27/06/2025
LDRS ကနေ married life ကိုရောက်နိုင်လား မေးရင် ရောက်နိုင်ပါတယ် ။
ဟိုးတုန်းထဲက
ကျွန်တော်ကိုယ်တိုင်လည်း မကြာခဏ မေးဖြစ်တဲ့ မေးခွန်းပါ ။
ကိုယ်တိုင်ကလည်း အချစ်ရေးနဲ့ပတ်သက်ရင် အနီးမှုန် ။ အဝေးကလူကိုပဲ မြင်တာ ။ ကံကောင်းချင်တော့ ကျွန်ေတာ်ရဲ့ LDRS က မြဲခဲ့ပါတယ် ။
အနီးမှာ ရှိတဲ့လူတွေတောင် ဖောက်ပြန်နေကြတာမို့ အဝေးကလူကိုယုံဖို့ ခပ်ခက်ခက်ပဲနော် ။ တကယ်တော့လေ နီးနီးဝေးဝေး အဲ့ဒီလူရဲ့ သိက္ခာနဲ့ပဲ ဆိုင်တာ ။ သိက္ခာရှိတဲ့သူဟာ ဘယ်လောက်ပဲဝေးနေပါစေ ၊ သစ္စာရှိတယ် ယုံကြည်အောင်နေပေးတယ် ။ သိက္ခာမရှိ ၊ အကျင့်သီလ မကောင်းတဲ့သူကျ ဘေးနားမှာရှိနေလည်း ဟိုးမမြင်ရတဲ့ အဝေးကလူတွေ online ရည်းစား ဘာညာ ၊ ရှုပ်ရှုပ် ယှက်ယှက်တွေ ထားတတ်ကြတာပဲ ။
Long Distance Relationship တွေပိုမြဲအောင် ဘယ်လိုလုပ်ကြမလဲ ဆိုတဲ့ အချက်ကို ရေးရရင်
၁) FB မှာ relationship ချိတ်ပါ ။ official တွဲပါ ။
[လိုကို လိုပါတယ်နော် ၊ အနေဝေးနေတာမို့ သံသယဝင်စေ
မယ့် အကြောင်းအရာထဲမှာ silent တွဲခံရတာလည်းပါ လို့ပါ ]
၂) ကိုယ်ရဲ့ နေ့စဉ် အချိန်ဇယား ၊ လုပ်ရမယ့် အလုပ်ကို ပြောပြပါ။
[အပန်းမကြီးပါဘူး ။ အလေ့အကျင့်ရသွားလိမ့်မယ် ။ ဥပမာ - မနက်ဖန် အစည်းအဝေးရှိလို့ မနက်စောစော ဖုန်းဆက်နှိုးပေးပါ ဆိုတာမျိုးလေးပေါ့]
၃) အဆင်အသွယ် မပြတ်ပါစေနဲ့ ။
[ LDRS တွေက အရင်ခေတ်က စာတိုက်ကို အားကိုးခဲ့ကြရပေမယ့် ခုခေတ်က ဖုန်း ဒါမှမဟုတ် message , messenger , Viber, telegram , စတဲ့ အရာတွေရှိမှ ဆက်သွယ်လို့ရတာလေ ။ ကိုယ့်ဖုန်းအပြင် ကိုယ့်ဖုန်းမရရခဲ့ရင်ဆိုပြီး အခြားဆက်သွယ်လို့ရမယ့် နံပါတ်တွေ ပေးထားပါ ။ အဆက်အသွယ်ပြတ်ရင် ဘာမှလုပ်မရတော့ သိပ်စိတ်ပူရတာနော်]
၄) သူယုံကြည်အောင်နေပေးပါ ။ မိဘ ၊ ဆွေမျိုး အသိုင်းအဝိုင်း ၊ သူငယ်ချင်းတွေနဲ့ မိတ်ဆက်ပေးပါ ။
[ မင်းကို အပျော်တွဲနေတာ မဟုတ်ဘူး ။ မင်းကို အပြင်မှာ လာတွေ့ပြီး သေချာပေါက် လက်ထပ်ယူမှာဆိုတဲ့ စကားကို ထောက်ခံပေးနိုင်တဲ့အရာတွေပေါ့ ]
၅) အတူဆုံနိုင်ဖို့ ကြိုးစားနေတယ် ဆိုတာ သူသိအောင် ၊ သူမြင်သာအောင် လုပ်ဆောင်ပြပါ ။
[ လာတွေ့ဖို့ ပိုက်ဆံစုနေတာတို့ ၊ တနေ့ကျ အတူတူ ခရီးသွားဖို့ အခုဆို အသုံးစရိတ်ထဲက ဘယ်လောက်လျှော့သုံးနေပြီတို့ ၊ စုထားတာ ဘယ်လောက်ရပြီတို့ သူသိအောင် ပြပါ ၊ ကြိုးစားပါ ]
၆) သစ္စာရှိကြောင်း ပြပြီး ယုံကြည်မှုကို တည်ဆောက်ပါ ။
[ များသောအားဖြင့် LDRS တွေ ဘာကြောင့် မမြဲကြသလဲ ဆိုရင် မယုံကြည်ကြလို့ပဲ ။ ဖုန်းမအားတာ ၊ active now ပြပြီး စကားမပြောတာ အဲဒါတွေက ငါ့ကိုအလေးနက်မထားတာလား ၊ အခြားသူတွေနဲ့ပြောနေတာလားဆိုပြီး အတွေးနဲ့သိပ်ပင်ပန်းတယ် ။ သူ့ကိုမေးမိရင် သူက စိတ်ရှည်ရင်တော်ရဲ့ စိတ်မရှည်ဘဲ ပြန်အော်ရင် အဲ့ဒီမှာ ရန်ဖြစ်ပြီး ပြတ်ကြ စဲကြကော ]
၇) အသံလေးနဲ့ သူအေးချမ်းပါစေ ။ စာတစ်ကြောင်းနဲ့ သူနွေးထွေးပါစေ ။
[ ဖုန်းမချဘဲ အလုပ်လုပ်နေကြတဲ့ အတွဲလေးတွေ တွေ့ဖူးတယ် ။ video call ခေါ်ထားပြီး အလုပ်လုပ်နေတဲ့ အတွဲလေးတွေလည်း တွေ့ဖူးတယ် ။ တဖက်က အိပ်ပျော် ၊ တဖက်က အလုပ်လုပ် ကြည်နူးစရာလေးပေါ့ ။ မိုးလင်းလာတိုင်း ၊ အိပ်ရာဝင်တိုင်း တစ်ယောက်မျက်နှာ ကြည့်ရင်း အချစ်တွေ တိုးလာစေတဲ့ အကြောင်းက နွေးထွေးကြင်နာစွာ စကားပြောခြင်းပဲ ]
၈) ဂရုစိုက်မှုကို မပျက်ကွက်ပါစေနဲ့ ။
[ မနက်လင်းလို့ morning စာပို့ ၊ မဟုတ်ရင် ဖုန်းခေါ် ။ ညအိပ်ခါနီး good night စာပို့ မဟုတ်ရင် ဖုန်းခေါ် ။ ဖုန်းချခါနီးတိုင်း ချစ်တယ် မွမွ တို့ ၊ ချစ်တယ် အာဘွား တို့ အဲ့လိုလေးတွေ အကျင့်ပါအောင် လုပ်ထားနော် ]
LDRS ကနေ married life ရောက်သွားတဲ့သူတွေဟာ တကယ်ချစ်လို့ ၊ အဆုံးအရှုံးမခံနိုင်လို့ပဲနော် ။ ဂရုစိုက်မှုတွေဟာ ချစ်ခြင်းမေတ္တာ အပြည့်ပါလို့ အသံကအစပြုနဲ့ကိုယ်သူ့ကို သံယောဇဉ်တွေဟာ ပြတ်ဖို့မလွယ်ဘူး ။
နောက်ဆုံးမှာချင်တာက ချစ်တာ သူသိပါစေ ။ ကိုယ်သူ့ကို လိုအပ်တာ သူခံစားမိပါစေ ။ ကိုယ်သူ့ကို လက်မလွှတ်နိုင်တာ သူနားလည်ပါစေ ။ ကိုယ်သူမရှိဘဲ မနေနိုင်တာ သူ သဘောပေါက်ပါစေ ။ ကိုယ်သူ့အတွက်ကြိုးစားနေတယ် ဆိုတာ သူ ယုံကြည်အောင် နေပေးနိုင်လေလေ LDRS က မြဲလေလေပါပဲ ။
ချစ်ခြင်းတရားကို အခြေခံပြီး အဝေးကြီးကို လှမ်းချစ်နေရတဲ့ဘဝတိုင်း အမြန်ဆုံး နီးစပ် ၊ ရွှေလက်တွဲနိုင်ကြပါစေ။🖤💙❤️
M.T Sharing
I
