Abbay_አባይ Media

19/08/2024

22/07/2024

16/11/2023

17/10/2023

Waadaa Keenya ni Haaromsina!
-----------
Biyyi keenya Itoophiyaan humna namaafi qabeenya uumamaa ga’aa ta’e osoo qabduu hanqina sirnoonni darban uumaa turaniifi shira biyyoonni alaa kallattii adda addaatiin raawwataniin qabeenya uumamaa qabdutti sirnaan fayyadamuu dadhabdee deegaafi gadaadoo keessa baroota dheeraaf turtus, dhiibbaa irratti geggeeffamaa ture qolachuun birmadummaa ishee tikfattee as geesseetti.

Birmadummaan dhiigaan argame dafqaan utubuuf kan murteeffatte Itoophiyaan diinashee hangafa hiyyummaa injifachuuf qabeenya uumamaa qabdu misoomsuun sirnaan fayyadamuu murteeffattee gara hojiitti seente. Isaan keessaas ijaarsi pirojektii Hidha Haaromsa Guddichaa akka ijootti eerama. Waggaa 12 dura Bitoottessaa bara 2003tti kan eegalame pirojektichi waggoota shan keessaatti xumuruuf yaadamee waliigalteen dhaabbata ijaarsaa Saliinii waliin kan godhame yoo ta’u, humni jijjiramaan dura aangoo irra ture mootummaa jalatti kan bulu dhaabbanni METEC akka hojicha keessa galu gochuu isaatiin hojimaati badaan diriiree ijaarsi piroojektichaa yeroo itti xumuramuu malurraa waggoota dheeraa duubatti akka harkifatu ta’eera.

Dhaabbanni ijaarsa mootummaa yeroo sanaa METEC jedhamu kunis ijaarsa pirojektii uummataa kana keessa galee saamichiifi qisaasamni maallaqaafi yeroo piroojektii kana irratti akka raawwaatamu taasiseera. Ji’a Bitoottessaa bara 2010 gara aangootti kan dhufe mootummaan humna jijjiramaatiin hoogganamu guyyaadhuma muudama muummicha minsteeraa haasaa paarlamaaf godhameen qisaasama piroojekticharra gaheef tarkaanfii fudhachuun abdii kutannaa uummata keenya biratti uumameef fala akka laatu waadaa galuun hojiitti gale.