02/06/2026
Hindi na mabilang ang mga parangal na natatanggap ng ating Pooling King ng Norte na si Idol Jester Baluyot ng Sta. Monica, Concepcion, Tarlac. Sa tuloy-tuloy na pagwawagi ng kanyang pambatong ibon na si Super Bamba, muli niyang pinatunayan ang kanyang husay sa mundo ng karerang kalapati. Mula sa pagiging Side Bet at Multiple Pooling Winner sa nakaraang mga buwan hanggang sa kasalukuyan, sunod-sunod ang kanyang mga tagumpay at kampeonato sa iba't ibang kategorya.
Sa CFRA Club 3-Laps Race, naitala ni Super Bamba ang pagiging 2nd Overall Champion. Hindi naglaon, nasungkit naman nito ang matinding tagumpay bilang 1st Overall Champion sa BBC Club Hari ng Bungad. At nitong nakaraang linggo, muli na namang nagningning ang pangalan ni Super Bamba nang koronahan bilang 1st Overall Champion sa CFRA Club 3-Laps Hari ng Bungad.
Patuloy ang pag-ani ng karangalan ng ibong ito na nagmula sa kilalang Pasaway Line Speed Bird, na sinamahan pa ng matibay na teknik at dedikasyon ng kanyang handler. Isang patunay na ang tagumpay ay bunga ng mahusay na dugo ng ibon at tamang sistema ng pag-aalaga at pagpapalipad.
Congratulations, Idol Jester Baluyot ng J07 Loft! Patuloy kang nagbibigay inspirasyon sa mga fanciers at karapat-dapat sa bansag na "Pooling King ng Tarlac." 🏆🕊️🔥
