05/10/2025
متنازعہ سر کریک پر بھارت کی پاکستان کو دھمکی۔
بھارتی وزیر دفاع نے پاکستان کو دھمکی دیتے ہوئے کہا کہ سن 1965 کی جنگ میں، بھارتی فوج لاہور پہنچی تھی اور اب پاکستان کو یاد رکھنا چاہیے کہ کراچی کا راستہ سر کریک سے گزرتا ہے۔
بھارت کے وزیر دفاع راج ناتھ سنگھ نے پڑوسی ملک پاکستان کو دھمکی دیتے ہوئے کہا کہ اگر اس نے سر کریک کے علاقے میں کسی بھی طرح کی جارحیت کا مظاہرہ کیا تو اس کے خلاف ایسی "جوابی کارروائی" کی جائے گی کہ وہ خطے کی "تاریخ اور جغرافیہ" کو بھی بدل سکتی ہے۔
بھارتی وزیر دفاع نے یہ باتیں گجرات کے سرحدی شہر بھج کے قریب ایک فوجی اڈے پر سینیئر فوجیوں سے خطاب کے دوران کہیں۔ انہوں نے فوجیوں کے ساتھ دسہرہ منایا اور اس موقع پر 'شستر پوجا' (ہتھیاروں کی پوجا) بھی کی۔
