16/11/2025
फाल्गुनन्द जयन्तीको अवसर पारेर मोरङको उर्लाबारी–३ मा आयोजित ‘विराट टिचिङ प्रथम मंगलबारे क्रस कन्ट्री रन–२०८२’ शनिबार बिहान भव्य तथा उत्साहपूर्ण वातावरणमा सम्पन्न भएको छ। बिउँझिन नपाउँदैदेखि नै मंगलबारे बजार खेलकुदप्रेमी, धावक, दर्शक र अतिथिहरूको भीडले भरिएको थियो। प्रतियोगिता ठीक बिहान ७ बजे मंगलबारे चोकबाट औपचारिक रूपमा सुरु गरिएको थियो। क्रस कन्ट्री क्लब, उर्लाबारी–३ को आयोजनामा भएको यस ठूलो प्रतियोगितामा नेपाल तथा भारतका विभिन्न स्थानबाट आएका गरी ३५० भन्दा बढी धावक सहभागी भएका थिए।
प्रतिस्पर्धीहरूले पार गर्नुपर्ने ११ किलोमिटर लामो दौडमार्ग निकै विविध र चुनौतीपूर्ण थियो। दौड मार्ग मंगलबारे चोकबाट सुरू भएर केरखाली चोक हुँदै सिरुझार स्कुल, सुनझोडा माध्यमिक विद्यालय, शान्ति आधारभूत विद्यालय, प्रस्तावित सालबारी रंगशाला, अनि महेन्द्र राजमार्गमार्गतर्फ उत्रिँदै अन्त्यमा पुनः मंगलबारे चोकमा आएर समाप्त हुने गरी निर्धारण गरिएको थियो। उकालो–ओरालो, बस्ती क्षेत्र, वनछेउ, विद्यालय परिसर र खुला सडक सबै समेटिएको यो मार्गले धावकहरूको सहनशक्ति, गति र मनोबलको वास्तविक परीक्षा लिएको थियो।
प्रतियोगितामा सहभागी धावकहरूका लागि टी–सर्ट, खाजा, जुसपानी तथा टाढाबाट आएका खेलाडीहरूको बसोबास र खानाको व्यवस्था गरिएको थियो। स्थानीयवासी, विद्यार्थी स्वयंसेवक, सुरक्षाकर्मी र खेलकुद संघ–संस्थाहरूको सक्रिय सहभागिताले समग्र कार्यक्रम अत्यन्त अनुशासनबद्ध र व्यवस्थित रूपमा सञ्चालन भएको थियो।
खुला पुरुषतर्फ संखुवासभाका तेन्जी शेर्पाले सुरुवातदेखि नै बलियो लय बनाएर प्रतियोगिताको उपाधि हात पारे। उनीसँगै ताप्लेजुङका रमेश तवाहाङ दोस्रो स्थानमा रहँदा पुकार लिम्बू तेस्रो भए। खुला महिलातर्फ पाँचथरकी पुष्पा शेर्मा लिम्बूले उत्कृष्ट प्रदर्शन गर्दै पहिलो स्थान हासिल गरिन्। खोटाङकी दिर्पा बस्नेत दोस्रो र भोजपुरकी जुलिन राई तेस्रो स्थानमा रहिन्।
यू–१५ महिलातर्फ जुशी राई पहिलो बनिन् भने पुजा महतरा दोस्रो र रेश्मा दर्जी तेस्रो भइन्। भेट्रान पुरुष समूहमा विजय राई पहिलो, मङल तामाङ दोस्रो र राजकुमार बिष्ट तेस्रो भए। भेट्रान महिलातर्फ भारतको मिरिकबाट आएकी शान्ती राई गुरुङले पहिलो स्थान सुरक्षित गरिन्, जबकि धरानकी जमुना लिम्बू दोस्रो र मिरिककै अनुदा तामाङ तेस्रो स्थानमा रहिन्। सुपर भेट्रान समूहमा मिरिकका कृष्ण तामाङ
