletwala kuli ba 5 Koloko, naumfwa ishiwi ilyafina mu kakulandilamo, kalya mwaishiba bakulika ku ncinga nga baleseesha utwa makwebo, abangeleshi abati ka megaphone.

Pakubala nshaleumfwikisha ifyo kaalelanda. Awe nasansula umutwe nabiikapo na umusao wa bubili, nati uleke ng’umfwikishe imbila umunandi ansokele ukuti nkabiikeko amaano. Kanshi na mu matauni balooma imbila kwati ni ku mushi! Bushe insambu bapoka kwi?

Ala bane ni mu kanwa nkokwele, naumfwa uko kaleti:

“Awemba o onongeka tigula. Awemba o onongeka tigula!”

Naumfwa umunandi apo asendeme aimya umutwe bwangu-bwangu nga ngoshe, ico ako kantu kalelanda ica ku mwabo. Elyo anjipushamu citundu cabo ati:

“Waumfwa imbila mune?”

“Niintesha. Ale Ababemba baonaika kuti abasanga kwi, elyo nga abash*ta abatwale kwi?

“Kaaya.”

“Nga cinshi teekuti epushishefye ba shing’anga ba pa Chainama nga alefwaya uwakuyapandilamo?”

“Kulya limbi kuti asanga shing’anga Umubemba, kuti amukapisha, amupeela bululu wakwe.”

“Kabili ico eecingalinga saana. “Akasabi ukulya akasabi kabiye eekunona.”

“Awe na imwe, umwine nalimo pali icalenga alefwayafye Ababemba.”

Nati uyu mulumendo tangala bwino mune. Nga ni kuntu naafuma, nga enda ne mpoompo nge ng’wena.

Ine uko mfumine bash*ta amabatili ya mu ma motoka ayaonaika, pakuti bakayesungulula bakapangemo fimbi, kanshi kuno bantu mwa, nabofye Ababemba beka-beka? Awe ubu bukwebo buupya."

Awe bululu wakwe alasekafye.

Ala mukwai twa mu kwenda, kuti mwasangamo na bacipena abamona abatuntulu ukuti eemashilu. Eco abangolongondo beena balandila, ukukonka Icibemba pa musana ukuti “Umwana ashenda, ciilema.”

18/10/2024

UMO TWENDA

IFYAKUMONA KU MEENSO

Umunandi umo alenjipusha ico shino nshiku njikalile tondolo ukwabula ukushimika utwa mulya twenda. Natiile mukwai “Mwikala-patalala, mwine apatalalika”. Tondolo nao muusuma!” Kuubala waumfwako na ku banoobe, elyo ilyashi liwama.

Icishinka cakuti amalaiti nga balepimisha, awe ne lyashi abantu nomba abashimika bonse bapimishafye. Abashifilwafye ni balya bamukukuulu abo amafoni yabo tayashimapo na kushima. Beena umo shaceela tabacinja imbila sha kwibilamo abantu. Na leelo baleti “Ulupiya lwa balanda nalufuma, tumeeni tumwebe ifyakucita!” Nalimo abati, “Tulepanga ulupiya lwa majiki, nga mwacitila umu ninshi mwanonka epela, Trump kuli imwe akabafye coola-boyi.”

Bulya bushiku umwaice wandi Ozo alebepusha ico bashipangilako amalaiti, ameenshi na mafuta ya muli bamotoka, ifilecuusha abekala-caalo, ukubomfya majiki. Pantu ino nsh*ta nga bawiina nga Elon Musk. Awe nakalya tababweesha ma meseji ukufika na leelo. Nga bakwibila babiikapo no kutumfya abati, “Pwanku!”

Ukubwelela ku lyashi yemwe.

Twafika mu komboni limo ifi muno Ndola umo ine na Ozo twaletandalila utwishikulu. Cilya twafika pa mwinshi, twamona banamaayo nabalongana. Twati ni ifi nalimo abanensu balebulwa ifyakucita, balepaanga ifibwanse apali ponse. Ulwambo pa miikalile lufulile ngo mucanga.

Kamo pa twishikulu katubutukila ukwisa tusengela, akati:

KESHIKULU: “Bashikulu, ba Chisala naabalwala.”

INE: “Nga cinshi cashupa ku mukashana wandi?”

KESHIKULU: Baleifwenyafwenyafye na ukulila bushiku bonse mpaka bwaca. Abanaabo abati bali na mang'a mu nkanda nga kwati bapitile muli mashini ya mu buuca. Tabamona tulo nangu panoono. Nefwe tulepungila pamo kwati nalimo eko twaali. Ingileni mu bamone. Eifi mwamona abanabo bonse bakungene nga ba mwankole pano, beshile mu kubapempula. Natufilwa na ukulya!

Akaceena ka tusabi twasasa katuposesha ku mwinshi uko twakonteeme pa kwingila kwati tuleeya mu taanelo. Nakuba eto aalefwaya ukulya ilyo talailetelela.

Panshi nabanshikapo akabutanda ka ku Kenya akafisembafisemba. Abanankwe bambi bekeele ulubali lumo, ico baumfwa ukuti kwaisa abaume.

Awe ciine twaikala nga filya, mupeepi na umuseke wa tumbale na utupooto. Imbabula na utumalasha twa kupimisha ayaali mu kaplastiki kafiita, fili mu koona nga filya.

Utupeepala uto baakobeka ku cibumba palembwa utwingi utwa manshooko. “Ulwambo lupemba Chibinda.” “Ifyo Umbona, Efyo Nkumona.” “Life is Who You Make it.” Na tumbi utwingi uto baalemba ku kuboko kushaololoka.

Ozo anshinishafye ukumona koswe alelengalenga pakati ka malata ne cimuti. Na ine nasungilafye inseko mu nsekete, nati kuti wapunwisha abaletensha.Insalu iikalamba iya Khaki eyaputula umuputule pakati kwati ni filya baleputula ukwa kwingila shimapepo mukalamba mu Israeli.

Bamo banamaayo balecina Chisala icisalu icaboomba panuma ya kucitumpika mu meenshi yatalala. Naasenama pa busanshi, ilya imibeeti ya kale iya maceeni-maceeni, iya fyela iipanga saana icoongo nga wasakunya kabili iyatemfuma, mwe bakalamba namwishiba, ilya icoongo cileengesha insoni ku beeni nelyo musendeemepofye!

Cilya aumfwa uko tuleasuka imitende ya banankwe, aishiba ishiwi lyandi ifi lyaba ilya cileya-cileya. Naumfwa apunda ku numa ya cisalu:

CHISALA: “Bashikulu, mwaiseni! Awe nacuula! Ni baani bamwebele ukuti nindwala?”

INE: “Awe mune twishilefye twati tuye tandala. Twasanga kuli na umukunda. Nga cinshi cashupa mwana-wesu?”

CHISALA: “Bashikulu ulu ulwakubula indalama, kuti waiipaya.

INE: “Cinshi cingalenga uiipaye, bushe kuubulwa ifya kulya nalimo kwafya kwa malaiti?”

CHISALA: “Awe bashikulu. Ulu ulwakufwaya ukwendela pamo ne caalo, ukufwaya ukuibiika palya, kwanjibisha mu meenshi yatali. Nalefwaya nkwateko amataatu (tatoo). Nomba indalama shakutwaala kulya balemba nshakwata. Nati kanjesheko inshila shimbi. Abanandi abati awe na sepe ukusankanya ne mito filabomba. Efyo nailefwaya sepe, bashikulu, na ukutampa ukuilemba pa lufumo, pa matanta na ku maboko. Kwena fyaletapata pa kulemba, Nomba naleeti pa kuwama kulaba ukupita mu fikali. Efyo nashipikishe mpaka naikwesaula umubil onse, shikulu. Yangu mayo ee! Ala nincula bashikulu. Yalimpanga ifilonda, teekuti muloleshepo. Ndetiina ukuya ku chipatala, nshishibe ifyakweba ba dokota nga banjipusha ukufumine ifilonda.”

INE: “Cabipa ico mwaice wandi!” Nga ayo yene mataatu yakukubwile umutima, wayamwene kwi uko wayakumbilwe?”

CHISALA: “Ku ma Selebu (Celebrity). Balya abaishibikwa elyo na mu ma filimu.”

OZO: “Yangu imipamba ilakula muno caalo ee! Na iwe ulefwaya bu Selebu bati?”

CHISALA: “Mwishibe bashikulu, ala bwafya!”

INE: “Mwaice wandi ‘Ifyakumona ku meenso filooca.’ Teefyonse umona ifyo ufwile ukucitako nangu ukukwatako. Fimo ifyo umona mu filimu kwaangalafye, balaya mu kufifumyako nga bapwisha ukwangala. Cimo na ukufwala ifyakwangalilamo ifi Nyau, bushe bekalilila nafyo? Balya ba Ngoni balaya mu kufuula, bashala na filya baabeshiba nga ba Phiri nangu ba Lungu. Efilya mu cingeleshi beeta ukuti “Costume,” fyaakufwalafye pali iyo ine nsh*ta. Ne nkopyo, ingala, imyefu, ne fisote fya mishishi (wig) ifyo utamba mu filimu ifingi bafwalafye nga baleyangala. Nga bapwisha balapoosa. Imwe mulemona ukuti fya lyonse. Nifyo fine, kuti walalepauka nga uo balekanga pa mulilo.”

OZO: “Cino caalo, cinshi cabela ifi Mudala?

INE: “Umuntu teekushiwa nefyo aakwata mwaice wandi. Ni kula umone.

Ala bantu bandi na nomba Chisala alenononsoka, alebola pa mulandu ne fya kumona ku meenso. Ala umo twenda, mwaba akantu na kabiye!

NOTE: Ifitabo fyesu nomba fikalasangwa mu matuuka ya ba Bookworld konse uko balanda Icibemba.

27/09/2024

"THAT'S THE WAY THE SYSTEM WORKS"

How many times have you heard someone make this statement? What do you think about when you hear this?

Well, for those who have had a fiasco at a government office, you know the feeling. It usually means your situation is a God's case. You will have to wait and wait or bribe someone for you to access a service.

If you thought that was synonymous with government service, you are wrong. I was shocked to hear this statement from an Airtel Call Centre Service Agent today.

I had sent money from my Airtel account to someone on MTN to sort out an emergency. Unfortunately, the money could not be delivered due to "SYSTEM FAILURE." I did not know the transaction was unsuccessful because I got a message that it had gone through. An hour later, the beneficiary called to ask why I had reversed the transaction.

After checking my account, I discovered the money was nowhere in my account either. So, I called 111 to find out.

A polite lady explained that there was a SYSTEM FAILURE and that the money "rolled back into a SUSPENSE account." She further explained that it would only be reversed into my account after FIVE DAYS!" When I asked why it should take five days to get my money back into the right account, the lady said, "That's how the system works."

Now mwe bantu, the money meant for an emergence will "ROLL BACK" into my account after five good days. What will happen to the issue we intend to solve today? Is this a good SYSTEM? Why can't AIRTEL develop a SYSTEM that "ROLLS BACK" money to the sender's account immediately instead of transferring it into a SUSPENSE account? How can money sent by a known account holder "roll into a suspense account?"

Ba AIRTEL, please, you are too big for such inconveniences. I think you can have a system that works better!

I am frustrated, disappointed, and amazed by such customer service from organizations full of highly educated professionals.

12/09/2024

UMO TWENDA

KWA MULUNDU

Kuli icipuki. Kukabile nga ku Chirundu! Ciipesha-maano!

Icikabilila cileumfwika kwati muli mu ciikini. Namona uko ilibe lyalaloka nge mfula ku mwaice wandi Ozo.

Elyo twafikafye ukufuma ku Kashikishi uko twaile mu kutamba ameenshi nga bamwansa-lutaka, abatandashi ba cimpwena.

Alipapile ukumona ukuti intamfu ya kufuma mu Nchelenge ukufika mu Kashikishi ya kwendafye amaminiti nalimo yasaano na motoka. Umo aabeela ne fipusho, aalefwaya eshibe ubupusano nangu icalenga umushi umo ukwate amashina yabili. Natiile tukepusha abakaaya. Awe mukwai nalabilekofye ku mulandu ne fisuma ifingi ifyo twamwene.

Eko umunandi amwenene pa muku wa kubalilapo utusuumbu batekeelamo isabi pali beemba, ifyombo fyabusha umukuba ukufuma mu Kongo, elyo na amaato ya mu ‘nsh*ta ya kwa Yesu.’

Twailetambila beemba wa Mwelu na fyonse ifi kulya kwabeela icaabu ca bashilika, uko beeta ukuti kuli baMarine, mupeepi ne cifungo na amaofeshi ya ciputulwa ca buteeko icimona pa fikumine isabi. Kwaba umucanga uusuma uwabuuta tuutu kwatifye ni ulya uwa ku lulamba lwa beemba wa Bangweulu ku Samfya.

Efyo naebele umunandi nati acenjele, ku bashilika teekwa kupenapena nangu ukupanapana. Ni ku mushi wa beene, teekunwa wapoosa amaano. Kano nga ulefwaya ukwendela ku lufumo nge mpini.

Twabweleleko nga abo baatumine, tatwaposele nsh*ta nangu cakuti tapali watwipwishe, abeene baaleyangalilafye, balekookoloka.

Ekwisaituuta pa Mulundu.

Naasha nabiika ka Sunka-mulamu pa mbali pakuti nsh*teko utufisaali. Namona uko bana-maayo balekaka utupimfya twa fisaali utulifye ubutali nga umunwe wa pakati mu mipo kwati tukuni twakwashisha umulilo, nabapombapo ne mipila. Bekeele uku na uku ukuciluka umusebo wafuma ku Mwense ukuya ku Mansa. Uku na uku kuli amash*toolo, elyo ku kuso kunuma ekuli maliketi.

Bana-maayo bamo balesh*tisha intembwa (ku Bangweulu batiila Insangula), ne mpungu (imaanda nalimo insaanga), elyo bambi utusabi tunoono uto beeta ‘Kashebondwe nangu Ubwana.’

Utumabasi tufumine ku Kawambwa na ku Nchelenge tulelonga ifipe muli tukasalanga baakulika ku numa, elyo abantu abaleeya ku Mansa nabo baleniina . Bambi nabo balesh*tisha ifintu ifyapusana. Pali na ulweee ku filimba mu mash*tolo na mashabini. Bambi beminine manengwa-manengwa baletambafye ifilecitika, kwati filya balanda abeena-Muwele abati ni ‘Bamwansa-lutaka, abekalila ubuune bwe longa.’ (Mwansa-lutaka cuuni icilya isabi lelo iciikalafye ku muti pa mbali ya mulonga, ciletamba uko ameenshi yalepita ukwabula ukwikatamo nangu akasabi akanoono. Kwati ni filya twaile mukucita ku Mwelu na Ozo.)

Cilyafye mukwai ndefwaya ukwipusha umuteengo wa tusaali, namona ililumendo iliipi, umubili uwalingafye, ilya cincilafye, lyafiika. Lifwele ulusapato ulukulu, itoloshi nalyo nge lya balumendo bashana Rhumba. Nalifwala na bomba wa nsalu nga tulya tufwalako bakateya-wa-mupila utwakwingilafye nato mu cibansa, tulya bafumyako pa kuteya.

Mukati muli nsengeleti (skipa) iyafiita, lelo iyalamba saana. Nalolesha umushishi, awe tamwapita icisakulo nakalya. Ku milomo kubuutile na tuutu. Akaceena kaleumfwika kwati pali icimbusu.

Awe namona andoleshafye kutiinya-kutiinya. Naine namulolesha, nakaka na pa meenso. Mukwai aleeti nga anshuluka, naine namushuluka. Icishele naumfwa alomba ulupiya:

Kafunte: Mpelako K5.00

Ine: Kuti walalomba indalama apo upelele? Bushe teekuti uleifwaila? Abanobe abo balesendela ifipe ku bantu pakuti babalipile.

Namona afiitwa, alamoneka kwati na mupusa imfuti. Aisashumpukafye mukwai, na ukulola kuntu aafumine. Kwati ni filya batiila, ‘Umunobe nga akupusa ifumo, iwe mulase.’

Mukwai naaleeta ulwaisula umushi kuli Kafunte. Uyo aya kwi shilya lya musebo, eko ayatendekela ukulaisha insele! Ala mukwai uwabola mu kanwa! Kuti nga apongomoka mu lusele, alefumyafye ishikulu shikulu, icakuti ne nsala ya fisaali yakamafye nakalya-nakalya. Ni shinka mu matwi.

Nomba kuti nga alola uku, pa kubwela ninshi mukwai alebilikishafye kwati ali mu kampeni.

Umo Ozo abeela, afuma pakuti amukonke aye amufulule. Awe cilumendo uyo atonkola ulwinelwine. Apa nomba, atendeka ukutukana Ozo. Mukwai ulufumo kuti alulondolwelako umu, umuku umbi alulondolola fimbi, musalula-musalula.

Elyo abakaaya batwebako ukuti ulya muntu liishilu. Ni Kafunte. Teewa kukonkelela. Ifi taaleke ukutukana mpaka mufumepo.

Cilya tulefwaya ukuya, na umbi uyu. Ena alemonekafye ukuti lya mu ntambo ciine-ciine. Nao aali na kafulufulu ku kanwa kwati ni mbwa yafuma mu kulunga. Afwele kaputula umutali. Cilemoneka kwati liitoloshi baputwilefye, lyashala ‘Bemuda.’

Aafika pali bana-maayo abalelya amabansi. Alomba ukumupeelako. Ico nalimo baasambilile pa butani bwandi, beena bamupeelafye ulubilo. Babiikapo na Mojo. Awe aikala aleelya!

Cilyafye apwisha ukulya, bamweba ukuti aye asambe, apo nomba aalya. Nao naumfwa aalomba K5.00.

Na-maayo: Nga K5.00 yanshi apo nomba walya, nakupeela ne fya kunwa?

Kafunte 2: Ya kush*ta isopo ndeya ku mumana nje nsambe kabili.

Na-maayo: Nalakush*tilafye isopo kanshi.

Kafunte 2: Mpenifye ulupiya teekuti mwishibe isopo nsambila! Apona na mulwalali!

We caalo we! Ala nangu walishipa, kuti waumafye ku nseko! Kanshi bakashilu-kafunte ba pa Mulundu baishibafye ama K5.00? Bushe kuupena nangu kuifungushanya?

Ala bane umo twenda, mwaba akantu!

05/09/2024

UMO TWENDA

FIILYO FYA MBUSA

Ozo atiila nshimike na fimbi ifyo twamwene ku Kawambwa.
Nshalefwaya kushimika pantu naletiina filya balanda ukuti “Tondo wa kanwa, pa kanwa koobe pakeesa mutuule.” Nomba uyu mulumendo aaba na umupatikisha. Kanaande.

Ilyo twafumine kulya nashimiike, uko twasangile icisansangu ca mpemfu mu muputule, twabalile twaya pa ncende imo ifi apo abantu batasha nganshi ukuti paasuma, kabili paliba umutengo uusuma uwa fyonse ifyo mwingafwaya.

Twafika palya pa cifikila-beeni. Baalibikapo ne fimasetifiketi imyanda mishila, amaluba yafipepala ayamoneka kwati yaamena mu mushili yalemoneka ayasuma, kabili baalipenta ilangi ilya cibobo. Imbao baapangila apakulembela ni shilya isha mutengo nganshi, shilya abanensu batiila maogany. Baalibiikapo ifimalaiti, ifi ma shandaliya ifisuma saana. Awe ciinefye pano peena paasuma mu kumoneka.

Awe twasanga tapali muntu nangu umo. Twamona cikashana, uwakashika na umushishi wa pooni, emininine akatalamukila nga filya, alelanda pali musange. Nangu cakuti alimwene ukuti pali abeeni abalekabila ubwafwilisho, mukwai alelandafye ilyashi nga paaloti, kabili alesekasekafye.

Umo twali tulelolela ukuti tumwipushe, awe twamona umbi aisa, umutali, umufiishi uwaondoloka kwati elyo afumine mu cipataala, nao naafwala na yunifomo ya pa ncito yabo. Mu mutima twati awe uyu aletwaafwa.

Uyu nao mukwai muukashana, alesunsha umukoshi pakuti umushishi wa lukwa uutali ku numa ulesempauka tumone ukuti efyaisako. Takuli na kutuposha umutende nakalya, aingilafye lubilo-lubilo atendeka ukusalakata mu tumakabati twa mwi tebulo. Twamona uyo, alompoka nge mpolopolo, ukuya kunse. Twashala tukankamenefye kwati bantu bapuminwe ne mfula.

Ozo andolesha, asekafye. Elyo alanjipusha:

OZO: Bushe efyo basengela abeeni mu mahotela nomba ifi?

INE: Ifintu fyalyaluka. Nalimo ni ifi twishishile tuleipaya utunyelele ne nsapato ishatundama, ishabutuluka. Natuleeya, tufwayeko kumbi. Amaminiti 15 twaloleela yafula.

OZO: Nalimo miifwalile bamona. Amashati aya ayapya ku kasuba. Natuleeya mudala.

Cilya twatendeka ukufuma, elyo umukashana aali pa fooni ashulumuka ukwisa mu kutukumanya, uku aleeba uo alelanda nankwe ukuti atale aputule fooni amone abeshile. Insh*ta yonse aalecita kwati palifye umwela, teebantu!

Awe mukwai naifwe twasensela ukufuma, twalola ku kabanga. Twakaana ukulanda nakwe.

Awe twaipusha abakaaya nga kwingabako uko twingasendama ukwanaka umutengo. Batusontela ku ncende imbi ifi. Awe twayatoola ka ‘Sunka-mulamu,’ inyendela-Leesa yesu, twatendeka ukwenda. Kaleshoma nge ngolofwana ya kale kali na kwi-kwe-kwe- kwi, icakuti icongo kalepanga cilelasa na muli tungulukutwi. Nicofye mukwai icoobe tacilusha, ciselaushafye, nga tulaendamo. Ulukungu mu kati kuti luli kwati mulepita mulya bamotoka ba kucimfyanya bapita. Ukutesula emulimo.

Awe twafika apo batusonteleele. Twasanga pali kalume. Awe atusengelafye bwino. Atulanga na umuputule umo twingasendama babili pali K150.00. Twaumfwa mulenunka kwati batwililemo impundu. Naumfwa imyona yapanta, na kafine kapika odi.

Bwangu-bwangu umunandi ena alungamafye ku ng’anda nkalamba ukuti ayafwilishe. Yangu taata ee! Abwelako ulwine lwine.

INE: Cinshi we mwina-mfumu? Kuli ci uku kuntu? Ni nsokanshi wasangako? Ni Ngoshe?

OZO: Teefya kushimika mudala, kabiye umone. Naayafye kunse muno mwena awe.

INE: Bushe walakumamo ukufumina kunse ye linga bushiku bonse umubili nga wa kutuma?

OZO: Nshanwe nangu ukulya nangu cimo, ukufikila bukace.

Awe naayalengelamo, mukwai icimbusu ca ba Giledi 4 cawamisha. Naisalakofye ulubilo. Kolela bamutendekafye! Naisaiteneka pa busanshi. Yangu taata ee! Twayapulilafye mumo mu cipunda na maateleshi. Naikalamofye na amoolu mu muulu kwati ndeyangala na Mista Bean. Umunandi afunaikafye ku nseko, ukumona uko ndeshashala pa kufuma mu cilindi ca busanshi, elyo nalapatulula maateleshi. Awe natiilafye ine ndesendama panshi, cikulu natukwata umwakufisama.

Ifyakufimba fileumfwika kwati tafyumine, kuli umufumbi. We caalo we! Indalama tashayafya kupanga ciinefye!

Cilya nalolesha kwi sumbu lya ba mung’wingwi ilya makoona yane, nakankamanafye. Cakanga amate ukumina.

INE: Bushe walimona ili sumbu mune?

OZO: Ee, lyena lilifye bwino, liipya.

INE: Bushe nawishiba ukuti talifwile kuba muno ili?

OZO: Nga muulandunshi?

INE: Lilingile ukupeelwa ku balanda. Balilembapo ukuti “TEELYA KUSH*TISHA.” Apo cino cikuulwa ca bukwebo, lyasangwamo shani? Abapeele ubuteeko kaabungwe kaafwilisha ubuteeko ukufuma ku caalo ca basungu

OZO: Fiilyo fya mbuusa, fyakulya uucampwike. Nga niwe mudala waba na akantu ukaye uleshimika. Filya wasalangenye ilyashi lya shosho kaashi talanshifeya. Ababombelako baakalipe nge nyense ukumfwa ukuti ulebonawila inkaama, akaliilo. Abeene balalembelapo na abashilingile kubapo pakuti baleyakanya ulupiya. Emukuti bafola kubili, ku buteeko na kuli balya abapoka isha bufufuntungu. Iwe wamonapo ilyashi lya kushimika. Ukafwa nge njuka. Ukonaula inkaama sha beene kulalesha. Kuti wafwa nge libwe lya mu nkoloko ukwabula na ‘Shalenipo.’

INE: Mwaice wandi fimo kuti wafilwa ukubila akanwa nga ulemona uko bapompwe baleliila abantu amasuku pa mutwe. Bushe isumbu lya mulanda elyo wingayash*tisha ku ba muhotela nabo bash*ta mwa? Kanshi ubuuntu abantu baafuulile lilali?

Kuuluba nefyo utuulo twansendele ico twanakiishe, naisamonafye nabuca. Ala bane, fiingi tumona umo twenda.

Swampy Publishers

06/01/2025

01/01/2025

09/12/2024

27/10/2024

18/10/2024

27/09/2024

12/09/2024

05/09/2024

Address

Telephone

Website

Alerts

Contact The Business

Shortcuts

Share

Category