31/08/2025
لاڙڪاڻو گزريل رات سجاول جوڻيجو ٿاڻي جي حد ڳوٺ علي آباد ۾ زميني تڪرار تان جوابدارن حملو ڪري ٻن ڀائرن کي سخت زخمي ڪرڻ سان گڏ سندن سان گڏ علاج لاءِ ٽراما سينٽر لاڙڪاڻو ايندڙ سندن جي ڀاڻيجي کي پوليس هٿان اسپتال ٻاهران گرفتار ڪرائي گم ڪرائڻ واري عمل خلاف سندن جي وارثن پاران احتجاجي مظاهرو ڪيو ويو ان موقعي تي نعيم احمد ڪلهوڙو ۽ ٻين صحافين سان ڳالهائيندي چيو ته اسان جي زمين تي اسان جو سئوٽ بهرام ڪلهوڙو قبضو ڪرڻ جي ڪوشش ڪري رهيو آهي جنھن کي روڪڻ تان جوابدار سئوٽ بهرام ڪلهوڙو پنھنجن ماڻھن قدير علي وزير ڪلهوڙو شاھد علي اعجاز اختيار ڪلهوڙو ۽ ٻين کي موڪليو جن ڳوٺ ٻاهران حملو ڪري منھنجي ڀائرن امداد ڪلهوڙو ۽ امان الله ڪلهوڙو کي ڪهاڙين ۽ ڏنڊن جا وار ڪري سخت زخمي ڪري ڇڏيو آهي جن جو لاڙڪاڻو جي ٽراما سينٽر ۾ ڊاڪٽرن پاران علاج هلندڙ آهي جڏهن ته جوابدار بهرام ڪلهوڙو پوليس کي پئسا ڏئي اسان جي ڀاڻيجي وقار علي ڪلهوڙو کي اسپتال ٻاهران گرفتار ڪرائي گم ڪرائي ڇڏيو آهي جيڪا سراسر ظلم ۽ زيادتي آهي هنن ايس ايس پي قمبر شهدادڪوٽ ڊي آئي جي لاڙڪاڻو ۽ ٻين وس وارن کان مطالبو ڪيو آهي ته جوابدارن خلاف ڪارروائي ڪري اسان جي زمين تان قبضو ختم ڪرائڻ سان گڏوگڏ اسان جي ڀاڻيجي کي آزاد ڪرائي ڏئي تحفظ فراهم ڪري انصاف ڪيو وڃي.
