14/05/2025
याम्बु । तामाङ रिमठिमथोला निर्देशिका छ्योइ देप्पेन तेबा मुला । स्यानह्युल तामाङ परिषद् (आइटिसि)से देप्पेन तेबा निर्देशिका तेरेरे सार्वजनिक लाबा हिन्ना ।
आइटिसिला सन् २००५ रि थुम्बा ङिच्छा जोम्नासे गिक्छा तामाङ रिमठिमला निर्देशिका तेबा मुबा । थेलिच्छा सन् २०१३ रि ताबा सोम्छा थेन २०१८ रि मिरिक जोम्नाग्याम निर्देशिका पारित लाबा मुबा । लिच्छाला सुझावकादेदा काप्सि निर्देशिका तेबा आइटिसिला ग्रेनगाउराइ टासी लामासे पाङ्जि ।
जाम्बुलिङ क्योङ ठाम्सि चिबा तामाङकादेसे तामाङ रिमठिमथोरि जानकारि किन्बा थेन रेदाङसेन तामाङ ठिम तेन्बारि देबाः तानाकि आरेना आताबा निर्देशिका देप्पेन तेबा जानकारी पिन्बान लामासे चु बोरि केवाहेन्से सिबादोनाला ठिम थेन तामाङ गोइलोला मापदण्डहेन्से स्वाँगेला तामकादे डोबारि म्याङ्सेला ग्रा पिन्जि । च्युइसोमसे ब्लि (३४) पृष्ठला चु निर्देशिका तामाङ घेदुङ युकेला ग्रोइपा दावा ग्याम्जो स्याङ्बोसे तेबारि ह्रो लामुबा ।
निर्देशिका तामाङ ग्योइ थेन अंग्रेजी ग्योइरिन तेबा तयारि मुबा ग्रेनगाउराइ लामासे पाङ्जि । चुह्राङ्नोन लासि डिजिटल लिरि तेबा तायरि लाबा आइटिसिसे पाङ्बा मुला । तेबा निर्देशिका थोरि जानकारि पिन्बा थेन सेनागोना लाबारि जाम्बुलिङ क्योङ्ला ह्युलकादेरि काठुइ गेताङ स्हेङ्सेला मुला ।
(छिगला अर्थः स्यानह्युल– अन्तर्राष्ट्रिय, देबाः– सजिलो)
तामाङ डाजाङ क्याम्से
