18/10/2025
نیفے میں دوہرا معیار! سی سی ڈی افسران قانون سے بالاتر؟
بس اب یہ بات سب کے سامنے عیاں ہو چکی ہے کہ سی سی ڈی افسران کے لیے قانون کے معیار الگ ہیں — کہاں پستول چلنا ہے اور کہاں صرف ہاتھ ٹوٹنا ہے، اس کا فیصلہ شاید وردی دیکھ کر کیا جاتا ہے۔ نیفے کے واقعے میں جب سی سی ڈی اہلکاروں کو کارروائی کرنا تھی تو وہاں “پستول چلانے سے قاصر” رہے، کیونکہ سامنے “پیٹی بھائی” تھا۔ اگر یہی معاملہ کسی عام شہری یا “بلڈی سولین” کے ساتھ ہوتا تو اب تک پولیس مقابلہ بھی شو کر دیا جاتا اور نیفے میں گولی بھی چل چکی ہوتی۔
دوسری جانب ایک خاتون کے ساتھ نازیبا حرکت کرنے والا پٹرولنگ پولیس اہلکار سوشل میڈیا پر وائرل ویڈیو کے بعد گرفتار کر لیا گیا ہے۔
پولیس حکام کے مطابق، ویڈیو سامنے آتے ہی فوری کارروائی عمل میں لائی گئی، ملزم کو معطل کر کے مقدمہ درج کر لیا گیا۔
دلچسپ بات یہ ہے کہ — یہ کارروائی کسی سرکاری رپورٹ پر نہیں، بلکہ ایک عام شہری کی بنائی ویڈیو پر عمل میں لائی گئی۔
یہ ثابت کرتا ہے کہ جب عوام بولتی ہے، تبھی قانون جاگتا ہے۔
