14/04/2025
د کډوالو ستونزو ته د رسېدنې عالي کمېسیون ویلي، چې پرون د ننګرهار د تورخم له لارې ۴۵۰ کورنۍ، د قندهار د سپین بولدک له لارې ۴۰۲، د نيمروز د ورېښمو پله له لارې ۷۶ او د هرات د اسلام کلا له لارې ۴۹ کورنۍ هېواد ته راستنې شوې دي.
دغه راز ۳۵۲۲ راستنو شويو ته سيمکارتونه وېشل شوي, ۲۶۲ کورنۍ خپلو سيمو ته لېږدول شوې او سلګونو کورنيو ته مرستې وېشل شوې دي.
سرچینې زیاته کړې، چې پرون له کابل څخه هم ۲۱۰کورنۍ، چې د غړو شمېر یې ۱۲۱۶تنه وو، غزني، لوګر، خوست، پکتیا، پکتیکا، بغلان، تخار، بلخ، جوزجان او کندوز ته په خوندي توګه لېږدول شوې دي او یادو کورنیو ته ۵۰۹ زره ۴۵۰ افغانۍ کرایه هم ورکړل شوې ده.
