15/09/2025
توجہ فرمائیں!
صرف 3 ماہ کی ڈیڈ لائن ۔۔۔ آخری تاریخ 30 نومبر 2025
تمام گاڑی مالکان کو مطلع کیا جاتا ہے کہ حکومت خیبر پختونخوا نے گاڑیوں کی مختلف جرائم میں استعمال کی روک تھام کیلئے اور عوامی سہولت کو مد نظر رکھتے ہوئے رجسٹریشن کے موجودہ قانون میں تبدیلی کی ہے جس میں گاڑیوں کے نمبر اور نمبر پلیٹ کا نیا نظام متعارف کر دیا گیا ہے جو کہ فوری طور پر پورے صوبے میں نافذ العمل ہوگا، گاڑی نمبر اور نمبر پلیٹ اب گاڑی کے چیسز کی بجائے گاڑی مالک کے قومی شناختی کارڈ سے منسلک کیئے جائینگے، گاڑی مالکان سے درخواست ہے کہ 3 ماہ کے اندر اندر اپنی خرید شدہ گاڑیاں اپنے نام منتقل کر لیں، جبکہ جن گاڑی مالکان نے اپنی گاڑیاں فروخت کی ہوئی ہیں وہ یہ امر یقینی بنائیں کہ انکی فروخت کی ہوئی گاڑیاں خریدار کے نام پر منتقل ہو جائیں، 30 نومبر 2025 کے بعد رجسٹریشن نمبر اور نمبر پلیٹس ایکسائز ریکارڈ میں موجود مالکان کے شناختی کارڈ سے منسلک کر دیئے جائینگے۔نئے قانون کے مطابق گاڑی فروخت کرنے کی صورت میں شناختی کارڈ سے منسلک رجسٹریشن کاپی/سمارٹ کارڈ غیر فعال ہوکر پرانے مالک کے پاس رہینگے، اور یہ نمبر کسی نئی گاڑی پر لگانے کی درخواست محکمہ ایکسائز کو موصول ہونے تک اپنے مالک کے پاس محفوظ رہینگے، نئی گاڑی خریدنے کی صورت میں مالکان اپنی رجسٹریشن نمبر اور نمبر پلیٹس نئی گاڑی پر منتقل کر سکتے ہیں، غیر فعال نمبر کو سالانہ بایومیٹرک تصدیق کے بعد تین سال تک مالک اپنے پاس رکھ سکتا ہے۔ اگر تین سال کی مدت کے دوران نمبر پلیٹ مالک رجسٹریشن نمبر کا اندراج دوسری گاڑی پر نہیں کرتا تو ایسے نمبر منسوخ ہو جائینگے اور مالک کو رجسٹریشن کاپی، سمارٹ کارڈ اور نمبر پلیٹس اصل رجسٹرنگ اتھارٹی کے حوالے کرنا ہوں گی۔
ہدایات برائے گاڑی مالکان:
گاڑی مالکان سے درخواست ہے کہ گاڑی فروخت کی صورت میں فوری طور پر اپنے متعلقہ ایکسائز آفس کو ریکارڈ کی درستگی کیلئے مطلع کریں ،
اپنی گاڑی فوری طور پر اپنے نام پر منتقل/ٹرانسفر کریں تاکہ بعد میں مالی نقصان اور قانونی پیچیدگیوں سے بچا جا سکے۔
