11/05/2026
نوجوان رحمت اللّٰہ، جن کا تعلق ضلع مردان کے علاقے تخت بھائی سے ہے، 9 مئی کو عمران خان کی گرفتاری کے بعد ہونے والے پُرامن احتجاج میں شریک ہوئے، جس کے بعد انہیں گرفتار کر لیا گیا۔ کئی ماہ حراست میں رہنے کے بعد ملٹری کورٹ کی جانب سے انہیں 10 سال قید کی سزا سنائی گئی۔
رحمت اللّٰہ سپیئر پارٹس کا کام کرتے تھے اور اس وقت پشاور سینٹرل جیل میں اپنی سزا کاٹ رہے ہیں۔
ان کی منگنی ہو چکی تھی اور گھر میں شادی کی تیاریاں جاری تھیں، مگر حالات نے ان کے خواب ادھورے چھوڑ دیے۔ ان کی منگیتر آج بھی اس امید کے ساتھ منتظر ہے کہ شاید آج یا کل انہیں رہائی مل جائے اور وہ اپنی نئی زندگی کا آغاز کر سکیں۔
آرمی چیف جہاں دنیا بھر میں امن، استحکام اور صلح کی کوششوں میں اپنا کردار ادا کر رہے ہیں، وہاں ان نوجوانوں کے لیے بھی عام معافی کا اعلان کر دیا جائے تاکہ ان کے خاندانوں میں دوبارہ خوشیاں لوٹ سکیں اور یہ نوجوان اپنی زندگیاں نئے سرے سے شروع کر سکیں۔
پوری قوم رحمت اللّٰہ اور ایسے تمام نوجوانوں کے لیے آسانیاں اور بہتری کی دعا گو ہے۔
