17/06/2026
🔴⚫️DIPLOMATIE& PSYCHOLOGIE: UKO ABA PERESI BASOMYE TRUMP MU MUTWE
Kuva ejo, turiko turaganira ku ba psychologues babiri binjiye muri equipe consultative mu b**abiro Iran irimwo na USA, hanyuma ibintu birahinduka.https://www.facebook.com/share/p/19DFYY5Ykf/
ni science ikiri nshasha. kera abantu barayikoresha batazi ko ari yo. Ironse izina vuba. Ariko kuva ivutse imaze gushika ku bintu vyinshi. Nk’ubu umwana wawe yama ariko ararya urutoke barazi igituma, wewe uracisesako ivyo kurya kandi ukuze, barazi igituma kandi bogufasha, igihe chérie wawe aguhevye ugahakwa kwiyahura, nibo bagufashije. Erega urya muhungu yiyitirira gukunda abakobwa bose bo muri quartier barazi ivyiwe. Mbere barashobora kumenya igituma inzoga zakugize umuja bakagufasha n’ubwo bagumye bakubwira ko ari ishetani zikurimwo. No muri twa tuntu duto nko kwandika usimbagurika canke udahereye ku murongo birafise ico bisiguye, kurota uguruka navyo nyene biraronka insiguro
nayo nyene ntaho itandukaniye na Psychologie. Aba diplomates beza nka Henry Kissinger, Charles Baranyanka canke Benjamin Franklin wogira ngo bize mu mashure ya Psychologie. Ibihugu vyinshi biritonda bikagira aba diplomates bafise quotient intellectuel & émotionnel ziri hejuru cane cane iyo hageze kugonesya
Kubona Iran yari ikoze ku ba psychologues kwari kugira buzuzanye. Aba diplomates bafise ubumenyi ku bibazo vya politique mpuzamakungu, barafise impano yo kuganira ariko ntibazi ibinyegezwa biri muri kamere y’umuntu, ingene babinyegurura n’ingene bashikiriza ubutumwa umuntu agoye kuyagisha
Ba ba psychologues basanze Trump afise uburyo bubiri wosigura inyifato ziwe: Musome mwitonze muza gusanga 90% ivyo bintu Trump avyujuje
✳️ profil erratique
Umuntu ameze gutyo:
▪️Ahindura ivyiyumviro n’ingingo ata mvo n’imwe iboneka ibimutumye
▪️Ahindura kenshi imigwe n’ibigumbagumba
▪️Afise ikibazo co kuguma mu masezerano canke ngo akurikize ivyo aba yihaye gukora mu kiringo kanaka
▪️Guheba umugambi yatanguye n’uwa mbere atarawumara: Ashobora gutangura umugambi uno musi, mu ndwi iza akawuheba, mu kwezi akawusubirako afise inguvu nyinshi zo kuwusozera
✳️Profil psychopathique
Iyi profil twarayivuze igihe twariko tuvuga kuri Kazungu, wa mu tueur en serie wo mu Rwanda. https://www.facebook.com/100094462363670/posts/160395397119205/?app=fbl
N’ubundi psychopathie isanzwe izwi muri criminologie na psychopathologie. None umuntu afise iyo profil aba ameze gute?
▪️Ibigumbagumba vyiwe biba vyarakonje:
Biramugora kwumvira ikibabarwe abantu bababaye. Umutima ntumwagiriza iyo yagiriye nabi abandi
▪️Uburyarya
Urashobora kumubona yigize umuntu akunda abandi, ababazwa n’ibibashikira, yiyerekana nk’umuntu ari sympathique. Yiyerekana nk’umuntu w’abantu
▪️Manipulateur
Akoresha abandi kugira ngo ashike ku migambi yiwe. Arabesha cane. Yama ashaka kwinjira mu migenderanire n’abantu
▪️Arikunda
Yibona ko arenze abandi. Ashira imbere inyungu ziwe
▪️Ntakunda kwemanga ivyo yononye
Biramugora kwemanga ivyo yononye, yohava yishirako inkurikizi zavyo
‼️Umu psychopathe si ngombwa ngo abe umu tueur en serie nkuko films zikunda kuvyerekana
🔴Umubiri wacu niwo uvuga vyinshi kurusha amajambo
Rondeau igitabu The laws of human nature ( Les lois de la nature humaine) ca Robert Greene. Kubera ari kinini simbira ku kigabane citwa "See through people masks: The role of Role-playing"( Apprendre à voir derrière le masque des gens) muza gusangamwo inkuru ya Milton Erikson, umugabo yavumbuye hypnose, uburyo bwo gusinziriza abantu maze bakakubwira ibibabakiye vyose nabo bakaruhuka
Erikson yafashwe n’ingwara ya Poliomyélite ku myaka 17, umuganga yaraje kumuraba amenyesha nyina ngo:" Umuhungu wawe ejo mu gitondo azoba yapfuye". Aho hose Erikson yaravyumva. Bwarakeye ntiyapfa, ahubwo asaba ikiyo azoza ararabiramwo ko bwije aho yari aryamye ku musego. Yamaze imisi myinshi atikakaza. Bashikiwe bahora baza kumuraba akihweza uko bamuvugisha n’uko isura zabo zimeze akabona ntibihuye. Abantu baje kumuraba yarumva ko ivyo bamubwira bitandukanye n’uko babonekana mu maso, ni uko umubiri wabo wikakaza. Erikson imisi vyose yamaze ku musego yayimaze ata majambo avuga ariko yihweza inyifato z’abantun( bashikiwe cane cane, yarabona ko bihevye ariko bakamwereka ko bari kumwe)
Inyuma y’imisi myinshi ku musego, Erikson yarakize. Ivyo yaboneye mu ngwara nivyo yakoresheje muri cabinet. Akubonye winjira yarashobora kumenya ko uharitse umugabo wawe, canke muriko muravugana yarabona ko uriko urabesha. Yaririnda kubwira abantu ko bishima ariko akaba ari bo ubwabo bavyivugira.
Hariho igisata ca Psychologie ciga uririmi rw’umubiri. Uko umuntu akubita ingohe, uko wicara, uko uduza ijwi canke urimanura. Aba psychologues beza ntibumviriza ivyo ubabwira, baraba uko umubiri wawe witwara uriko urayaga. Barashoboka kumenya ko umuntu arizwa n’ubusa canke n’ukuri.
‼️Mu vyukuri, 70% vy’ivyo dushikiriza uvyerekwa n’umubiri, ibice bisigaye n’ivyo bica ku rurimi ruba mu kanwa. N’ubwo biri uko, aba psychologues ntibaraba mu mutwe canke mu mutima w’umuntu nk’uko benshi bavyiyumvira. Ariko hari aba psychologues bashobora bubona ko ivyo uvuga bihushanye n’ivyo ushikiriza( kuvuga ego n’uririmi ariko umubiri ukavuga oya). Ibi bimenyetso vy’umubiri nivyo aba psychologues ba Iran bakoresheje mu kumenya ico umubiri wa Trump uvuga iyo ariko arashikiriza amajambo
⚫️Abanyepolitique barakenera aba psychologues kugira ngo batsinde amatora
Ego aba psychologues barakenewe ngo bafashe aba politiciens kumenya amajambo bokoresha mu myiyamamazo, uko bokwambara, inyifato bohagarika, izo boshira imbere. Mu bihugu nka France & USA aho usanga abahiganirwa intebe y’umukuru w’igihugu bagira débat, umwe wese usanga afise umu coach. Uwumvise impanuro za coach niwe asohokana amanota meza. Muzobirabe mu mwaka uza muri France
Muri Kenya, muhora mubona uko Ruto yikura mu bibazo vy’aba Gen-Z. Ni kubera basanzwe bamwita Sungura(Bakame) ariko kandi bishobora kuba biva no ku mpanuro z’umu psychologue wiwe
⚫️ Ngibi ibintu biranga umu diplomate mwiza
Ntaca imanza,arumviriza, arazi ibintu vyinshi, ntatwarwa n’ishavu, arihangana, arazi kugenzura ibigumbagumba vyiwe, ashobora kuyaga n’abantu bose, nta kibazo coroshe canke kigoye kibaho, vyose aba ashobora kubiyagako.
Les diplomates sont des psychologues sans diplôme kuko ivyo tuvuze vyose turabisanga no ku mu Psychologue. Nico gituma aba diplomates bakenera umu psychologue yavyize kugira ngo abafashe
‼Ntihagire uwitiranya ivyo bibiri. Kimwe cose gifise intumbero yaco ariko vyose biruzuzanya️
📚Kugirango ngo murahure vyinshi mushobora gusoma ibi bitabu bikurikira :
▪️THE LAWS OF HUMAN NATURE/ ROBERT GREENE
▪️L’ÉLÉGANCE DE LA MANIPULATION/MARWAN MERI
▪️NFLUENCE ET MANIPULATION/ROBERT CIALDINI
Ibindi murabibona muri izo liens twatanze. Abashaka igitabu ca kabiri, mutwandikire kuri [email protected]
Mugire ijoro ryiza
