حازم حلمي . Hazem Halmy

حازم حلمي . Hazem Halmy الإعلامي حازم حلمي مُذيع و مقدم برامج تلفزيوني و إذاعي🎙📺

09/12/2025

منتخبنا غادر البطولة العربية، لكن ترك بصمة جميلة 🇸🇩✨
وجهتنا الآن للمغرب ، وبإذن الله هناك التعويض

شكراً للدولة المنظمة ( قطر )
وشكراً لجاليتنا السودانية البترفع رأسنا وين ما مشت ,
والشكر لكل زول عكس صورة بلدنا بأجمل ما تكون

رغم كل الحاصل في بلادنا…
العلم كان مرفوع، والصوت كان عالي، والرسالة وصلت:
السودان حاضر… والسوداني ما بينكسر

شكراً لنجوم منتخبنا
اجتهدتو، وعليتو الرأس ، لكن الباب لسه مفتوح للتحسين
خلونا نشتغل أكتر، نصلح، نتطور… لأن أمم أفريقيا بتطلب أداء أعلى ومستوى و تركيز أكبر

نحن وراكم دعم وسند،
ننتقد بدافع الحب… ونفرح بدافع الانتماء

والجايات أحلى…

إنا لله وإنا إليه راجعونصحيت اليوم على خبر موجع…رحيل الإعلامي محمد محمود حسكا أحد الأصوات التي عرفناها على الشاشة وسمع...
09/12/2025

إنا لله وإنا إليه راجعون

صحيت اليوم على خبر موجع…
رحيل الإعلامي محمد محمود حسكا أحد الأصوات التي عرفناها على الشاشة وسمعناها في الأثير

فجر اليوم، بالقاهرة، غاب حسكا عن الدنيا داخل مقر سكنه… رحل بهدوء، تاركاً خلفه تجربة إعلامية يعتز بها كل من تابعها أو تعلم منها

قدّم للشاشة السودانية والإذاعات حضوراً مختلفاً، وترك بصمة في نفوس من عرفوه أو استفادوا من تجربته دون ضجيج أو استعراض

نسأل الله أن يرحمه ، ويغفر له ، ويعوّض شبابه الجنة ، ويصبّر أهله ومحبيه
رحمك الله يا حسكا🕊️🤍

20/11/2025

اللهم سلاماً يطفئ الفتن ونوراً يعم السودان بإذن الله🤍

28/10/2025

💔

27/10/2025

تنسيقية لجان المقاومة_الفاشر

الي رفاقنا من أبناء دارفور الذين يفتعلون المشاكل على الميديا و يحاولون شق صفوف القوات المقاتلة ضد الجنجويد يجب أن تفهموا جيدآ ، أن حربنا ليست مع الشماليين و البرهان هذا لا يمثل إلا نفسه و لو كانت روابط الدم و الجغرافيا تحرك هؤلاء فإن مناوى و صلاح رصاص و جبريل أقرب إلينا من كل جنرالات الجيش لكنهم لم يتحركوا من أجل أنسان الفاشر و هذا يعني أن النخبة العسكرية و المدنية لا تهمها إلا مصالحها فقط .

إن هذه الحرب مع المليشيات في دارفور لم تبدأ في 15 أبريل 2023و كل من تربى في أقليم دارفور يعرف أننا نخوض الحرب منذ 2003 ضد هذه المليشيات و كل قرية او محلية او مدينة او مزرعة او معسكر للنازحين شاهد على ذلك ، وهذه الحرب لن تنتهي بسقوط مدينة او أخرى بتالى مهمتنا أعظم ، مهمة تحرير كل أقليم دارفور من دنس المليشيات و قوتنا الحقيقية تمكن في إيماننا بقضيتنا و عدالتها و يجب علينا أن نقف صفآ واحد كجيش و مشتركة و مقاومة شعبية حتى ننتصر على المليشيات بإرادتنا التى لا تُكسر.

إعلامكم و أقلامكم يجب أن يوجّه للقيادة المتخاذلة وللعدو ، فهذه المليشيا لا تحمل سوى الدمار و الخراب و القتل و التهجير . و إن معركتنا معها معركة وجودية و موقعنا ثابت كجيش و مشتركة و مقاومة شعبية ، و حينما نقول جيش او مشتركة نعني الجنود و الضباط و ضباط الصف ابناء هذا الوطن الذين يقاتلون بصدق و شجاعة و يواجهون الشر بكل قوة مدركين أن النصر لا يأتي إلا بالتكاتف و التعاون في اطار الوحدة الوطنية .و تذكرو جيدآ أن المليشيات أحتلت الخرطوم و الجزيرة و سنار و سنجة و مارست أسوء الانتهاكات وسط المدنيين العُزل و في النهاية هزمت شر هزيمة و هربت موليّآ الادبار ، و لتحقيق هذا لابد أن يكون إعلامكم مسؤول نصرآ للقضية و ليس أنتصارآ للذات .

موقعنا ثابت : جيش و مشتركة مقاومة شعبية قلبآ و سيفآ ،فيما كان ، و ما هو كائن ،و ما سيكون ، إذا خسرنا معركة لم نخسر الحرب ، و أمل كل دارفور مبني على ما تبقى من أحياء من أبناءها الاحرار .

النصر للسودان، المجد للشهداء، والعار للخونة والمتمردين

17/10/2025

الحوار وإنهاء الحرب ما ضعف.. وعي ونُضج

جمعة مباركة 🌹
10/10/2025

جمعة مباركة 🌹

📍Adiss Ababa🇪🇹
14/09/2025

📍Adiss Ababa🇪🇹

بدون ترتيب .. ممكن أغلط وأقع في أخطاء، لكن عمري ما كنت بسوء ظن بعض الناس وأكبر عيب ممكن يكون هو تكرار نفس الغلط ؛ نحن بش...
29/08/2025

بدون ترتيب ..

ممكن أغلط وأقع في أخطاء، لكن عمري ما كنت بسوء ظن بعض الناس
وأكبر عيب ممكن يكون هو تكرار نفس الغلط ؛ نحن بشر ما ملائكة، والخطأ وارد، والإنسان بتعلم

كلنا بنحب السودان، لكن ما بنحب بعض
ما بنتقبل بعض، ما بنصلح بعض، ما بنغفر لبعض، وما بنتنازل لبعض
شايفين إنو دايمًا نحن الصح وبس، وحتى لو كنا عارفين إننا غلطانين بنكابر وبنواصل في نفس الطريق

فكرة التخوين والعمالة وإنو أي زول بيفكر بطريقة مختلفة مننا بيكون طوالي بتختو في حتت انت (ضد البلد) دي بقت فكرة سايدة
أي شخص عندو رؤية جديدة أو طريق مختلف، بيتهموه بالخيانة

في جيل مختلف في السودان حاول ولسنين طويلة يقول للجيل القَبله:
“نحن عندنا كلام… اسمعونا. نحن عندنا رؤية… شوفونا.”
لكن لا أذن سمعت ولا عين شافت رفضوهم، فعشان كده حاولوا يوصلوا صوتهم بأشكال تانية زي الثورة،
والثورة دي برضو اتسلقوها نفس الجيل ونفس الأفكار القديمة.

يعني صراع “الديناصورات” القايم في السودان ده ما حينتهي إلا بنهاية الجيل ده

السودان ده فيهو شباب وبنات يسدوا عين الشمس لكن منو البيديهم فرصة؟ منو البقول ليهم: “يا خونا تعالوا… البلد دي بلدكم، استلموها أنتو”؟

كل الدول المتقدمة قامت على الشباب وأفكارهم وطاقاتهم وروحهم،
لأنو في زول حكيم في البلد دي آمن بيهم،
أداهم الثقة في نفسهم، ووقف معاهم، وكان ليهم عين.

الحرب دي أهلكتنا كشعب. أهلكت الجيل القديم والحالي والجاي
ونحن عارفين إنو المؤامرة كبيرة، من داخل السودان ومن الخارج
لكن نحن قادرين نتصدى ليها، وقادرين نحل مشاكلنا بنفسنا، ونعيش في سلام.
ونحن قادرين نتوحد… ونخت “الكورة واطه”

خالص محبتي🌹 حازم حلمي ✍🏾

23/08/2025

ألف مبروك لمنتخبنا الوطني 🇸🇩 التأهل المستحق إلى نصف نهائي بطولة أمم إفريقيا للمحليين 👏🇸🇩

#السودان

إذا أردتَ أن تكونَ سعيداً ،كُن قليل الكلام ، كثير التجاهل
22/08/2025

إذا أردتَ أن تكونَ سعيداً ،
كُن قليل الكلام ، كثير التجاهل

19/08/2025

مساء الخير للجميع🌹

حابب أوضح موضوع بيتداول حالياً في السوشال ميديا قبل حوالي سنتين أو أكثر عملت إعلان تجاري لوكالة سفر وسياحة اسمها مودرن، الإعلان وقتها كان في إثيوبيا فقط، وما كان بيني وبينهم أي تعاون أو شراكة غير الإعلان نفسه

من يومها ولحدي الآن ما عندي أي علاقة بالوكالة دي، وما جاني أي شكوى أو ملاحظة من أي شخص إنو حصل معاهم مشكلة
بالعكس، وقتها اتعاملوا معاي بكل احترام ومهنية، ودا كان سبب إنهم نزّلوا الإعلان في صفحتهم الرسمية

وأنا بعتذر اعتذار كامل لأي زول حصلت ليه مشكلة معاهم
متأكد إنو في كتير من الحالات بيكون سوء تفاهم، وبطلب من الناس إنهم يسمعوا من كل الأطراف قبل الحكم، من باب المهنية والاحترام، وتجنب الخوض في نوايا الناس أو التبلي عليهم بدون أدلة كافية

رغم إني من فترة طويلة جداً وقفت الإعلانات، ودا تحديداً حرصاً مني إنو الناس ما تواجه أي مشاكل بسبب إعلان ممكن أشارك فيه، لأن المسؤولية كبيرة وبرضو لو في شخص حس إنو اتضرر بسببي أو بسبب الإعلان ده، أنا بتحمل الأمر ده ومستعد أقيف معاهو قانونياً لحدي ما ينال حقو

للأسف في ناس بتحاول تستغل القصة لمحتوى ولايكات، وأصبحت الحكاية أقرب للتشهير من إنها قضية حقيقية

خالص محبتي و احترامي للجميع 🌹

Address

Al Satwa

Telephone

+249902971933

Website

Alerts

Be the first to know and let us send you an email when حازم حلمي . Hazem Halmy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to حازم حلمي . Hazem Halmy:

Shortcuts

Share

Category